«Փորձում է, թող անի». Լեւոն Քոչարյանը՝ Գագիկ Ջհանգիրյանի՝ Քոչարյանի հրամանագրերը վիճարկելու մասին

«Գագիկ Ջհանգիրյանը փորձում է, թող անի, չգիտեմ էլ՝ ինչպես վերաբերեմ, ինչքանով ես եմ հասկանում, նման պաշտոն ունեցող մարդը չպետք է քաղաքականությամբ զբաղվի»:

Այս մասին այսօր ասաց Լեւոն Քոչարյանը՝ անդրադառնալով «Հայկական ժամանակ»-ի հարցին, թե ինչպես է վերաբերում նախկին զինդատախազ Գագիկ Ջհանգիրյանի կողմից իր հոր՝ Ռոբերտ Քոչարյանի երկու հրամանագրերը վիճարկելուն:

Մեր մյուս հարցին, թե հաշվի առնելով, որ պաշտպանական կողմի բողոքներից երկուսը մակագրվել են Վերաքննիչ քրեական դատարանի դատավորների, ինչ ակնկալիք ունի ինքն այդ դատարանից, Լեւոն Քոչարյանը պատասխանեց. «Դատավոր Դանիբեկյանի հետ կապված սկզբում հույս էի հայտնում ու ակնկալում, որ նա չի տրվի ճնշումներին, չի վախենա Դավիթ Գրիգորյանի օրինակից եւ իր լիազորությունների շրջանակում կիրականացնի արդարադատություն, բայց տեսանք, որ այդպես չեղավ, նա հետեւում է իշխանության սպառնալիքներին եւ անում է այն, ինչ ակնկալվում է իրենից: Վերաքննիչի մասով ակնկալիքս նույնն է, որ դրսեւորեն խիզախություն, պրոֆեսիոնալիզմ՝ գործելու օրենքի սահմաններում, ոչ թե անելու այն, ինչ իրենից ակնկալում են իշխանությունները՝ ամենաբարձր մակարդակով»:

Անդրադառնալով այն դիտարկմանը, թե Ռոբերտ Քոչարյանը թեժ աշուն էր խոստացել՝ Լեւոն Քոչարյանն ասաց, որ, իր գնահատմամբ, աշունը թեժ էր: Նա նաեւ հերքեց տեղեկությունը, թե ինքը կամ իր եղբայրն առաջիկայում կուսակցություն կհիմնեն:

Խոսելով այն քննադատություններից, թե պաշտպանական կողմը գործը ձգձգելու միտում ունի՝ Լեւոն Քոչարյանն ասաց. «Տարօրինակ է: Նախ մենք ձգձգելու միտում չունենք: Որ լսում ենք, ասում են՝ այ, կտեսնեք, թե հեսա ինչ բաներ են բացահայտվելու, բայց ամբողջ նյութերը կան, դուք տեսաք՝ շատ ցուցմունքներ էլ հրապարակվեցին, այսինքն՝ ուզում են պատրանք ստեղծել: Բայց ես ուզում եմ հիասթափեցնել, որ ոչ մի բան էլ չի լինելու, հակառակը, այն, ինչ լինելու է, հիասթափեցնելու է այդ սպասումն ունեցողներին: Ինչ վերաբերում է ձգձգելուն, կհիշեք՝ քանի ամսով գործի քննությունը ձգձգվեց հունիսի 25-ից հետո, երբ Դավիթ Գրիգորյանի հանդեպ գործ, բան արվեց, հետո չէին ուզում գործը մակագրել, այսինքն՝ մեր պատճառով չէր: Հետո Աննա Դանիբեկյանը շաբաթական մեկ նիստ է նշանակում, ինչո՞ւ չեն ուզում բողոքել, որ իրենց նոր Հայաստանի դատավորն այդպես է անում, թող ամեն օր նիստ նշանակվի: Վիրահատության պատճառով հայրս մի քանի օր չկարողացավ գալ, սկսեցին, բժիշկ էին դարձել, դիագնոզներ էին դնում»:

Լեւոն Քոչարյանը հիշեցրեց, որ փաստաբաններն արդեն բացատրել են, որ պրոցեսն է այդպես, եթե այս փուլում չներկայացնեն, օրինակ՝ դատախազների բացարկները, հետո էլ չեն կարողանա:

Դիտարկմանը, թե Երեւանի նախկին ոստիկանապետ Աշոտ Կարապետյանի մահվան հանգամանքները կապում են Մարտի 1-ի գործի հետ, Լեւոն Քոչարյանն ասաց. «Չեմ զարմանում, այն մարդիկ են այդպես խոսում, ովքեր մեծ հաշվով թքած ունեն թե՛ զոհերի վրա, թե՛ մարտի մեկի տուժողների վրա: Դա, սակայն, ստորություն է»,- ասաց նա:

Միլենա Խաչիկյան

Տպել
1652 դիտում

«Նորք»-ում գրանցվեց մահվան եւս մեկ դեպք. Հայաստանում կորոնավիրուսից մահացածների թիվը դարձավ յոթ

Բոլորս պետք է լծվենք գազի գնի հայտի ուսումնասիրության հիմնավորվածությանն ու դրա գնահատականին. պատգամավոր

Դատավորը նկատողություն ստացավ «օրենքով գող» Հայկո Աստրախանսկիին երկիրը լքելու թույլտվություն տալու համար

Բելառուսը ռուսական նավթը կգնի բարելի դիմաց 4 դոլար արժեքով. հավելավճարներ չեն լինի

ԲԴԽ-ն խիստ նկատողություն է հայտարարել դատավոր Նաիրա Մխիթարյանին

Արցախում մեկուսացված 3 քաղաքացու հետազոտության արդյունքները եղել են բացասական․ ԱՀ-ում առայսօր կորոնավիրուսի դեպք չկա

«Առականի». նոր նախագիծ ԿԳՄՍ նախարարությունից

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան