Պրեմիերա Օպերային թատրոնում. դահլիճում էին նաեւ զինվորականներ, թատրոն գալու հնարավորությունը ստացել էին որպես խրախուսում

Դեկտեմբերի 5-ի երեկոյան Երեւանի Ալ. Սպենդիարյանի անվան Օպերայի եւ բալետի ազգային ակադեմիական թատրոնի ոչ այնքան լիքը դահլիճում հերթական պրեմիերան էր: Ներկայացվեց Ջ. Վերդիի «Պարահանդես-դիմակահանդես» 3 գործողությամբ hամերգային կատարումը։

Կատարումները կարծես դուր եկան բոլորին, բացառությամբ այնտեղ ներկա զինվորականների։ Միջինից բարձր տարիքի հանդիսատեսը գերազանցում էր ոչ այնքան լիքը դահլիճում: Բոլորին էր կլանել երաժշտությունը՝ համեմված օպերային կատարումներով: Անգամ ուշադրությամբ ու լրջությամբ վայելում էին մեր դիմաց նստած երիտասարդ երկու աղջիկները, որոնց գերնպատակն սկզբում այլ բան էր թվում՝ սելֆի տարբեր ռակուրսներից եւ ուղիղ եթերներ, չնայած որ վերջինս թատրոնում չի թույլատրվում:

Համերգի երկրորդ մասի ավարտին մեր զրուցում մի կին նշեց, որ շատ կցանկանար տեսնել նաեւ բեմականացում: Բոլոր մեր հարցվածներն էին այդ կարծիքին: Իսկ կուլիսային խոսակցություններից պարզ դարձավ, որ ժամանակի սղության պատճառով չեն հասցրել բեմադրություն էլ անել: Պաշտոնական պատասխան ստանալ մեզ չհաջողվեց։

Աչքից չէին վրիպում նաեւ առաջին շարքերում նստած զինվորական համազգեստով մոտ երկու տասնյակ տղաները, որոնց մի մասը նիրհում էր, մի մասը՝ մեկընդմեջ հաղորդակցվում իրար հետ, իսկ ավելի քիչ հատվածը տարված էր երաժշտությամբ: Համերգի ավարտին պարզվեց, որ տղաները Վազգեն Սարգսյան ռազմական ինստիտուտի ուսանողներ են, համերգը, որպես լավագույն դասակի, խրախուսում էր:

Մեր զրույցում 23-ամյա զինվորականներից մեկը դժգոհեց, որ կցանկանար տանը լինել, եւ այդ կարճ ժամանակահատվածն ընտանիքի հետ անցկացներ:

Պարզվեց՝ զինվորականներից ոմանք առաջին անգամ էին օպերային կատարում ունկնդրում, ոմանք էլ երաժիշտներ էին, թերեւս նրանք էին առավել ուշադիր լսողները: Մեր հարցին, թե եթե այլընտրանք ունենային, համերգի կեսից կհեռանային, տղաներից ոմանք պատասխանեցին՝ միանշանակ. այստեղ նրանց պահում էր պատասխանատվությունն ու պարտականությունը:

«Մեզ ավտոբուս է բերել, նշված ժամից շուտ այդ ավտոբուսը չի կարող հեռանալ»- ասաց տղաներից մեկը: Զինվորականներն էլ մեր մնացած հարցվածների նման հավաստիացրին, որ միանշանակ ավելի հետաքրքիր ու հասկանալի կլիներ, եթե կատարումներում բեմականացում լիներ. իտալերեն բառերով ու բավականին բարձրում գրված հայերեն տիտրերով կարդալը տղաներին այնքան էլ դուր չէր եկել, կատակեցին, թե տեղ-տեղ չէին հասցնում հասկանալ ինչ կատարվեց:

«Ամբողջ օրը լարված ենք զորամասում, սա էլ հավելյալ լարվածություն էր, կգերադասեի թեկուզ դասական երաժշտություն վայելել, բայց ոչ այս տարբերակով»- նկատեց նրանցից մեկը:

Իսկ մենք նշենք, որ սա Ջ․ Վերդիի 23-րդ օպերան է, պատկանում է նրա լավագույն ստեղծագործությունների թվին, այսօր էլ հաճախ բեմադրվում է աշխարհի հեղինակավոր օպերային թատրոններում։ Հայաստանի օպերայի եւ բալետի թատրոնում Ջ․ Վերդիի «Պարահանդես-Դիմակահանդես» օպերան վերջին անգամ ներկայացվել է 60 տարի առաջ:

Բեմադրող դիրիժորը Մկրտիչ Բաբաջանյանն է: Այս օպերայի առաջնախաղը կայացել է 1859 թվականի փետրվարի 17-ին Հռոմի «Ապոլլո» թատրոնում։ Օպերայի սյուժեն հիմնված է Շվեդիայի արքա Գուստավ III-րդի սպանության պատմության վրա, սակայն գրաքննության պահանջով ենթարկվել է խիստ փոփոխության։

Երեկվա համերգային կատարման ժամանակ Գուստավ III-րդի դերում ՀՀ վաստակավոր արտիստ Սարգիս Աղամալյանն էր:
Ռենատոնի՝ Առնոլդ Քոչարյանը, Ամելիայի կերպարում Աննա Այվազյանն էր: Մարդիկ հատկապես շատ էին հավանել Ամելիայի դերակատարին: Նրա ամեն մի ելույթից հետո բուռն ծափեր ու բռավոներ էին հնչում:

Համերգը կայացավ թատրոնի մեներգիչների, երգչախմբի եւ սիմֆոնիկ նվագախմբի մասնակցությամբ, գլխավոր խմբավար՝ Հրաչ Բորյան: Ընդգրկված էին նաեւ «Ձայնի պահպանման վոկալ-երգչախմբային մասնագիտական դպրոց»-ի սաները:

Տոմսերի արժեքը սկսվում է 1000-դրամից, առավելագույնը 10.000 դրամ է:

Տպել
558 դիտում

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով

Ոստիկանները գրպանահատներին բերման են ենթարկել ու հայտնաբերել գողացված դրամապանակները. (տեսանյութ)

Ընդդիմախոսներն ասում են՝ սուպերվարչապետություն պետք չէ, բայց թվում է՝ ենթագիտակցորեն դա են ցանկանում. ԿԳՄՍ նախարար

ԲՀԿ-ական նախկին պատգամավոր Արթուր Մանուկյանն առերեսվել է իր և Նարեկ Սարգսյանի դեմ հաղորդում տված Հակոբ Հովհաննիսյանի հետ