Ակնարկել են, թե՝ «երեխա ունես, քեզ ի՞նչ պետք է. Նազելի Բաղդասարյանը հաստատում է սպառնալիքների մասին տեղեկությունը

ԲՀԿ-ական պատգամավոր Վարդան Ղուկասյանին մոտ կանգնած մարդիկ խորհրդարանական «Իմ քայլը» խմբակցության պատգամավոր Նազելի Բաղդասարյանին հորդորել են հետ կանգնել քրեական ենթամշակույթին հարելը քրեականացնող նախագծից։

Այս տեղեկությունը «Հայկական ժամանակ»-ի հետ զրույցում հաստատեց ինքը Բաղդասարյանը՝ անդրադառնալով վարչապետ Փաշինյանի երեկվա հայտարարությանը, որ ինչ-որ մարդիկ, այդ թվում՝ պատգամավորներ, միջնորդավորված ձեւով սպառնացել են հարցի հարակից զեկուցող պատգամավորին։

Երեկ «Հայկական ժամանակ»-ը գրել էր, որ այդ անձը Վարդան Ղուկասյանն է, որը սպառնալիքներ է հնչեցրել Նազելի Բաղդասարյանի հասցեին:

Ազգային ժողովի գլխադասային՝ պետաիրավական հարցերի մշտական հանձնաժողովն արդեն քննարկել է քրեական ենթամշակույթին հարելու համար քրեական պատիժ սահմանող օրենքը։ «ՀՀ Քրեական օրենսգրքում փոփոխություններ եւ լրացումներ կատարելու մասին» եւ «ՀՀ Քրեական դատավարության օրենսգրքում փոփոխություններ ու լրացումներ կատարելու մասին» նախագծերի այս փաթեթը հանձնաժողովին էր ներկայացրել ՀՀ արդարադատության նախարար Ռուստամ Բադասյանը, հարակից զեկուցողը Նազելի Բաղդասարյանն էր։

Վերջինս մեր զրույցում ասաց, որ վերոնշյալ հորդորները դեռ նախագծի քննարկման ժամանակ էլ են հնչել։ Եղել են միջնորդավորված ձեւով, բայց այն մարդիկ, որոնք հորդորներ են հնչեցրել, տվել են Վարդան Ղուկասյանի անունը։ Ընդհուպ ակնարկել են, թե՝ «երեխա ունես, քեզ ի՞նչ պետք է»։

Բաղդասարյանը անուններ չհնչեցրեց, սակայն հայտնեց, որ իրավապահներն ուսումնասիրում են առկա տեղեկությունները։ Պատգամավորն այս մասին առավել մանրամասն պատրաստվում է խոսել ԱԺ ամբիոնից, սակայն նշում է, որ իրենց խմբակցության դիրքորոշումը հստակ է. զրո հանդուրժողականություն քրեական ենթամշակույթի եւ այդ մշակույթը կրող անձանց նկատմամբ։

Հիշեցնենք, որ ՀՀ վարչապետ Նիկոլ Փաշինյանը, երեկ՝ ԱԺ-կառավարություն հարց ու պատասխանի ժամանակ, խոսելով նշյալ նախագծի անհրաժեշտության մասին, ԱԺ բարձր ամբիոնից հայտարարեց, որ քրեական ենթամշակույթը Հայաստանից պետք է արմատախիլ արվի, եւ եթե կան մարդիկ, այդ թվում՝ պատգամավորներ, որոնք մտածում են, թե այս հարցում կոմպրոմիսներ են լինելու եւ որոնք մտածում են՝ այս օրենքի հետ կապված կարող են միջնորդավորված ձեւով հարցի հարակից զեկուցող պատգամավորի սպառնալ, ուղիղ ասում է՝ «կպառկեցնենք ասֆալտին եւ կտանք պատերով՝ բառի բուն իմաստով»։

Տպել
5755 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները