Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

19/11/2019 schedule23:07

Դեկտեմբերի 8-ին ՀՀ Արագածոտնի մարզի Ավան, Զարինջա, Թլիկ, Կոշ, Հակո, Արարատի մարզի Տափերական, Արմավիրի մարզի Ալաշկերտ, Նորապատ, Ֆերիկ, Գեղարքունիքի մարզի Զովաբեր, Լոռու մարզի Անտառամուտ, Կոտայքի մարզի Ողջաբերդ համայնքներում սպասվում են ղեկավարի ընտրություններ: 

Ընտրություններին մասնակցելու համար բոլոր համայնքներում միասին առաջադրվել է 37 թեկնածու, որոնք բոլորն անկուսակցական են՝ բացառությամբ երկուսի: Ընտրություններում առաջադրված երկու կուսակցականներից մեկը ՀՀԿ-ական է, մյուսը՝ ԲՀԿ-ական:

Գործող համայնքապետերից իր թեկնածությունը չի առաջադրել միայն Տափերական համայնքի ղեկավար Միհրան Մանասերյանը: Վերջինս 2018-ին հրաժարական էր ներկայացրել: «Ես վաղուց աշխատում էի՝ 2002-ից, հրաժարական եմ ներկայացրել, էլ ինչո՞ւ առաջադրվեմ: Հիմա թող երիտասարդները առաջադրվեն, մանավանդ, որ առողջական խնդիրներ էլ ունեմ»,- մեր զրույցում ասաց Մանասերյանը՝ հավելելով, թե շատ հետաքրքիր ընտրություն է սպասվում գյուղում: Նախկին գյուղապետը նկատի ուներ թեկնածուների թիվը. 8 գրանցված թեկնածու կա Տափերականում: 

Արմավիրի մարզի Ալաշկերտ համայնքում էլ՝ հակառակը. առաջադրվել է գործող համայնքապետը, եւ նա մրցակից չունի. նրա հետ առաջադրված միակ թեկնածուն ինքնաբացարկ է հայտնել:

Իսկ ահա Գեղարքունիքի մարզի Զովաբեր համայնքում 4 թեկնածու կա, որոնցից մեկը՝ գործող համայնքապետ Սամվել Եսայանը ինքնաբացարկ է հայտնել: 

Հետաքրքիր ընտրություններ են սպասվում նաեւ Արագածոտնի մարզի Կոշ համայնքում: Այնտեղ առաջադրվել են համայնքի 14 տարվա ղեկավար Աշոտ Ենգիբարյանը եւ անկուսակցականներ Արմեն Ավետիսյանն ու Էդմոն Ադամյանը:  Մեր զրույցում Ադամյանն ասաց, որ իր առաջադրվելու նպատակը հեղափոխությունից հետո երկրում տեղի ունեցած փոփոխությունները Կոշ հասցնելն է: Ըստ նրա՝ համայնքի գործող ղեկավարի կինը գյուղի դպրոցի տնօրենն է եւ նրանք օգտագործում են այդ հանգամանքը՝ մարդկանց «ստիպելով» քվեարկել նրա օգտին:

«Հեղափոխություն եղավ, բոլորս էլ մասնակից եղանք, հիմա փոխվել է ժողովրդի մտածելակերպը, ես էլ եմ փոխվել: Էն տարիներին, որ պայքարում էի՝ չէր ստացվում: Կլանային համակարգ էր, ամբողջ համակարգը դուրս էր գալիս քո դեմ: Էսօր շատ բան է փոխվել, ժողովրդի դեմքին ժպիտ է եկել, բայց ամեն դեպքում կան հնից մնացած բաներ, որոնց դեմ ուզում եմ պայքարել, ուզում եմ հեղափոխության լույսը գա մեր համայնք»,-  ասաց թեկնածուն:

Մեր հարցին՝ մասնավորապես ի՞նչն եք ուզում փոխել, Ադամյանը պատասխանեց. «Օրինակ գյուղապետարանը, դպրոցը, մանկապարտեզը շանտաժի մեջ դրած բոլոր աշխատողներին, բոլորին ստիպում են, որ պետք է ընտրենք էսինչ մարդուն»:

