Վանաձորի քաղաքապետարանի «լավ» աշխատանքի շնորհիվ վարորդները շարունակում են ջարդել մեքենաներն ու վտանգել իրենց կյանքը

Վանաձորի Բաղրամյան-Դեմիրճյան կամրջի վրա ստեղծված վթարային իրավիճակի մասին վանաձորցիները բարձրաձայնեցին ավելի քան 1 շաբաթ առաջ: Քաղաքապետարանի աշխատակիցները սոցիալական ցանցերում մեկնաբանելով վանաձորցիների ահազանգը, վստահեցրեցին, թե վտանգավոր ոչինչ չկա: Քաղաքապետարանից շտապեցին նաեւ հայտնել, թե ոչ միայն իրենք են ուսումնասիրել, դեռ մի բան էլ Երեւանից հատուկ մասնագետներ են հրավիրել:

Ստեղծված իրավիճակին անդրադարձավ նաեւ «Հայկական ժամանակը»: Վանաձորի քաղաապետ Մամիկոն Ասլանյանը մեզ հետ զրույցում եւս վստահեցրել էր նույնը՝ վտանգավոր բան չկա, խնդիրն էլ իրենց ուշադրության կենտրոնում է:

Չնայած բոլոր վստահեցումներին, կամուրջի վրա դեպի դրականը ոչինչ չի փոխվել, փոխարենը ճաքերն ավելացել ու ավելի են խորացել, ինչը տվյալ հատվածը դարձրել է միակողմանի երթեւեկելի, որն էլ իր հերթին ստեղծել է վթարային իրավիճակ վարորդների համար, քանի որ կշեռքի մի նժարին դրված է մեքենան չջարդելու, մյուս նժարին՝ հանդիպակաց երթեւեկելու եւ վթարի ենթարկվելու  հարցը:

Թեպետ արդեն 10  օր է անցել, բայց համապատասխան կառույցներից  որեւէ մեկի կողմից ոչինչ արված չէ: Դեռ ավելին՝ անգամ նախազգուշացնող նշաններ կամ գծանշումներ չկան, ինչը ոչ միայն վարորդներին մինչեւ վտանգավոր հատված հասնելը կզգուշացներ առկա վտանգի ու խոչընդոտի մասին, այլ նաեւ կուղղորդեր շրջանցել դրանք:

Վանաձորցի վարորդների համբերության բաժակն արդեն լցվել է: Ամեն օր, հատկապես գիշերային ժամերին, երբ կամրջի վրա լուսավորությունն անջատված է, բազմաթիվ մեքենաներ են վնասվում, շատերն էլ մի կերպ են խուսափում առջեւից եկող մեքենայի հետ բախումից, ու այս ամենը «շնորհիվ» Վանաձորի քաղաքապետարանի ու մյուս կառույցների՝ խնդրին «հրատապ», կամ գոնե ժամանակավոր լուծում չտալու «շնորհիվ»: Քաղաքապետարանը, ի դեմս տվյալ կամուրջը սպասարկող ճանշինի, պարտավոր էին օր առաջ քայլեր ձեռնարկել՝ գոնե վարորդների անվտանգությունն ապահովելու համար, բայց ինչպես երեւում է՝ ահազանգից 10 օր է անցել, իսկ քաղաքապետարանը վարորդներ համար տեսանելի ոչինչ չի արել: Մինչդեռ ճաքերը խորանում ու տարածվում են,  վտանգը՝ մեծանում:

Մեզ հասած  տեղեկություններով՝ տվյալ հատվածում մեքենան վնասած վարորդներից մեկն արդեն դիմել է իրավապահներին, վթարային իրավիճակը չվերացրած պաշտոնյաներին հայտնաբերելու եւ վնասի փոխհատուցում ստանալու ակնկալիքով:

Վանաձորի քաղաքապետարանի քաղաքաշինության եւ ճարտարապետության բաժնի պետ Սուրեն Աբովյանից ՀԺ-ն հետաքրքրվեց, թե որ փուլում են գտնվում կամրջի վթարավերականգնողական աշխատանքները, պարզվեց՝  դեռ թղթաբանությամբ են զբաղված: Նախագիծ-նախահաշիվը պատրաստ է, գնման գործընթացն են կազմակերպում. վստահեցրեց Սուրեն Աբովյանը: Իսկ ե՞րբ կամրջի վրա կսկսեն շինարարական աշխատանքները, հարցրեցինք քաղաքի գլխավոր ճարտարապետից: Պատասխանեց՝ 1 շաբաթից ոչ շուտ:

Փաստորեն ստացվում է՝ հարյուրավոր վարորդներ դեռ մեկ շաբաթ էլ պետք է համբերեն ու վտանգեն ոչ միայն իրենց կյանքը, այլ նաեւ մյուս վարորդների: Ու սա այն դեպքում, երբ գոնե զգուշացնող նշան տեղադրելն ու քանդված հատվածը ժամանակավոր փոսալցնելը իրենից բարդ բան չէր ներկայացնում, պարզապես ջանացավություն է պետք՝ վարորդների անվտանգության մասին մտածելու ու քաղաքի ամենաբանուկ կամուրջի տեսքը օր առաջ փոխելու հարցում, որին ի դեպ, շատերն արդեն հումորով են վերաբերվում: 

Տպել
1864 դիտում

Սկսվել է Երևան-Մոսկվա երկրորդ հատուկ չվերթի հաշվառումը (տեսանյութ)

Դատախազության միջնորդությամբ 9 անձի խափանման միջոց փոխվել է. կորոնավիրուսով պայմանավորված՝ նրանք ազատ են արձակվել

Այս տարի վերջին զանգը կունենա բոլորովին այլ նշանակություն, քննությունը կարող է լինել էլեկտրոնային. Ժաննա Անդրեասյան

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը

Yandex.Taxi-ն կորոնավիրուսից տուժած վարորդներին աջակցություն ցուցաբերելու համար հիմնադրամ է գործարկում

Գործարկվել է սոցիալական աջակցության www.online.ssa.am կայքը. աջակցությունը պետք է ստանալ բանկից

Ջերմորեն շնորհավորում եմ բոլոր մայրերին եւ մայրության բերկրանքին սպասող մեր քույրերին. Մարության

Այսուհետ կգործեն ՌԴ-ում ՀՀ դեսպանությանը կից մաքսային կցորդի հետ հետադարձ կապի միջոցներ

Երևանի Թումանյանի այգու մոտակա ձորակն ընկած քաղաքացուն հոսպիտալացրել են