Տեղյակ եմ, որ պատգամավորի հասցեին սպառնալիքներ են հնչել․ ԱԺ նախագահ

Տեղյակ եմ, որ պատգամավորներից մեկի հասցեին սպառնալիքներ են հնչել եւ այդ մասին տեղյակ պահվել է իրավապահներին։ Այս մասին այսօր ԱԺ-ում՝ լրագրողների հետ ճեպազրույցում, ասաց ՀՀ ԱԺ նախագահ Արարատ Միրզոյանը․

«Չեմ կարող ասել՝ կոնկրետ ով է կանգնած սպառնալիքների հետեւում...: Այդ մասին տեղեկացրել ենք իրավապահներին: Վարչապետն անհրաժեշտ համարեց իր կողմից մի անգամ էլ բարձրաձայնել ԱԺ ամբիոնից, ու եթե դա անհրաժեշտություն համարեց, ուրեմն, վստահ եմ, որ դրա անհրաժեշտությունն իսկապես կար», - ասաց Միրզոյանը:

Դիտարկմանը, որ վարչապետն իր ելույթում ակնարկեց ԲՀԿ-ական պատգամավոր Վարդան Ղուկասյանին, Միրզոյանն ասաց.

«Չեմ կարող ասել՝ ով է դրա հետեւում կանգնած, միջնորդավորված սպառնալիքներ են եղել, չենք կարող ասել՝ վերջնարդյունքում ով է կանգնած հետեւում, այն, ինչ խոսում ենք, ենթադրությունների հարթությունում է, բայց ես կրկնում եմ՝ կարող եմ ստորագրել վարչապետի ասածի տակ՝ որեւէ մեկը չի կարող երեւակայել, որ այսպիսի սպառնալիքների լեզվով կարող է խոսել պատգամավորների հետ եւ փորձել կանխել կարգավորումները, որոնք մեր քաղաքական ուժը մտադիր է անել օրինաստեղծ հարթության վրա»:

Ինչ վերաբերում է Գյումրիում Վարդան Ղուկասյանի քաղաքապետության տարիներին, Արարատ Միրզոյանն ասաց՝ ով չգիտի, թե այդ ժամանակահատվածում ինչպիսի վախի մթնոլորտ էր քաղաքում․

«Հիմա եթե խոսենք այդ մթնոլորտի հիմնավորումներից, չեմ մտաբերի կոնկրետ բաներ, բայց մի հատ թերթենք պատմությունը, մարդկանց հարցնենք, կասեն, որ կար այդպիսի մթնոլորտ, կար պետական միջոցների շորթման, իշխանությունը սեփական անձի եւ շրջապատի շահերին ծառայեցնելու պատկերը»,- ասաց ԱԺ խոսնակը։

Հարցին՝ այդ դեպքում ինչո՞ւ է Ղուկասյանը պատգամավոր եւ ինչո՞ւ իրավապահները չեն զբաղվում նշյալ հանգամանքներով, Միրզոյանն արձագանքեց, որ իրենք իրենց իրավունք չէին կարող վերապահել այս կամ այն ուժի ներկայացուցչին արգելել մասնակցել ընտրություններին, իսկ թե ինչու իրավապահները չեն զբաղվում, Միրզոյանը պատասխանեց՝ հարցի հասցեատերն ինքը չէ։

Ավելի վաղ հայտնել էինք, որ ԲՀԿ-ական պատգամավոր Վարդան Ղուկասյանին մոտ կանգնած մարդիկ խորհրդարանական «Իմ քայլը» խմբակցության պատգամավոր Նազելի Բաղդասարյանին հորդորել են հետ կանգնել քրեական ենթամշակույթին հարելը քրեականացնող նախագծից։

Այս տեղեկությունը «Հայկական ժամանակ»-ի հետ զրույցում հաստատել էր ինքը Բաղդասարյանը՝ անդրադառնալով վարչապետ Փաշինյանի երեկվա հայտարարությանը, որ ինչ-որ մարդիկ, այդ թվում՝ պատգամավորներ, միջնորդավորված ձեւով սպառնացել են հարցի հարակից զեկուցող պատգամավորին։

Երեկ «Հայկական ժամանակ»-ը գրել էր, որ այդ անձը Վարդան Ղուկասյանն է, որը սպառնալիքներ է հնչեցրել Նազելի Բաղդասարյանի հասցեին:

Տպել
1456 դիտում

Գուգարքի և Դիլիջանի ոստիկանները ապօրինի ծառահատման դեպքեր են բացահայտել (տեսանյութ)

Հետայսու Արցախ մուտք ու ելք կատարելը հնարավոր է միայն Բերձոր-Ստեփանակերտ ավտոճանապարհով

Լուրը, թե որոշ հայ զինծառայողներ գտնվում են Իրանի Իսլամական Հանրապետության տարածքում, չի հաստատվել․ Մխիթար Հայրապետյան

Դիլիջան քաղաքում ավտովթար է տեղի ունեցել․ տուժածները հոսպիտալացվել են Դիլիջանի բժշկական կենտրոն

ՖԻՖԱ-ն հրապարակել է լավագույնների թեկնածուների անունները

Վերջին տասնօրյակում կորոնավիրուսային հիվանդացության ցուցանիշն առավել բարձր է եղել Երևան քաղաքում և Կոտայքի մարզում

Քաղաքաշինության կոմիտեի նախկին նախագահ Վահագն Վերմիշյանը կալանավայրում հացադուլ է հայտարարել

Կրկնակի անպատասխանատու կլիներ իշխանությունը թողնել՝ հաշվի առնելով այն խնդիրների քանակը, որ ունենք․ Նազելի Բաղդասարյան

Վարազդատ Կարապետյանը նշանակվել է Չինաստանում Հայաստանի առևտրական կցորդ

ՀՀ Կառավարությունը գրեթե երկամսյա ընդմիջումից հետո հերթական նիստը կգումարի

Skilling Chess. Արոնյանը դուրս եկավ քառորդ եզրափակիչ

Չկա՞, ոչինչ․ ԱՆ մասնագետը հորդորում է չտագնապել կորոնավիրուսով վարակվածներին նշանակված վիտամինները դեղատներում չգտնելով

Սարգիսը բարձունք էր սիրում ու իր վերջին կռիվը հենց բարձունքին էր տվել (լուսանկար)

Օնիկ Գասպարյանի հրաժարականի մասին տեղեկատվությունը չի համապատասխանում իրականությանը

Կտրել են մեկի գլուխը, մյուսի՝ ականջը, ստորացրել, ծաղրել, ծեծել. դատախազությունը՝ Ադրբեջանի վայրագությունների մասին

Պրոֆեսոր Վլադիմիր Դավիդյանցը հետմահու պարգևատրվել է «Հայրենիքին մատուցած ծառայությունների համար» 1-ին աստիճանի մեդալով

Արցախում հաշվառված եւ խրոնիկ հիվանդություններ ունեցող 328 հիվանդ դեղորայք է ստացել

Վարազդատ Կարապետյանը պատգամավորական մանդատից հրաժարվելու դիմում է ներկայացրել

Դատախազությունն ունի բավարար ապացույցներ Ադրբեջանում հայ ռազմագերիների ու քաղաքացիների սպանության, խոշտանգման մասին

Դրամաշնորհ աուտիզմ ունեցող երեխաներին մանկավարժահոգեբանական աջակցություն տրամադրողներին