Մալյանին աղբարկղը նետելը միջոցառում էր, որի նպատակը հանրային իրազեկումն էր. Դավիթ Պետրոսյան

10/12/2019 schedule20:21

«Մենք բազմիցս նշել եք, որ մեր նպատակը եղել է Նարեկ Մալյանին աղբարկղ նետելը, մենք երբեք հայհոյանքին հայհոյանքով չենք պատասխանել, մենք չենք լեգիտիմացնելու այդ վարքագիծը, չենք գործադրելու ֆիզիկական բռնություն»,- Երեւանի ընդհանուր իրավասության դատարանի բակում այսօր այս մասին հայտարարեց «Ռեստարտ» ուսանողական-քաղաքացիական նախաձեռնության անդամ Դավիթ Պետրոսյանը՝ հավելելով, որ Մալյանին աղբարկղը նետելը միջոցառում էր, որի նպատակը հանրային իրազեկումն էր:

Հիշեցնենք՝ այսօր դատարանում մեկնարկեց եւ կարճ ժամանակ անց հետաձգվեց Նարեկ Մալյանին առեւանգելու փորձի գործով առաջին դատական նիստը:

Նիստից հետո՝ լրագրողների հետ զրույցում, «Ռեստարտ» ուսանողական-քաղաքացիական նախաձեռնության անդամ Դավիթ Պետրոսյանը շեշտեց՝ հեղափոխությունից հետո իրենք հայտարարել են, որ ՀՀ-ում պիտի լինի արժանապատիվ մթնոլորտ, արժանապատիվ քաղաքացիներ, եւ իրենց այս քայլով էլ իրենք բարձրաձայնել են շատ կարեւոր խնդրի մասին. «Այժմ մարդիկ գիտեն, որ համացանցում կարելի է հայհոյել, սադրել եւ դրա համար պատասխանատվության չենթարկվել: Ընդ որում, այդ վարքագիծը չի եղել միայն դեպքից առաջ, եղել է բազմաթիվ անգամներ: Դա պայմանավորված է եղել ՀՀ-ում տեղի ունեցած լուրջ փոփոխություններով՝ թավշյա հեղափոխությամբ, եւ մենք, որպես հեղափոխության ակտիվ մասնակիցներ, ՀՀ քաղաքացիներ, ամեն ինչ անելու ենք, որ ՀՀ-ում լինի արժանապատիվ մթնոլորտ»,-ասաց Պետրոսյանը:

Վերջինս, անդադառնալով գործի նախաքննությանը, նշեց, որ շատ հարցերի պատասխաններ դրանով չեն տրվել: Մեր այն հարցին, թե կոնկրետ ինչ հանգամանքների մասին է խոսքը, Պետրոսյանը պատասխանեց. «Մինչ այժմ բացահայտված չեն այն երկու անձինք, որոնք դեպքի սկսվելու ժամանակ տարածքը տեսանկարահանում էին, միջին տարիքի կին եւ տղամարդ էին, տարածքում կային նաեւ քրեականի առնվազն 5 աշխատակիցներ, որոնք եւս ներգրավված չեն քրեական գործով որպես վկա, եւ շատ կարեւոր է հասկանալ՝ ինչու: Սրանցից բացի, նախաքննության ընթացքում Մալյանը եւ իր որոշ ընկերներ իրենց պահել են ՀՀ շատ օրենքներին եւ սկզբունքներին ոչ հարիր հենց Ոստիկանության շենքի դիմաց, եւ նրանց կարգի հրավիրելու համար քայլեր չեն ձեռնարկվել»:

Դիտարկմանը, թե իրենց կողմից Մալյանին աղբարկղը նետել փորձելու քայլը եւս արժանապատվությունը վիրավորող քայլ չէ՞ր, Պետրոսյանը պատասխանեց. «Այո, հնարավոր է, որ լինեն այդպիսի մտահոգություններ, մարդիկ կարող են օբյեկտիվորեն նման կարծիք ունենալ, մենք լսել ենք շատ քննադատություններ եւ  դրանք ընդունում ենք, բայց պետք է հաշվի առնել նաեւ, որ այս խնդրի մասին մենք մեկ ու կես տարի բարձրաձայնում ենք, իսկ արժանապատվության հետ կապված երեւի նրան է պետք հարցնել՝ վիրավորվել է թե ոչ: Հայհոյանքի համար ՀՀ-ում վարչական տույժ է նախատեսվում, բայց այն հայհոյանքները, որ մեր հասցեին են հնչել, չեն կարող չափվել ոչ մի գումարով, ոչ մի գումար չի կարող փոխհատուցել այն վիրավորանքը, որ հասցվել է մեզ»,-ասաց գործով ամբաստանյալը:

Հարցին, թե ինչ ակնկալիքներ ունեն դատարանից, ինչպես են պաշտպանները գնահատում իրենց շանսերը, «Ռեստարտ» ուսանողական-քաղաքացիական նախաձեռնության անդամը պատասխանեց. «Մեր շանսերի հետ կապված մենք ընդհանրապես մտավախություն չունենք, մեր խիղճը հանգիստ է, մեր արած քայլը արդար է, գուցե օրենքի հետ լինի անհամաձայնություն, դա դատարանը կորոշի, բայց մեր շանսերը միշտ շատ լավն են լինելու, որովհետե մենք ոչ մի հետին միտք չենք ունեցել, եւ հուսով ենք, որ դատական համակարգը նույնպես իրեն բարեխիղճ կպահի»:

Նիստից հետո լրագրողների հետ զրուցեց նաեւ «ՎԵՏՕ» շարժման հիմնադիր, գործով տուժող ճանաչված Նարեկ Մալյանը, որը նշեց, որ իր փաստաբանի ջանքերով ամբողջությամբ ապացուցված է մեղադրանքը. «Չկա մի կտոր, մի հատված, որը բացատրության հավելյալ կարիք է զգում, մեր բախտից՝ տարածքը տեսանկարահանվել է, եւ երեւում է, թե այդ խուլիգանախումբը ինչքան ժամանակ առաջ է եկել, տարածքը դարանակալել: Դրանից հետո արդեն ԶԼՄ-ներով պատմել են, որ այդ ամենը կազմակերպած էր, այսինքն՝ որեւէ նոր բան ապացուցելու հարկ չկա, նրանք էլ ընդունում են արարքը, որ մեղսագրվում է իրենց, բայց գտնում են, որ չպիտի դատվեն, հակառակը՝ պիտի հերոսացվեն, որովետեւ ինչ արել են, արել են հեղափոխության արժեքների պաշտպանության նպատակով: Պարզից էլ պարզ է, որ նրանք վայելում են իշխանության բարձր հովանավարությունը, եւ առ այսօր անպատիժ են, բայց ես ձեզ խոստանում եմ, որ նրանք կստանան իրենց արժանի պատիժը»:

Մալյանի խոսքով՝ եթե դատարանը ենթարվի իշխանական ճնշումների եւ որոշի նրանց ազատ արձակել, այդ դեպքում ոչ մեկին ոչինչ չի խանգարի կրկնել նույն գործողությունը իր տեսակետը չկիսող անձանց նկատմամբ: Դիտարկմանը, թե վարչապետը եւս հայտարարել է, որ ոչ մի քայլ անպատիժ չպիտի մնա, Մալյանն ասաց. «Թույլ տվեք այստեղ համաձայնել վարչապետի հետ, ես էլ եմ այդպես կարծում, ամենակարեւոր կետը այս ամենում պատասխանտվության զգացումն է. մարդը կամ ունենում է պատասխանատվության զգացում, կամ չի ուզում պատասխանատվություն կրել իր արածի համար: Ես կարծում եմ, որ եթե մարդը, այլ ելք չտեսնելով, գնացել է հանցագործության, ապա պետք է պատրաստ լինի օրենքով նախատեսված կարգով պատիժ կրել»:

Հարցին, թե ինչ ակնկալիքներ ունի դատարանից, Մալյանը պատասխանեց, որ իր ակնկալիքները օրենքի շրջանակում են. «Քրեական օրենսգիքը այս արարքի համար նախատեսում է 4-8 տարի ազատազրկում, ըստ այդմ, ինչպես դատարանը կորոշի: Հուսով եմ՝ իրավական դաշտում կլինի պատիժը, այդպես նրանց համար էլ լավ կլինի»:

Մալյանի ներկայացուցիչ Տիգրան Աթանեսյանն էլ ասաց, որ իրենք ակնկալում են արդարացի պատիժ, եւ երբ ժամանակը գա, պահանջելու են իրական ազատազրկում: Հարցին՝ առեւանգման փորձ իսկապե՞ս տեսնում են նշված արարքում, Աթանեսյանը պատախանեց. «Երբ անձին կտրում են իր բնական վիճակից, իր միկրոաշխարհից իր կամքին հակառակ, բռնությամբ տեղափոխում են այլ տեղ, դա արդեն առեւանգում է, եւ փառք Աստծո, որ այդտեղ են գտնվել Ոստիկանության աշխատակիցներ, եւ ամբաստանյալների կամքից անկախ՝ Մալյանին ազատել են այդ ճիրաններից»,-նշեց նա:

 

Միլենա Խաչիկյան

Տպել
3544 դիտում

Հրդեհ է բռնկվել Մատենադարանի հետնամասում

Բյուրեղավանում 18 և 41 տարեկան երկու տղամարդ է դանակահարվել. կա ձերբակալված

Հրդեհի մի օջախը մարված է. Նուբարաշենի աղբավայրում հրդեհաշիջման աշխատանքները շարունակվում են (տեսանյութ)

Աբովյանում վագոն-տնակ է այրվել

Ադրբեջանի հայտարարությունները հուշում են, որ առաջիկայում ևս սահմանին սադրանքների մեծ ռիսկը կպահպանվի. Տիգրան Աբրահամյան

ՀՀ պաշտպանության նախարարը և ԶՈՒ գլխավոր շտաբի պետը մասնակցել են հավաքների ամփոփմանը

Ռազմական օդաչուները թռիչքներ կիրականացնեն Երևանի օդային տարածքում

Ռևանշ, որը մտածելու առիթներ է տալիս. «Արարատ-Արմենիայի» եվրագավաթային «կամպանիան» շարունակվում է

«Մանկան տուն» ՊՈԱԿ-ի երկու աշխատակից ձերբակալվել է սաներին առերեւույթ ծեծի ենթարկելու կասկածանքով. ՔԿ

47-ամյա քաղաքացին ընկել է Վաչագան գետը

Աննա Հակոբյանը Վանաձորում մասնակցել է «Իմ քայլը» հիմնադրամի նախաձեռնած մաքրապատման աշխատանքներին

Հայաստանում մեկնարկում է «Կովկաս-2020» ռազմավարական հրամանատարաշտաբային զորավարժությունները (տեսանյութ)

Պետության և բիզնեսի բարդ երկխոսությունը

Ընկերություն. Աննա Հակոբյանը լուսանկարներ է հրապարակել Գյումրիից

31-ամյա տղամարդը կայանված էվակուատորից գողացել է անվադողեր, մարտկոցներ և 80 լիտր դիզվառելիք

Դիլիջանում 36-ամյա քաղաքացին գլորվել և ընկել է ձորը

Կայացել է քննարկում «Հայաստանի Հանրապետությունում կրթության հեռանկարներն ու հիմնախնդիրները» խորագրով

24 տոննա կարագով բեռնված հայ-իրանական սահմանում այրվող բեռնատարը պատկանում է «Մարիաննա» ՍՊԸ-ին

Հայ-իրանական սահմանի միջպետական նշանակության ավտոճանապարհին ավտոմեքենա է այրվում. ճանապարհը երկկողմանի փակ է

1 աշխատակից ազատվել է աշխատանքից, 4-ին տրվել է գրավոր նկատողություն. Ուռուցքաբանության ազգային կենտրոնի արձագանքը