Դավադիրներ կարող են լինել, դավադրություն՝ երբեք

14/11/2019 schedule00:30

Արցախի նախկին վարչապետ Արայիկ Հարությունյանը հայտարարել է, թե դավադիր է համարում բոլոր նրանց, ովքեր կասկածի տակ են դնում Հայաստանի իշխանությունների եւ ՀՀ վարչապետի քայլերը՝ կապված ղարաբաղյան հիմնախնդրի հետ ու դրանք համարում են պարտվողական կամ դավադիր: Արայիկ Հարությունյանն, իհարկե, նաեւ բացատրել է, թե ինչու է այդպես համարում, բայց խնդիրը դա չէ: Խնդիրն այն է, որ ընդդիմախոսներն ահավոր աղմուկ են բարձրացրել, թե ինչպե՞ս կարելի է որեւէ հարցում այլ կարծիք ունենալը համարել դավադրություն, բա ո՞ւր մնաց բազմակարծությունը, եւ այլն:

Բազմակարծությունն, իհարկե, լավ բան է: Միայն մի պայմանով՝ կարծիքները պիտի հստակորեն ձեւակերպված լինեն: Օրինակ՝ եթե նախկին իշխանությունները կամ նոր իշխանությունների այլ ընդդիմախոսները հայտարարում են, թե ղարաբաղյան կարգավորման հարցում Նիկոլ Փաշինյանի կառավարությունը սխալ քաղաքականություն է վարում, պիտի կոնկրետացնեն նաեւ, թե հատկապես ինչն է սխալ, հատկապես ինչից են դժգոհ, եւ որն է ճիշտը՝ իրենց կարծիքով: Իրականացվող քաղաքականությունը հենց այնպես, առանց որեւէ հիմնավորման «սխալ», «պարտվողական» կամ «կործանարար» անվանել չի կարելի:

Ի՞նչ քաղաքականություն էին իրականացնում նախկիններն Արցախի հարցում, եւ ի՞նչ քաղաքականություն են իրականացնում այսօրվա իշխանությունները: Որպեսզի հասկանանք՝ ճի՞շտ քաղաքականություն է (էր) իրականացվում, թե ոչ, նախ պիտի պարզենք՝ ո՞րն է մեր նպատակը, մենք ուզում ենք կարգավորե՞լ հակամարտությունը, թե՞ հնարավորինս երկարաձգել ներկա վիճակը: Սա կարեւորագույն հարցն է, որովհետեւ իրականացվող քաղաքականության ճիշտ կամ սխալ լինելը նպատակից է կախված: Եթե մեր նպատակը ներկա վիճակը պահպանելն է, ապա դրան հասնելու համար պետք է ձգձգել բանակցությունները, զուգահեռաբար հզորացնել երկիրը (տնտեսություն, բանակ եւ այլն), եւ հույս ունենալ, որ դաշնակիցները հակառակորդին թույլ չեն տա նոր պատերազմ սկսել, սկսելու դեպքում էլ՝ կաջակցեն մեզ: Իսկ եթե մեր նպատակը վերջնական խաղաղության հասնելն է, պիտի հայտարարել, որ վերջնական կարգավորումը պիտի ընդունելի լինի նաեւ դիմացինի համար, ստիպել, որ դիմացինը նույնպես ընդունի այդ սկզբունքը (ավելի կոնկրետ՝ պաշտոնապես համաձայնվի, որ Արցախի վերջնական կարգավիճակը որոշվելու է պարտադիր իրավական ուժ ունեցող կամարտահայտման միջոցով), եւ միայն դրանից հետո սկսել վերջնական փաստաթղթի շուրջ բանակցությունները:

Հիմա տեսեք՝ նախկին իշխանությունները երեւի համարում էին, որ ճիշտը վերջնական կարգավորումը հնարավորինս երկարաձգելն ու առկա վիճակը պահպանելն է: Բայց ժամանակը ցույց տվեց, որ դա հնարավոր չէ: Հատուկ շեշտում ենք՝ ոչ թե ճիշտ է կամ սխալ, այլ գործնականում հնարավոր չէ: Արտաքին աշխարհը (այդ թվում՝ մեր հիմնական դաշնակիցը) դա չի հանդուրժում ու նույնիսկ զինում է Ադրբեջանին, եւ ի վերջո ամեն ինչ հանգելու է նոր «ապրիլյան պատերազմի», որում մենք ոչ մի դաշնակից չենք ունենալու (ինչպես չունեցանք երեքուկես տարի առաջ): Հիմա հարց է ծագում՝ պետք է շարունակե՞լ այն քաղաքականությունը, որն իրականացվել է նախորդ իշխանությունների օրոք եւ մի անգամ արդեն ձախողվել է, թե՞ պետք է ակտիվացնել բանակցային գործընթացը՝ այնպես, որ Ադրբեջանը կամ միջազգային հանրության ճնշման տակ ավելի կառուցողական դառնա, կամ էլ գոնե ակնհայտ դառնա, որ ապակառուցողականն Ադրբեջանն է: Վերջին հաշվով՝ ամբողջ աշխարհն ընդունում է, որ Արցախի վերջնական կարգավիճակը պիտի որոշվի պարտադիր իրավական ուժ ունեցող կամարտահայտմամբ, բացի Ադրբեջանից: Հայկական կողմն էլ հենց այդ ուղղությամբ է ճնշում, որովհետեւ դիմացինի «թույլ տեղը» գտել է: Ու զուգահեռաբար՝ ամրապնդում է բանակը:

Որեւէ մեկը կբացատրի՞, թե այս քաղաքականության որ մասն է «պարտվողական»:

Տպել
1585 դիտում

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը