Մեկ-մեկ նախարարություններից փաստաթղթեր է գալիս, ուզում ես ասել՝ ո՞ր դասարանի երեխա է գրել. Փաշինյան

Այսօր կառավարության նիստում ՀՀ պետական եկամուտների կոմիտեի 2020-2024 թվականների զարգացման եւ վարչարարության բարելավման ռազմավարական ծրագրի հարցը բուռն քննարկման առիթ դարձավ:

Ռազմավարական ծրագրով ներկայացվում են ՀՀ պետական եկամուտների կոմիտեի զարգացման 5 ռազմավարական նպատակները եւ այդ նպատակների իրագործմանն ուղղված գործողությունները, որոնք ընդգրկում են ՀՀ պետական եկամուտների կոմիտեի առաջիկա 5 տարիների զարգացման ուղղությունները՝ հարկային եւ մաքսային մարմինների կառավարման համակարգերի կատարելագործման, հարկային եւ մաքսային վարչարարության կազմակերպման, ստվերի դեմ պայքարի, ենթակառուցվածքների արդիականացման, հանրության հետ երկխոսության մակարդակի բարելավման, հաշվետվողականության եւ թափանցիկության ապահովման, մարդկային ռեսուրսների կառավարման համակարգի կատարելագործման բնագավառներում:

ՀՀ ֆինանսների նախարար Ատոմ Ջանջուղազյանը երկար քննարկումից հետո առաջարկեց ձեռնպահ մնալ նախագիծն այս ձեւով առաջ տանելուց, հատկապես, որ պարզ չէ, թե ի՞նչ կարիք են բավարարում եւ ինչո՞ւ են երկու անգամից ավելի շատ ծախս անում:

Տեղից արձագանքեց ՊԵԿ նախագահ Դավիթ Անանյանը, սակայն վարչապետը կոչ արեց չվրդովվել:

«Դե, եկեք անօրինական գործողություններով իրավական կոչեր անենք, եկեք բռնության մասին կես ժամ քննարկում ունենանք, բայց փոխարենը ինքներս մեզ թույլ տանք անօրինական գործողություններ իրականացնել, դա կստացվի, ճիշտ ճանապարհին ենք»,- ասաց Ջանջուղազյանը:

Ի պատասխան նախարարի դիտարկման՝ վարչապետն ասաց. «Նախարարություններ կան, որ նույնիսկ ճիպոտով տեղից հնարավոր չի շարժել: Մենք ունենք մեծ նախարարություններ՝ լի պարապ մարդկանցով, որոնց միակ ակնկալիքն այն է, թե երբ է լրանում ժամը, որ գնան տուն: Եվ պետք չէ Հռոմի պապից կաթոլիկ լինել»,- ասաց վարչապետը՝ հավելելով. «Տվյալ դեպքում Հռոմի պապը ես եմ»,- կատակեց վարչապետը:

«Եկեք լուրջ դեմքերով ձեւ չանենք, թե մենք էսօր պետական կառավարման համակարգում ունենք էն պոտենցիալը՝ ռազմավարություններ եւ հայեցակարգեր մշակելու: Մեկ-մեկ նախարարություններից փաստաթղթեր է գալիս՝ ուզում ես ասել՝ ո՞ր դասարանի երեխա է գրել»: 

Փաշինյանի խոսքով՝ այսօր պետական համակարգում աշխատանքի հրավերին կարձագանքեն քիչ թվով մարդիկ, իսկ նրանց մի մասը չի ունենա համապատասխան հմտություններ:

«Չեն ունենա, որովհետեւ մեր դպրոցներում սովորեցնում են բոլորովին ուրիշ բաներ: Դա նրանից է, որ դպրոցներում երեխային կանգնեցնում են տաբուրետկայի վրա, ասում են՝ արտասանի, հետո՝ մի հատ էլ արտասանի, շատ ավելի հայրենասիրական արտասանի, հետո՝ շա՜տ ավելի հայրենասիրական, որ ՀՀ նախագահը, վարչապետը գան, իրենց մասին բանաստեղծություն արտասանես»,- ասաց Նիկոլ Փաշինյանը՝ հավելելով, որ այդ համակարգը ստեղծածներն են, որ հիմա ասում են, թե բուհական համակարգում կիբերնետիկայի ֆակուլտետից ինչպես եք ուզում հանել հայոց լեզուն, պատմությունը:

