Մինչեւ նախարար նշանակվելը արդեն լավ չէր քնում. Արայիկ Հարությունյանն ասել է, թե ինչու չհանդիպեց ցուցարար երիտասարդներին

Կրթության, գիտության, մշակույթի եւ սպորտի նախարար Արայիկ Հարությունյանը բա՞ց, թե՞ փակ է քննարկումների համար: Այս հարցը սկսեց հատկապես շրջանառվել երեկ՝ ԿԳՄՍ նախարարության շենքի առաջ ոստիկանների եւ ՀՅԴ Հայաստանի երիտասարդական միության անդամների միջեւ տեղի ունեցած բախումից հետո: Հասարակությանը սկսեց հետաքրքրել մի հարց՝ ինչո՞ւ նախարարը չիջավ հանդիպման:

Այս առիթը այսօր կարծես ընձեռվել էր բոլոր շահագրգիռ մարդկանց համար. ԿԳՄՍ նախարարությունում քննարկվում էր «Բարձրագույն կրթության եւ գիտության» մասին օրենքի նախագիծը, որտեղ ցանկացողները կարող էին մասնակցել եւ իրենց առաջարկությունները, հարցերն ուղղել նախարարին: Հանդիպմանը ներկա էր նաեւ ՀՅԴ ՀԵՄ ներկայացուցիչ Քրիստինե Վարդանյանը, որը դեռեւս օրեր առաջ էր գրանցվել քննարկմանը: Նախարարությունում տեղյակ էին, որ տվյալ կազմակերպությունից ներկայացուցիչ է ներկա լինելու:

Ինչի՞ համար էր հանդիպում պահանջում ՀՅԴ ՀԵՄ-ը, ժետոնի՞

Հանդիպման ընթացքում Քրիստինե Վարդանյանը հարց ուղղելու հնարավորություն ստացավ, սակայն Արայիկ Հարությունյանի պատասխանն իրեն կարծես թե չհետաքրքրեց, ՀՅԴ ՀԵՄ անդամը հարցը տվեց, այնուհետեւ ժետոն եւ նամակ հանձնեց նախարարին եւ դուրս եկավ՝ չլսելով նրա մեկնաբանությունը: Իր պահվածքը Վարդանյանը պարզաբանեց այսպես. չի ցանկանում, որ լեզվակռիվ լինի, ավելի լավ է նախարարին դրսում ուղիղ եթերի միջոցով լսի կամ ընդհանրապես իր կողմից հնչած հարցերը կարող են անպատասխան մնալ:

Հիշեցնենք, որ նույն կազմակերպության անդամները նախարարին փորձել էին ժետոն փոխանցել նաեւ շաբաթներ առաջ, այս անգամ ՀՀ վարչապետ Նիկոլ Փաշինյանի միջոցով, առաջարկում էին, որ Արայիկ Հարությունյանը դուրս գա ԿԳՄՍ-ի պատերից, մետրո նստի ու տեսնի, թե իրականում մարդիկ ինչ են մտածում իր մասին: Իսկ Քրիստինե Վարդանյանի նամակի մեջ նախարարին առաջարկվող հրաժարականի դիմումն էր, երիտասարդները դեռ երեկ լրագրողներին ներկայացրել էին, թե հրաժարականի ինչպիսի տեքստ են ակնկալում լսել Արայիկ Հարությունյանից:

Քրիստինե Վարդանյանի հարցերը հնչեցին, որոնց այնուամենայնիվ, տրվեցին պատասխաններ, թեեւ հեղինակն այլեւս ներսում չէր: Նախարարին ուղղված առաջին հարցն այն մասին էր, թե ինչու է վերոնշյալ նախագծում գրված, որ օրենքով չի կարգավորվելու, թե բուհերում ինչ ենք անցնելու, եթե հարցը մեր առաջնահերթություններին է վերաբերում:

«Հայոց լեզուն որպես ակադեմիական եւ գիտական լեզու պե՞տք է լինի, թե չպետք է: Եթե պետք է, ապա սրա ապահովողն ո՞վ պետք է լինի: Արդյոք ԿԳՄՍ-ն իր լծակներով չպիտի հետամուտ լինի հարցի լուծմանը»,- հարցրեց Քրիստինե Վարդանյանը՝ հավելելով, որ այսօր խնդիր կա, երբ ֆիզիկոսն իր առարկան չի ուսումնասիրում հայերեն գրականությամբ: Միգուցե այս բացը լրացվի բուհերում առարկայի պարտադիր դասավանդմամբ:

