Բարձր մակարդակով ընդգծվել է՝ ԱՄՆ-ն շահագրգռված է հայկական սահմանների անվտանգությամբ. Մանվել Սարգսյան

ԱՄՆ դեսպան Լին Թրեյսին վերջին շրջանում հանդիպումներ է ունեցել արտախորհրդարանական քաղաքական ուժերից «Ազատ դեմոկրատներ»-ի, ՀՀԿ-ի եւ ՀՅԴ-ի հետ, այցելել ՀՀ ԱԱԾ՝ ելույթ ունեցել սահմանային անվտանգության ապահովման տեխնիկայի նվիրատվության արարողությանը: Կուսակցությունների տարածած հաղորդագրություններից պարզ է դառնում, որ հանդիպումները կայացել են դեսպանի նախաձեռնությամբ, քննարկումները եղել են ներհայաստանյան քաղաքական ու տնտեսական խնդիրների, ներդրումների, ինչպես նաեւ՝ արցախյան հարցի կարգավորման շուրջ:

Դեսպանի հանդիպումներում առկա ուղերձների մասին «Հայկական ժամանակ»-ի հետ զրույցում քաղաքագետ Մանվել Սարգսյանը նշեց, որ ԱՄՆ կառավարության կողմից ԱԱԾ սահմանապահ զորքերին սահմանային անվտանգության ապահովման տեխնիկայի նվիրատվությունը, ինչպես նաեւ ԱՄՆ Կոնգրեսի անդամներ Ջեքի Սփիր-Կանչելյանի, Ջուդի Չունի եւ Ֆրանք Փալոնի այցելությունն Արցախի սահման նշանակում է, որ ԱՄՆ-ն եւս իր ջանքերն է ուղղում Հայաստանի սահմանների անվտանգության պահպանմանը: Տարածաշրջանային ռազմական զարգացումների համատեքստում այդ քայլերը, Մանվել Սարգսյանի դիտարկմամբ, հայկական սահմանների անվտանգության նկատմամբ ԱՄՆ-ի քաղաքական վերաբերմունքի դրսեւորումն են:

Դեսպանի խոսքը՝ «Տարեցտարի զարգացող մեր համագործակցությունը թույլ է տվել արձագանքել Հայաստանի եւ աշխարհի առաջ ծառացած մարտահրավերներին», ըստ Սարգսյանի, նշանակում է, որ փաստորեն ԱՄՆ-ն ցուցաբերել է աջակցություն Հայաստանի սահմանների ամրակցման գործին Սիրիայի սահմանում ռազմական գործողություններ սկսելուց անմիջապես առաջ: «Իսկ դրանից հետո սկսվեցին Թուրքիայում պրոցեսներ, Սիրիայի սահմանում բախումներ: Կոնգրեսմենները գնացին Արցախ, ԱՄՆ-ն Արցախին հատկացրեց 4 մլն դոլարի սարքավորումներ սահմանի վերահսկման համար: Փաստորեն, հայկական երկու սահմանների համար էլ հատկացվել են սարքավորումներ: Բարձր մակարդակով ընդգծվել է, որ ԱՄՆ-ն շահագրգռված է Հայաստանի սահմանների անվտանգությամբ»,- նշեց քաղաքագետը:

Անդրադառնալով քաղաքական հանդիպումներին՝ Սարգսյանը հիշեցրեց, որ «Ազատ դեմոկրատները» պրոարեւմտյան ուժ են, եւ ԱՄՆ-ի ներկայացուցիչների հետ «անընդհատ էլ հանդիպում են», իսկ ՀՀԿ-ն ու ՀՅԴ-ն նախկին իշխանական կոալիցիայի ուժեր են: «Արեւմտյան երկրներն անընդհատ են աշխատում, բոլորի հետ են աշխատում: Ուղղակի հիմա ընտրել են այն ուժերը, որ հեռացել են իշխանությունից. եթե հիմա ԲՀԿ-ն էլ հեռացած լիներ, գուցե նրանց հետ էլ կհանդիպեին»,- ասաց Սարգսյանը:

