Զոռբայությամբ հարցեր լուծելու տրամաբանությունից եկեք դուրս գանք. վարչապետ

Մեր կառավարությունն իր գործունեության ընթացքում բախվում է եւ հանդիպում է, այսպես ասած, սոցիալ-հոգեբանական կամ քաղաքակրթական մի շարք խնդիրների, որոնց մասին ես կուզեի այսօր այստեղ բարձրաձայնել: Այս մասին այսօր՝ Կառավարության նիստի ժամանակ, ասաց վարչապետ Նիկոլ Փաշինյանը:

«Մենք նպատակաուղղված ենք ՀՀ-ում լուծել շատ կոնկրետ շոշափելի եւ տեսանելի խնդիրներ, ու, փառք Աստծո, դա սկսվել է մեզ մոտ ստացվել: Բայց մենք ի՞նչ խնդրի ենք բախվում. երբ որ մի սուբյեկտի, մի խմբի, մի բնակավայրի խնդիրը լուծում ենք, պարտադիր չուզող հարեւանի տրամաբանությամբ ի հայտ է գալիս մեկ այլ բնակավայր, սուբյեկտ, որն ասում է՝ էդ ինչի՞ իր հարցը լուծեցիր, ոչ թե մեր հարցը: Սա իրականում քաղաքակրթական եւ սոցիալ-հոգեբանական խնդիր է, եւ երբեմն տպավորություն է ստացվում, թե ավելի լավ է ոչ մի բան չանել, որպեսզի բոլորը հանգիստ համակերպված հուսահատության հետ, ինչպես ձեզ հայտնի նախորդ շրջանում, իրենց յուղի մեջ տապակվեն: Ընդհանրապես սա լուրջ խնդիր է, որովհետեւ 30 տարի, 5 տարի, 1 տարի կուտակված խնդիրները հնարավոր չէ մեկ գործողությամբ լուծել: Եթե մենք փորձենք 1 գործողությամբ լուծել բոլոր խնդիրները, 100 տոկոս հավանականությամբ մենք մեր երկիրը կկանգնեցնենք կոլապսի եւ ձախողումների առաջ»,- ասաց վարչապետը:

Խոսելով այն մասին, թե ինչու է սա կոչում քաղաքակրթական խնդիր՝ ասաց. «Ես երբ որ մտածում եմ, թե որն է այս երեւույթի հիմքը, այդ մտածումների ընթացքում եկա այն եզրակացության, որ Հայաստանը միշտ էլ առանձնապես ուժեղ չի եղել շատ պրիմիտիվ մի քաղաքակրթական մեխանիզմում՝ հերթ կանգնելու գործում: Որովհետեւ, երբ որ որեւէ տեղ որեւէ ծառայություն առաջարկվել է, բոլորն աշխատել են հնարավորինս շուտ վազել եւ թռնել այդ ծառայություն մատուցողի կոկորդին, որպեսզի նա առաջինը հենց իրենց մատուցի, եւ հնարավորինս այդ հերթի տրամաբանությունը խախտեն: Սա, իսկապես, լուրջ քաղաքակրթական խնդիր է: Ես ուրախ եմ, որ հիմա ՀՀ-ում սկսվել է տարածվել, մասնավորապես բանկային համակարգում, որ այդ հերթը արձանագրող մեքենաներ են տեղադրվել»:

Վարչապետ Նիկոլ Փաշինյանը հայտարարեց, որ չի հասկանում՝ ինչու Հայաստանում շինարարություն անել նշանակում է՝ աղբ տարածել ամենուր:

«Չեմ կարում դա հասկանամ, ընդ որում, պարո՛ն Վերմիշյան, դեռ ամիսներ առաջ հանձնարարություն եմ տվել էս հարցով: Ես չեմ հասկանում, թե համապատասխան տեսչությունն ինչու չի տուգանում էն շինարարներին, որոնք շինարարություն ասելով՝ հասկանում են աղբ կուտակել հնարավորինս լայն շառավիղով»,- ասաց վարչապետը:

Վարչապետը չի հասկանում՝ եթե հիմա կառավարության շենքում տեղի է ունենում վերանորոգման աշխատանք, ինչու պետք է բոլորն աղբի միջով քայլեն, գնան ու գան:

«Չեմ հասկանում, թե ինչու պետք է շինարարությունում աշխատել նշանակի աշխատել տնից վերցված հին շորերով: Էդ մարդիկ համազգեստ պետք է ունենան, էդ նույնն է, թե մենք, երբ գալիս ենք Կառավարության նիստին, տանն ինչ մաշած շոր ունենք՝ հագնենք գանք, ցնցոտիներով նստենք Կառավարության նիստի: Դա մարդու նկատմամբ, միջավայրի նկատմամբ որոշակի վերաբերմունք է, չէ՞: Շինարարական կազմակերպությունները միլիոններ են աշխատում, հիմա էդ միլիոններից դժվա՞ր է մի փոքր հատկացնել ու ամենաէժան համազգեստն առնել բանվորների համար»,- ասաց վարչապետը:

Նիկոլ Փաշինյանն ասաց, որ տեղեկություն ունեն, թե Արծվաշենի բնակիչները պատրաստվում են կառավարության դիմաց բողոքի ակցիա իրականացնել. «Դե յուրե արձանագրված է՝ բոլոր այդ մարդիկ ստորագրել են պարտավորություն, որ պետությունն իրենց նկատմամբ բոլոր պարտավորությունները կատարվել է՝ նոտարով հաստատված: Մենք հանդիպել ենք, ասել ենք՝ ժողովո՛ւրդ ջան, այսպիսի խնդիր կա, ասում են՝ այն ժամանակ իշխանությունը բիրտ է եղել, մեզ պարտադրել է, որ այդ փաստաթուղթն ստորագրել ենք: Շատ լավ, հասկանում ենք: Բայց հիմա ի՞նչն է պատճառը, որ նորից այս դրսեւորումը տեղի է ունենում: Պարզ պատճառ է, որովհետեւ մենք 1.2 մլրդ դրամ հատկացրել ենք՝ փախստականների համար կոնկրետ խնդիրներ լուծելու համար: Բա էդ փախստականները նույնիսկ էդ չեն ստացել: Էս ի՞նչ երեւույթ է, չուզող հարեւանի տրամաբանությամբ ասել՝ ինչի՞ իր հարցը լուծեցիք: Կամ ի՞նչ է ակնկալվում, մեզնից էլ է ակնկալվում, որ բիրտ լինե՞նք: Նեյնիմ–նեյնիմ չենք անելու, լավ հերիք ա, ինչքա՞ն կարելի ա»:

Վարչապետն ասաց, որ նույնն էլ Ամուլսարում ստեղծված իրավիճակի շուրջ է. «Ասում էինք՝ ժողովո՛ւրդ ջան, 5 տարի ձեր աչքի առաջ այդ ամեն ինչը տեղի էր ունենում, ձեր ձայնն ինչո՞ւ չէիք բարձրացնում: Ասում են՝ դե, մեզ կբռնեին, բիրտ էր իշխանությունը: Այսինքն՝ ինչ եք ուզում ասել, որ ՀՀ-ում կարելի է նորմալ հարաբերություն հաստատել մենակ բիրտ ուժի կիրառմա՞մբ: Դա՞ է մեր ուզածը: Եթե մենք հարցեր լուծեինք՝ առաջնորդվելով մեզ տված կաշառքներով, կոռուպցիայով, մեր նեղ քաղաքական կամ անձնային շահերով, մեր հորեղբոր որդիների կամ հորքուրի թոռների նկատմամբ ինչ-որ առանձնահատուկ վերաբերմունքով, այս ամեն ինչը հասկանալի կլինի՞: Մենք չենք վախենալու հարցեր լուծելուց, ինչ է թե, որ խմբի հարցը լուծում ենք, չուզող հարեւանը դուրս է գալու ասի՝ բա ինչո՞ւ մեր հարցը չեք լուծում: Հերթ կանգնեք, ժողովո՛ւրդ ջան, մենք բոլոր հարցերն էլ լուծելու ենք, բոլոր հարցերն էլ քննարկելու ենք: Բայց զոռբայությամբ հարցեր լուծելու տրամաբանությունից եկեք դուրս գանք, որովհետեւ դա ոչ մի տեղ տանող ճանապարհ է»:

Տպել
946 դիտում

«Armenia» ընկերության օդանավով Դոնի Ռոստովից այսօր Հայաստան է վերադառնում 124 քաղաքացի

Սեքսուալ բնույթի բռնի գործողություններ, անձի առեւանգում, ծեծ, շորթում, խարդախություն. ոստիկանության 1-օրյա ամփոփագրերը

Հայաստանի ֆուտբոլի հավաքականն ընկերական խաղ կանցկացնի Քուվեյթի հետ

Մխիթարյանը «Ռոմայում» 22 խաղում 8 գոլ է խփել՝ միջինում ավելի շատ, քան «Արսենալում»

ՀԷՑ-ի տեսուչների կողմից էլեկտրաէներգիայի հավելագրումները եղել են 1-10, երբեմն էլ՝ ավելի քան 200 կՎտ/ժ. ՀԾԿՀ

ֆինանսական ընկերության տնօրենը վեճի ժամանակ գազային ատրճանակով վնասել է 53-ամյա քաղաքացու աչքը. քննություն է տարվում

Իտալիան արգելել է 13 երկրի, այդ թվում՝ ՀՀ քաղաքացիների մուտքը

Հրդեհ Գորիս քաղաքում. այրվել է տան տանիք եւ կենցաղային իրեր

Հայաստանի տարածքում հրդեհավտանգ իրավիճակ է. ԱԻՆ-ը հորդորում է զգոն լինել

Արցախում կորոնավիրուսի 3 դեպք է հաստատվել Ստեփանակերտում, եւս մեկը՝ Մարտակերտում

Նիդերլանդները 200.000 եվրո կհատկացնի Հայաստանին՝ կորոնավիրուսի դեմ պայքարի համար սարքավորումներ գնելու նպատակով

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Խոշոր վթար Ստեփանակերտ-Ասկերան ճանապարհին. 5 տուժածի թվում 13-ամյա երեխա կա (լուսանկարներ)

Արմեն Սարգսյանը հեռախոսազրույց է ունեցել ԲԴԽ նախագահի հետ

557 նոր դեպք և 709 առողջացած. 1 օրում կորոնավիրուսից 11 մարդ է մահացել, եւս 7 մահ է գրանցվել այլ հիվանդությունից

Մահացել է «Առաջատար տեխնոլոգիաների ձեռնարկությունների միության» գործադիր տնօրեն Կարեն Վարդանյանը

ՌԴ-ից ՄԻՊ-ի աջակցությամբ Հայաստան են վերադարձել արտակարգ դրության պատճառով ծնողներից բաժանված երեխաները

Հրազդան գետից դուրս է բերվել ինքնասպանություն գործած 60-ամյա քաղաքացու դին

Վթարի պատճառով 12 ժամ ջուր չի լինելու Էրեբունիում

ԱՄՆ կոնգրեսականը կոչ է արել շարունակել Արցախի ականազերծման ծրագրին հատկացվող ֆինանսավորումը