Նա նաեւ ընդգծեց, որ գյուղը աղբահանության լուրջ խնդիր ունի, որը 15 տարվա մեջ վերջին մեկ ամսում է միայն լուծվել: Մանկապարտեզ, ամբուլատորիա, գազիֆիկացում, ամեն ինչ, ըստ Ադամյանի բարերարների ու այլ միջոցներով է իրականացվել եւ մարդիկ չգիտեն, թե ինչ է արվել համայնքի բյուջեով. «Ասֆալտներ կարկատելը չեմ կարծում լուրջ աշխատանք է»,- նշեց նա:

Ասվածի վերաբերյալ մեկնաբանություն խնդրեցինք գործող համայնքապետ Աշոտ Ենգիբարյանից. «Ոչ առաջին անգամ եմ առաջադրվում, ոչ երկրորդ, ոչ երրորդ: Այսինքն խոսել նման բանի մասին՝ ավելորդ է: Ես նաեւ այն ժամանակ եմ քվե ստացել, որ իմ կինը տնօրեն չի եղել: Էսօր մարդիկ ուղղորդվում են բարեկամական կապերով, իսկ ես չունեմ նման կապեր: Այնպես որ, խոսել ռեսուրսների, լծակների մասին՝ անիմաստ է: Մանավանդ էսօր»,- ասաց նա:

Տպել
2219 դիտում

ՖԻՖԱ-ն հրապարակել է լավագույնների թեկնածուների անունները

Վերջին տասնօրյակում կորոնավիրուսային հիվանդացության ցուցանիշն առավել բարձր է եղել Երևան քաղաքում և Կոտայքի մարզում

Քաղաքաշինության կոմիտեի նախկին նախագահ Վահագն Վերմիշյանը կալանավայրում հացադուլ է հայտարարել

Կրկնակի անպատասխանատու կլիներ իշխանությունը թողնել՝ հաշվի առնելով այն խնդիրների քանակը, որ ունենք․ Նազելի Բաղդասարյան

Վարազդատ Կարապետյանը նշանակվել է Չինաստանում Հայաստանի առևտրական կցորդ

ՀՀ Կառավարությունը գրեթե երկամսյա ընդմիջումից հետո հերթական նիստը կգումարի

Skilling Chess. Արոնյանը դուրս եկավ քառորդ եզրափակիչ

Չկա՞, ոչինչ․ ԱՆ մասնագետը հորդորում է չտագնապել կորոնավիրուսով վարակվածներին նշանակված վիտամինները դեղատներում չգտնելով

Սարգիսը բարձունք էր սիրում ու իր վերջին կռիվը հենց բարձունքին էր տվել (լուսանկար)

Օնիկ Գասպարյանի հրաժարականի մասին տեղեկատվությունը չի համապատասխանում իրականությանը

Կտրել են մեկի գլուխը, մյուսի՝ ականջը, ստորացրել, ծաղրել, ծեծել. դատախազությունը՝ Ադրբեջանի վայրագությունների մասին

Պրոֆեսոր Վլադիմիր Դավիդյանցը հետմահու պարգևատրվել է «Հայրենիքին մատուցած ծառայությունների համար» 1-ին աստիճանի մեդալով

Արցախում հաշվառված եւ խրոնիկ հիվանդություններ ունեցող 328 հիվանդ դեղորայք է ստացել

Վարազդատ Կարապետյանը պատգամավորական մանդատից հրաժարվելու դիմում է ներկայացրել

Դատախազությունն ունի բավարար ապացույցներ Ադրբեջանում հայ ռազմագերիների ու քաղաքացիների սպանության, խոշտանգման մասին

Դրամաշնորհ աուտիզմ ունեցող երեխաներին մանկավարժահոգեբանական աջակցություն տրամադրողներին

Վարչապետը շարունակում է հանդիպումները գործարար դաշտի ներկայացուցիչների հետ

Չեխիայի կողմից Հայաստանին է նվիրաբերվել 100.000 բժշկական դիմակ և 43.000 ձեռնոց

ՀՀ գիտությունների ազգային ակադեմիայի նախագահությունը պահանջում է ՀՀ Կառավարության հրաժարականը

Համածառայակիցների հետ Հադրութի դպրոցում էր, վերջին անգամ հոկտեմբերի 8-ին ենք խոսել. 18-ամյա Էրիկը գերեվարվել է