Կարող էինք մեր գործընկերներին խնդրել ներկա լինել քվեարկությանը, բայց որդեգրել ենք ոչ կուլիսային գործելաոճ․ Միրզոյան

Ես վարչապետի հրավերով այժմ մասնակցում եմ Անվտանգության խորհրդի բոլոր նիստերին, բայց ԱԺ բերված նախագիծն ընդհանրապես խորհրդարանական երկրում ԱԺ-ի դերի բարձրացման մասին էր։ Այս մասին այսօր լրագրողների հետ ճեպազրույցում ասաց խորհրդարանի խոսնակ Արարատ Միրզոյանը՝ անդրադառնալով ընդդիմադիրների մերժած նախագծին, որով առաջարկվում էր ԱԺ նախագահին ԱԽ նիստերին մասնակցելու իրավունք տալ։

Միրզոյանը նկատեց, որ ընդդիմադիր խմբակցությունների պատգամավորները բերված նախագիծը նախապես շատ դրական էին գնահատել, նույնիսկ ավելին էին պահանջել, որ նախաձեռնությանը միանան բոլոր ֆրակցիաները, սակայն վերջում դեմ եւ ձեռնպահ քվեարկեցին։

Քանի որ նախագիծը փոփոխություն էր նախատեսում ԱԺ կանոնակարգ Սահմանադրական օրենքում, անհրաժեշտ էր 80 կողմ քվե, սակայն անհրաժեշտ ձայներ չապահովվեցին․ ԼՀԿ-ն դեմ քվեարկեց, «Իմ քայլը» խմբակցությունից էլ բացականեր կային, չնայած հանգամանքին, որ իրենց խմբակցությունն ունի 88 պատգամավոր։ Լրագրողները Միրզոյանից հետաքրքրվեցին՝ խմբակցությունում կազմակերպչակա՞ն խնդիր էր, որ այդքան բացականեր կային։ Ի պատասխան՝ ԱԺ խոսնակն ասաց, որ իրենք քվե ապահովելու համար հատուկ կազմակերպչական ջանքեր չէին գործադրել, ինչպես հաճախ է պատահել․

«Մենք որդեգրել ենք ոչ կուլիսային գործելաոճ եւ չունեինք նախագիծն ամեն գնով ընդունելու խնդիր։ Հակառակ դեպքում կարող էինք գործուղման մեջ գտնվող մեր գործընկերներին խնդրել իրենց կողմ քվեարկության մասին տեղեկացնելով նամակով կամ բացականերին խնդրել ներկա լինել, սակայն չենք արել»,- ընդգծեց Միրզոյանը։

Հարցին, թե այդ դեպքում քվեարկությունից հետո ինչո՞ւ էին «Իմ քայլ»-ի պատգամավոր Սիփան Փաշինյանն ու խմբակցության քարտուղար Հակոբ Սիմիդյանն իր աշխատասենյակում, Միրզոյանը պատասխանեց, որ իր աշխատասենյակում անընդհատ պատգամավորներ են լինում՝ ամենատարբեր հարցերի շուրջ քննարկումների առիթով․ «Ֆորս մաժոր չկա»,- շեշտեց նա։

Իսկ քվեարկությունն իր համար անսպասելի էր, որ կարծում էր՝ բոլորը կողմ կլինեն խորհրդարանի դերի բարձրացմանը միտված նախագծին․

«Չեմ ձեւացնում, իսկապես մեծ խնդիր չեմ տեսնում, որ նախագիծը չի ընդունվել, անհրաժեշտ կլինի՝ նորից կառաջարկեն։ Հերթական նախագիծն է, որը լսել են հիմնական զեկուցողի շուրթերից, հարակից զեկուցողի, հարցեր են հնչեցրել եւ որոշել՝ ինչպես քվեարկել»,- ասաց խորհրդարանի խոսնակը։

