Սենատորներին Սպիտակ տնից են խնդրել արգելափակել Հայոց ցեղասպանության բանաձեւի քվեարկությունը. Axios

Միացյալ Նահանգների Հանրապետական սենատոր Լինդսի Գրեհեմը պարզաբանել է, թե ինչու է որոշել վետո դնել Սենատում Հայոց ցեղասպանությունը ճանաչելու բանաձևի վրա։

Հիշեցնենք՝ նա առաջին սենատորն էր, որն արգելափակեց բանաձեւի քվեարկությունը Թրամփ-Էրդողան հանդիպումից հետո: Նրան հաջորդեց նաեւ երկրորդ սենատորը՝ Դեյվիդ Փերդյուն, որը երկրորդ անգամ վետո դրեց բանաձեւի վրա:

Axios.com-ը հրապարակել է Գրեհեմի՝ նման քայլի գնալու պատճառները: Հրապարակման համաձայն՝ հանրապետական սենատորը պարզաբանել է, թե նման քայլի է գնացել Սպիտակ տան ներկայացուցչի հորդորով:

Կայքի փոխանցմամբ՝ Թրամփ-Էրդողան հանդիպման վայրում գտնվող աղբյուրների համաձայն՝ Գրեհեմը դատապարտել էր Թուրքիայի մուտքը Սիրիա և մեղադրել թուրքերին քրդերի խաղաղ բնակչության վրա հարձակվելու համար: Այդ ժամանակ Էրդողանը հանել է իր պլանշետը և ներկաներին ցուցադրել մի տեսանյութ, որում «Սիրիայի ժողովրդավարական ուժեր» խմբավորման ղեկավարը ներկայացվում է որպես ահաբեկիչ: Դա բարկացրել է հանրապետական սենատորին, որը դիմել է Էրդողանին՝ հարցնելով. «Կուզե՞ք, ես էլ քրդերին հարցնեմ, թե դուք ինչեր եք արել այնտեղ»:

Հանդիպումից հետո, երբ Գրեհեմը դուրս է եկել սենյակից, այդ պահին նրան են մոտեցել Սպիտակ տան բարձրաստիճան պաշտոնյաները և խնդրել վերադառնալ Սենատ և արգելափակել Հայոց ցեղասպանությունը ճանաչող բանաձևի քննարկումը: Սպիտակ տան ներկայացուցիչն ասել է Գրեհեմին, որ դեմոկրատական սենատոր Ռոբերտ Մենենդեսը պատրաստվում է քննարկման դնել Հայոց ցեղասպանության մասին իր բանաձևը եւ այն արգելափակելու խնդրանքով դիմել Գրեհեմին:

«Ես, իհարկե, համաձայնեցի»,- նշել է Գրեհեմը՝ այդ որոշումը որակելով որպես թուրք-ամերիկյան հարաբերությունները պահպանելու փորձ: Հանրապետական սենատորը միաժամանակ նշել է, որ հաջորդ անգամ ինքը դեմ չի լինի այդ բանաձեւի քվեարկությանը եւ այն չի արգելափակի, քանի որ Բոբ Մենենդեսը երկար տարիներ է աշխատել այդ բանաձեւի վրա:

Պարբերականը նշում է, որ նշված «հաջորդ անգամ» Գրեհեմը պահպանել է իր խոստումը եւ վետո չի կիրառել, երբ Մենենդեսն ու գործընկերը կրկին սենատին են ներկայացրել բանաձեւը, սակայն այդ անգամ էլ Սպիտակ տան ներկայացուցիչները մեկ այլ սենատորի՝ Դեյվիդ Փերդյուին են խնդրել արգելափակել այն:

Փերդյուի ներկայացուցիչը, մեկնաբանելով սենատորի քայլը, նշել է, որ վերջինս զգուշացել է, որ  բանաձևի քննարկումը կարող է վնասել Թուրքիայի հետ ունեցած բանակցություններին ու հարաբերություններին:

Հիշեցնենք՝ սենատոր Լինդսի Գրեհեմը վետո կիրառեց Հայոց Ցեղասպանության ճանաչման բանաձեւի քվեարկության վրա նոյեմբերի 13-ին: Նա իր քայլը պատճառաբանել էր, թե որոշումն ընդունելիս առաջնորդվել է ոչ թե անցյալով, այլ թուրք-ամերիկյան հարաբերությունների ապագայով, որը, ըստ սենատորի, ավելի կարեւոր է:

Դեմոկրատ սենատոր Բոբ Մենենդեսի ներկայացրած օրինագիծը երկրորդ անգամ արգելափակվեց դարձյալ Հանրապետական սենատորի կողմից, ԱՄՆ Ջորջիա նահանգից սենատոր Դեյվիդ Փերդյուն էր երկրորդ անգամ վետո կիրառել: Սենատորը, պարզաբանելով վետո դնելու պատճառները, նշել էր, թե հիմա օրենքներ ընդունելու ճիշտ ժամանակը չէ։

Տպել
2523 դիտում

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան

Սերժ Թանկյանի, Սեբուի ու Միշոյի նոր երգը՝ Introvert (Call Me Crazy). պրեմիերա

Արևուտի դպրոցում կոռուպցիոն բնույթի հանցագործություն է բացահայտվել․ հարուցվել է քրեական գործ (տեսանյութ)

«Բարև, Ավո ջան, ո՞նց ես»

ՀՖՖ-ն հայկական ակումբներին կտա հովանավորչական գումարները

Շարունակվում են նորակոչիկ զինծառայողների պատրաստության ծրագրով նախատեսված պարապմունքները

Երևանի քաղաքապետարանը 500 նոր վերելակ ձեռք կբերի. հայտարարվելու է մրցույթ

Չգիտենք՝ այս իրավիճակն ինչքան կշարունակվի, որքան ժամանակ մարդիկ աջակցության կարիք կունենան. մեր ռեսուրսներն անսպառ չեն

Իսպանիայում նախատեսում են ֆուտբոլային մարզումների վերսկսումը. El País