Արդյոք այս քայլերով ԱՄՆ-ն փորձում է հակակշռել ռուսական ազդեցությանը հարցին ի պատասխան՝ Մանվել Սարգսյանն ասաց, որ թե արտաքին եւ թե ներքին հակադրումների նպատակ ինքը չի տեսնում: «Ընդհանրապես, սահմաններում նման ժեստ ցուցաբերելը շատ հետաքրքիր է, քանի որ Թուրքիայի հետ Հայաստանի սահմանը Ռուսաստանի վերահսկողությամբ է իրականացվում, բայց ԱՄՆ-ն էլ շատ հանգիստ այս ժեստերն արել է: Նույնիսկ հնարավոր է՝ այս ամենն իրար հետ համաձայնեցրել են՝ կապված Սիրիայի հետ: Ես չեմ կարծում՝ Հայաստանի անվտանգության խնդրում ԱՄՆ-ն եւ Ռուսաստանը շատ տարբեր մոտեցումներ ունեն: Երբեք էլ դա չի եղել: Անգամ ռուսական ռազմաբազայի առկայությանն այստեղ երբեք էլ ՆԱՏՕ-ն կամ ԱՄՆ-ն չեն առարկել: Ասել են՝ դա Հայաստանի հարցն է իր անվտանգության խնդիրները լուծելու համար: Այնպես որ, չեմ կարծում, թե սա ինչ որ հակակշռող քայլ է, ավելի շատ՝ փոխլրացնող է, քանի որ իսկապես Թուրքիայում մեզ հետ կապված խնդիրներ են ստեղծվել, բանաձեւի ընդունում եւ այլն, դա հենց այնպես չի: Սահմանների անվտանգությանն ուշադրություն դարձնելն ինքնին մեծ քաղաքական նշանակություն ունեցող ակտ է»,- ասաց նա:

Հիշեցնենք, որ ԱՄՆ-ի կողմից ՀՀ-ին տրամադրված նյութատեխնիկական աջակցությունը ներառում է  շարժական լաբորատորիաներ, տեսադիտարկման օպտիկական միջոցներ, ազդանշանային սարքեր, կապի համակարգ, անգլերեն լեզվի ուսուցման տեխնիկապես գերհագեցած լսարան, քառագնացներ եւ այլ տեխնիկական միջոցներ: Դրանք անմիջականորեն նպաստելու են զանգվածային ոչնչացման զենքի եւ դրան հարակից նյութերի տարածման կանխմանը, միջազգային ահաբեկչության, մաքսանենգության, հանցավորության դեմ պայքարին եւ ապօրինի միգրացիոն հոսքերի կառավարմանը։ Իսկ Արցախին տրամադրված սարքավորումները նախատեսվում է, որ կտեղադրվեն Ադրբեջանի եւ Լեռնային Ղարաբաղի շփման գծի երկայնքով, ինչը թույլ կտա պարզել, թե որ կողմն է խախտել զինադադարը. այս միջոցներն ուղղված են խաղաղության ամրապնդմանն ու զինադադարը խախտողներին պատասխանատվության ենթարկելուն:

Տպել
1662 դիտում

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը

Արցախում ՀՀ-ից ժամանած երկու քաղաքացիներ են մեկուսացվել. նրանց թեստերի պատասխանները կստացվեն վաղը

Մոտ 550 հազար դոլարի ներդրում ենք արել՝ Հայաստանում թեստերի տեղական արտադրություն ունենալու համար․ ՀՀ վարչապետ

Մասնագիտական պատրաստության պարապմունք է անցկացվել 3-րդ զորամիավորումում. ՊՆ

Կրակոցներ Երևանում. մոտ 40 տարեկան տղամարդը հրազենային վնասվածքներով հիվանդանոցում է

Եթե պարգեւավճարներն ուղղվեին թոշակների բարձրացմանը՝ դրանք կբարձրանային 165 դրամով. վարչապետը հաշվարկ ներկայացրեց

Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Արմավիրում գյուղատնտեսական աշխատանքներն ակտիվորեն շարունակվում են