Զոհերը մեզ չեն մոտեցնում հակամարտության կարգավորմանը 1սմ անգամ. Աննա Հակոբյան

Քանի որ վտանգը կա, որ միշտ կարող է հակամարտության կողմերից մեկը նորից սկսել պատերազմ և մտածել, որ լայնածավալ պատերազմական գործողությունների միջոցով կարող է ավելի արագ լուծման հասնել Ղարաբաղյան հակամարտությունում, ես որոշեցի մի բան անել, որը կարող է ինչ-որ չափով կանխել դա:

Այս մասին այսօր «Double Tree»-ում՝ «Կանանց դերը խաղաղության հաստատման հարցում հնարավորություններ և մարտահրավերներ» համաժողովի ընթացքում, ասաց Աննա Հակոբյանը: Համաժողովին ներկա էին նաև աշխատանքի և սոցիալական հարցերի նախարար Զարուհի Բաթոյանը, պաշտպանության նախարարի տեղակալ Գաբրիել Բալայանը և ՄԱԿ-ի մշտական համակարգող Շոմբի Շարփը:

Համաժողովի շրջանակներում Աննա Հակոբյանը ներկայացրեց «Կանայք հանուն խաղաղության» արշավի գաղափարը՝ նշելով, որ երբ ստեղծում էր այս նախաձեռնությունը, գաղափար անգամ չուներ ՄԱԿ-ի անվտանգության խորհրդի 13.25 բանաձևի մասին: «Մտածում էի, որ ես շատ օրիգինալ եմ իմ այդ մտքի մեջ, որ կանայք պետք է ներգրաված լինեն պատերազմական գործողություններին, որ ես՝ որպես վարչապետի կին, պետք է իմ անելիքն ունենամ, չեմ կարող լուռ նստել, երբ սահմանին ժողովուրդներ են պատերազմում և զոհեր տալիս»,- ասաց Հակոբյանը:

Ինչպես նշեց Աննա Հակոբյանը, նրա համար անակնկալ էր այդ բանաձևն ու այն գաղափարը, որ պետությունները վաղուց են եկել այն մտքին, որ զինված հակամարտություններն ավելի արագ և հեշտությամբ կարող են լուծվել, եթե ավելի շատ կանայք ներգրաված լինեն տարբեր պրոցեսներում, հարթակներում, տարբեր աստիճաններում:

Աննա Հակոբյանի խոսքով՝ «Կանայք հանուն խաղաղության» արշավն ունի 1.5 տարվա պատմություն և ուղիղ կապ ունի ՀՀ-ում քաղաքական փոփոխությունների հետ: Արշավն ունի դեկլարատիվ բնույթ, որի մասին առաջին անգամ վարչապետի տիկինը խոսել է Մոսկվա կատարած այցի ժամանակ, և շատ ռուս կանայք ողջունել են առաջարկն ու եկել Արցախ, կանգնել զինվորների կողքին և այդ նույն ուղերձը հղել: Ուղերձը հետևյալն է՝ «Ղարաբաղյան հակամարտության բոլոր կողմերին՝ ներգրաված և միջնորդ երկրներին, մենք՝ որպես կին և մայր, հորդորում և պահանջում ենք Ղարաբաղյան հակամարտության պարագայում երբևէ չգնալ ռազմական ճանապարհով, թույլ չտալ ռազմական գործողությունների կրկնություն, փորձել գտնել հակամարտության լուծում խաղաղ բանակցությունների միջոցով բանակցային սեղանի շուրջ»:

Ինչպես նշեց Աննա Հակոբյանը, 94 թ.-ի զինադադարի կնքումից հետո անցել է 25 տարի, և այս տարիների ընթացքում եղել է բանակցային գործընթաց, որն ինչ-որ փուլերով ընթացել է, բայց սայլը տեղից չի շարժվել, և մենք մինչև հիմա գտնվում ենք նույն կետի վրա, ինչ զինադադարի կնքման պահին:

«Արդեն 25 տարի է՝ ունենք սողացող պատերազմ, և 25 տարի անընդմեջ զոհեր ենք ունենում 2 կողմից: Այդ զոհերը մեզ չեն մոտեցնում հակամարտության կարգավորմանը 1սմ անգամ»,-ասաց Հակոբյանը՝ մեջբերելով նաև այն փաստը, որ 2016թ.-ին հակամարտության կողմերից մեկի մտքով նույնիսկ անցավ, որ իրենք կարող են լայնամասշտաբ հարձակում սկսել և փորձել մի քանի օրվա ընթացքում լուծել հարցը: Աննա Հակոբյանը նշեց, որ 22 տարի պատրաստվելուց հետո փորձ արվեց պատերազմի միջոցով լուծել այդ կոնֆլիկտը, և արդյունքում ունեցանք այն, որ նրանք ունեցան 1000 զոհ, մենք՝ 100: Այնուամենայնիվ, Հակոբյանի պնդմամբ, հակամարտությունը նորից գտնվում է այն կետի վրա, ինչ կետի վրա եղել է զինադադարի կնքումից հետո:

«Եվ այսպես կարելի է շարունակել ևս 25 տարի, ժառանգել այս հակամարտությունը մեր թոռներին, ծոռներին, և այդպես սողացող պատերազմի արդյունքում ունենալ զոհեր»,- ասաց Հակոբյանը՝ առաջարկելով նաև մյուս տարբերակը: Մյուս տարբերակն այն է, որ հայ և հակամարտության մյուս երկրի կանայք ուղերձ հղեն դադարեցնել այս պրակտիկան, նստել բանակցությունների սեղանի շուրջ և գտնել լուծում:

