Փաստորեն գիտակցելով էին ձախողում

Ազգային ժողովում ծավալված բուռն, բավականին դիտարժան, բայց մեծ հաշվով՝ անպտուղ բանավեճերը մի տեսակ ստվերեցին Ռուսաստանի արտգործնախարարի հայաստանյան այցն ու ղարաբաղյան հակամարտության կարգավորման վերաբերյալ նրա հնչեցրած կարեւորագույն մտքերը: Ներքաղաքական «ինֆորմացիոն շուկան», իհարկե, առաջինը կլանեց նրա այն ակնարկը, որ Ղարաբաղը բանակցային գործընթացից դուրս է թողել Ռոբերտ Քոչարյանը, եւ դա գնահատեց որպես վերջինիս նկատմամբ Ռուսաստանի վերաբերմունքի փոփոխություն, բայց բանակցային ներկա փուլի վերաբերյալ Լավրովի հայտարարություններն, անկասկած, շատ ավելի կարեւոր էին: Ռուսաստանի արտգործնախարարը նախ վերահաստատեց, որ Ղարաբաղի վերջնական կարգավիճակը պիտի որոշվի ժողովրդի՝ պարտադիր իրավական ուժ ունեցող ազատ կամարտահայտման հիման վրա, ապա ընդգծեց, որ առանց ԼՂ ժողովրդի վերջնական կարգավորում չի լինի:

Նիկոլ Փաշինյանի ընդդիմախոսներն, իհարկե, փորձեցին իրենց համար շահեկան դրվագներ գտնել ու հայտարարեցին, թե տեսեք՝ Լավրովը խոսում է այն մասին, որ բանակցությունները շարունակվում են Մադրիդյան սկզբունքների շրջանակներում, մինչդեռ Հայաստանի իշխանություններն այլ բան են պնդում, բայց մեր արտգործնախարարությունը շատ արագ ճշտեց, որ Մադրիդյան սկզբունքներն այս պահին բանակցությունների սեղանին չեն: Թե ինչու՝ վարչապետ Փաշինյանը ներկայացրել էր ամիսներ առաջ: Որովհետեւ նախ պետք է հասկանալ, թե ադրբեջանական կողմն ինչպես է հասկանում այդ սկզբունքները, ու միայն դրանից հետո պարզ կլինի՝ բանակցությունները Մադրիդյան սկզբունքների շրջանակներո՞մ են շարունակվելու, թե ոչ:

Այս դիրքորոշումն ինչ-որ իմաստով նաեւ կշտամբանք է նախկին իշխանությունների հասցեին, որովհետեւ Սերժ Սարգսյանն, ինչպես հայտնի է, ժամանակին համաձայնել էր բանակցել Մադրիդյան սկզբունքների շրջանակներում (որոնք ներառում են նաեւ տարածքների վերադարձի հարցը)՝ առանց պաշտոնական հավաստիացում ստանալու, որ Ադրբեջանը պատրաստ է ընդունել ԼՂ ցանկացած կարգավիճակ՝ ներառյալ լիակատար անկախությունը: Ու զավեշտն այն է, որ Լավրովի այցից հետո ՀՀԿ անդամ, Սերժ Սարգսյանի օրոք պաշտպանության փոխնախարար Արտակ Զաքարյանը հայտարարում է հետեւյալը. «Մի՞թե Փաշինյանը գիտի, թե ինչպես անել, որպեսզի Ադրբեջանը պաշտոնապես ճանաչի Արցախի Հանրապետությունն իր ներկայիս տարածքների վրա, ու լիարժեք երաշխավորի զերծ մնալ Արցախի անվտանգության սպառնալիք հանդիսանալուց: Իմ պատկերացրած նոր ասելիքը սա է, ու համայն հայության հարյուր տոկոսով նույնական տեսակետն էլ միայն սա կարող է լինել»:

