Ծանրամարտի Հայաստանի պատանեկան հավաքականը պատրաստվում է Եվրոպայի առաջնությանը

Աբովյանի մարզաբազայում թեժ օրեր են. պատանի ծանրորդները պատրաստվում են  դեկտեմբերի 6-14-ը Իսրայելի Էյլաթ քաղաքում կայանալիք Եվրոպայի առաջնությանը: Մարզումները հագեցած են, տրամադրվածությունը՝ մարտական:

Այդ մասին տեղեկացնում է ՀՀ ԿԳՄՍՆ հասարակայնության հետ կապերի բաժինը:

Ծանրամարտի պատանիների այս տարվա աշխարհի առաջնության արծաթե մեդալակիր Գարիկ Կարապետյանը 8 տարեկանից զբաղվում է ծանրամարտով. սկզբում չի սիրել մարզաձևը, սակայն տարիների հետ ընկերացել է ծանրաձողի հետ, իսկ այսօր նպատակը չեմպիոն դառնալն է։ «Մարզիչներ Երվանդ Կիրակոսյանի և Հարություն Եղոյանի գլխավորությամբ շատ լավ մարզումներ ենք անցկացնում: Բոլորս տքնաջան պարապում ենք լավ արդյունքների հասնելու համար: Առաջիկա նպատա՞կս. չեմպիոնություն Եվրոպայի առաջնությունում»,- ասում է պատանի ծանրորդը:

Աշխարհի առաջնության բրոնզե մեդալակիր Գևորգ Ղահրամանյանը նույնպես հավակնոտ ծրագրեր ունի. «Ջանք չենք խնայում և միայն լավ արդյունքներ ենք սպասում: Եվրոպայի առաջնությանը մասնակցելու եմ միայն չեմպիոն դառնալու մտադրությամբ: Սպորտում նպատակս մեկն է՝ հաղթել, զբաղեցնել առաջին տեղը»:

Պատանեկան ընտրանու գլխավոր մարզիչ Երվանդ Կիրակոսյանի խոսքով՝ Եվրոպայի առաջնության նախապատրաստական շրջանը հագեցած է եղել ուսումնամարզական հավաքներով. «Նոյեմբերի 6-ից սկսել ենք հավաքներ անցկացնել: Ակնկալում ենք, որ նախապատրաստական շրջանն արդյունավետ կլինի։ Բոլոր ծանրորդներից սպասելիքներ ունենք և ցանկանում ենք, որ յուրաքանչյուրը կատարած աշխատանքի դիմաց արժանի արդյունքի հասնի՝ մեդալների տեսքով»,- ասում է մարզիչը:

Երվանդ Կիրակոսյանը նկատում է, որ տարեցտարի մեծանում է հետաքրքրությունը մարզաձևի նկատմամբ. «Կարելի է ասել՝ յուրաքանչյուր մրցաշարից հետո շատանում է ծանրամարտով զբաղվել ցանկացող երեխաների թիվը: Նոր սերնդին ոգևորում են մեծահասակների հաջողությունները: Այս տղաները մեծ ոգևորությամբ են մասնակցում մրցումներին, ձգտում են Սիմոն Մարտիրոսյանի և մյուսների նման մեդալներ նվաճել: Սա շատ ուրախալի է. այս նպատակասլացությունն ու ոգևորվածությունը կբերի ցանկալի արդյունքի»:

Եվրոպայի առաջնության մինչև 15 տարեկանների պայքարին մասնակցելու են Գարիկ Ոսկանյանը (49 կգ), Ռաֆիկ Մինասյանը (55 կգ), Ֆելիքս Գևորգյանը (67 կգ), Ալեքսանդր Լազարյանը (89 կգ) և Ալբերտ Թումասյանը (+102 կգ): Մինչև 17 տարեկանների խմբում մեդալների համար կպայքարեն Գառնիկ Չոլակյանը (49 կգ), Անդրանիկ Պապեյանը (61 կգ), Արա Պողոսյանը (61 կգ), Սուրեն Գրիգորյանը (73 կգ), Վաչե Կոստանյանը (81 կգ), Հարություն Գրիգորյանը (81 կգ), Գևորգ Ղահրամանյանը (89 կգ), Գարիկ Կարապետյանը (96 կգ), Պետրոս Պետրոսյանը (102 կգ) և Էդուարդ Մխոյանը (102 կգ):

Աղջիկների թիմը Եվրոպայի առաջնությունից առաջ ուսումնամարզական հավաք է անցկացնում Օլիմպավանում: Էյլաթում մինչև 15 տարեկան աղջիկների պայքարում հանդես են գալու Ալեքսանդրա Գրիգորյանը (49 կգ), Անուշ Արշակյանը (59 կգ), Էմմա Պողոսյանը (76 կգ), Ջուլիետա Ավանեսյանը (+81 կգ): Մինչև 17 տարեկանների մրցաշարում ևս կունենանք 4 ներկայացուցիչ՝ Մարիամ Միքայելյանը (59 կգ), Միլենա Խաչատրյանը (71 կգ), Մարգարիտա Առաքելյանը (81 կգ) և Լինա Գյուրջյանը (+81 կգ):

 

Տպել
486 դիտում

Վերջին 1 ժամում Նորքի հիվանդանոցում կորոնավիրուսից 2 մահվան դեպք է արձանագրվել. նախարար

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է

ՌԴ նոր սահմանափակումների որոշումը Հայաստանի վրա չի ազդի. Նիկոլ Փաշինյան

Ժամը 19:30-ի դրությամբ թոքաբորբով 13 պացիենտ է գտնվում ինֆեկցիոն հիվանդանոցի ինտենսիվ թերապիայի բաժանմունքում

Գյուրջյան փողոցում ծառը վնասվել է. առկա է եղել ընկնելու վտանգ

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)