Հիշեցնենք, որ Հայաստանի խորհրդարանը նախօրեին առաջին ընթերցմամբ չընդունեց «Իմ քայլը» խմբակցության պատգամավոր Աննա Կարապետյանի հեղինակած օրենքի նախագիծը, որով առաջարկում է խորհրդարանի նախագահին օրենքի ուժով իրավունք տալ մասնակցելու Անվտանգության խորհրդի նիստերին:

«Ազգային ժողովի կանոնակարգ սահմանադրական օրենքում լրացում կատարելու մասին» եւ «Անվտանգության խորհրդի կազմավորման եւ գործունեության մասին օրենքում փոփոխություն եւ լրացում կատարելու մասին» օրենքների նախագծերի փաթեթն առաջին ընթերցմամբ չընդունվեց 66 կողմ, 14 դեմ, 20 ձեռնպահ ձայնով:

Տպել
709 դիտում

Տավուշի մարզի 5 բնակչի մոտ կորոնավիրուս է հայտնաբերվել. մարզպետ

Արցախում հակառակորդի կրակոցից հրազենային վիրավորում ստացած զինծառայողին տեղափոխել են Երեւան

Արցախում թանկացել են հնդկաձավարը, շաքարավազն ու կարագը, էժանացել՝ վարունգն ու բրինձը

Իրաքում հրթիռակոծության են ենթարկվել ամերիկյան ընկերության նավթային հանքահորերը

2019թ. 31.6%-ով ավելացել է առերևույթ կոռուպցիոն հանցագործության կատարման համար քրեական հետապնդման ենթարկվածների թիվը

Բավական հետաքրքիր նախագծեր կան. հանձնաժողովն ամփոփում է դրամաշնորհային մրցույթի արդյունքները. Հակոբ Արշակյան

Վարչապետ Նիկոլ Փաշինյանը Վլադիմիր Պուտինի հետ բնական գազի մատակարարման հետ կապված հարցեր է քննարկել

«Ճըվճըվ Արոյի» որդին համաներմամբ ազատ է արձակվել

Վարակազերծման աշխատանքներ են իրականացվել հանրային 475 վայրում, սննդի և առևտրային խոշոր կետերում (տեսանյութ)

#Մնատանը և միացիր ՀՖՖ «Իստագրամ»-ի ուղիղ եթերին. Գևորգ Ղազարյանը պատասխանելու է երկրպագուների հարցերին

Մարտունիում խորհրդակցություն է հրավիրվել. քննարկվել են կորոնավիրուսի կանխարգելմանն ուղղված քայլերը

22 ՃՏՊ, 5 թունավորում, 13 մահ. ԱԻՆ-ն ամփոփել է անցած շաբաթը

Պետք է խնդրենք մեր բեռնափոխադրողներին հաշվի առնել այս օրերին երկրների կողմից իրականացվող միջոցառումները․ փոխնախարար

Լիլիթ Հովհաննիսյանը չի կարողանում Բրազիլիայից վերադառնալ Հայաստան

Ախտահանիչ միջոցներ արտադրող 20 ընկերություններից միայն մեկը չի ունեցել սերտիֆիկատ․ Սիմոնյան

Շնորհակալ եմ, բժշկուհի՛ ջան, արի մի հատ քեզ պաչեմ. պացիենտներից մեծ ուժ են ստանում բուժաշխատողները

Վահագն Վերմիշյանի կալանավորման ժամկետը դատարանի որոշմամբ երկարաձգվել է

ՀՎՀՀ ստանալու համար ֆիզիկական անձինք դիմում կարող են ներկայացնել էլեկտրոնային եղանակով. ՊԵԿ

Covid-19-ը ստեղծելու և Չինաստանին վաճառելու մասին կեղծ լուրը մեկամսյա շրջագայությունից հետո հասավ Հայաստան

ԱԳՆ-ի հյուպատոսական մի շարք ծառայություններ հասանելի կլինեն տեսակապի միջոցով