«Հայաստանում դեղերի ոլորտում մոնոպոլիստներ չկան». Սամվել Զաքարյան

Այս տարի նոյեմբերի 10-13-ը Երեւանում անցկացվելու է «Հնդկաստան-Հայաստան դեղագործական գործարար համաժողով-ցուցահանդես»-ը։ Միջոցառման ընթացքում կիրականացվեն բիզնես հանդիպումներ եւ հայ ներմուծողները, արտադրողները կարող են ծանոթանալ, կապեր հաստատել Հնդկաստանի դեղագործների հետ:

Այս մասին այսօր լրագրողների հետ զրույցում նշեց ՀՀ միջազգային դեղարտադրողների ասոցիացիայի նախագահ Սամվել Զաքարյանը: Վերջինս հավելեց, որ սա կլինի իրենց նորաստեղծ ասոցիացիայի առաջին միջոցառումներից մեկը: Ծրագիրն իրականացնելու համար՝ համագործակցում են Հնդկաստանի կառավարության հետ:

Ասոցիացիայի նախագահի խոսքով՝ իրենց կազմակերպության գլխավոր նպատակներից է Հայաստանը դեղագործական քարտեզի վրա ճանաչված երկիր դարձնելը: Այդ պատճառով անհրաժեշտ է հայ սպառողներին որակյալ, անվտանգ, միջազգային չափանիշներին համապատասխան դեղերով ապահովել: Կազմակերպության նպատակներից է նաեւ ասոցիացիան միացնել Միջազգային դեղարտադրողների եւ ասոցիացիաների ֆեդերացիային:

Սամվել Զաքարյանը վստահ է, որ Հայաստանում ոլորտի հետ կապված դրական փոփոխություններ կլինեն: Դրանցից հատկապես կարեւորեց դեղերի ներմուծման, գրանցման հարցերը հեշտացնելը, նաեւ այն, որ երկրում մրցակցությունը լինի ավելի արդար եւ պարզ: Թեեւ իր խոսքով՝ Հայաստանում դեղերի ոլորտում մոնոպոլիստներ չկան, կան խոշոր ներմուծողներ, արտադրողներ, որոնք ավելի շատ չափերի են արտադրում, քան՝ մյուսները, սակայն նշեց, որ այնուամենայնիվ շուկայում կան մարդիկ, որոնք միմյանց հանդեպ պատշաճ վերաբերմունք չեն դրսեւորում:

Վերջինս վստահ է, որ ոլորտում առկա շատ խնդիրներ կլուծվեն, եթե հաստատվի մի շարք երկրների ներկայացուցիների կողմից ստորագրված «Պատշաճ դեղագործական գործելակերպեր համաձայնագիր»-ը:

«Միջազգային ֆեդերացիային միանալու համար՝ պարտադիր պայման է  համաձայնագրի հաստատումը: Երկրի դեղագործական ոլորտի ներկայացուցիչները ընդունում եւ ստորագրում են այն, որը կարելի է ասել օրենքների հավաքածու է դեղագործների համար»,- նշեց Զաքարյանը:

Ինչո՞ւ այսօր Հայաստանում չեն էժանանում դեղերը հարցի պատճառներից մեկը համարեց 20 % ավելացված արժեքի հարկը: Վերջինիս խոսքով՝ դեղերի վրա նման տոկոսի հարկ ոչ մի երկրում չկա, նույնիսկ հարեւան Վրաստանում, որտեղ դեղերի գինը 2.5-3 անգամ ավելի մատչելի է, քան՝ մեզ մոտ: Հայաստանում նույնպես ժամանակին նման բան չկար, 20 %  ԱԱՀ-ն մտցվեց՝ պատճառաբանվելով, որ հարկից գոյացած գումարով բյուջե է հավաքվելու, որով օգնելու են կարիքավոր ընտանիքներին կամ այն ուղղվելու է  առողջապահական խնդրների լուծմանը, սակայն Զաքարյանի խոսքով՝ ֆոնդերն այդպես էլ չստեղծվեցին:
Նման չափի հարկերը հանելու եւ խնդիրը վերջնական լուծելու համար՝ նամակ են ուղարկել ՀՀ վարչապետ Նիկոլ Փաշինյանին եւ Առողջապահության նախարարություն, սակայն դեռեւս ոչ մի պատասխան չեն ստացել: Նախկին կառավարությանը եւս մի քանի անգամ դիմել են, սակայն՝անարդյունք:

Դեղի թանկ լինելու պատճառներից մեկն էլ իր կարծիքով այն է, որ Հայաստանի շուկան փոքր է, դեղարտադրող խոշոր ընկերությունները չեն ցանկանում այստեղի շուկա մտնել, քանի որ իրենց համար ձեռնտու չէ՝ տեղում ներկայացուցչություն պահելը, դեղ գովազդելը:  

Անի Ավագյան

Տպել
249 դիտում

Դավադիրներ կարող են լինել, դավադրություն՝ երբեք

Կլինեն նոր ծրագրեր, նոր դասագրքեր, քիչ տնային աշխատանք․ մշակվել են հանրակրթության պետական նոր չափորոշիչներ

Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

1983թ.-ին ծնված Վիգեն Գ.-ի ինքնասպանության փորձը կանխվել է. ԱԻՆ

ԱՄՆ-ում Սպիտակ տան դիմաց բողոքի ցույց է ընթանում՝ ընդդեմ Թրամփ-Էրդողան հանդիպման (ուղիղ)

Վայոց ձորի մարզի Զառիթափ գյուղում մոտ 1 հա բուսածածկույթ է այրվել. ԱԻՆ

Լոռու մարզի Կաթնաղբյուր գյուղի վերջնամասում մոտ 30 հա խոտածածկույթ է այրվել. ԱԻՆ

Ակադեմիկոս Յուրի Հովհաննիսյանը դարձել է Դեմիդովի մրցանակի դափնեկիր

ՀՖՖ նախագահ Արթուր Վանեցյանը հանդիպել է Հայաստանի ազգային հավաքականի հետ (տեսանյութ)

Մենք պետք է ունենանք ոչ միայն լավ երաժիշտներ, այլեւ լավ երաժշտությունը պրոպագանդողների ակտիվ շրջանակ. Տիգրան Մանսուրյան

Փոխվարչապետ Տիգրան Ավինյանն ընդունել է Գերմանիայի դեսպանին

ԵՄ-ն իր անվտանգության համար ստիպված է համագործակցել Թուրքիայի հետ. Հունգարիայի արտգործնախարար

«Forbes»-ը բացահայտել է՝ ինչ ինքնաթիռներ ունեն հայկական ծագմամբ ռուս գործարարները

Լավ կլիներ այդ ժամանակ ոչնչացած լինեի, 3 անգամ տարածվել էր մահվանս լուրը. զինհաշմանդամը ՊՆ-ից ուշադրություն է պահանջում

Ամերիկացի զինվորականները զբաղեցրել են դիրքեր՝ Սիրիայի նավթահորերի մոտ

Երկրաշարժ Շիրակի մարզի Աշոցք գյուղից դեպի 6 կմ հարավ-արևելք. ցնցման ուժգնությունը կազմել է 2-3 բալ. ԱԻՆ

Վանաձորի քաղաքային գերեզմանատան մոտակայքում խոտածածկույթ է այրվել. ԱԻՆ

Բնակիչը փորձում է ինքնասպան լինել՝ նետվելով պատուհանից. ԱԻՆ

Մել Դալուզյանն իմ անձնական պաշտպանության ներքո է․ թույլ չեմ տա ՀՀ դրոշը բարձրացրած մարդուն գցեն ոտքերի տակ․ վարչապետ

Իմ ու ՌԴ նախագահի խոսակցությունները աննախադեպ դինամիկա ունեին. Նիկոլ Փաշինյան