Քթի վիրահատությունից հետո երիտասարդը կորցրել է ձայնը. մեղադրանքներ ու պարզաբանումներ

Արդեն 45 օր է՝ Գառնիկ Խաչատրյանի ձայնը կտրվել է եւ չի վերականգնվում: Երեւանի «Իզմիրլյան» բժշկական կենտրոնում քթի միջնապատի վիրահատությունից հետո վնասվել են երիտասարդի ձայնալարերը: Պատմությունն սկսվել է այն օրվանից, երբ Գառնիկի մոտ մրսածության պատճառով նշագեղձերը բորբոքվել են, եւ նա գնացել է ծանոթ բժշկի՝ կենտրոնի քիթ-կոկորդ-ականջաբան Անահիտ Անտոնյանի մոտ: Սակայն քանի որ պացիենտը նաեւ քթի միջնապատի թեքություն է ունեցել, որոշվել է նախ այդ հարցով զբաղվել: Հոկտեմբերի 9-ին կատարվել է երիտասարդի քթի միջնապատի վիրահատությունը:

Օր առաջին

«Նարկոզից արթնացա ու զգացի, որ չեմ կարողանում խոսել: Սկզբում ընդհանրապես բառեր չէի արտասանում, բայց հետո՝ օրերի ընթացքում, սկսեցի շշուկով խոսել: (Տեղի ունեցածը Գառնիկը պատմում էր դժվարությամբ, շշուկով, երբեմն՝ հազալով, շունչը կտրվում էր-հեղ.): Բժշկուհիս նայեց, ասաց՝ ոչինչ, վիրահատությունից հետո լինում է, 2-3 օր հետո կանցնի, բայց չանցավ»,- պատմեց Գառնիկ Խաչատրյանը:

Երիտասարդը 3 օր անց կենտրոն է վերադարձել եւ ստացել նույն պատասխանը՝ մի երկու օրից կվերականգնվի: Օրեր անց՝ հետազոտության ժամանակ, Գառնիկի խոսքով՝ բժիշկներն իրար մեջ ինչ-որ բան են խոսել: «Ես բաժնի ղեկավարի մոտ ինչ-որ վախ զգացի, հասկացա, որ լուրջ բան է, բայց ինձ ոչինչ չասացին»,- նշեց երիտասարդը՝ պատմելով, որ դրանից հետո իրեն մի շարք դեղեր են նշանակել: 

Փոքր դժոխքը

Վիրահատությունից 10-ը օր անց հիվանդանոցում նշել են, որ հավանաբար պացիենտի մոտ ուռուցք կա, անհրաժեշտ է անցնել մի շարք հետազոտություններ: Գառնիկի խոսքով՝ փոքր դժոխք էր: 3-4 օր տեւած ստուգումների արդյունքում հերքվել է այդ լուրը, եւ նրան ուղարկել են բուժվելու այլ կենտրոնում՝ Երեւանի «Modern Implant Medicine»-ում, որը մասնագիտացված է նման հարցերով:

«Իզմիրլյան» ԲԿ-ի կողմից տրված էպիկրիզում նշված է, որ «հետվիրահատական շրջանում հիվանդը գանգատվում էր ձայնի բացակայությունից: Կատարվել է ֆիբրոլարինգոսկոպիա, հայտնաբերվել է ձախ ձայնալարի մասնակի պարեզ: Հիվանդը զննվել է նաեւ նյարդաբանի կողմից, նշանակվել է կոնսերվատիվ բուժում: Այն ստանալուց հետո նկատվել է զգալի դրական դինամիկա: Ֆիբրոլարինգոսկոպիկ՝ ձախ ձայնալարի շարժունակությունը վերականգնվել է: Հիվանդը խոսում է, ձայնն աննշան խռպոտ է»:

Այս տեղեկատվությունը, սակայն, Գառնիկի կարծիքով՝ անհեթեթություն է. նյարդաբանի մոտ չի զննվել, ձայնալարի շարժունակությունը չի վերականգնվել, իսկ ասել, թե ձայնն աննշան է խռպոտ, ծիծաղելի է:

