«Թումանյանական օրեր Թբիլիսիում» ծրագիրը կմեկնարկի Թբիլիսիի Սուրբ Էջմիածին եկեղեցի այցելությամբ

23/10/2019 schedule14:40

2019 թվականը հոբելյանական է հայ ժողովրդի համար: Լրանում են հայ մեծ բանաստեղծ, հասարակական գործիչ Հովհաննես Թումանյանի և երգահան Կոմիտաս Վարդապետի 150-ամյակները: Հոբելյանական միջոցառումները ներառվել են ՅՈՒՆԵՍԿՕ-ի հոբելյանական իրադարձությունների օրացույցում:

Վիրահայոց թեմի մամլո դիվանից հայտնում են, որ Երևանի և Թբիլիսիի քաղաքապետարանների նախաձեռնությամբ՝ «Թումանյանական օրեր Թբիլիսիում» ծրագիրը կմեկնարկի Թբիլիսիի Սուրբ Էջմիածին եկեղեցի (Երևանյան պուրակ) այցելությամբ:

«Հովհաննես Թումանյանն ապրել և ստեղծագործել է Թբիլիսիում: Նրա աճյունը հուղարկավորված է Թբիլիսիի հայ գրողների և հասարակական գործիչների Խոջիվանքի պանթեոնում: Հյուրերը կայցելեն Թբիլիսիի հայ գրողների և հասարակական գործիչների Խոջիվանքի պանթեոն և ծաղիկներ կխոնարհեն Մեծաց մեծերի շիրիմներին:

Հայ գրական, հասարակական անդաստանում Հովհաննես Թումանյանի անունն անխզելիորեն կապված է Վրաստանի ու վրացիների հետ: Թումանյանն էր, որ հայ ընթերցողին նորովի ներկայացրեց վրաց գրականությունը, և Թումանյանի ստեղծագործությունների թարգմանություններն էին, որ վրաց ընթերցողին ներկայացնում էին ժամանակի հայ գրականությունը:

Հովհաննես Թումանյանը սիրելի պոետն է ո՛չ միայն իր ժողովրդի. նա այդպիսին է դարձել նաև եղբայրական մյուս ժողովուրդների և ամենից առաջ վրաց ժողովրդի համար: Վրաստանում Հովհաննես Թումանյանը մեծ ժողովրդականություն վայելող ու սիրված պոետներից մեկն է: Նրա լավագույն երկերը թարգմանված են վրացերեն: Նրան ուսումնասիրում են դպրոցներում: Նրա բանաստեղծություններն արտասանում են, երգում:

«Թումանյանական օրեր Թբիլիսիում» ծրագրում ընդգրկված են այցելություն Թբիլիսիի Պ. Ադամյանի անվան հայպետդրամայի թատրոնի շինհրապարակ, այցելություն Թբիլիսի առաջնորդանիստ Սուրբ Գևորգ եկեղեցի, հանդիպում Վիրահայոց թեմի առաջնորդական տեղապահ Հգշ. Տ. Կիրակոս վրդ. Դավթյանի հետ:

Թումանյանի ստեղծած «Վերնատան» շնորհիվ Թբիլիսին հայության համար դարձավ գրական, մշակութային կարևորագույն օջախ 20-րդ դարի սկզբին: «Վերնատան» առաքելությունը հետագա տարիներին կրեց Թումանյանի թբիլիսյան տունը՝ Սոլոլակ թաղամասում: Թումանյանի թբիլիսյան պատմական տունը՝ «Հովհաննես Թումանյանի տուն» գիտական մշակութային կենտրոնն այսօր գործում է որպես հայ և վրաց գրական կապերի կենտրոն, սիրո և բարեկամության օջախ Թբիլիսիում:

Ծրագիրը կավարտվի «Հովհաննես Թումանյանի տուն» գիտական մշակութային կենտրոն /հասցե՝ Amagleba St, 18/ երկու երկրների պատվիրակությունների այցելությամբ և գեղարվեստական միջոցառումով»,- ասված է հաղորդագրության մեջ:

Օրվա ծրագրով  նախատեսված է. 

