Ճիշտ սնվելը նպաստում է երեխաների ուշադրության կենտրոնացմանը և որակյալ կրթական վերջնարդյունքի ապահովմանը.Արևիկ Անափիոսյան

ՀՀ կրթության, գիտության, մշակույթի և սպորտի նախարարի տեղակալ Արևիկ Անափիոսյանը մասնակցել է պարենային ապահովության ոլորտում ներդրումների և ձեռնարկատիրության զարգացմանը նվիրված  միջազգային համաժողովին, որը կազմակերպել են ՄԱԿ-ի Պարենի համաշխարհային ծրագիրը (ՊՀԾ)  և Հայաստանում Իտալիայի դեսպանությունը:

Այդ մասին տեղեկացնում է ՀՀ ԿԳՄՍ նախարարության պաշտոնական կայքէջը:

Նախարարի տեղակալն իր ելույթում անդրադարձել է սննդի և ուսման փոխազդեցության խնդիրներին` ներկայացնելով ՀՀ մարզերի դպրոցներում իրականացվող «Կայուն դպրոցական սնունդ»  ծրագիրը: Արևիկ Անափիոսյանը հիշատակել է որակյալ կրթության մասին ՅՈՒՆԻՍԵՖ-ի  սահմանումը, որտեղ նշվում է, որ որակյալ սովորողը պետք է ստանա ճիշտ սնունդ` որակյալ կրթական արդյունք ունենալու համար. «Կրթության ընթացքում վիտամիններով հագեցած նախաճաշն ու ետճաշիկը նպաստում են երեխայի ուշադրության կենտրոնացմանը, դասի ընթացքում ավելի հանգիստ վարքագծի դրսևորմանը, հետևաբար նաև բարձր կրթական վերջնարդյունքների ձևավորմանը»,- նշել է նախարարի տեղակալը: Նրա խոսքով` աշխարհում բազմաթիվ հետազոտություններ կան ուսուցման և սննդի կազմակերպման փոխադարձ ազդեցության մասին:

«Հայաստանում նույնպես Պարենի համաշխարհային ծրագրի աջակցությամբ վերջերս կատարվել է հետազոտություն. նախաճաշ և ետճաշիկ ստացած աշակերտների կրթական արդյունքները համեմատվել է  դպրոցում սնունդ չստացած երեխաների արդյունքների հետ: Ստացված պատկերը նույնն է եղել, ինչ որ աշխարհում արդեն իրականացված նման հետազոտություններինը»,- նշել է  նախարարի  տեղակալը և հավելել, որ Հայաստանում 2010 թվականից սկսած Պարենի համաշխարհային ծրագրի աջակցությամբ իրականացվում է դպրոցական սննդի ծրագիր, որում ներառված են ՀՀ մարզերի 1-4-րդ դասարանների բոլոր աշակերտները:

Նախարարի տեղակալի տեղեկացմամբ` դպրոցական սննդի ծրագիրը մեր երկրում սկսվել է Պարենի համաշխարհային ծրագրի աջակցությամբ և միջոցներով: Որդեգրվել է քաղաքականություն, համաձայն որի՝ դպրոցները մարզ առ մարզ պետության հանձնառությանն են փոխանցվում` ընդգրկվելով ազգային ծրագրում: Այս ընթացքում ձևավորվել է գործընկերային արդյունավետ համագործակցություն` ԿԳՄՍ նախարարության,  ՌԴ Սննդի ճյուղային ինստիտուտի և Պարենի համաշխարհային ծրագրի միջև, որի արդյունքում բարելավվել են մարզային դպրոցների խոհանոցային ենթակառուցվածքները, վերապատրաստվել են դպրոցների տնօրեններն ու խոհարար-մասնագետները, հիմնվել է «Կայուն դպրոցական սնունդ» հիմնադրամը, կայացել է  դպրոցներում տաք սննդի կազմակերպման համակարգը: Նախարարի տեղակալ Արևիկ Անափիոսյանի խոսքով` առողջ և ճիշտ սնուցման խնդիրները կարևորվում են նաև կրթական չափորոշիչների վերանայման քննարկումներում` դրանք դիտարկելով մարդկային կապիտալի զարգացման կայուն բաղադրիչ: 

Բացման պաշտոնական արարողությանը ողջույնի խոսքով հանդես են եկել նաև Հայաստանում ՊՀԾ ներկայացուցիչ և գրասենյակի տնօրեն Ելենա Միլոշևիչը, Հայաստանում Իտալիայի արտակարգ և լիազոր դեսպան Վինչենցո Դել Մոնակոն, Հայաստանում Եվրամիության դեսպան Անդրեա Վիկտորինը, էկոնոմիկայի նախարար Տիգրան Խաչատրյանը, առողջապահության նախարարի տեղակալ Լենա Նանուշյանը:

Տպել
578 դիտում

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը

Արցախում ՀՀ-ից ժամանած երկու քաղաքացիներ են մեկուսացվել. նրանց թեստերի պատասխանները կստացվեն վաղը

Մոտ 550 հազար դոլարի ներդրում ենք արել՝ Հայաստանում թեստերի տեղական արտադրություն ունենալու համար․ ՀՀ վարչապետ

Մասնագիտական պատրաստության պարապմունք է անցկացվել 3-րդ զորամիավորումում. ՊՆ

Կրակոցներ Երևանում. մոտ 40 տարեկան տղամարդը հրազենային վնասվածքներով հիվանդանոցում է

Եթե պարգեւավճարներն ուղղվեին թոշակների բարձրացմանը՝ դրանք կբարձրանային 165 դրամով. վարչապետը հաշվարկ ներկայացրեց

Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Արմավիրում գյուղատնտեսական աշխատանքներն ակտիվորեն շարունակվում են

Ժողովուրդ, սա կորոնավիրուսի հազ չի, էն հեղափոխության ժամանակվանից է. վարչապետը եթերում կատակեց իր հազի մասին