Սուրեն Պապիկյանի գլխավորությամբ կայացել է Լոռու մարզխորհրդի նիստ

ՀՀ տարածքային կառավարման և ենթակառուցվածքների նախարար Սուրեն Պապիկյանի գլխավորությամբ Լոռու մարզպետարանում այսօր անցկացվել է մազխորհրդի նիստ, որին մասնակցել են Լոռու մարզպետ Անդրեյ Ղուկասյանը, մարզի համայնքների ղեկավարները և վարչական շրջանների պատասխանատուները։ Քննարկվել են համայնքների գործունեության կազմակերպմանը և մարզի զարգացման գերակայություններին ուղղված մի շարք օրակարգային հարցեր։

Նախարար Պապիկյանն իր ողջույնի խոսքում նկատել է, որ այս և հանրապետության մյուս մարզխորհրդի նիստերին ՏԿԵ նախարարության ներկայացվածությունը մարզային և համայնքային խնդիրները, որոնք առավելապես համապետական բնույթ ունեն, վեր հանելու և լուծումներ գտնելու նոր աշխատանքային մշակույթի ձևավորման հիմք է հանդիսանում։ 

«Կարևոր եմ համարում անձամբ ձեզանից լսել համայնքներում կուտակված և առաջնահերթ լուծում պահանջող խնդիրների մասին։ ՀՀ կառավարությունը այս մեկուկես տարվա ընթացքում համայնքապետերի համար ստեղծել է քաղաքական և վարչական անհրաժեշտ բոլոր նախադրյալները նոր փոփոխությունների համատեքստում իրենց դրսևորելու և բարձր պատասխանատվությամբ սեփական հայրենիքի շենացման գործին նվիրվելու համար»,-ասել է նախարարը։ Ըստ նախարար Պապիկյանի իշխանության՝ երկրի և համայնքների զարգացման տեսլականը հանգում է իրավական պետության հիմնարար այն սկզբունքին, համաձայն որի, անկախ կուսակցական պատկանելիությունից, ժողովրդից ստացված իրավունքն ու մանդատը անհրաժեշտ է պատասխանատու կերպով օգտագործել ի բարօրություն հենց այդ ժողովրդի և համայքի զարգացման համար:

«Որևէ համայնք, համայնքապետ չի կարող ասել, որ իրեն հնարավորություն չի ընձեռվել նոր փոփոխությունների համատեքստում ինքնադրսևորվելու։ Յուրաքանչյուր համայնքապետ պատասխանատու է իր համայնքի զարգացման համար»,-շեշտել է Սուրեն Պապիկյանը: Խոսելով ապագային միտված ծրագերի մասին Սուրեն Պապիկյանը նշել է, որ համայնքապետերի առջև խնդիր է դրված ունենալ համայնքի զարգացման տեսլական և ներկայացնել այն՝ ելնելով համայնքի բնակլիմայական պայմաններից, հնարավորություններից և եկամուտներից։

Նախարարն անհրաժեշտ է համարել որակական փոփոխություն մտցնել սեփական պատկերացումներում ու գործողություններում՝ միաժամանակ առաջնորդվելով պետության համար կարևորագույն նախաձեռնություններում փոխադարձ վստահությամբ։ «Այժմ յուրաքանչյուրդ ձեր համայնքը զարգացնելու իրական հնարավորություններ ունեք, բայց հաջողելու է այն համայնքապետը, ով որակական փոփոխություն կմտցնի համայնքային ծառայության իր համակարագում և առաջնահերթություն կտա երիտասարդ որակյալ կադրերին, ովքեր պատրսատ են մասնակցել սեփական համայնքի զարգացմանը»,- ասել է Սուրեն Պապիկյանը։

Անդրադառնալով Վանաձորում առաջիկայում նախատեսվող միջոցառումներին՝ նախարարն ուրախությամբ փաստել է, որ համայնքի համար այսօր ստեղծվում են տնտեսական և զբոսաշրջային ենթակառուցվածքների զարգացման լայն հնարավորություններ, որոնց իր գործուն աջակցությունն է ցուցաբերում ՀՀ կառավարությունը։ «Լիահույս եմ, որ համատեղ աշխատանքի արդյունքում հանրապետության 3-րդ քաղաքը՝ Վանաձորը, կրկին վերագտնելու է իր երբեմնի հմայքը և զբոսաշրջիկների համար դառնալու է ցանկալի վայր»,- շեշտել է նախարարը։

Խորհրդակցության ընթացքում համայնքի ղեկավարների և մարզպետարանների պատասխանատուների հետ քննարկվել են համայնքային նշանակության մի շարք հարցեր, որոնք վերաբերել են տարաբնույթ ծրագրերի շինարարական աշխատանքների իրականացման ընթացքում ծագող խնդիրներին, հողերի արդյունավետ կառավարմանը և սեփական եկամուտների հավաքագրման ցուցանիշների բարձրացմանը։

Տպել
394 դիտում

Այսօր ընտրված 102 պատվիրակները դեկտեմբերի 11-ին Ստամբուլում կընտրեն Պոլսո հայոց 85-րդ պատրիարքին

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքական ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում