Մենք տեղեկություն ունենք, որ Իսլամական պետության կազմում են բազմաթիվ Ադրբեջանի քաղաքացիներ. Փաշինյան

ՀՀ Ազգային ժողովում սկսվել է Կառավարության հետ հարցուպատասխանը: Կառավարության անդամներին հարց տալու համար հերթագրվել է 35 պատգամավոր: ԱԺ «Իմ քայլը» խմբակցության պատգամավոր Միքայել Զոլյանի հարցը վերաբերում էր Բիշքեկում ՀԱՊԿ հավաքական անվտանգության խորհրդի նիստի ընթացքում ՀՀ վարչապետի ելույթին: Զոլյանը փորձեց պարզել, թե ի պատասխան վարչապետի ելույթի՝ ինչպիսի՞ արձագանք է եղել ՀԱՊԿ անդամ երկրների ղեկավարների կողմից, արդյո՞ք հույսեր կան, որ ինչ-որ փոփոխություններ կլինեն:

Հիշեցնենք, որ Փաշինյանն այդ ելույթում հայտարարել էր, որ «ՀԱՊԿ-ն ունի անհրաժեշտ միջոցներ Լեռնային Ղարաբաղի շուրջ նոր էսկալացիան կանխելու համար»: Վարչապետի խոսքով՝ հնարավոր էսկալացիան կանխելու համար ՀԱՊԿ երկրները, ելնելով անվտանգության պահպանման շահերից, պետք է թողնեն անպատասխան Ադրբեջանի կողմից նոր զենք ձեռք բերելու դիմումները:

«Կարծում եմ, որ մեր ասելիքը ավելի հասկանալի եւ ըմբռնելի է դառնում մեր գործընկերների համար, եւ վերջին շրջանում այդ թեմայով հնչած հրապարակային հայտարարությունները գալիս են դա հիմնավորելու: Այնուամենայնիվ, գիտեք, մենք բոլոր հարթակներում պետք է հետեւողականորեն պաշտպանենք մեր ազգային շահերը, ազգային հետաքրքրությունները, առավել եւս մեր ազգային անվտանգությանը վերաբերող համատեքստում: Եվ մենք ընդամենը շարունակում ենք արձանագրել, որ ՀԱՊԿ-ն անվտանգության այն համակարգն է, որում ընդգրկված է Հայաստանի Հանրապետությունը, եւ եթե ուշադրություն եք դարձրել՝ Բիշքեկում ես հարցը առաջադրեցի բոլորովին ուրիշ կոնտեքստում՝ ասելով, որ վստահ եմ որ ՀԱՊԿ-ն ունի բոլոր լծակները մեր տարածաշրջանում, մասնավորապես Լեռնային Ղարաբաղի հակամարտության գոտում նոր էսկալացիա թույլ չտալու համար: Բայց ես ցույց տվեցի, որ տվյալ դեպքում խոսքը ոչ միայն Հայաստանի անվտանգության մասին է, այլ Հավաքական անվտանգության պայմանագրի երկրների, եւ, մեծ հաշվով, ընդհանրապես տարածաշրջանի համար»,- ի պատասխան Զոլյանի հարցի՝ պատասխանեց ՀՀ վարչապետ Նիկոլ Փաշինյանը:

Ըստ նրա՝ եթե Լեռնային Ղարաբաղի հակամարտության գոտում մենք ունենանք նոր ռազմական էսկալացիա՝ այդ վիճակում գտնվող Ադրբեջանը շատ լավ հենակետ կարող է դառնալ Սիրիայում իրենց հենարանը կորցնող իսլամական ահաբեկիչների համար:

«Ուզում եմ ձեզ տեղեկացնել, որ մենք տեղեկություն ունենք, որ Իսլամական պետության կազմում են բազմաթիվ Ադրբեջանի քաղաքացիներ, եւ եթե սխալ քաղաքականության արդյունքում նրանց հաջողվի Ադրբեջանում որոշակի հենակետ ունենալ կամ ընդլայնել իրենց հենակետը՝ Ադրբեջանը աշխարհագրորեն շատ հարմար է նրանց համար գործելու դեպի հյուսիս, գործելու դեպի արեւելք, գործելու դեպի հարավ, գործելու դեպի արեւմուտք, որտեղ նրանք, իրենց պատկերացմամբ, կարող են ունենալ որոշակի նպաստավոր միջավայր: Իսկ այդ ուղղություններից առնվազն երկուսում ՀԱՊԿ երկրներ են, եւ ես ասացի, որ ոչ միայն Հայաստանի, այլեւ սեփական անվտանգության նկատառումներից ելնելով՝ մեր գործընկերները այդ հարցը պետք է լրջորեն դիտարկեն»,- նկատեց Փաշինյանը:

Զոլյանը այնուհետեւ հետաքրքրվեց, թե վարչապետն ինչպես է գնահատում ԼՂ հակամարտության կարգավորման ներկա փուլը՝ հաշվի առնելով, որ վարչապետի Արցախ այցը համընկավ ՌԴ արտգործնախարար Սերգեյ Լավրովի՝ Բաքու այցին, ինչը շահարկումների առիթ տվեց. «Ռուսաստանի արտգործնախարարի այցը վաղուց պլանավորված այց էր, եւ օրը հայտնի էր: Օրը հայտնի էր շատ ավելի առաջ, այսինքն՝ ես եւ Արցախի նախագահն ենք որոշել օրը, թե երբ պետք է մեկնենք: Իմիջիայլոց, իմ այցը նույնպես շատ վաղուց էր որոշված, եւ ոչ ամենեւին այդ օրը, եւ անընդհատ տեղի չէր ունենում տարբեր պատճառներով, հիմնականում եղանակի պատճառով, որովհետեւ ես ուզում էի ժամանակը արդյունավետ օգտագործել եւ ուղղաթիռով մեկնել, որ նաեւ հայաստանյան գործերից հետ չմնանք: Բայց էնպես ստացվեց, որ ամեն պլանավորված օր եղանակը խանգարում էր, արդյունքում ավելի լավ եղավ՝ Արցախում մնացի երկու օր, եւ դա որեւէ կապ չուներ Լավրովի այցի հետ, եւ Լավրովի այցն էլ, բնականաբար, որեւէ կապ չէր կարող ունենալ Արցախ կատարած իմ այցի հետ»,- հայտարարեց Փաշինյանը՝ հավելելով, որ առաջին անգամ է լսում, որ շահարկումներ են եղել, եւ ցավալի է, որ այդ մակարդակի բաներ են ասվում:

Տպել
1970 դիտում

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան