Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Սուտ ցուցմունք տալու համար ամբաստանվող Վյաչեսլավ Հարությունովի վերաբերյալ այսօրվա դատական նիստին վերջինիս պաշտպան Ռոման Սարգսյանը միջնորդեց որպես վկա դատակոչել ԲՀԿ խմբակցության պատգամավոր Գագիկ Ծառուկյանին, նույն խմբակցության պատգամավորներ Էդուարդ Բաբայանին, Իվետա Տոնոյանին եւ մի շարք այլ անձանց:

Պաշտպանը պարզաբանեց՝ Էդուարդ Բաբայանի վերաբերյալ քրեական գործով, որը հիմք է հանդիսացել սույն քրեական գործի հարուցման համար, նշված անձանց ցուցմունքներում եղել են էական հակասություններ, որոնք ուղղակիորեն առնչվում են սույն քրեական գործի եւ մեղադրանքի ծավալի հետ, եւ որոնք իրենց դեռեւս անհայտ պատճառներից ելնելով՝ վարույթն իրականացնող մարմինը չի ներառել այս գործում. «Նախորդ քրեական գործի նյութերի եւ դատավոր Մեսրոպ Մակյանի կողմից կայացված դատավճռի ուսումնասիրությամբ պարզել ենք, որ նախաքննության ընթացքում հարցաքննված մի շարք վկաների, ինչպես նաեւ՝ տուժողի ու մեղադրյալի ցուցմունքներում առկա են եղել էական հակասություններ, որոնց նախաքննական մարմինը չի անդրադարձել, միչդեռ վերջինս պոզիտիվ պարտականություն ուներ կատարել ինչպես առերես հարցաքննություններ, այնպես էլ քննչական ու դատավարական մի շարք այլ գործողություններ լրիվ եւ օբյեկտիվ նախաքննություն իրականացնելու համար»:

Ռոման Սարգսյանի խոսքով՝ նշված ցուցմունքներ տված անձինք նախորդ գործով եւս դատակոչի ցուցակում չեն ներառվել, թեեւ նրանցից ոմանք ունեցել են նման ցանկություն, բայց վարույթն իրականցնող մարմինն այն մերժել է. «Դատակոչին ձեռնամուխ չի եղել նաեւ դատարանը, որը կարծես կաշկանդված է եղել վարույթն իրականացնող մարմնի կողմից հաստատված մեղադրական եզրակացությունով՝ չիրականացնելով արդար դատաքննություն»:

Պաշտպանը հայտնեց, որ նշված անձանց դեռեւս սեպտեմբերի 12-ին համապատասխան գրություններ է ուղարկել այն մասին, որ նրանց ցուցմունքներում եղել են էական հակասություններ, եւ հայտնել է, որ դատարանին միջնորդություն է ներկայացնելու՝ իրենց համապատասխան կարգավիճակով հարցաքննության հրավիրելու համար. «Ես խնդրել եմ հնարավոր սեղմ ժամկետում ներկայացնել դիրքորոշում, սակայն շուրջ 2 ամսվա ընթացքում թվածս անձանցից որեւէ մեկը առարկություն չի ներկայացրել՝ դրանով իսկ հաստատելով իր պատրաստակամությունը»:

Ռոման Սարգսյանը նշեց՝ իր պաշտպանյալը, չտիրապետելով իրավական ընթացակարգերին, չի հասկացել, որ նախորդ դատական ակտը հնարավոր էր բողոքարկել, իսկ բողոքարկման ժամկետներն այժմ լրացել են, ուստի ստացվում է, որ կա ուժի մեջ մտած դատական ակտ, որը հնարավոր չէ բեկանել. «Սույն քրեական գործի լրիվ, բազմակողմանի եւ օբյեկտիվ դատաքննությունն ապահովելու համար ես միջնորդում եմ դատարան հրավիրել եւ հարցաքննել ԲՀԿ առաջնորդ Գագիկ Ծառուկյանին, նույն խմբակցության պատգամավորներ Էդուարդ Բաբայանին, Իվետա Տոնոյանին, ինչպես նաեւ՝ Հրաչյա Ռուստամյանին, Մարգարիտա Դավթյանին, Եփրաքսյա Ալեքսանյանին, Էդգար Մելակուրյանին,  Ավետիս Պողոսյանին, Սամվել Հովհաննիսյանին, Հռիփսիե Հարությունյանին, Կարեն Պատրիկյանին, Դերենիկ Գաբրիելյանին»: Պաշտպանն ընդգծեց, որ իր գնահատմամբ՝ սույն քրեական գործի դատաքննությունն իրավաչափ չի լինի, եթե դատարանը չպահանջի նախորդ քրեական գործի նյութերը, եւ չհարցաքննի իր թվարկած անձանց:

Պաշտպանական կողմի այս միջնորդության դեմ առարկեց մեղադրող դատախազ Վարդգես Սարգսյանը՝ ասելով, որ ինքն ունի տրամագծորեն այլ դիրքորոշում. «Խնդիր է բարձրացվում, որ Երեւանի ընդհանուր իրավասության դատարանի դատավոր Մեսրոպ Մակյանի կողմից քննված  քրեական գործով, ինչպես նաեւ ՀՔԾ-ում նախաքննության ընթացքում, առկա են եղել էական հակասություններ այդ հիշյալ գործով տուժողի եւ վկաների, ինչպես նաեւ մեղադրյալի ցուցմունքներում, եւ առերեսում տեղի չի ունեցել, սակայն հարկ է նկատել, որ նախ, այսօր այստեղ այս մեղադրանքի շրջանակում օրինական ուժի մեջ մտած դատական ակտի առկայության պայմաններում չեն կարող քննության առարկա հանդիսանալ այլ քրեական գործով դատավարական կարգավիճակ ունեցող անձանց ցուցմունքները, ինչպիսին էլ դրանք լինեն»:

Դատախազ Վարդգես Սարգսյանի խոսքով՝ այդ անձանց դատարան չհրավիրվելը եւս չի կարող քննության առարկա դառնալ այս գործի քննության շրջանակներում, որովհետեւ Վյաչեսլավ Հարությունովին վերագրված մեղադրանքն ունի հստակ սահմաններ. «Ինչ վերաբերում է էական հակասություններին, ապա պետք է հասկանալ, թե ինչ էական հակասությունների մասին է խոսքը. եթե այն մասին է, որ Հարությունովը ի սկզբանե իրեն ծանր մարմնական վնասվածք պատճառելու համար մեղադրող ցուցմունքներ էր տվել, ապա հարկ է նկատել, որ նախաքննության հետագա փուլերում  իր այդ ցուցմունքներից հրաժարվել էր եւ տվել էր տրամագծորեն այլ ցուցմունքներ՝ ասելով, որ այդ վնասվածքները իրեն չեն պատճառել ոչ այդ գործով մեղադրյալ Էդուարդ Բաբայանը, ոչ էլ ԲՀԿ առաջնորդ Գագիկ Ծառուկյանը»:

Դատախազի կարծիքով՝ իր համար տարակուսելի է պաշտպանի՝ էական հակասությունների վերաբերյալ հայտարարությունները՝ հաշվի առնելով, որ ո՛չ Բաբայանը, ո՛չ Ծառուկյանը չէին ընդունում Հարությունովի նկատմամբ բռնություն գործադրելու հանգամանքը. «Իսկ դատաքննության առաջին փուլից հարգելի տուժողը եւ նրա ներկայացուցիչը, որոնք, Քրեական դատավարության օրենսգրքի համաձայն, պետք է հանդես գային մեղադրանքի կողմում, փաստացի հանդես էին գալիս պաշտպանության կողմում, եւ ամբողջ դատաքննության ընթացքում ամեն բան անում էին՝ հայտարարելու, որ Բաբայանը, որը նստած էր ամբաստանյալի աթոռին, բռնություն չի գործադրել տուժողի նկատմամբ, որ Ծառուկյանը վերջինիս ավագ եղբայրն է, եւ նրա հետ էլ որեւէ կոնֆլիկտ չի եղել»:

Մեղադրողի պնդմամբ՝ դատաքննության ընթացքում առկա էական հակասությունների մասին բարձրաձայնելը եւ նախագահող դատավորին չակերտավոր մեղադրելը դրանք չնկատելու եւ նրանց հարցաքննության չհրավիրելու մեջ, նույնպես զարմանք են առաջացնում. «Եթե այլ հակասությունների մասին է խոսքը, ուրեմն՝ պետք է միջնորդությունն ավելի փաստարկված ներկայացվեր, որպեսզի հասկանալի լիներ: Ինչ վերաբերում է Հարությունովի կողմից դատական ակտի չբողոքարկելուն, ես դա չեմ վիճարկում, բայց նա ուներ ներկայացուցիչ, որն իրավաբանական օգնություն էր ցուցաբերում, եւ անգամ ուներ լիազորություն առանց Հարությունովի վերջինիս շահերը ներկայացնելու, ուստի այս փոխադարձ վստահության պայմաններում ինձ համար անտրամաբանական է բարձրաձայնել, թե դատական ակտը չի բողոքարկվել իրավաբանական գիտելիքներ չունենալու պատճառով»:

Վարդգես Սարգսյանը նաեւ նշեց, որ չներկայացվեց որեւէ ողջամիտ պատճառաբանություն, թե ինչու պիտի դատակոչվեն, օրինակ, ԱԺ պատգամավորներ Իվետա Տոնոյանը, Էդուարդ Բաբայանը կամ Գագիկ Ծառուկյանը. «Եթե մտահոգող խնդիրը առկա հակասություններն են, ապա իրենց համար այդ փուլն անցել է, որովհետեւ այս քրեական գործի շրջանակում դատարանը դրանց գնահատական տալ այլեւս չի կարող, իսկ ինչ վերաբերում է այս անձանց ցուցմունքներին, ապա եթե Վյաչեսլավ Հարությունովին է մեղսագրվում սուտ ցուցմունք տալու հանգամանքը, չեմ կարծում, թե այս անձինք կարող են որեւէ ցուցմունք տալ նրա կողմից սուտ ցուցմունք տալ-չտալու վերաբերյալ, եւ հետո, նրանց ցուցմունքները կարող են ներկայացվել ցանկալի լույսի ներքո»,-նշեց դատախազը՝ դատարանին խնդրելով մերժել միջնորդությունը անհիմն եւ չփաստարկված լինելու պատճառով:

Մեղադրողի առարկությամբ պայմանավորված՝ պաշտպանական կողմը որոշեց բացարկի միջնորդություն ներկայացնել՝ նրան վարույթից հեռացնելու վերաբերյալ: Նշենք, որ դատական նիստի սկզբում դատավորի հարցին ի պատասխան պաշտպանական կողմը նշել էր, որ դատախազի բացարկի հիմք իրենք չունեն: Այս միջնորդության քննարկման հարցը, սակայն, հետաձգվեց:

Լսելով կողմերին՝ նախագահող դատավոր Վարդան Գրիգորյանը որոշեց մերժել Վյաչեսլավ Հարությունովի պաշտպան Ռոման Սարգսյանի միջնորդությունը անհիմն լինելու պատճառաբանությամբ. «Քրեական գործով կա օրինական ուժի մեջ մտած դատավճիռ եւ ցանկության դեպքում էլ դատարանը չի կարող անդրադառնալ դրանում տեղ գտած ըստ Ձեզ հակասություններին կամ բացթողումներին: Ինչ վերաբերում է տվյալ գործով կայացված դատական ակտին, այն սույն քրեական գործում առկա է, եւ պահանջելու լրացուցիչ անհրաժեշտություն չկա: Ինչ վերաբերում է Ձեր թված անձանց, ապա նրանք որեւէ առնչություն չունեն սույն քրեական գործի հետ»,- եզրափակեց դատավոր Գրիգորյանը:

 

Տպել
2935 դիտում

Մեղրիի տարածաշրջանում պայթյուն է տեղի ունեցել. երկու փրկարար տեղափոխվել է հիվանդանոց

Քննարկվել է ՀՀ ոստիկանության և Ֆրանսիայի ՆԳ նախարարության տարեկան գործողությունների ծրագիրը

Ասում եք՝ ինչո՞ւ եք գրել՝ փորձել ենք. եթե կարողանայինք՝ կգրեի հարձակվել ենք՝ այս խնդիրը լուծելու համար. Սերգեյ Բագրատյան

Եթե եկամուտը մնում է նույնը, իսկ ապրանքի գինը թանկանում է, բոլորն էլ դա զգում են․ Գեւորգյան

Աշոցքում անցկացվել է Հայաստանի դահուկավազքի առաջնության առաջին փուլը. պատրաստվում են աշխարհի գավաթին

Դեպի Արցախ անվճար ուղևորափոխադրումները կատարվում են ամեն օր. ԱՀ ՏԿԵՆ

Ադրբեջանը ձգձգում է գերիների վերադարձը. Արցախի ԱԳՆ-ն նամակներ է հղել միջազգային կառույցներին

Քոչարյանի եւ մյուսների գործով նիստը մեկ ժամով ընդմիջվեց

Պետական կառավարման համակարգը ռեսթարթի անհրաժեշտություն ունի, որը պետք է սկսվի վարչապետի աշխատակազմից. Նիկոլ Փաշինյան

Հետախուզությունների ազգային բյուրոն ստացել է 200 հազար ֆայլ Կապիտոլիումի անկարգությունները հետաքննելիս

Առողջապահությունը մեր ամենաարդյունավետ գերատեսչություններից մեկն է եղել և, բնականաբար`ամենաշատ քննադատված. վարչապետ

Լիդիան Արմենիան 2500 հատ ջահ է ներկրել, Անանյանը չի եկել հանձնաժողով՝ պարզաբանի. պատգամավորները քննադատում են զեկույցը

ԿԳՄՍ նախարար Վահրամ Դումանյանը հանդիպել է երաժշտահամերգային կազմակերպությունների ղեկավարների հետ

Մահացել է դերասան, բեմադրիչ Վիգեն Ստեփանյանը. նա երկու օր անգիտակից վիճակում հիվանդանոցում էր

Վարչապետն առողջապահության նախարարության անձնակազմին է ներկայացրել նորանշանակ նախարարին (տեսանյութ)

Վերսկսվեց Ռոբերտ Քոչարյանի եւ մյուսների գործով դատական նիստը

Որեւէ հանքավայր շահույթով չի՞ աշխատում. Բագրատյանը ներկայացրեց քննիչ հանձնաժողովի զեկույցը

Հավերժ ապրող Հրանտ Դինքը․ անգամ մահը նրան չլռեցրեց Թուրքիայում 

Դիլիջան տանող ավտոճանապարհը փակ է բեռնատարների համար. ոստիկանությունը՝ ավտոճանապարհների վիճակի մասին

Հաստատվել է «Լավագույն մարզական ընտանիք» մրցույթի կանոնակարգը

Բացահայտվել են աշխատողի չձևակերպման ու ՀԴՄ-ի կանոնների խախտման դեպքեր. ՊԵԿ

Բայդենի երդմնակալության արարողության փորձն ընդհատվել է Կապիտոլիումի մոտակայքում հրդեհի պատճառով

Տարբեր ուղղություններում հայտնաբերվել է ևս 7 զինծառայողի ու 1 քաղաքացիական անձի մարմին

2020 թվականին 2175 վարորդ 6 ամսով զրկվել է մեքենա վարելու իրավունքից. ոստիկանությունը մանրամասներ է հայտնում

Երեկ կատարված 2224 թեստավորումից հաստատվել է կորոնավիրուսի 236 նոր դեպք. առողջացածների թիվը կրկնակի է

ԱԺ-ն առաջին ընթերցմամբ ընդունեց ՊԵԿ-ի աշխատակիցներին զենք հատկացնելու մասին նախագիծը

ԱԺ-ն ընդունեց հակակոռուպցիոն դատարաններ և հակակոռուպցիոն կոմիտե ստեղծելու վերաբերյալ նախագծերը

«Կոնդ» թաղամասի պատմաքաղաքաշինական միջավայրի զարգացման ու վերակենդանացման համար մրցույթի էսքիզ-նախագիծ է ներկայացվել

Պատերազմի սկզբից մեծ օգնություն է եղել ԱՄՆ-ի ամենաազդեցիկ հայ փաստաբանների՝ Կարօ Ղազարեանի և Գառնիգ Քերքոնեանի կողմից

Բայդենի երդմնակալությունից առաջ Դոնալդ Թրամփը կլքի Վաշինգտոնը

«Հայփոստ»-ը սահմանել է նոր սակագներ արտերկիր առաքվող գրքերի համար

Այսօր ԱՄՆ-ում կհարգեն կորոնավիրուսից մահացածների հիշատակը. ելույթ կունենա Բայդենը

Լարսի ճանապարհը դեռեւս փակ է բոլոր մեքենաների համար. ռուսական կողմում կուտակված է 450 բեռնատար

ՀՀ մի մասում ձյուն է տեղում, կան փակ ճանապարհներ. Գեղարքունիքի բոլոր ավտոճանապարհներին մերկասառույց է

Թուրքիայի և Հունաստանի միջև վերսկսկվում են 2016թ․ ընդհատված բանակցությունները

Սահմանվել է ուսանողների ՄՈԳ-ի նվազագույն շեմը՝ ուսման վճարի մասնակի փոխհատուցման համար

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է