Հանրային միջոցները կառավարողը չի կարող ավելի բարձր աշխատավարձ ստանալ աշխատավարձի ֆոնդից, քան նախագահը կամ վարչապետը

 

ՀՀ ԱԺ «Իմ քայլը» խմբակցության պատգամավորներ Արտակ Մանուկյանն ու Վարազդատ Կարապետյանը արդեն 2 նախագիծ են շրջանառության մեջ դրել, որոնցից մեկով առաջարկվում է կանոնակարգել հանրային ծառայությունների ոլորտի աշխատակիցների աշխատավարձի չափը:

Մյուս նախագծով՝առաջարկվում է նույն ոլորտում բարձր գործադիր պաշտոն զբաղեցնող անձանց գույքի եւ եկամուտների հայտարարագիր ներկայացնել: Առաջին նախագծի մշակմանը մասնակցել է ԱԺ պատգամավոր Բաբկեն Թունյանը:

 

Ի՞նչ է սա իրենից ենթադրում

Հանրային ծառայությունների ոլորտի լիցենզավորված ընկերություններն են՝ «Գազպրոմ Արմենիա»-ն, «Հայաստանի Էլեկտրական ցանցեր»-ը եւ «Վեոլիա ջուր»-ը:

Հանրության շրջանում տարիներ շարունակ քննարկվում էր, որ այդ ընկերությունների ղեկավար կազմը բավականին բարձր աշխատավարձներ է ստանում. խոսվում էր մի քանի մլն դրամի մասին: Այս նախագծերը՝ քննարկվելու եւ ընդունվելու դեպքում կբացառեն հնարավոր նմանատիպ դեպքերը:

Նախագծերից առաջինով առաջարկվում է «Էներգետիկայի մասին» ՀՀ օրենքում լրացումներ կատարել: Ըստ առաջարկի՝ էլեկտրաէներգետիկական համակարգի, գազամատակարարման համակարգի աշխատակիցների աշխատավարձը մեկ աշխատակցի՝ չի կարող գերազանցել պետական ծառայության պաշտոն զբաղեցնող անձանց հիմնական աշխատավարձի որոշման համար հիմք հանդիսացող բազային աշխատավարձի 20-ապատիկը (66 հազար 140 դրամ x 20): Առաջարկվող նախագծով փորձ է կատարվում կանոնակարգել սակագնի մեջ մտնող աշխատավարձի ֆոնդի վերին շեմերը: Սա հնարավորություն կտա աշխատավարձի ֆոնդի պահպանման պարագայում առավել արդարացի բաշխում ապահովել: Առաջարկը որեւէ ազդեցություն սակագնի վրա չունի եւ միմիայն ենթադրում է վերին եւ ստորին շեմերի միջեւ խզվածության մեղմում, ինչպես նաեւ վերին շեմի կանոնակարգում:

Երկրորդ նախագծով առաջարկվում է, որ հանրային ծառայությունների ոլորտի լիցենզավորված ընկերությունների բարձրագույն գործադիր պաշտոն զբաղեցնող անձինք պետք է օրենքով սահմանված կարգով ՀՀ հանրային ծառայությունները կարգավորող հանձնաժողով ներկայացնեն իրենց գույքի եւ եկամուտների հայտարարագիրը: Նրանք պետք է ներկայացնեն ինչպես պաշտոնը ստանձնելու եւ դադարեցնելու, այնպես էլ իրենց տարեկան հայտարարագիրը:

Որպես հիմնավորում՝ Մանուկյանն ու Կարապետյանը նշել են, որ հանրային ծառայությունների ոլորտի ընկերությունները որոշ չափով դուրս են մրցակցային միջավայրից, ինչի արդյունքում նրանց գործունեությունը կանոնակարգվում է ոչ այնքան շուկայական կանոններով, որքան հատուկ օրենսդրական կարգավորումներով: Նշվածի համատեքստում հանրային ծառայությունների հաշվետվողականությունից եւ արդյունավետությունից է կախված վստահությունը սակագների մասով գնագոյացման գործընթացի նկատմամբ:

Այդ ընկերությունների մատուցած ծառայություններն ունեն կենսական նշանակության, քանի որ դրա շահառուն ողջ հասարակությունն է, ուստի կարեւոր է դրանց հանրային հաշվետվողականության լրացուցիչ մեխանիզմի ներդրումը, որոնցից մեկը կարող է լինել նշյալ ընկերությունների բարձրագույն գործադիր պաշտոն զբաղեցնող անձանց գույքի եւ եկամուտների հայտարարագրումը: Պատգամավորների կարծիքով, տվյալ մեխանիզմը կարող է նպաստել համակարգերի նկատմամբ հանրային վստահության բարձրացմանը, ինչն անհրաժեշտ նախապայման է, օրինակ, դրանց հետագա բաժնետիրացման համար:

Արտակ Մանուկյանը «Հայկական ժամանակ»-ի հետ զրույցում անդրադառնալով հարցին, թե ինչու են որոշել վերոնշյալ նախագծերը ներկայացնել, ասաց. «Ես ուսումնասիրել եմ հանրային կազմակերպությունները, եւ մի գործընթաց ենք նախկինում իրականացնել, որով դրանք, օրինակ, ենթակա են «Գնումների մասին» օրենքին: Եթե  ուսումնասիրենք միջազգային փորձը, ապա պետք է ասենք՝  հանրային միջոցները տնօրինող կազմակերպությունների վրա էլ պետք է տարածվեն բոլոր ստանդարտները, որոնք ամրագրված են հանրային ծառայողներին: Տարիներ շարունակ հնչել են պնդումներ, որ այդ ոլորտում բավականաչափ մեծ գայթակղություններ կան, ու շատ կարեւոր է, որ ղեկավար մարմինները, որոնք որոշում են կայացնում՝ հայտարարագիր ներկայացնեն»:

Խոսելով աշխատավարձերի առավելագույն չափ սահմանելու մասին, պատգամավորն ասաց. «Մենք սակագնի մեջ աշխատավարձի ֆոնդին ձեռք չենք տալիս: Բայց գտնում ենք, որ եթե պետական պաշտոն զբաղեցնող անձանց աշխատավարձի առավելագույն չափը՝ 66 հազար 140 դրամի 20-ապատիկն է, ապա հանրային միջոցները կառավարողը չի կարող ավելի բարձր աշխատավարձ ստանալ աշխատավարձի ֆոնդից, քան այս պահի դրությամբ ՀՀ նախագահն է ստանում՝ 20-ապատիկ, կամ ՀՀ վարչապետը՝ 19-ապատիկ: Եթե իրենք իրենց աշխատանքը այնքան լավ են անում, որ ընկերության շահութաբերությունը բարձրացրել են, ապա որեւէ խոչընդոտ չկա, որ նույն բոնուսների համակարգով հավելյալ այդ մարդիկ ստանան իրենց աշխատանքի դիմաց վարձատրություն»:

Մանուկյանի խոսքով՝ սա նշանակում է, որ հանրության կողմից վճարվող գումարից առավելագույն աշխատավարձը չի կարող լինել ավելին, քան 66 հազար 140 դրամի 20-ապատիկն է:

Պատգամավորը նշեց, որ թեմայի վերաբերյալ քննարկում են ունեցել Հանրային ծառայությունները կարգավորող հանձնաժողովի հետ եւ ներկայացրել են իրենց մոտեցումները. «Առնվազն որեւէ կոնցեպտուալ խնդիր չենք տեսնում, որ մեծացնենք այս մասով հաշվետվողականությունը: Չէ՞, որ սրանք հանրային կազմակերպություններ են»: Մանուկյանը նկատել է, որ օգտատերերը դրական են արձագանքել նախագծին. «Տարիներ շարունակ խոսվել է, որ այդ ոլորտում կոռուպցիոն գայթակղություններ են եղել, ու ժամանակն է, որ մենք հիմք դնենք, որ հանրային վերահսկողությունն ավելի մեծանա այդ բնագավառների վերաբերյալ»,- եզրափակեց նա:

Տպել
2614 դիտում

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը

Օդի ջերմաստիճանը կնվազի 5-ից 7 աստիճանով. լեռնային շրջաններում ձյուն է սպասվում

Պուտինը Հայրենական պատերազմում հաղթանակի 76-րդ տարեդարձի առթիվ շնորհավորել է Փաշինյանին և ՀՀ քաղաքացիներին. «Արմենպրես»

Շիրակի մարզպետն ու Գյումրու քաղաքապետը հարգանքի տուրք են մատուցել հանուն հայրենիքի նահատակվածների հիշատակին

Շատինցի տղամարդն ու գյուղի անասնապահը արջ են սպանել

«Շուշիս». Ստեփանակերտում բացվել է բերդաքաղաքի հայկականությունը փաստող հետազոտությունների ցուցահանդես. «Արցախպրես»

Ռուս խաղաղապահները Լեռնային Ղարաբաղում ականազերծել են շուրջ 2087 հա տարածք

Նիդերլանդներում հայ կնոջ դանակահարության դեպքը ճշտվում է. լուսանկարի կինը ողջ ու առողջ է. դեսպանություն

Պետք է համախմբվենք, չկորցնենք հույսը, որ Շուշին հետ բերենք. Սասուն Միքայելյանն ու ԵԿՄ-ն այցելել են Եռաբլուր

Արցախի ՄԻՊ-ն առցանց հանդիպում է ունեցել «Վերադարձ դեպի Քաշաթաղ» հկ-ի ներկայացուցիչների հետ

Ստեփանակերտ-Դրմբոն ավտոճանապարհին մեքենան ձորն է ընկել. տուժածը տեղափոխվել է զինվորական հոսպիտալ

Նախագահ Արմեն Սարգսյանի անունից ծաղկեպսակ է դրվել «Եռաբլուր» զինվորական պանթեոնում

Արցախում հաստատվել է կորոնավիրուսի 13 նոր դեպք. ստացիոնար բուժում է ստանում 16 մարդ

Դեպքի վայր ժամանած փրկարարներն օգնություն են ցուցաբերել քաղաքացիներին

Կորոնավիրուսի 411 նոր դեպք է հաստատվել. առողջացել է 814, մահացել՝ 16 մարդ

ՀՀ տարածքում կա դժվարանցանելի ավտոճանապարհ, Լարսը բաց է

Տուն, վագոն-տնակ, անասնագոմ. հրդեհի 5 ահազանգ ՀՀ մարզերից

Կրակոցներ Երևանում. կա մեկ զոհ, մեկ վիրավոր. shamshyan.com

Արկադի Տեր -Թադևոսյանին Հայաստանի Ազգային հերոսի կոչում է շնորհվել

Արտենիի կամրջից մեքենան ձորն է գլորվել. տուժածների վիճակը ծանր է

Երևանի Մարգարյան փողոցում ծայրահեղ անընդունելի և դատապարտելի դեպք է տեղի ունեցել. Հակոբ Կարապետյան