Շատ քչերն էին հավատում, որ 1 տարում հնարավոր է բյուջեն այդքան ավելանա. Գեւորգ Պապոյան

Հայաստանը հիմա մի շարք ցուցանիշներով գտնվում է պատմական ամենաբարձր մակարդակում: «Հայկական ժամանակ»-ի հետ զրույցում նման տեսակետ հայտնեց ՀՀ ԱԺ «Իմ քայլը» խմբակցության պատգամավոր, տնտեսագետ Գեւորգ Պապոյանը:

Նշենք, որ ըստ պաշտոնական տեղեկատվության 2019-ի հունվար-հոկտեմբերին ՀՀ պետական բյուջեի եկամուտները 2018-ի համեմատ ավելացել են 20%-ով, իսկ 2017-ի համեմատ՝ 32%-ով: Պետական բյուջե հաշվեգրված հարկային եկամուտների եւ պետական տուրքի ընդհանուր ծավալը կազմել է 1 տրլն 196.7 մլրդ դրամ:

Բացի այդ 2018-ի հոկտեմբերի համեմատ 2019-ի հոկտեմբերին 19%-ով ավելացել են Հայաստանի համախառն միջազգային պահուստները: 2019-ի հոկտեմբերին այն կազմել է 2 մլրդ 468.5 մլն ԱՄՆ դոլար, ինչը 386 միլիոն դոլարով ավելի է 2018-ի հոկտեմբերին եղած ցուցանիշից:

- Պարոն Պապոյան, 2019-ի հունվար-հոկտեմբերին 2018-ի համեմատ ՀՀ պետբյուջեի եկամուտները ավելացել են 20%-ով: Ինչո՞վ է սա պայմանավորված եւ արդյո՞ք այս արդյունքը գոհացնում է ձեզ:

- Իրականում սա փայլուն ցուցանիշ է, որովհետեւ ըստ էության վարչապետն էլ, երբ դեռեւս վարչապետ չէր ընտրվել եւ գլխավորում էր հեղափոխական շարժումը՝ այսպիսի ցուցանիշի մասին էր ասում: Նա նշել էր, որ 1 տարվա ընթացքում պետբյուջեի եկամուտները 20-25 տոկոսով կավելանան: Պետք է անկեղծ լինեմ եւ ասեմ, որ շատ քչերն էին հավատում, որ 1 տարում հնարավոր է բյուջեն այդքան ավելանա: Ու սա շատ հավակնոտ թիվ էր: Այդպիսի բարձր թվին չհավատացողներից մեկը նաեւ ես էի: Ես կարծում էի ավելի համեստ ցուցանիշներ կարձանագրվեն՝ ասենք 10-15 տոկոսի սահմաններում: Ըստ էության հեղափոխության ժամանակ հարթակից վարչապետի այս հայտարարությունը, որն ամենակարեւոր հայտարարություններից մեկն էր, նա կատարել է: Իհարկե, սա գոհացուցիչ էր:

Առաջին հերթին սա տեղի է ունեցել ստվերի դեմ պայքարի եւ կրճատման շնորհիվ: Այս առումով վերջապես մենք ունենք էական փոփոխությունը: Երկրորդ պատճառը տնտեսական աճի բարձր տեմպն է: Առաջին 9 ամիսների կտրվածքով տնտեսական աճի թիվը 7.9 տոկոս է, ինչը ռեկորդային բարձր է վերջին 12 տարիների համար: Բացարձակ արժեքով ՀՆԱ-ի աճը ամենամեծ աճն է:

- Եթե համեմատենք ոչ թե նախորդ տարվա հետ, այլ այս տարվա համար ի սկզբանե նախատեսված ակնկալվող եկամուտների հետ, տարբերությունը տոկոսային առումով մե՞ծ է, թե նախատեսված գումարի չափով է եղել:  

- Նախատեսվածի շրջանակում է արվում: Ի սկզբանե տարվա սկզբում պարզ էր, որ մենք բյուջեն կգերակատարենք:

- Մինչեւ տարեվերջ նախորդ տարվա համեմատ եկամուտների չափն ըստ ձեզ տոկոսային առումով կհաջողվի՞ ավելի մեծացնել:

- Ես կարծում եմ, որ 20 տոկոսի սահմաններում կմնա: Փոփոխություն, եթե լինի՝ ապա շատ փոքր:

- Պարոն Պապոյան, Հայաստանի միջազգային պահուստները եւս աճել են նախորդ տարվա համեմատ 19 տոկոսով: Ի՞նչ կտա այս ցուցանիշը Հայաստանին:

- Սա շատ կարեւոր ցուցանիշ է: Պետության միջազգային պահուստներն ինչի՞ համար են, դրանով նախ մեծանում է պետության կանխատեսելիությունն ու վստահությունը: Երկրորդը՝ Աստված մի արասցե, եթե մի իրավիճակ լինի, որ դրանք մեզ պետք գան՝ ապա կարող ենք օգտագործել: Բազմաթիվ մակրոտնտեսական եւ միկրոտնտեսական ռիսկերի պարագայում մենք այդ միջոցները կարող ենք օգտագործել: Հետեւաբար՝ ֆինանսական առումով մենք բավականին ամրապնդված ենք, բավականին ինքնաբավ ենք դարձել: Միջագային պահուստների ավելացումն այդ ինքնաբավության ցուցիչներից մեկն է:

Մի բան էլ ասեմ. սա պատմական ամենաբարձր մակարդակն է: Ընդհանրապես մենք հիմա մի շարք ցուցանիշներով գտնվում ենք պատմական ամենաբարձր մակարդակում: Մեր բյուջեն երբեւէ այսքան մեծ չի եղել, մեր ՀՆԱ-ն երբեւէ այսքան մեծ չի եղել, մեր արտաքին պահուստները երբեւէ այսքան մեծ չի եղել: Այսինքն սրանք շատ դրական փոփոխություններ են եւ սրան ազդում են նաեւ տարբեր կողմերից մեր երկրի վարկանիշին:

- Ինչքան էլ տարբեր ուղղություններով աճ է գրանցվում միեւնույն է պետությունը չի կարողանում զերծ մնալ վարկեր վերցնելուց՝ ինչն էլ շատ հաճախ քննարկման առարկա է դառնում: Ըստ ձեզ նման աճ գրանցելու պայմաններում վարկ վերցնելը ինչքանո՞վ է անհրաժեշտ:

- «Ֆիթչ» վարկանիշային միջազգային կազմակերպությունը 2019 թվականի նոյեմբերի 22-ին 1 մակարդակով բարձրացրել է ՀՀ կառավարության արտարժույթով եւ ազգային արժույթով երկարաժամկետ պարտավորությունների թողարկման սուվերեն վարկանիշը «B+»-ից դարձնելով «BB-»: Սրա պատճառներից մեկն այն է, որ Հայաստանում որոշակի ինստիտուտներ՝ օրինակ բանկային համակարգը, Կենտրոնական բանկը բավականին արդյունավետ են աշխատել: Սա պայմանավորված է նրանով, որ մենք էականորեն կրճատեցինք մեր երկրում կոռուպցիայի մակարդակը: Ո՞րն է այս ամենի փոխկապակցվածությունը. նախկինում, երբ որ վարկեր են վերցրել, հասարակության մեջ էլ վարկերի հանդեպ բացասական վերաբերմունք կար, ինչը շատ օբյեկտիվ էր: Նախկինում, երբ որ վերցրել են վարկեր, դրանք հիմնականում կոռումպացված իշխանությունների կողմից կամ մսխվել են կամ անարդյունավետ են ծախսվել: Այսօր բազմաթիվ քրեական գործեր կան հարուցված, որոնք ապացուցում են իմ ասածը: Վարկերն այդքան էլ վատ բան չէ, այլ բան է, որ վարկերը վերցնում են, բայց մի քանի հոգի դրանց զգալի մասը իրար հետ մսխում են: Հիմա, երբ որ մենք կապիտալ շինարարության իրականացման համար կամ մեկ այլ ծրագիր իրականացնելու համար՝ օրինակ ճանապարհ կառուցելու համար, վերցնում ենք վարկեր դրանք լավ բան են: Վատ կլիներ, երբ որ մենք էլ շարունակեինք նախորդ իշխանությունների «պրակտիկան», բայց մենք այդ ճանապարհով չենք գնում: Մենք նույն գումարով մոտավորապես 40-50 տոկոսով ավելի շատ ճանապարհ ենք կառուցում եւ ավելի որակով՝ քան նախորդ իշխանությունները: Այն ռիսկերը, որոնք նախկինում կային՝ հիմա չկան: Հետեւաբար նոր վերցված վարկերը պետք է ծառայեն նոր տնտեսական արդյունքի առաջացմանը:

- Տարբեր ոլորտներում գրանցվող աճերը շոշափելիության առումով քաղաքացին տեղո՞ւմ է զգում, թե հետագայում է զգալու:

- Ե՛վ հիմա է զգում, ե՛ւ հետագայում է գզալու: 2020 թվականի պետական բյուջեն ինձ համար գնահատելի է հենց դրանով: Սա ոչ չոր տնտեսագիտական բյուջե է, ոչ էլ պոպուլիստական բյուջե է: Մենք 10 տոկոս կենսաթոշակի աճ ենք սահմանել, ինչը շատ լավ ցուցանիշ է: Բնականաբար մեր կենսաթոշակառուների կյանքի որակը սրանով չի փոխվի, բայց 10 տոկոսի չափով կփոխվի: Մյուս կողմից մենք էականորեն ավելացնում ենք կապիտալ ծախսերը, ենթակառուցվածքների ծախսերը, մարդկային կապիտալին ուղղվող ծախսերը՝ օրինակ՝ առողջապահությանն ու կրթությանը: Մենք ապագայում նույնպես շարունակաբար կկարողանաք աշխատավարձերի եւ կենսաթոշակների աճ ապահովել: Մենք հիմա շարունակաբար բարձրացնում ենք պետական աշխատավարձերը՝ ուսուցիչներինը, հրշեջներինը, զինվորականներինը, պոլիկլինիկաներինը, Երեւան մանկապարտեզներինը, նվազագույն աշխատավարձն է ավելանում, եկամտային հարկի համահարթեցման արդյունքում 208 հազար մարդու աշխատավարձ կավելանա:

Տպել
2760 դիտում

Լեռնային Ղարաբաղի կարգավիճակի հարցը կարող է լուծվել բացառապես խաղաղ ճանապարհով. Լիտվայում ՀՀ դեսպանություն

Մարտի 1-ի գործը, իմ գնահատմամբ, բացահայտված է. Նիկոլ Փաշինյանն ասաց՝ ինչու է մեղադրվող կողմը ձգձգում դատավարությունը

Ստուգումներ են անցկացվել խաղաղապահ առաքելությամբ Աֆղանստանում գտնվող հայկական զորախմբի մշտական տեղակայման վայրում

Որքան էլ տարօրինակ թվա՝ մեր սխալների պատճառներից մեկը սիրված լինելն է եղել. վարչապետը ներողություն խնդրեց ժողովրդից

Հակառակորդի ԶՈՒ էական շարժ չի արձանագրվել. ՀՀ պաշտպանության նախարարն այցելել է 5-րդ զորամիավորում

Նախարարության աշխատակիցներին հանրահավաքի մասնակցության որևէ ցուցում երբևէ չեմ տվել. Ժաննա Անդրեասյան

Հրդեհ Երևանում. դեպքի վայր է մեկնել վեց մարտական հաշվարկ

Համագործակցություն կյանքի շտրիխ կոդավորման միջազգային կոնսորցիումի հետ․ նախատեսվում է աշխատանքները սկսել մարտից

Մեկնարկել են Հ-8 և Մ-5 ավտոճանապարհների 9 վտանգավոր կետերի անվտանգության և ենթակառուցվածքների բարելավման միջոցառումները

Բաղրամյան պողոտայում մեկնարկել է ընդդիմության հանրահավաքը

Հրապարակում մեկնարկում է վարչապետի հրավիրած հանրահավաքը. ուղիղ

Խստորեն հորդորում ենք լրատվամիջոցներին փորձեր չկատարել ՊԵԿ-ին ներքաշել քաղաքական գործընթացներում. ՊԵԿ

Արտակարգ իրավիճակների նախարարը սպայական կոչումներ է հանձնել

Հայ-ադրբեջանական շփման գծում միջադեպեր չեն արձանագրվել, օպերատիվ իրավիճակը կայուն է

Վահան Քերոբյանը և Ժոնաթան Լաքոտը համագործակցության պատրաստակամություն են հայտնել

Պատարագ եկեղեցում եւ հարգանքի տուրք Մարտի 1-ի զոհերի հիշատակին (լուսանկարներ)

Առաջատարը չկարողացավ հաղթել «Վանին», «Փյունիկը» ուժեղ գտնվեց «Շիրակից»

Գնում ենք մեր կամքով, սատարում ենք վարչապետին. Գյումրիից ավտոբուսներն ու մեքենաները շարժվեցին Երևան

Երիտասարդները, փորձառուները և Պատրիկեևը․ Կիևում ավարտվեց ըմբշամարտի միջազգային մրցաշարը

Երևանի տներից մեկում հրդեհ է բռնկվել․ հրդեհի բարդության Թիվ 2 կանչով դեպքի վայր է մեկնել հրշեջ ջոկատներից 6 հաշվարկ

Արտահերթ ընտրություններ անցկացնելու համար անհրաժեշտ են որոշակի սահմանադրական հիմքեր. Վարդանյան

ԱՀ էկոնոմիկայի և գյուղատնտեսության նախարար Աշոտ Բախշիյանը հայտարարել է զբաղեցրած պաշտոնից հրաժարականի մասին

Ոստիկանությունը նախատեսված զանգվածային միջոցառումների ընթացքում կոչ է անում ցուցաբերել զգոնություն և զսպվածություն

Այսօրվա հավաքներին ընդառաջ ՄԻՊ-ի դիրքորոշումները երկրում տեղի ունեցող իրադարձությունների վերաբերյալ

Սպանողները մեր կողքին են, քայլում են փողոցներով. Սեդա Սաֆարյանը՝ Մարտի 1-ի գործի և նիստերի ձգձգման մասին

Մի խումբ քաղաքացիներ ներխուժել են Կենտրոն վարչական շրջանի աշխատակազմի շենք

Արմեն Սարգսյանը և Նիկոլ Փաշինյանն այսօր հանդիպել են

Այսօր կայանալիք երթը չի անցնելու Բաղրամյան պողոտայով․ «Քաղաքացիական պայմանագիր» կուսակցություն

Վաղ առավոտից նոր շարժակազմով սկսեց աշխատել 99 համարի երթուղին․ Հայկ Մարության (տեսանյութ)

Իրավիճակը Բաղրամյան պողոտայում՝ առավոտյան (լուսանկարներ)

Երթևեկության կազմակերպման փոփոխություն Երևան քաղաքի Արշակունյաց պողոտայում

Քանաքեռ-Զեյթունի ոստիկաններն ապօրինի ինքնաձիգ ու ռազմամթերք են հայտնաբերել․ մեկ անձ ձերբակալվել է (տեսանյութ)

ՊԵԿ նախագահը խոշոր հարկ վճարողների հետ քննարկել է ոլորտային խնդիրները և գործընկերության ուղենիշերը

Ադրբեջանի վերահսկողության տակ հայտնված Արցախի տարածքները համարվում են բռնազավթված Ադրբեջանի կողմից. Արցախի ԱԺ

Ժողովրդի կամքի «գնդակահարումը» պետք է լինի անցյալում. Ռուստամ Բադասյանը՝ Մարտի 1-ի իրադարձությունների մասին

Մարուքյանը նորմա՞լ է համարում, որ ԳՇ պետը եւ ԳՇ պետի տեղակալը պիտի քաղաքական պայմանավորվածության մաս դառնան. Ռուբինյան

Մարտի 1-ի դեպքերը, որոնց հետևանքով ունեցանք անմեղ զոհեր, ցավ են բոլորիս համար. ՀՀ նախագահ

ՀՀ անվտանգության խորհուրդը նախագահին կոչ է անում բավարարել վարչապետի՝ ԳՇ պետին պաշտոնից ազատելու միջնորդությունը

Ցուցարարները մտել են Կառավարության երրորդ մասնաշենք

ՀՀ վարչապետին «Իսկանդեր»-ի իրավիճակի առնչությամբ ճիշտ չի զեկուցվել. խոսնակ Մանե Գևորգյան