Այնուամենայնիվ, ինչպես նշեց Հակոբյանը, այս ուղերձը չի մտնում Ղարաբաղյան հակամարտության բովանդակության մեջ, ընդհանուր ոչինչ չունի, թե ինչ լուծում կտրվի ի վերջո, որովհետև դրանք շատ նուրբ հարցեր են և այս պահին չպետք է քննարկվեն:

«Իմ ուղերձը և այս արշավի բուն նպատակն այն է, որ կանխվի ամեն հաջորդ զոհը: Երբ խոսում ենք զոհերի մասին, բերում ենք օրինակներ, վիճակագրություն, թվեր ենք ներկայացնում և մոռանում ենք, որ խոսում ենք մարդկային կյանքերի մասին: Երբ ասում ենք, որ ունենք 10 զոհ, մենք խոսում ենք 10 ընտանիքի մասին, 10 մարդու մասին, նրա ծնողների մասին, նրա որբացած երեխայի մասին»,- ասաց Հակոբյանը՝ հավելելով, որ սա վիճակագրություն չէ, սրանք ռեալ կյանքեր են, և նա՝ որպես վարչապետի կին, իրեն պատասխանատու է համարում ամեն կյանքի համար և չի կարող իր խոսքը չասել:

«Հայ կանայք պատմականորեն միշտ ներգրաված են եղել պետության, հասարակության կյանքում, և հայ ընտանիքի համար կնոջ դերն ավելի արժանապատիվ և ավելի պատասխանատու է իր ընտանիքի, իր երկրի, իր հասարակության համար»,- եզրափակեց Հակոբյանը:

Ժաննա Ջեյրանյան

Տպել
8674 դիտում

Առողջապահության նախարարն այցելել է վիրավոր զինծառայողներին բուժող մարզային բժշկական կենտրոններ

Մեծ հայրենասեր եւ բարերար Ջորջ Բաղումյանը հերթական 1 միլիոն դոլարն է նվիրաբերել «Իմ քայլը» հիմնադրամին

Զինծառայողի ծնողի դրդմամբ լաբորատորիայի վարիչն ու լաբորանտը covid-19-ի կեղծ եզրակացություն են կազմել․ ԱԱԾ

Հաստատվել է կորոնավիրուսի 2314 նոր դեպք. մեկ օրում գրանցվել է 23 վիրուսակիր մարդու մահ

ԱՄՆ-ն պետք է վճռական քայլեր ձեռնարկի, որպեսզի ստիպի Ադրբեջանին պահպանել հրադադարի ռեժիմը. Ֆրենկ Փելոնի

Գիշերը հրետանի է կիրառվել Մարտունու շրջանի 4 համայնքների ու Ասկերանի շրջանի Ավետարանոց գյուղի ուղղությամբ․ ԱԻՊԾ

Ինչպես ԱՄՆ դեսպանատան հայտարարությունը կապվեց հայերի հետ, ադրբեջանական պարզունակ կեղծարարության մասին (տեսանյութ)

Տեղային նշանակության մարտեր են ընթանում ճակատային գծի բոլոր ուղղություններում. հրետակոծվել են բնակավայրեր

Վաղ առավոտյան թարմ ապրանք. Ա. Հովհաննիսյանը լուսանկարներ է հրապարակել առգրավված զինմեքենայից

Ա. Հովհաննիսյանը ներկայացրեց Ղարաբաղում ակտիվ մարտական գործողությունները՝ ըստ քարտեզի (տեսանյութ)

Այսօր եւս չեզոքացվել է 1 դիվերսիոն հետախուզական խումբ, սակայն նրանց դեմ մարտերը դեռ շարունակվում են. Հովհաննիսյան

Արցախի ԱԳՆ-ն դիմել է ԿԽՄԿ-ին` Արցախի ՊԲ-ի զինծառայողների և քաղաքացիական անձի մասնակցությամբ տեսանյութերի կապակցությամբ

Գրադ եւ սմերչ կայանքներից հրթիռակոծվել են Մարտունին, Թաղավարդը, ռազմական ավիացիայով՝ Մարտակերտը

Պատերազմի առաջին օրերից մինչ այսօր միայն «Շենգավիթ» ԲԿ-ում ծնվել է 15 արցախցի փոքրիկ

Ժողովուրդը պետք է հասկանա՝ թուրքական ապրանքները բոյկոտելով հանդերձ, շուկայի եղածը պիտի սպառենք․ Ղազարյան

ՊՆ-ն հերքում է հայկական ինքնաթիռի խոցման մասին ադրբեջանական ապատեղեկատվությունը

ԱՄՆ-ի հայ բժիշկների նվիրաբերած համակարգչային տոմոգրաֆը զինվորների բուժմանը կծառայի Կապանում

Գվատեմալայի Սայախչե քաղաքը ճանաչել է Արցախի ժողովրդի ինքնորոշման իրավունքը

Կրակը դադարեցնելու սին խոստումների եւ ագրեսիայի շարունակման շրջանը կարող է ճեղքվել Արցախի անկախության ճանաչմամբ. ԱՀ ԱԳՆ

Խոցվել է հակառակորդի եւս 11 ԱԹՍ, 2 ՏՕՍ, 12 զրահատեխնիկա. թշնամու կորուստները՝ ամփոփ