Կլինի դատական քննություն, կտեսնենք՝ ինչն է ջուր. Երեւան քաղաքի դատախազը՝ Քոչարյանի մեղադրանքի մասին

«Պաշտպանական կողմի այն պնդումը, թե բուն դատաքննության մեկնարկով իրենք ամբողջովին կջախջախեն մեղադրանքը, որովհետեւ իրենց պնդմամբ՝ այն ամբողջովին ջուր է, իրականությանը չի համապատասխանում»:

Այս մասին այսօր դատավորի ինքնաբացարակի որոշումից հետո լրագրողների հետ զրույցում հայտարարեց Մարտի 1-ի գործով մեղադրող դատախազ Գեւորգ Բաղդասարյանը՝ հավելելով. «Կլինի դատական քննություն, կտեսնենք՝ ինչն է ջուր»:

Անդրադառնալով դատավոր Մխիթար Պապոյանի կողմից այսօր ինքնաբացարկ հայտնելուն՝ Երեւան քաղաքի դատախազ Գեւորգ Բաղդասարյանը հիշեցրեց, որ իրենց ինքնաբացարկի հիմքում դրված է եղել դատավորի անկողմնակալության գնահատման օբյեկտիվ մոտեցումը. «Խոսքը գնում էր այն մասին, որ վարույթի շարունակվելու պարագայում կայացվող դատական ակտը կարող էր չընկալվել որպես օբյեկտիվ որոշում: Մենք չենք փաստարկել, թե իրականում Պապոյանը մասնակցել է Դավիթ Գրիգորյանի որոշման կայացմանը, բայց այդ հանգամանքը ենթակա է քննության, եւ այդ պարագայում Պապոյանը, մեր կարծիքով, չէր կարող քննել սույն գործը, եւ նա կիսեց մեր կարծիքը»:

Հարցին՝ արդյո՞ք դա նշանակում է, որ մյուս երկու դատավորների՝ Ալեքսանդր Ազարյանի եւ Վազգեն Ռշտունու կողմից գործի քննությունը եւս անընդունելի կհամարեն, քանի որ համացանցում տարածված հրապարակման մեջ որպես Դավիթ Գրիգորյանի որոշումը գրած դատավորներ շոշափվում էր նաեւ նրանց անունը, մեղադրող դատախազը պատասխանեց. «Հաղորդումը տվել է Պապոյանը, մնացածը դատավարական երեւույթ է. երբ կմակագրվի, մենք յուրաքանչյուր դեպքում կգնահատենք՝ հնարավոր համարում ենք այդ դատավորի կողմից գործի քննությունը թե ոչ, վստահեցնում եմ, որ համաձայն լինել-չլինելու դեպքում բացառապես դատավարական հիմքեր են լինելու, ինչպես այս դեպքում էր»:

Մեղադրող դատախազի խոսքով՝ ըստ միջազգային չափանիշների՝ նախկինում խափանման միջոցի հարցով վարույթ իրականացրած լինելը ինքնին չի բացառում տվյալ դատավորի կողմից նույն անձի վերաբերյալ նոր միջնորդության քննարկումը: Դիտարկմանը, թե պաշտպանները մտահոգություն էին հայտնում այն մասին, որ գուցե Վերաքննիչ դատարանի բոլոր դատավորների կողմից սույն բողոքի քննության անհնարինություն ստեղծվի, Գեւորգ Բաղդասարյանը պատասխանեց.  «Նախ, նման դեպքերը օրենսդրորեն կարգավորված են. եթե չկա դատավոր, ով կքննի ինչ-որ բողոք, ապա ըստ օրենքի՝ դատավորը, ում մակագրված է, կարող է ինքնաբացարկ չհայտնել, բայց քանի որ ձեր հարցի հիմքում տեսնում եմ այդ սադրանքի մոտեցումը, դա չի կարող լինել, նույնիսկ անտրամաբանական եմ համարում, որ ամիսներ առաջ կազմակերպված հրապարակում լինի, որ ինչ-որ դատավորի մակագրվելու դեպքում ինքնաբացարկի հիմքեր լինեն: Մենք այդպիսի վարքագիծ չունենք, այդպիսի բաներով չենք զբաղվում, որեւէ դատավորի վարույթից հեռացնելու սկզբունքային մոտեցում չունենք, ցանկալի դատավորներ չունենք, յուրաքանչյուր դեպքում, ինչպես պաշտպանության կողմը, քննարկում ենք դատավորի կողմից գործի քննությունը հնարավոր է թե ոչ եւ իրացնում ենք մեր դատավարական լիազորությունները»: Գեւորգ Բաղդասարյանի խոսքով՝ այս դեպքում եղել է կոնկրետ հրապարակում, եւ դրա նախապես պլանավորված լինելու մասին խոսքերը իրենց համար, մեղմ ասած, ընդունելի չեն:

Հարցին՝ մյուս դատավորների կողմից քննությունից խուսափելու հիմքեր ինքը տեսնո՞ւմ է թե ոչ, Բաղդասարյանը պատասխանեց. «Ես չեմ կարող ասել՝ որեւէ դատավոր հիմք ունի խուսափելու թե ոչ, յուրաքնաչյուր դատավոր այդ հարցն ինքը իրեն պիտի տա, ես կարող եմ միայն իմ մասով ասել. ես մասնակցում եմ սույն գործով որպես մեղադրող եւ չեմ խուսափում դրանից, ես առանց մտավախության պաշտպանում եմ մեղադրանքը»,- լրագրողների հետ զրույցում ասաց Երեւան քաղաքի դատախազը:

Հիշեցնենք, որ Գեւորգ Բաղդասարյանը նախորդ նիստին դատավորին ինքնաբացարկի միջնորդություն էր ներկայացրել դատավոր Պապոյանին եւ հղում կատարելով «ժողովուրդ» օրաթերթում եղած հրապարակմանը, հիշեցրել՝ 2019-ի մայիսի 21-ին դատավորի աշխատակազմից հայտնել են, որ Պապոյանը հանցագործության մասին հաղորդում է տվել:

Պատճառն, ըստ հրապարակման, եղել է այն, որ 2019 թվի մայիսի 20-ին, ֆեյսբուքյան օգտատեր Արտակ Գալստյանն իր էջում հետևյալ վերտառությամբ հրապարակում է տեղադրել. «Ովքե՞ր են գրել Ռոբերտ Քոչարյանի ազատ արձակման որոշումը»: Այս հրապարակման մեջ Գալստյանը նշում էր այն մասին, որ Ռոբերտ Քոչարյանին ազատ արձակելու որոշումը գրել են Վերաքննիչ դատարանի երեք դատավորներ, որոնց թվում՝ Մխիթար Պապոյանը: Վերջինս հայտնել է, որ հրապարակումն ամբողջությամբ սուտ է:

Միլենա Խաչիկյան

Տպել
1505 դիտում

«ԳեոՊրոՄայնինգ» ընկերությունը 50 մլն. դրամ սուբսիդավորում կտրամադրի Վարդենիս համայնքի մի շարք ծրագրերի իրակնացմանը

Ucom-ի աշխատակիցը պարգևատրվել է ՀՀ քննչական կոմիտեի «Համագործակցության համար» մեդալով

Վիվա-ՄՏՍ. «Լիցք+». այժմ արդեն մինչև 2000 Դ չափով

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են