Իրավիճակը, սակայն, չփոխվեց

Այժմ Գառնիկ Խաչատրյանն իր բուժումն է ստանում նշված երկրորդ կենտրոնում, սակայն, նրա խոսքով, առաջընթաց չկա, ձայնը գրեթե չի ավելացել: Երիտասարդն այցելել է նաեւ Երեւանի «Աստղիկ» բժշկական կենտրոն՝ մեկ այլ մասնագետից խորհուրդ հարցնելու: Կենտրոնից Ավետիք Մինասյանը, համեմատելով հետազոտությունները, նշել է, որ տարբերություն չի տեսնում եւ խորհուրդ է տվել բուժումը շարունակել արտերկրում: Պացիենտն էլ որոշել է՝ Գերմանիա կմեկնի: Երիտասարդը նաեւ իմացել է, որ այս խնդիրը լուծվում է առաջին 1-2 ամսվա ընթացքում, ուշացնելու դեպքում հնարավոր է այլեւս չբուժվի:

«Կապն այս ընթացքում «Իզմիրլյան»-ի հետ կտրվել էր, ես իրենց չէի զանգում, իրենցից ոչ մեկը՝ ինձ, չէին հարցնում բուժվել եմ, թե ոչ»,- նշեց Գառնիկը՝ հավելելով, որ վերջերս գնացել է այդ կենտրոնի տնօրեն Արմեն Չարչյանի հետ հանդիպման, խոսել փոխհատուցման տարբերակի մասին: Ի պատասխան՝ տնօրենը հայտնել է, որ կենտրոնը չի տեսնում փոխհատուցման ոչ մի տարբերակ՝ արտերկրում բուժում ստանալու համար: Իրեն վիրահատող բժշկուհին էլ հավելել է. «Անցյալ տարի, որ հայրիկիդ վիրահատել եմ, մի անգամ չտեսա, որ «Ֆեյսբուք»-ում գրես՝ շնորհակալություն Անտոնյանին, որ այսպիսի վիրահատություն արեցին, իսկ հիմա ձայնդ վնասել ենք, ամբողջ օրը գրում ես՝ «Իզմիրլյան»-ում ձայնս վնասել են»,- իր եւ բժշկի խոսակցությունից պատմեց Գառնիկը:

Երիտասարդը դատարան կդիմի

«Ես երբեք ձայնի խնդիր չեմ ունեցել, գնացել եմ վիրահատության, արթնացել եմ նարկոզից ու չեմ խոսել»,- նշեց Գառնիկը՝ հավելելով, որ պատրաստվում է դատարան դիմել: Իհարկե, այժմ կարեւորը բուժումն է: Ինչպես պատմեց, իրեն «Իզմիրլյան» կենտրոնը փոխհատուցում չի առաջարկել: Ավելին՝ այդ ընթացքում կատարվել են հետազոտություններ, որոնց համար ինքն է վճարել: «Մոտ 200.000 դրամի դեղ եմ գնել, շաբաթական մոտ 20.000-ի գնում եմ»,- նշեց Խաչատրյանը՝ հավելելով, որ վիրահատությունը եւ այսօրվա բուժման ծախսերն ապահովագրական ընկերությունն է կատարել, իսկ դեղերն իր միջոցներով է գնել:

Ոչ թե բժշկի անփութության պատճառով է եղել, այլ ստատիստիկ բարդություն է. տնօրենի պարզաբանումը

«Դա որեւէ մեկի մեղքը չէ, սխալը չէ, անգործության հետեւանքը չէ, ստատիստիկ բարդություն է»,- մեզ հետ զրույցում նշեց «Իզմիրլյան» բժշկական կենտրոնի տնօրեն Արմեն Չարչյանը: Նրա խոսքով՝ այս խնդիրը կարող է առաջանալ աշխարհի տարբեր կլինիկաներում՝ այստեղ, Լոնդոնում կամ Փարիզում: Տնօրենը նշեց, որ բարդությունն առաջացել է վիրահատության անզգայացման ժամանակ, սակայն, նրա խոսքով, խնդիրն իրավիճակային է, նման բան կարող է պատահել, եւ հնարավոր է, որ պատճառը պացիենտի ձայնալարի կառուցվածքն է: Նրա պարզաբանմամբ՝ վերականգնվող բարդություն է, եւ 3-6 ամսվա ընթացքում այս խնդիրը կլուծվի:

Չարչյանը, խոսելով Գառնիկի հետ հանդիպման մասին, նշեց, որ, ըստ իրեն, պարզապես ցանկանում է առիթից օգտվել: Նա այդ օրը «քյաշ» փող էր ուզում: «Դա դրամաշորթություն է, շանտաժով գումար վերցնել է»,- նշեց տնօրենը՝ հավելելով, որ դրամական փոխհատուցման դեպքում պետք է լինի հանձնաժողովային փորձաքննություն: Հանձնաժողովը պետք է պարզի՝ արդյո՞ք այդ իրավիճակն ստեղծվել է բժշկի մեղքով, որովհետեւ հակառակ դեպքում ոչ ոք պատասխանատվության չի ենթարկվելու: Խաչատրյանը, մինչ վիրահատությունը, զգուշացվել է բոլոր հնարավոր բարդությունների մասին, իսկ եթե հանկարծ պարզվի, որ սխալը բժշկինն է, ապա գործը պետք է ուղարկվի դատարան, եւ որոշվի փոխհատուցման չափը:

Չարչյանի պնդմամբ՝ այստեղ թե Գերմանիայում, բուժման նույն սկզբունքն է գործում: 90-95 տոկոս հավանականությամբ ձայնը կվերականգնվի: Ճիշտ է, 3-4 տոկոս հավանականություն կա, որ այն մնա խռպոտ, սակայն եթե խնդիրն այդ աստիճանի լինի, ապա արտերկրում էլ չեն կարողանա բուժել:

Տնօրենը հերքեց, թե հիվանդանոցը չի հետաքրքրվել Գառնիկի առողջությամբ: Վիրահատող բժշկուհին պարբերաբար զանգահարել է «Modern Implant Medicine»: Նաեւ անձամբ կապվել է ապահովագրական ծառայության հետ, որպեսզի փոխհատուցեն Գառնիկի բուժման ծախսը: Մի քանի հետազոտության համար երիտասարդն է վճարել, սակայն, տնօրենի պնդմամբ, դրանք ապահովագրական փաթեթի մեջ չեն մտել եւ մեծ գումար չեն կազմել: Չարչյանը պատմեց, որ հետաքրքրվել են, իմացել, որ տուժողի վիճակը, ճիշտ է, շատ դանդաղ, բայց վերականգնվում է:

Տնօրենը եւս մեկ անգամ նշեց՝ նման խնդիր կարող է բոլոր կլինիկաներում պատահել: Հստակ չէ, բայց մոտ 10.000-20.000-ից մեկի մոտ նման բան կարող է լինել:

Տպել
37483 դիտում

Երբ ապաստարաններից ու ու թաքստոցներից շատերը դարձել են խանութ, պահեստ ու գիշերային ակումբ (լուսանկարներ)

Արդարադատության նախարարությունը կբողոքարկի դատարանի վճռը՝ Ամատունի Վիրաբյանին պաշտոնում վերականգնելու մասին

19-ամյա տղան սպանվել է այն ուսումնարանի տարածքում, որտեղ սովորում էր. Սասունիկի համայնքապետ

Հայկական համադպրոցական գիտության փառատոնը այս տարի կյանքի կկոչվի․ հաղթողը ԱՄՆ-ում կմասնակցի միջազգային փառատոնին

Արցախցիների զբաղվածության ապահովման ծրագրերին դիմող շահառուների շրջանակն ընդլայնվել է․ հաստատվել է նախագիծը

Հաշմանդամություն ունեցող զինծառայողների պրոթեզավորումը Կառավարության գլխավոր առաջնահերթություններից է. Տիգրան Ավինյան

ՀՀ և Նիդերլանդների ԱԳ նախարարները կարևորել են ԼՂ խաղաղ գործընթացի վերականգնումը ԵԱՀԿ ՄԽ համանախագահության շրջանակներում

Սպանություն Աշտարակում. դանակի հարվածից ստացած վնասվածքներով հիվանդանոց է տեղափոխվել 19-ամյա տղայի դի. shamshyan.com

Զորամասերից մեկում իրականացվել են մարտական հերթապահության հերթափոխի նախապատրաստական աշխատանքներ

Առաջարկվում է ԱՀ ԱԻՊԾ-ն և ԱՀ ոստիկանությունը ներառել մեկ միասնական մարմնի՝ Ներքին գործերի նախարարության կազմում

Բերդ-Ճամբարակ ավտոճանապարհի Նավուր-Թթուջուր հատվածը փակ է բոլոր տրանսպորտային միջոցների համար

Ստուգայց է իրականացվել մարտական հենակետերում․ ՊՆ (լուսանկարներ)

Իմ թիմով չեմ եկել, նախապատրաստած կադրերի բանակ չունեմ. Շիրակի նորանշանակ մարզպետը հանդիպեց գյումրեցի լրագրողների հետ

Հոբելյանական միջոցառումներ՝ նվիրված Առնո Բաբաջանյանի ծննդյան 100-ամյակին

Համաշխարհային մաքսային կազմակերպության և ՊԵԿ համագործակցությունը կտեղափոխվի որակապես նոր մակարդակ

Հունգարիան Եվրամիությունում առաջին երկիրն է, որը հաստատել է «Սպուտնիկ V» պատվաստանյութի օգտագործումը  

Տիգրան Պետրոսյանը շնորհակալություն է հայտնել Շիրակ աշխարհում պատասխանատվության մեծ չափաբաժին վստահելու համար

Հենց հայտարարությունը տվեցինք, սոցցանցում անկանոն քննարկումներ սկսվեցին. Նոր Կյանքում փորձարկվեց շչակը

ՄԻԵԴ-ը հրապարակել է ռուս-վրացական պատերազմի գործով վճիռը

Հարությունյանը և Շոյգուն քննարկել են գերիների և պատանդների վերադարձի հարցը, նաև անհետ կորածներին առնչվող խնդիրները

Դատարանն անվավեր է ճանաչել Գագիկ Ջհանգիրյանին պաշտոնից ազատելու ու դասային աստիճանից զրկելու Ռ․ Քոչարյանի հրամանագրերը

Մարզառազմական խաղեր են անցկացվելու նախազորակոչային և զորակոչային տարիքի երիտասարդության համար

Ջհանգիրյանն ու Խաչատուրյանը կընտրվեն ԲԴԽ անդամ. «Իմ քայլը» վաղը ԱԺ արտահերթ նիստ է նախաձեռնում

10 ժամ ձնաբքի տակ մնացած երեխայի կյանքը փրկվել է․ ռեանիմատոլոգ Վարուժան Սարգսյան

Նախագահի հրամանագրով մի խումբ զինծառայողներ հետմահու պարգևատրվել են մեդալներով

Ռուբեն Հայրապետյանի որդու մեղադրանքը խստացվել է. նա չի ընդունում մեղադրանքը

Մրցույթ Չինաստանում բարձրագույն և հետբուհական կրթություն ստանալու նպատակով․ նախատեսված է 16 կրթաթոշակային տեղ

Արման Թաթոյանը Ժոնաթան Լաքոտին է ներկայացրել գերիների հարցը և Ադրբեջանի հետ ՀՀ սահմանների որոշման գործընթացի խնդիրները

Ես չունեմ այրած կամուրջներ թե՛ դրսի, թե ներսի որևէ քաղաքական ուժի հետ․ Էդմոն Մարուքյանը՝ վարչապետ լինելու մասին

Պարգև սրբազանն ազատվել է Արցախի թեմի առաջնորդի պաշտոնից. նա նոր առաքելություն ունի

Վճարովի կայանատեղերի («կարմիր գծերի») սակագները անփոփոխ են. Հակոբ Կարապետյան

Քաղաքակիրթ աշխարհը պետք է միավորվի և պարտադրի, որ Ադրբեջանը ետ վերադարձնի իր մոտ պահվող գերիներին․ Մարուքյան

Կատարված և կատարվող աշխատանքը հույս է ներշնչում, որ մեր գերիների կյանքին և առողջությանը վտանգ չի սպառնում. Ցոլակյան

Իտալիայում կորոնավիրուսի դեմ պատվաստվել է ավելի քան մեկ միլիոն բնակիչ

Առաջարկել ենք հանրապետության ամբողջ տարածքով մեկ պահպանել ռեյտինգային ընտրակարգը․ դրա շուրջ եղել է բանավեճ․ Մարուքյան

Ադրբեջանական կողմից տեսնում ենք որոշակի քաղաքական օրակարգերի առաջմղում, ինչը ձգձգում է գերիների վերադարձը

Նոր նախագծով առաջարկվում է կրճատել Ամանորի ոչ աշխատանքային օրերը՝ հանգստյան օր սահմանելով միայն հունվարի 1-ը, 2-ը և 6-ը

Վարչապետի կողմից առաջարկված հուշագրին ի պատասխան՝ Մարուքյանը կոնտր հուշագիր է առաջարկել

Գողություն, ընտանեկան բռնություն, խարդախություն. ոստիկանության մեկօրյա ամփոփագիրը

Թուրքիայում 1 ժամում 3 երկրաշարժ է գրանցվել