«Այսօր, ինչ գիտնականի, որ մի տեղ դնում ես, պարզվում ա՝ դիսերտացիայի կեսը կեղծ ա, ու վերջում էլ դու ես մեղավոր դուրս գալիս, ասում ա՝ բոլորինն էլ կեղծ ա, խի՞ եք իմ վրա կենտրոնացել: Էս տարվա տնտեսական ցուցանիշներն ու ամեն ինչն արվում է՝ ի հեճուկս պետական կառավարման համակարգի: Որովհետեւ ամբողջ իրավապահ համակարգին պետք է ժամանակ առ ժամանակ ասես՝ բա ի՞նչ եղավ: Ու պատճառ միշտ էլ կգտնվի, էնօրը ասացի՝ իսկ ինչո՞ւ նրանք սպանեցին արքայազն Համլետին: Որ ուրիշ պատճառ չլինի, այս պատճառը միշտ էլ կա: Փորձաքննությունը, էն մեկը ցուցմունք չի տալիս, էն մեկը փախավ, էն մյուսն ուզումա փախչի: Եկեք արձանագրենք, որ պետական ամբողջ համակարգը դիմադրում է հեղափոխությանը, եւ էդ դիմադրությունը ես ջարդելու եմ: Չկա ուրիշ տարբերակ: Որովհետեւ ՀՀ ժողովուրդը անձամբ ինձ եւ մեր քաղաքական ուժին ձայն է տվել, որ այս երկրում փոփոխություն տեղի ունենա, ոչ թե տարբեր առիթներով անընդհատ պտտվենք-պտտվենք»,- ասաց վարչապետը: 

Տպել
3554 դիտում

Վրաստանում կորոնավիրուսի առաջին դեպքը, «դատարկված» սուպերմարկետներն ու դեղատները

Վիրուսին ձեռ չի տալիս, որ սպանի իր տիրոջը, իրեն ձեռք է տալիս, որ ապրի այդ օրգանիզմում. բժիշկը՝ կորոնավիրուսի մասին

Տավուշի մարզպետարանը եւ Teach For Armenia կրթական հիմնադրամը համագործակցության հուշագիր են ստորագրել

ՀՀ հպարտ քաղաքացու անձնագիր. Նիկոլ Փաշինյանը հրապարակել է «Այո» քարոզչության բուկլետը

Արտաշատի ԲԿ-ում ավելի քան 500 աշխատակիցների աշխատավարձը բարձրացվել է

Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում ձնահոսքի բարձր ռիսկ կա

Գյումրիում կատարված դանակահարությունը բացահայտվել է. 46-ամյա տղամարդուն դանակահարել է 39-ամյա եղբայրը

Արագածոտնի մարզպետը 7 ընտանիքի բնակարանի գնման վկայագրեր է հանձնել

Եվրամիությունն ընդլայնում է Թուրքիայի դեմ պատժամիջոցները

Գյումրի է վերադարձել հետախուզման մեջ գտնվող Վերա Ա.-ն. նա մեղադրվում է ՀՀ ՔՕ 119-րդ (Խոշտանգումը) և 133-րդ հոդվածներով

Սումգայիթի ջարդերի 32-րդ տարելիցն է. ստահոդ քարոզչությունը տարածվում է ռուսական կայքերով

ՃՈ ուժեղացված ծառայություն Երևանում․ պահպանվող հատուկ տարածք է տեղափոխվել 11 մեքենա (տեսանյութ)

Օղակաձեւ զբոսայգում այս տարվա կեսերին հանրային սքեյթ-պարկ կունենանք. Հակոբ Կարապետյան

Երևանի բնակչին մեղադրանք է առաջադրվել՝ փաստաթղթեր կեղծելու և առանձնապես խոշոր չափերով խարդախություն կատարելու համար. ՔԿ

Կորոնավիրուսով է վարակվել Իրանի փոխնախագահը, մահացել՝ նախկին դեսպանը. երկրում 245 դեպք կա

ԿԳՄՍ փոխնախարար Արթուր Մարտիրոսյանն ընդունել է GIZ պատվիրակությանը

Վատիկանում Իրանի նախկին դեսպանը մահացել է կորոնավիրուսից

ՌԴ-ում Հայաստանի դեսպանը դատախազություն է դիմել՝ «Независимая газета»-ին պատասխանատվության ենթարկելու նպատակով

ԱԳՆ-ում կորոնավիրուսի համաճարակի կանխարգելման հարցով հանդիպում է կայացել

ԻԻՀ-ում հաշվառված դատարկ տրանսպորտային միջոցների ելքը պահեստի տարածքից կթույլատրվի բացառապես ՀՀ ՃՈ խմբերի ուղեկցությամբ