Փաստորեն հանրապետականները (հետեւաբար՝ նաեւ Սերժ Սարգսյանը) գիտեին, որ համայն հայության միասնական նպատակը ԼՂՀ անկախության միջազգային ճանաչումն է իր ներկայիս տարածքների վրա: Գիտեին, բայց բանակցում էին մի տարբերակի շուրջ, որի՝ մեզ համար առավելագույնս ընդունելի լուծման դեպքում անգամ ունենալու էինք ընդամենը անկախ Արցախ՝ «Հայաստանի հետ հուսալի ցամաքային կապով»: Այսինքն՝ Սերժ Սարգսյանը տարիներ շարունակ անտեսում էր «համայն հայության հարյուր տոկոսով նույնական տեսակետը»: Սա ինչպե՞ս է կոչվում, դավաճանությո՞ւն, թե խաբեություն:  Տարիներ շարունակ Սերժ Սարգսյանն ու հետին թվով սաստիկ հայրենասեր նրա հանրապետական թիմակիցները դավաճանո՞ւմ էին համայն հայությանը, պարզապես խաբո՞ւմ էին մարդկանց, թե՞ հիմա են խաբում՝ ձեւացնելով, թե չեն հասկանում, որ ղարաբաղյան բանակցություններում իշխանություններն առայժմ հիմնականում նախորդների սխալները շտկելով են զբաղված:

Հ. Գ. Ի՞նչ տրամաբանությամբ են նախկիններն իրենց ընդունած Մադրիդյան սկզբունքները համարում մեծ նվաճում ու միաժամանակ ներկա իշխանություններին մեղադրում, թե տեսեք՝ նրանք բանակցությունները նույն սկզբունքների շրջանակներում են վարում:

Տպել
2515 դիտում

Մահվան ելքով վրաերթ Երեւանում. 63-ամյա տղամարդը գիտակցության չգալով մահացել է

Տղերքին ասել եմ՝ երգե՛ք, որ թշնամին տեսնի մենք կանք. Ռուբեն Սանամյանը՝ երգելով թշնամու դեմ դուրս գալու մասին և ոչ միայն

Թուրքիայում ձերբակալել են Կարսի քաղաքապետին

Առաջիկա օրերին սպասվում է առանց տեղումների եղանակ. ջերմաստիճանն էապես չի փոխվի

Հայկական արտադրության խելացի հաշվիչները բաժանորդին թարմ տվյալներ են տալիս սպառած էլէներգիայի մասին կես ժամ պարբերությամբ

«Զինառ»-ում իրականացվում են զինվորի կենցաղային պայմանների բարելավմանը նպաստող փոփոխություններ

Երեւանի Ագաթանգեղոսի փողոցում կին վարորդը վրաերթի է ենթարկել անձը չպարզված քաղաքացու

Մեկնարկել է Գյուղական կյանքի և ավանդույթների յոթերորդ փառատոնը․ նախարարը ծանոթացել է ներկայացված գյուղմթերքին

22-ամյա երիտասարդի մոտ զենք-զինամթերք է հայտնաբերվել

Արմավիրի մարզում բախվել է 5 մեքենա.նրանցից մեկը հայտնվել է գնացքի գծերի վրա

«Սանիթեքը» աճուրդի է դրել աղբահավաք մեքենաներն ու կոնտեյներները, այդ թվում՝ 200 հատ կոտրված կամ կիսավառվածները

ՀԴՄ կտրոն չվերցնելու համար քաղաքացիներին տուգանելու նախագիծ օրակարգում չկա․ Բաբկեն Թունյան

Երևանի Ազատության պողոտայում մեքենա է այրվել. վարորդը հոսպիտալացվել է

Ստեփանծմինդա-Լարս ավտոճանապարհը բաց է միայն ՀՀ-ից մեկնող բեռնատարների համար

Հայաստանը շարունակում է շնորհավորանքներ ստանալ. շնորհավորել է Սերբիայի նախագահ Ալեքսանդր Վուչիչը

«Արարատ-Արմենիա» - «Ցրվենա Զվեզդա» խաղը` ակադեմիայի մարզադաշտում

Կրկեսի վերածվող թեժ աշունը

Ջրամատակարարման նոր գրաֆիկը չի ենթադրում ջրամատակարարման ժամերի կրճատում․ «Վեոլիա Ջուր»-ը պարզաբանում է

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև