Ես չեմ պատկերացնում՝ ոնց պետք է մի վկայի ասեմ՝ գիտես, ցուցմունք փոխի, մի քիչ սենց ռետուշ արա, ամոթից կմեռնեմ․ Քոչարյան

Մարտի 1-ի գործով առանցքային ամբաստանյալ Ռոբերտ Քոչարյանը միացավ իրեն գրավի դիմաց ազատ արձակելու վերաբերյալ իր պաշտպանների միջնորդությանը։

Քոչարյանն ասաց, որ չի պատրաստվում երկար խոսել, քանի որ իմաստ չկա կրկնել այն, ինչ ասել է անցած անգամ, եւ հույս ունի, որ այդ ասածները հիշում են։

«Ես համոզված եմ, որ դահլիճում նստածները լավ գիտակցում են, որ չկան ոչ հիմքեր, ոչ պայմաններ՝ ինձ կալանքի տակ պահելու։ Սա ուղղակի հետեւանք է մի գործընթացի, որն ինձ թիրախավորել է որպես նշանակված մեղավոր՝ այս ողջ գործընթացում։ Այս ամենը հասկանում եմ, եւ հատկապես վերջին իրադարձությունների հետ կապված, նաեւ ՍԴ շուրջ, հասկանում եմ, թե ինչ վիճակում են հայտնվել դատավորները, երբ այդ Ֆեմիդայի կշեռքի մի կողմում դնում են իրենց խոցելիությունը՝ իշխանությունների, իրավապահների առջեւ, իսկ մյուս կողմի վրա դնում են իրենց արժանապատվությունը, արհեստավարժությունն ու խիղճը»,- ասաց Քոչարյանը՝ շարունակելով, որ մարդիկ այսօր պիտի հիշեն, թե վերջին անգամ իրենց տանիքը երբ են նորոգել, կամ գուցե մի անգամ մի սառնարան են առել տարիներ առաջ, որի կտրոնը չեն պահել ու վաղը-մյուս օրը իրենց հարցեր կտան, որոնց պատասխանը որեւէ ձեւ չեն կարողանալու տալ։ Այս ասելով՝ Քոչարյանը նկատի ուներ Հրայր Թովմասյանին եւ նրա ընտանիքի անդամներին ԱԱԾ կանչելու եւ բացատրություն վերցնելու հանգամանքը։

«Սրա արդյունքն ավելի շատ լինում է դատավորի խոցելիության աստիճանից բխող։ Կան շենքեր, դատավորներ, դատախազներ, այս ամենը կոչվում է արդարադատություն, բայց չկա արդարադատությունը, իմ նկարագրած սխեմայում արդարադատություն գոյություն չունի, կան սիմվոլներ, մարդիկ, բայց չկա արդարադատություն»։

Քոչարյանը, նայելով դատավոր Աննա Դանիբեկյանին, ասաց, որ հասկանում է, թե դատավորն էլ է այդ վիճակում եւ ստիպված է լինելու նաեւ գնահատել սեփական խոցելիությունը։ Դանիբեկյանը Քոչարյանին հորդորեց դիրքորոշում ներկայացնել բացառապես քննարկվող հարցի վերաբերյալ։ Ի պատասխան՝ Քոչարյանն ասաց, որ սա է քննարկվող հարցը, բայց միեւնույն ժամանակ ընդունեց դատավորի դիտարկումը։

«Ինձ համար մի քիչ տհաճ է կանգնել այստեղ եւ փորձել համոզել որ ես փախնելու մտադրություն եւ խոչընդոտելու մտադրություն չունեմ, ուղղակի իմ կենսագրության հետ չի բռնում, եւ այս դահլիճի այս թեւում նստած մարդկանցից ոչ մեկը (ցույց է տալիս ամբաստանյալներին,- հեղ․) ոչ փախնող է, ոչ խոչընդոտող, մարդիկ ողջ կյանքում առաջնորդվել են միայն իրենց արժանապատվությամբ եւ հայրենասիրությամբ։ Ինչ էլ խոսեն, սա մեր կենսագրությունից ոչ ոք չի կարող ջնջել»։

Ամբաստանյալն ասաց, որ ստիպված պետք է կրկնի, որ չի խոչընդոտելու քննությանը, որ արդարադատությունից խուսափելու մտադրություն չունի, եւ որ ամենից շատ է շահագրգռված արդար դատաքննության հարցում։

Քոչարյանի պնդմամբ՝ նույնիսկ քննությանը խոչընդոտելու սուբյեկտ չկա, քանի որ, ըստ իրեն, քրեական գործի բնույթը այնպիսինն է, որ այդ սուբյեկտը գոյություն չունի․

«Ես չեմ կարող տասը տարի անց փոխել արտակարգ դրություն մտցնելու մասին իմ հրամանագիրը, չեմ կարող փոխել պատմական փաստը, եւ չեմ ժխտում, այո՛, ստորագրել եմ, եւ չեմ կարող փոխել այդ հանդիպումը, եւ այդ հանդիպմանը եղած 14-15-ի ցուցմունքից գրեթե բոլորի հետ, բացի 1 մարդուց, համաձայն եմ։ Չկա սուբյեկտ, չկա մոտիվ, որ նայես եւ ասես՝ սա կարող է փորձել փոխել, բայց տեսակով, բնավորությամբ, այս թեւում նստած մարդիկ իրենց թույլ չեն տա որեւէ մեկին դիմել մի հարցով, որով ինչ-որ չափով նվաստացնելու են իրենց սեփական արժանապատվությունը։ Ես չեմ պատկերացնում՝ ոնց պետք է մի վկայի ասեմ՝ գիտես, ցուցմունք փոխի, մի քիչ սենց ռետուշ արա, ամոթից կմեռնեմ, հասկանո՞ւմ եք»,- իր խոսքում ասաց ամբաստանյալ Քոչարյանը՝ հավելելով, որ իր համար այդ տեսակն անծանոթ տեսակ է։ Եզրափակելով իր դիրքորոշումն ու դիմելով դատավորին՝ նա ասաց․ «Ֆեմիդայի կշեռքը ձեր ձեռքին է, նայեք՝ ոնց եք անում»։

Տպել
2796 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին