Կաշառքի գործով Ռազմիկ Աբրահամյանն ընդունեց մեղադրանքը, իսկ Արսեն Դավթյանը` ոչ

Երեւանի ընդհանուր իրավասության դատարանի Շենգավիթի նստավայրում այսօր սկսվեց Առողջապահության նախկին փոխնախարար Արսեն Դավթյանի եւ «Հանրապետական ծննդատան» տնօրեն Ռազմիկ Աբրահամյանի գործով դատաքննությունը:

Արսեն Դավթյանը մեղադրվում է իր պաշտոնեական դիրքն օգտագործելով Ռազմիկ Աբրահամյանից առանձնապես խոշոր չափի կաշառք ստանալու համար: Դեպքի մասին հայտնի դարձավ 2019 թվականի ապրիլի 1-ին, երբ Ազգային անվտանգության ծառայությունը հաղորդագրություն տարածեց՝ նշելով, որ բժշկական հաստատության տնօրենը  (Ռազմիկ Աբրահամյանը,-խմբ.) նպատակ է ունեցել ապահովել առողջապահության նախարարության կողմից բուժհաստատություններին տրամադրվող ֆինանսավորման աշխատանքները համակարգող փոխնախարարի հովանավորչությունը և նրա հետ ձևավորել իր համար բարենպաստ աշխատանքային պայմաններ, ինչի դիմաց փոխնախարարին հենց նրա աշխատասենյակում որպես կաշառք անձամբ տվել է առանձնապես խոշոր չափերով գումար, որի փոխանցումն իրականացվել էր ՀՀ ԱԱԾ աշխատակիցների օպերատիվ վերահսկողության ներքո:

Ռազմիկ Աբրահամյանի նկատմամբ որպես խափանման միջոց է ընտրվել չհեռանալու մասին ստորագրությունը, իսկ Արսեն Դավթյանը մի քանի ամիս կալանքի տակ մնալուց հետո գրավի դիմաց ազատ է արձակվել:

ՆԻտսը սկսվելուն պես նախագահող դատավոր Արտուշ Գաբրիելյանը ամբաստանյալներին պարզաբանեց իրենց իրավունքները, ապա մեղադրող դատախազին առաջարկեց ընթերցել մեղադրական եզրակացությունները:

Ըստ այդմ, Արսեն Դավթյանին մեղադրանք է առաջադրվել այն բանի համար, որ նա, հանդիսանալով պաշտոնատար անձ, ընդունել է Ռազմիկ Աբրահամյանի առաջարկն այն մասին, որ նյութական առավելություն ստանալու դիմաց վերջինիս օգտին իր պաշտոնեական դիրքն օգտագործելով կատարի հովանավորչություն, այն է՝ նպաստել առողջապահության նախարարի հրամաններով իրականացվող իր ղեկավարած կազմակերպության՝ «Վերարտադրողական առողջության պերինատոլոգիայի, մանկաբարձության եւ գինեկոլոգիայի հանրապետական ինստիտուտի»  2019 թվականի պետական ֆինանսավորումը 2018-ի բյուջեի համամատ  հնարավորին քիչ կրճատելուն,  ապա 2019 թվականի ընթացքում ֆինասնավորման չափը ավելացնելուն, գինեկոլոգիական վիրահատությունների համավճարի չափը չնվազեցնելուն: Այս եւ այլ պայմանավորվածություններ իրականացնելու համար Արսեն Դավթյանը 2019 թվականի մարտի 30-ին իր աշխատասենյակում Աբրահամյանից անձամբ ստացել է առանձնապես խոշոր չափի կաշառքի գումար՝ 1 մլն 459 հզ 320 ՀՀ դրամին համարժեք 3000 ԱՄՆ դոլար:

Նույն քրեական գործի շրջանակում Ռազմիկ Աբրահամյանին մեղադրանք է առաջադրվել այն բանի համար, որ նա ՀՀ առողջապահության նախարարության պաշտոնատար անձ հանդիսացող ի պաշտոնե մոր ու մանկան առողջության պահպանման կազմակերպման աշխատանքները և առողջապահական համակարգի` նախարարության միջոցով իրականացվող ֆինանսավորման աշխատանքները համակարգող` ՀՀ առողջապահության նախարարի տեղակալ Արսեն Դավթյանին տվել է առանձնապես խոշոր չափերով կաշառք:

Մեղադրական եզրակացություններից հետո դատավորի հարցին ի պատասխան` ամբաստանյալ Արսեն Դավթյանն ասաց, որ առաջադրված մեղադրանքում իրեն մեղավոր չի ճանաչում:«Այն տեսքով, որով շարադրված է մեղադրանքը, ոչ»,-ասաց նա: Ամբաստանյալ Ռազմիկ Աբրահամյանը, սակայն, հայտարարեց, որ առաջադրված մեղադրանքում իրեն մեղավոր է ճանաչում. «Առաջադրված մեղադրանքը ընդունում եմ՝ որոշ վերապահումներով»,-ասաց նա՝ հավելելով, որ մնացածի վերաբերյալ դիրքորոշում կհայտնի իր պաշտպանը:

Հաջորդիվ սահմանվեց ապացույցների հետազոտման կարգը: Ըստ այդմ, սկզբում կհետազոտվեն գրավոր ապացույցները, փաստաթղթերը, տեսագրությունները, ապա կհարցաքննվեն վկաները եւ վերջում՝ ամբաստանյալները:

Գրավոր ապացույցների հետազոտումը սկսելուց առաջ Ռազմիկ Աբրահամյանի պաշտպան Սամվել Դիլբանդյանը միջնորդեց դատարանին ապացույցների հետազոտումն անցկացնել դռնփակ ընթացակարգով՝ հաշվի առնելով, որ գործի նյութերում առկա են անձնական տվյալ հանդիսացող տեղեկություններ: Իսկ ամբաստանյալ Արսեն Դավթյանի պաշտպան Ալեքսան  Թումասյանն էլ միջնորդեց արգելել տեսանկարահանումը կոնկրետ այս փուլում, երբ պիտի հետազոտվեն ԱԱԾ-ի կողմից օպերատիվ-հետախուզական միջոցառումների արդյունքում ձեռք բերված տեղեկությունները: Մեղադրող դատախազ Արթուր Մանուկյանը վերջինի մասով չառարկեց, բայց առարկեց ապացույցների հետազոտման ողջ ընթացը դռնփակ անելու դեմ: Լսելով կողմերին՝ նախագահող դատավոր Արտուշ Գաբրիելյանը նախ որոշեց միջնորդությունը բավարարել մասնակի՝ արգելելով տեսանկարահանումը, ապա նաեւ՝ ձայնագրությունը: Այսպիսով՝ապացույցները այս փուլում կհետազոտվեն դռնբաց, սակայն լրագրողների համար տեխնիկական խոչընդոտներով:

Ապացույցների մի մասի հետազոտումից հետո նիստը հետաձգվեց մինչև 2020-ի հունվարի 16-ը:

 

 

Տպել
3968 դիտում

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը

Հանրային պաշտպանները 108 միջնորդություն են ներկայացրել. կալանավորված 29 անձի խափանման միջոց արդեն փոխվել է

Գագիկ Սուրենյանը գյուղատնտեսներին խորհուրդ է տալիս բացօթյա սածիլում չկատարել. ցուրտ օդային հոսանքները պահպանվելու են

Քաշաթաղի ինքնամեկուսացված համայնքները առաջիկայում կապահովվեն անհրաժեշտ պարենամթերքով. ԱՀ ԱՆ

Մայիսի 1-ից գազալցակայաններում այլեւս խաղային ավտոմատներ չեն լինի. վարչապետ

Այս օրերին ճիշտ կլինի թուրմերը եւ համեմունքները համադրել․ Դավիթ Պիպոյանի խորհուրդները

Վարչապետ Նիկոլ Փաշինյանը նոր նշանակում է արել

ԱԺ նախկին պատգամավոր Արթուր Գեւորգյանին կալանավորելու որոշում է կայացվել. նա հետախուզվում է

Հայ Առաքելական եկեղեցին նշում է Ավագ հինգշաբթին