Նրանք, ովքեր ասում են, թե ՀՀ իշխանությունները ծախում են Արցախը, դավադիր ուժեր են. Ա. Հարությունյանը կառաջադրվի

Երեկ Արցախում տեղի է ունեցել «Ազատ Հայրենիք» կուսակցության համագումարը, որի ընթացքում որոշվել է. կուսակցության ղեկավար Արայիկ Հարությունյանը կառաջադրվի 2020-ին սպասվող նախագահական ընտրություններում:

«Այս համագումարը նոր քաղաքական էջ է բացելու մեր կուսակցության համար, քանի որ առաջին անգամ պատրաստվում ենք առաջիկայում կայանալիք համապետական ընտրություններին հանդես գալ նախագահի սեփական թեկնածուով. սա նշաձողի ամենաբարձր սահմանումն է: Ամենայն պատասխանատվությամբ ուզում եմ հայտարարել, որ ունենք բոլոր նախադրյալները՝ ստանձնելու մեր երկրի քաղաքական ողջ պատասխանատվությունը՝ համագործակցելով այլ քաղաքական ուժերի հետ»,- համագումարի ընթացքում հայտարարել է Հարությունյանը:

Նա ընդգծել է, որ պատրաստ են համագործակցել ցանկացած ուժի հետ, եթե միայն այդ ուժերը կիսեն իրենց որդեգրած քաղաքական կուրսը.

«Արցախում ձևավորված իշխանությունը պետք է ներդաշնակ աշխատի ՀՀ իշխանությունների հետ, քանի որ ՀՀ իշխանությունների հետ ներդաշնակ աշխատելը լինելու է մեր հիմնական պահանջներից մեկը: Եվ երկրորդ՝ այն ծրագիրը, որը ներկայացրել եմ ես, պետք է ընդունելի լինի այդ քաղաքական ուժերի համար»,- մասնավորապես նշել է Հարությունյանը:

Անդրադառնալով ՀՀ իշխանությունների հետ ներդաշնակ աշխատելուն՝ Արցախի նախկին վարչապետը նկատել է, որ «բոլոր ուժերը, որոնք այսօր կասկածի տակ են դնում Հայաստանի իշխանության, մանավանդ վարչապետի քայլերը, կապված ղարաբաղյան խնդրի հետ՝ համարելով դրանք պարտվողական, դավադիր ուժեր են»: 

«Նրանք, որոնք ապակողմնորոշում են հանրությանը, թե իշխանությունները ծախում են կամ հանձնում են, դավադիր ուժեր են: Կարող են տարբեր կերպ մտածել, բայց շեղել հասարակությանը, անհիմն մեղադրել այն քայլերում, որոնք չենք կատարվել, կարելի է համարել դավադրություն։ Եթե դու անհիմն մեղադրում ես՝ չունենալով ինֆորմացիա, հակառակը՝ հակառակորդի ջրաղացին ջուր լցնելով, հասարակությանը պառակտելով, դավադիր քայլ է և հավասարազոր է դավաճանության»,- հայտարարել է Հարությունյանը:

Ինչ վերաբերում է ներկայացված ծրագրին, ապա Հարությունյանը գլխավոր մարտահրավեր է համարել ժողովրդագրական իրավիճակի բարելավումը, առողջապահության, կրթության եւ սպորտի ոլորտները, բնակարանաշինության եւ հիփոթեքի հետ կապված հարցերը:

Այսպիսով, 2020-ին սպասվող ընտրություններում առաջադրվելու մասին պաշտոնապես հայտարարված արդեն 2 թեկնածու կա: Նրանցից մեկն էլ Արցախի ԱԳ նախարար Մասիս Մայիլյանն է:

Առաջադրվելու հնարավորությունը չեն բացառել նաեւ «Վերածնունդ» կուսակցության ղեկավար Հայկ Խանումյանը, Արցախի Ազգային անվտանգության նախկին քարտուղար Վիտալի Բալասանյանը եւ ուրիշներ:

Սակայն Արայիկ Հարությունյանի առաջադրումն Արցախում ոչ միանշանակ է ընկալվում. կան պնդումներ, որ նա իր ձեռքի տակ ունի նախկինից մնացած վարչական ռեսուրսներ, որոնք օգտագործում է՝ հօգուտ իրեն:

Տպել
2247 դիտում

Վթար Երևան-Երասխ ավտոճանապարհին. ուղեւորը հոսպիտալացվել է

Թող ձեր ընտանիքներում տիրեն միայն երջանկությունն ու բարօրությունը. Բակո Սահակյանի ուղերձը

Արմեն Սարգսյանը շնորհավորական ուղերձ է հղել Մայրության և գեղեցկության տոնի առթիվ

Աբովյան քաղաքի 3-րդ միկրոշրջանի բնակարաններից մեկում հայտնաբերվել է դի

Երեկվա դրությամբ 2 միլիարդ 353 միլիոն դրամ աջակցություն է բաշխվել. վարչապետ

Պոլսահայ մտավորական Մասիս Քյուրքչյուգիլը կորոնավիրուսի կասկածանքով հիվանդանոցում է

ՀՀ 4 մարզերում ձյուն է տեղում. Սարավան-«Զանգեր» հատվածում տեղ-տեղ առկա է մերկասառույց

Մեծ Բրիտանիայի վարչապետի վիճակը վատթարացել է. տեղափոխել են ինտենսիվ թերապիայի բաժանմունք

Կորոնավիրուսի վարակի կասկածով 400 քաղաքացի դուրս է եկել մեկուսացումից

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա