Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Վանաձորի թիվ 27 հիմնական դպրոցը անձրեւի ժամանակ բառացիորեն հեղեղվում է, եւ կաթվածահար է լինում դպրոցի ոչ միայն ուսուցիչների ու մաքրող անձնակազմի աշխատանքը, այլ նաեւ աշակերտների դասապրոցեսը: Բայց առաջիկայում այդ ամենը հիշողություն կդառնա: Դպրոցի տանիքը ամբողջությամբ կփոխվի:

Դպրոցում ստեղծված իրավիճակին «Հայկական ժամանակը» անդրադարձել էր դեռ նախորդ տարի՝ բարձրաձայնելով շենքի անմխիթար վիճակն ու ինչու չէ նաեւ  ի ցույց դնելով նախկին իշխանությունների՝ կրթության հանդեպ ցուցաբերած վերաբերմունքը:

Տասնյակ տարիներ մի քանի սերունդներ սովորել ու ավարտել են մի դպրոց, որտեղ անձրեւի ժամանակ անգամ անձրեւանոցը չէր պաշտպանում թրջվելուց: Մի դպրոց, որտեղ անձրեւը լցվում էր բոլոր մասնաշենքերն անարգել՝ հասնելով մինչեւ նկուղ, քանդելով ու փչացնելով ոչ միայն կոսմետիկ տեսքը, այլ նաեւ թուլացնելով շենքի ամրությունն ու սեյսմակայունությունը:

ՀԺ-ի հետ զրույցում Լոռու մարզպետարանի կրթության, մշակույթի եւ սպորտի վարչության պետի ժամանակավոր պաշտոնակատար Ռաֆայել Հարությունյանն ասաց, որ դպրոցի տանիքի հիմնանորոգումն իրականացվում է մարզպետի լիազորությունների շրջանակներում՝ վերաբաշխման մեխանիզմի շնորհիիվ: «Սա թույլ է տալիս մարզպետին իրականացնել դպրոցների գումարների վերաբաշխում, եւ մենք դիտարկելով ամենավատթար ու խնդրահարույց դպրոցները, փորձել ենք լուծում տալ այս հարցին, քանի որ մի քանի դպրոցներ տարիներ շարունակ մատնված են եղել բարձիթողի վիճակի եւ իրենք իրենց սեփական միջոցներով չէին կարող խնդիրը վերացնել, դրա համար ամբողջությամբ իրականացվում է այդ գործընթացը: Վերաբաշխվել է շուրջ 80 մլն դրամ, որից 57 մլն դրամը՝ թիվ 27 դպրոցին»,- ասաց Ռաֆայել Հարությունյանը՝ նշելով, որ 27 դպրոցի տանիքի նորոգման մրցույթն արդեն կայացել է. «Նախատեսված է, որ մինչեւ դեկտեմբերի վերջ աշխատանքները կավարտվեն»:

Կրթության ոլորտի պատասխանատուի խոսքով՝ կառուցվելու է նոր տանիք՝ ամբողջ մակերեսով: Շինարարական աշխատանքները ուսումնական պրոցեսին որեւէ կերպ չեն խանգարելու. «Պարզապես մոտեցման խնդիր կա, հույս ունենք՝ եղանակային պայմանները մեզ չեն խանգարի, եւ արագ կավարտենք աշխատանքները»

Կրթության ոլորտի պատասխանատուի խոսքով՝ դպրոցների գումարների վերաբաշխման մասով որեւէ դժգոհություն իրենք մինչ օրս չեն ստացել:

ՀԺ-ի հարցին, որ տարիներ շարունակ դպրոցի խնդիրը բարձրաձայնվել է, սակայն, փաստորեն, թե նախկին, թե ներկայիս կառավարությունը գումար չհատկացրեց, որ դպրոցների գումարներից վերաբաշխումներ արվեցին, վարչության պետի ժամանակավոր պաշտոնակատարը պարզաբանեց. «Մենք ներկայիս կառավարությանը դիմել ենք մի քանի անգամ, ունենք մի քանի խումբ ծրագրեր, որոնք առանձին փաթեթով ենք ուղարկել, բայց քնաի որ ինչ-ինչ պատճառներով այս ծրագրերը չէին կարող մեկնարկել կամ կուշանային, իսկ խնդիրը հրատապ լուծում էր պահանջում, մենք փորձել ենք հրատապ լուծումը այս կերպ գտնել»:

ՀԺ-ի հետ զրույցում թիվ 27 դպրոցի տնօրեն Գարեգին Քարհանյանն ասաց, որ տանիքների հիմնանորոգման մրցույթը կայացել է: Այն կիրականացվի  «Դանշին» ՍՊ ընկերության կողմից: Աշխատանքները առաջիկա օրերին կմեկնարկեն: «Ես միայն ու միայն կարող եմ շնորհակալություն հայտնել դպրոցի ճակատագրով մտահոգ ու դրանց լուծմանը հետեւողականություն ցուցաբերած անձանց»,- ասաց տնօրենը: Տեղեկացրեց նաեւ, որ բարերարների աջակցությամբ նորոգվելու է 4 զուգարան, 3 դասասենյակների պատուհաններն էլ ամբողջությամբ փոխվելու են. «Սա էլ պակաս կարեւոր խնդիր չէր, որը եւս  լուծման ճանապարհին է»:

Տպել
1325 դիտում

Դարբնիկ գյուղում այրվել է մոտ 800 քմ խոտածածկույթ, փայտե շինություն, վառելափայտ և կենցաղային իրեր. ԱԻՆ

Հակառակորդը, այո, մոտեցել է Սյունիքի դարպասներին, բայց իրավիճակը ծայրահեղ չէ․ Արծրուն Հովհաննիսյան

Հայ գեներալի ու ժամկետայինի հակագրոհից փախուստի դիմեցին աշխարհի հզորներից համարվող հատուկջոկատայինները. Հովհաննիսյան

Երեկ երեկոյան հակառակորդին հաջողվեց գրավել Կուբաթլուն և որոշ ուղղություններով առաջանալ․ Արծրուն Հովհաննիսյան

Տեսանյութ է տարածվել, որտեղ ոստիկանության ծառայողը դժգոհում է կացության պայմաններից ու կենցաղային վիճակից. պարզաբանում

Առ այսօր հայտնի է գերեվարված 15 հայ զինծառայողի, 1 բնակչի մասին․ Կառավարությունն ու փաստաբանները դիմել են ՄԻԵԴ

Ամեն տղամարդ պետք է հենց հիմա ոտքի կանգնի ու գնա իր զինկոմիսարիատ, սա իմ հրամանն է. վարչապետ (տեսանյութ)

Աներկբա խոստովանեմ, որ մեր հայրենիքի պաշտպանները մարդու իրավունքների գլխավոր պաշտպաններն են մեզ համար. Արցախի ՄԻՊ

Արցախն ու պատերազմական օրերի պատկերը Դիլաքյան եղբայրների վրձնած նկարներում ու գույներով (լուսանկարներ)

Շարունակվում են հակահամավարակային անվտանգության կանոնների վերահսկման բոլոր գործառույթները. ոստիկանություն

Տիգրան Բարսեղյանը դուբլի հեղինակ դարձավ

Աննա Հակոբյանը 13 հոգանոց կանանց ջոկատով շուտով կմեկնի հայրենիքի սահմանները պաշտպանելու

Կորոնավիրուսի պատճառով մահացել է Կամերային երգչախմբի հիմնադիր Հարություն Թոփիկյանը

Սարգիս Ադամյանը գրեթե 8 ամիս անց խաղադաշտ վերադարձավ

Հայտնաբերվել է արգելված հրապարակումների 207 դեպք, որոնցից 131-ը՝ լրատվական գործունեություն չիրականացնող անձանց կողմից

Պարգեւների ներկայացված զինծառայողները. հերոսական արարումները ճակատային գծի բոլոր ուղղություններում շարունակվում են. ՊԲ

Ի՞նչ հետեւանքներ է ունենալու հրադադարի խախտումը այն խախտող կողմի համար. վարչապետը՝ ձախողված հրադադարի մասին (տեսանյութ)

Մեր ժողովրդի անվտանգությունն ու իրավունքները որևէ զիջման ենթակա չեն. Արցախի նախագահ

Գրադի և Սմերչի կայանքներից հրթիռակոծվում են Մարտունին, Մարտակերտը, նաև Ասկերանի վերին ենթաշրջանի գյուղերը. Արցախի ԱԻՊԾ

Արցախի սահմանի երկայնքով կրակի խտությունը կտրուկ մեծացել է. ՊՆ