Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

«Մաթեմատիկա», «հայոց լեզու» եւ «հայոց պատմություն» առարկաների ուսուցիչները դպրոցում աշխատանքի անցնելուց առաջ պարտադիր քննություն կհանձնեն: Այս մասին հայտարարել է Կրթության, գիտության մշակույթի եւ սպորտի նախարար Արայիկ Հարությունյանը՝ Երեւանի պետական համալսարանի հայ բանասիրության եւ պատմության ֆակուլտետների դասախոսների հետ երեկ կայացած հանդիպման ընթացքում:

Խոսելով «Բարձրագույն կրթության եւ գիտության մասին» օրենքի նախագծի վերաբերյալ՝ հանդիպմանը ներկա դասախոսները մտահոգություն են հայտնել, որ աշակերտները դպրոցներում հայոց լեզու եւ պատմություն առարկաները լավ չեն ուսումնասիրում եւ բուհում չանցնելու դեպքում իրավիճակն ավելի վատ կլինի: Նախարար Արայիկ Հարությունյանը խնդրի լուծման այլ տարբերակ է առաջարկել: Նրա խոսքով՝ ԿԳՄՍ նախարարությունն առաջիկայում նախատեսում է ոլորտում մի շարք բարեփոխումներ իրականացնել եւ փոփոխություններից մեկն էլ վերաբերում է ուսուցիչների՝ դպրոց աշխատանքի անցնելու կարգին:

Ծրագրով նախատեսվում է, որ ուսուցիչները մինչ տվյալ դպրոցում աշխատանքի անցնելը, հանձնեն քննություն նախարարության կողմից նշված մարմնում, դա կլինի Կրթական տեխնոլոգիաների ազգային կենտրոնը կամ մեկ այլ հաստատություն: Նախարարի խոսքով՝ այդպես ինչ-որ չափով կկարողանան լուծել այն խնդիրը, որ դպրոցներում աշակերտները նշված առարկաները լավ չեն սովորում:

Արայիկ Հարությունյանը հանդիպման ընթացքում նաեւ նշել է իր համար առանցքային երկու առարկաների մասին: «Ինձ համար կարեւորագույն երկու առարկաներ կան դպրոցում՝ հայերենը ու մաթեմատիկան, որոնց պատշաճ կերպով դասավանդումը պայմանավորում է մյուս առարկաներից գիտելիք ունենալը»,- նշել է նախարարը:

Թե երբ է նախատեսվում ներդնել ուսուցիչներին քննության միջոցով աշխատանքի ընդունելու ծրագիրը, նախարարը չի մանրամասնել: Այդ հարցի պատասխանը եւ այլ մանրամասներ նաեւ մեզ չհաջողվեց պարզել ԿԳՄՍ նախարարությունից: Այսօր էլ ուսուցիչների թափուր տեղերը համալրվում են մրցութային կարգով, բայց մասնագիտական գիտելիքներ չեն ստուգվում: Նախարարն ակնհայտորեն խոսում էր հենց մասնագիտական գիտելիքներն ստուգելուց հետո ուսուցիչներին դպրոցում աշխատանքի ընդունելու մասին:

Տպել
10829 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)