Վանաձորի «Ավտոգեն-Մ» գործարանի աշխատակիցները բողոքի ցույց են արել. չվճարված աշխատավարձերն են պահանջում

Լոռու մարզպետարանի շենքի դիմաց այսօր բողոքի ցույց են իրականացրել Վանաձորի «Ավտոգեն-Մ» գործարանի աշխատակիցները: Նրանք գործարանից պահանջում են 2014 թվականին իրենց չվճարված 4 ամսվա եւ 2019 թվականի օգոստոս-նոյեմբեր ամիսների աշխատավարձերը: Աշխատակիցների խոսքով՝ իրենք աշխատել են, արտադրանքը՝ իրացվել, սակայն մինչեւ այս պահը նշված ամիսների աշխատավարձը չեն ստացել: Իսկ թե երբ են վճարվելու, ոչինչ չգիտեն:

Դատարան դիմել չեն պատրաստվում, թեպետ բոլոր հիմքերը կան: Աշխատանքային պայմանագրում անգամ նշված է՝ աշխատավարձը ուշացնելու դեպքում տույժ-տուգանքներ պետք է վճարվեն: Աշխատակիցները, սակայն, գործարանին վնասել չեն ուզում, միայն իրենց աշխատած գումարները:

«Մեր արտադրած աշխատանքի վարձն ենք ուզում, արդեն 5-րդ տարին ա, պատճառաբանում են, թե Ուկրաինայի ճգնաժամն է պատճառը, գունավոր մետաղների գների անկումն ու ռուբլու արժեզրկումը, ու այդ պատճառով է իբր, որ գործարանը ֆինանսական խնդիրների առաջ է կանգնել»,- ՀԺ-ի հետ զրույցում ասաց գործարանի խառատ-հաստոցավար աշխատակից Համլետ Խոշաբյանը, որին գործարանը պարտք է 2014 թ.-ի սեպտեմբեր-դեկտեմբեր ամիսների աշխատավարձ՝ մոտ 300 հազար դրամ. «Տնտեսական ճգնաժամն են պատճառ բերում, մենակ դա են ասում»:

Աշխատակիցները դեռ նոյեմբերի 14-ին են հանդիպել ընկերության սեփականատիրոջ հետ, նրանց հայտնել են, թե նոր ներդրողներ կան, եւ որ խոստացել են գործարանի պարտքերը վճարել նոյեմբերի վերջին ու հունվարի 1-ից հետո նորից աշխատել. «Էկավ նոյեմբերի 30-ը, աշխատավարձ չստացանք, նորից դիմեցինք, պարզվեց՝ ներդրողները հրաժարվել են ներդրումներ անել: Սա մեր վերջին քայլն է, եթե սա չօգնի, դատարան ենք տալու»,- ասաց աշխատակիցն ու հավելեց. «17 թ.-ին կայացած ընտրություններից առաջ իրենք խոստացան, որ ՀՀԿ-ին ընտրելու դեպքում քայլեր կձեռնարկեն, որ մեր աշխատավարձերը վճարեն: Ընտրությունները էկան-անցան, բայց մեր հարցը էլի չլուծվեց: 5 տարի ա՝ մենք խաբված ենք, էսպես խաբելով՝ 5 տարի տարան-բերին»:

Աշխատակիցների խոսքով՝ գործարանը շուրջ 120 աշխատակից ունի. «Գործարանը չի հրաժարվում, որ մեզ հին ու նոր պարտքեր ունի, բայց ամեն օր էսօր էգուց է անում: Մինչեւ այսօր 2014 թ.-ի չվճարված աշխատավարձերի պարտքերից վճարել են միայն նրանց, ովքեր կա՛մ հիվանդանոց են ընկել, կա՛մ մահ են ունեցել»:

Աշխատակիցները դատարան դիմելու ճանապարհը լավ գիտեն, սակայն, ինչպես իրենք են նշում, նախ՝ գումար չունեն, եւ հետո՝ իրենց ցանկությունը գործարանը սնանկացման տանելը չէ:

Մարզպետարանի բակում հավաքված աշխատակիցներից մի քանիսին ընդունել է Լոռու մարզպետ Անդրեյ Ղուկասյանը: Աշխատակիցները հայտնեցին, որ մարզպետը կապ է հաստատել գործարանի ղեկավարության հետ, որտեղից մարզպետին հայտնել են, որ աշխատակիցները մինչեւ դեկտեմբերի 13-ը գան աշխատանքի, եւ այս ընթացքում այս տարվա աշխատավարձերի պարտքերը կվճարվեն. «Մարզպետի խոսքը հարգելով՝ կգնանք, մինչեւ 13-ը կաշխատենք, տեսնենք՝ ինչ կլինի, բայց այ 2014-ի պարտքերի մասով որեւէ նորություն այսպես էլ չկա»,- հայտնեցին աշխատակիցները:

ՀԺ-ն այցելեց նաեւ «Ավտոգեն-Մ» գործարան, անցակետի աշխատակիցը փոխանցեց, որ ղեկավարությունից որեւէ մեկը տեղում չէ, հեռախոսահամար եւս չփոխանցեցին:

Տպել
794 դիտում

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում, առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը

Yandex.Taxi-ն կորոնավիրուսից տուժած վարորդներին աջակցություն ցուցաբերելու համար հիմնադրամ է գործարկում

Գործարկվել է սոցիալական աջակցության www.online.ssa.am կայքը. աջակցությունը պետք է ստանալ բանկից

Ջերմորեն շնորհավորում եմ բոլոր մայրերին եւ մայրության բերկրանքին սպասող մեր քույրերին. Մարության

Այսուհետ կգործեն ՌԴ-ում ՀՀ դեսպանությանը կից մաքսային կցորդի հետ հետադարձ կապի միջոցներ

Երևանի Թումանյանի այգու մոտակա ձորակն ընկած քաղաքացուն հոսպիտալացրել են

ՀԿԵ-ն հայտնում է երկաթուղային ճանապարհով ներկրման անկման մասին

1400 մահճակալ ունենք կորոնավիրուսի համար, բայց դրանց կեսն է զբաղված․ Նիկոլ Փաշինյան

Առողջության համաշխարհային օրն է. ԱՀԿ-ն առաջարկում է գտնել մեկ րոպե, շնորհավորել բուժաշխատողներին

Կորոնավիրուսի 20 նոր դեպք է հաստատվել. պահպանում ենք զգուշավոր լավատեսությունը. վարչապետ (տեսանյութ)