ՀՅԴ ՀԵՄ անդամին հետաքրքրեց նաեւ թե ի՞նչ մեխանիզմով բուհ ընդունվելիս այլեւս կրկնուսույցի կարիք չի լինի:

Մյուս հարցը կոնկրետ նախարարին էր վերաբերում. ի՞նչ է արել հայոց լեզվի եւ հայ գրականության համար իր պաշտոնավարման 1.5 տարվա ընթացքում, թե՞ բան չկար անելու:

Վարդանյանն իր խոսքն ավարտեց հետեւյալ հայտարարությամբ եւ դուրս եկավ՝ հույս ունեմ, որ դուք երեկ հանգիստ քնել եք, այսպիսի հանդիպում կազմակերպելու եւ մեր օրակարգի բոլոր հարցերը քննարկելու պահանջի համար 24 ուսանողներ եւ քաղաքացիներ հայտնվեցին ոստիկանության բաժնում:

Մինչեւ նախարար նշանակվելը, արդեն լավ չէր քնում

Քրիստինե Վարդանյանի հեռանալուց հետո ամեն դեպքում անդրադառնալով այն հարցին, որ կտրվել է իրականությունից՝ նախարարն արձագանքեց. օրական առնվազն 1-2 ժամ իրեն կարելի է տեսնել քաղաքի կենտրոնում՝ զբոսնելիս: Ինչ վերաբերում է քնելուն. «ճիշտն ասած մինչեւ նախարար նշանակվելը նույնպես լավ չէի քնում, որովհետեւ այն խայտառակ ժառանգությունը, որ կա պետությունում, հանգիստ չէր տալիս, առավել եւս նախարար նշանակվելուց հետո՝ այդ քունը եւ հանգիստը առավել խանգարվել են, որովհետեւ ծանոթացա այդ օրիորդի ներկայացրած կուսակցության թողած ժառանգությանը»,- նշեց նախարարը՝ հավելելով, որ քունն առաջիկա տարիներին հանգիստ չի լինելու, իսկ երեկվանից հետո այն այլ դրսեւորում չի ունեցել:

Նախարարը նշեց, որ իրենց բարձրացրած հարցերին բազմիցս է անդրադարձել, այսօր ԿԳՄՍ-ն ծրագրեր է իրականացում, որոնք թույլ են տալու՝ հայերենը զարգացնել հենց ակադեմիական մակարդակում: Օրինակներից մեկը մասնագիտական բառապաշարին է վերաբերում: Լեզվի կոմիտեն շաբաթներ առաջ մի հարթակի որոշում է ներկայացրել ՀՀ կառավարություն, որը նախարարությունն ընդունել է: Այնտեղ տերմինաբանական բառարաններ են ստեղծում:

Ավագ դպրոցներում եւս փոփոխություններ են սպասվում: Բարեփոխումներից մեկը վերաբերում է կրկնուսույցների վերացմանը, աշակերտները ուսումնառության տարիներին միավորներ են հավաքելու եւ դրանցով կարողանալու են բուհ ընդունվել:

1.5 տարվա արդյունքում կատարված աշխատանքները շատ են, նախարարի խոսքով՝ հայագիտության, մասնավորապես դրսում հետազոտություններին 2 անգամ ավելի միջոցներ են հատկացվել պետական բյուջեից: «Մենք աշխատում ենք նաեւ դրսում գործող հայագիտական կենտրոնների հետ, նրանց հետ, որոնք փակվել են նախկինում, որովհետեւ պետությունը ֆինանսական օգնություն չի տվել»,- նշեց Արայիկ Հարությունյանը՝ հավելելով, որ նախարարությունն այժմ քննարկում է այդ կառույցներին լրացուցիչ ֆինանսավորման տրամադրման եւ վերաբացման հարցը:

Ամբողջությամբ պատասխանե՞ց արդյոք օրիորդի բոլոր հարցերին, նախարարի այս հարցն օդում կախված մնաց. հեղինակը տեղում չէր:

Որոշակի քաղաքական ուժի վերակենդանացման փորձե՞ր

Թե ինչու, այնուամենայնիվ, երեկ տեղի չունեցավ հանդիպում, նախարարը քննարկումից հետո խոսեց այդ մասին. իրենք ունեին տեղեկատվություն, որ նման մի բան պետք է տեղի ունենար այդ հանդիպման ժամանակ, այդ պատճառով նրանց հրավիրել էին՝ այլ հարթակներում քննարկում իրականացնելու, այդ հարթակներից մեկն էլ այսօրվա քննարկումն էր, որին օրեր առաջ ՀՅԴ ՀԵՄ անդամն արդեն գրանցվել էր:

Եթե քննարկմանը կարող էին մասնակցել, ապա ինչու տեղի ունեցավ երեկվա բախումը, նախարարը նշեց. «Որոշակի քաղաքական ուժի վերակենդանացման փորձեր են: Այսօր ՀՅԴ կառույցի ներկայացուցչի պահվածքը ցույց տվեց, որ իրենց համար այնքան հետաքրքիր չեն քննարկումները, որքան այն պահվածքը, որ կար եւ քաղաքական որոշակի շահարկումներ»,- նշեց նախարարը ՝ հավելելով, որ հրաժարականի օրակարգ չկա:

Արայիկ Հարությունյանն իր խոսքում հավելեց, որ բազմաթիվ այլ հանդիպումներ են սպասում նաեւ ուսանողների հետ, սակայն այն հարցին, որ Երեւանի պետական համալսարանի ուսանողները նրան սպասում են միայն Մայր բուհի տարածքում, բաց քննարկման ժամանակ, նախարարը նշեց, որ այստեղ էլ իրենք բաց քննարկում են իրականացնում, որտեղ ներկա են ե՛ւ լրագրողներ, ե՛ւ շահագրգիռ կողմեր, սա կեղծ օրակարգ է:

Արդյոք երեկ տեղի ունեցած բախման ժամանակ, ոստիկանների գործողությունները համաչափ էին, Արայիկ Հարությունյանը դրական պատասխան տվեց, իր ունեցած տեղեկություններով այդպես է եղել,  մնացած պատասխանը կտան համապատասխան մարմինները՝ ըստ բողոքների:

Ինչ վերաբերում է մետրոյով շրջելուն, նախարարն անկեղծացավ. միշտ է շրջում, հատկապես շաբաթ-կիրակի օրերին նաեւ քաղաքային տրանսպորտից է օգտվում:

Անի Ավագյան

Տպել
2487 դիտում

Եթե չենք ուզում գնալ հարաբերությունների կարգավորման, այլընտրանքը պատերազմն է. քաղաքագետը՝ բրյուսելյան հանդիպման մասին

ԵԱՀԿ-ն ողջունել է Նիկոլ Փաշինյան-Ալիև-Շառլ Միշել հանդիպումը

Նախատեսվում է Հայաստան-Չինաստան ուղիղ չվերթներ գործարկել. Արագածոտնի մարզ է այցելել Չինաստանի դեսպանը

Վստահ եմ, որ նույն ոգևորությամբ կծառայեք հայրենիքին. ՇՊՀ ռազմական ամբիոնի աղջիկ շրջանավարտները սպայական կոչում են ստացել

Ոստիկանությունը ցուցարարներին կոչ է անում ձեռնպահ մնալ մետրոպոլիտենի աշխատանքը խափանելու փորձերից

Գյումրիում 13-ամյա երեխա է վրաերթի ենթարկվել. տղան ռեանիմոբիլով տեղափոխվել է Երևան

QR կոդի տեղադրում հանգուցյալի գերեզմանաքարին, հիշատակի էջ՝ նրա կյանքի մասին. ՀՀ-ում կգործի նոր ծառայություն (լուսանկար)

Հայաստանը հաղթանակով է մեկնարկել Երևանում ընթացող Եվրոպայի մեծահասակների առաջնությունում

Էջմիածնի փողոցներից մեկում արկ է հայտնաբերվել

Հաստատվել է հայ-ադրբեջանական սահմանի սահմանազատման և սահմանային անվտանգության հարցերով հանձնաժողովի կազմը

Կապիկի ծաղիկը հիմնականում գրանցվել է ոչ ավանդական սեռական կողմնորոշում ունեցող մարդկանց շրջանում. ՀՀ-ում դեռևս չկա

Հայաստանի և Ֆիլիպինների ԱԳՆ-ները շնորհավորական ուղերձներ են փոխանակել

Ինչ ունեցվածք են հայտարարագրել ընդդիմադիր պատգամավոր Վահե Հակոբյանը և նրա կինը՝ Էլիզաբեթ Պետրոսյանը

Գործող հակաժողովրդավար ընդդիմությունը փորձում է կասեցնել Հայաստանի՝ տարածաշրջանային գործոն դառնալու գործընթացը. Թորոսյան

Քարաթափում Աթենքի փողոցում

Անընդհատ զգուշացնում եմ՝ տնակ չգնեն, քանդելու ենք. Գյումրու Մսի կոմբինատում սոցիալական բնակարաններ կկառուցվեն. Սամսոնյան

Որոշել եմ հրաժարվել պատգամավորական մանդատից, աշխատանքս շարունակել Շենգավիթ վարչական շրջանի ղեկավարի պաշտոնում. Մկրտչյան

Շրջանների զգալի մասում սպասվում է անձրև. առաջիկա օրերի եղանակային կանխատեսումը

Երեք օրում բացահայտվել է 112 հանցագործություն. հայտնաբերվել են 1 անհետ կորած, 11 հետախուզվող

Ընդդիմության հավաքի ընթացքում խուլիգանություն կատարելու գործով մեկ անձ ձերբակալվել է, ևս մեկին մեղադրանք է առաջադրվել

ՊԱՀՀ-ում մեկնարկել է գերատեսչական ակադեմիական վերապատրաստման դասընթացի հինգերորդ հոսքը

ՀՀ ԱԳ նախարար Արարատ Միրզոյանը հեռախոսազրույց է ունեցել ՌԴ ԱԳ նախարար Սերգեյ Լավրովի հետ

Դոլարի փոխարժեքը շարունակում է նվազել. ՀՀ կենտրոնական բանկը հրապարակել է նոր փոխարժեքներ

Լեհաստանը վաղաժամկետ կխզի ռուսական գազի մատակարարման համաձայնագիրը

Ուժեղ քամին վնասներ է հասցրել Երեւանի տարբեր հատվածներում

72.5% հարկային եկամուտների աճ է գրանցվել նախահեղափոխական ժամանակահատվածի համեմատ. Պապոյան

ՀՀ ԱԺ պատգամավոր Անուշ Բեղլոյանը հրաժարականի դիմում է ներկայացրել

Ընդդիմությունն այսօր հանրահավաք չի անցկացնի. վերջիններս այս շաբաթ հավաքները կմեկնարկեն այլ վայրերից

Հրդեհ Մալաթիայի փողոցի տներից մեկի տանիքում

Ծառից կախված վիճակում հայտնաբերված 10-ամյա տղայի մահվան դեպքի առթիվ քրեական գործ է հարուցվել. ՔԿ

Ջուլիետա Ազարյանը նշանակվել է Ավան վարչական շրջանի ղեկավարի տեղակալ

Մհեր Գրիգորյանն ու Անջեյ Կասպրշիկը քննարկել են տարածաշրջանի տրանսպորտային ապաշրջափակման ուղղությամբ տարվող աշխատանքները

Անցկացվել են գործնական պարապմունքներ Երևանի փրկարարական վարչության ստորաբաժանումներում

Աղվան Հովսեփյանի կալանավորումն անփոփոխ թողնելու որոշման դեմ վերաքննիչ բողոք է ներկայացվել

Գյումրիում կասեցվել է կրեմային հրուշակեղենի արտադրամասի գործունեությունը

Երևանում հաստաբուն բարդին տապալվել է՝ վնասելով մի քանի ավտոմեքենա

«ԱՐՄԵՆԻԱ»-ի տերերը առիթը բաց չէին թողնում՝ ազգային աղետների լուծման գործընթացում կոռուպցիոն բուրգեր ստեղծելու. Թորոսյան

Վահրամ Դումանյանը շնորհավորական ուղերձ է հղել կոմպոզիտոր, ՀՀ արվեստի վաստակավոր գործիչ Արամ Սաթյանի ծննդյան առթիվ

Դատապարտյալի համար բերված կոնֆետներում կասկածելի զանգված է հայտնաբերվել

Վարչապետը շնորհավորական ուղերձ է հղել կոմպոզիտոր Արամ Սաթյանի ծննդյան 75-ամյակի առիթով