 

25 հոկտեմբեր, ուրբաթ

 

10:15

Այցելություն Թբիլիսիի Սուրբ Էջմիածին եկեղեցի (Երևանյան պուրակ)

11:00-11:30

Այցելություն Թբիլիսիի հայ գրողների և հասարակական գործիչների Խոջիվանքի պանթեոն /հասցե՝ 1/26 Zhoneti /

11:30-12:30

Այցելություն Թբիլիսիի Պ. Ադամյանի անվան պետական հայկական դրամատիկական թատրոնի շինհրապարակ

15:00-15:30

Այցելություն Թբիլիսի առաջնորդանիստ Սուրբ Գևորգ եկեղեցի, հանդիպում Վիրահայոց թեմի առաջնորդական տեղապահ Հգշ. Տ. Կիրակոս վրդ. Դավթյանի հետ

17:00-21:00

Այցելություն «Հովհաննես Թումանյանի տուն» գիտական մշակութային կենտրոն /հասցե՝ Amagleba St, 18/

Տպել
469 դիտում

Համաշխարհային ֆուտբոլի աստղերի ամենաբարձր աշխատավարձերը. նման թվեր կարող են այլեւս գոյություն չունենալ

Մեր վարակված և վտանգված գործընկերներին է նվիրվում

ՀԱՊԿ ԳՔ Ստանիսլավ Զասը մտահոգություն է հայտնել հայ-ճադրբեջանական սահմանի զինված միջադեպի կապակցությամբ

Վրաստանի կառավարությունը կվճարի մարտ, ապրիլ և մայիս ամիսների բնակչության կոմունալ վճարները

Արցախի նորընտիր խորհրդարանում ներկայացված կլինեն 5 ուժեր. Մայիլյանի գլխավորած դաշինքը չի հաղթահարել շեմը

Փաստաբանը դիմել է վարչապետին՝ հողատարածքների վարձակալների հետ վարձավճար չգանձելու համաձայնություն ստանալու համար

Հայբիզնեսբանկը հրավիրում է բոլորի ուշադրությունը (լուսանկար)

Բնակելի թաղամասը կառուցվել է խախտումներով, կեղծ եզրակացությամբ՝ ստեղծելով քաղաքացիների համար ծանր հետեւանքներ

Ապրիլի 14-ին Արցախում տեղի կունենա նախագահական ընտրությունների 2-րդ փուլ. ԿԸՀ նախագահ

Նախագահ Արմեն Սարգսյանը ստորագրել է մի շարք օրենքներ

«Գազպրոմ Արմենիա»-ն մտադիր է դիմել ՀԾԿՀ հուլիսի 1-ից գազի գինը 36 տոկոսով բարձրացնելու հարցով

ՇՄ նախարարությունը կոչ է անում օգտագործված բժշկական դիմակներն ու ձեռնոցները չնետել չնախատեսված վայրերում

Արտակարգ դրության օրերին բանկերը հիմնականում հայտերը կընդունեն եւ կգնահատեն դրանք․ Խոջոյան

Գյուղացիական տնտեսությունները եւ ՓՄՁ-ները արդեն կարող են դիմել աջակցության համար․ փոխնախարար

«Ազգային վերածնունդ» կուսակցությունը չի հաղթահարել ԱԺ մտնելու 5 տոկոսի շեմը. Հայկ Խանումյան

ԴԱՀԿ հարկադիր կատարողը չի կարող ձեռնպահ մնալ վարույթ հարուցելուց, արգելանքներ կիրառելուց. հայտարարություն

ՀՀ փաստաբանների պալատի նախագահ Արա Զոհրաբյանը դիմել է պարետ Տիգրան Ավինյանին

Երևանի քաղաքապետարանը Մաշտոցի պողոտայում վերջերս կառուցված տաղավար է ապամոնտաժել

Արցախում վստահաբար են խոսում ընտրությունների երկրորդ փուլի մասին, բայց դեռ պետք է սպասել ԿԸՀ-ի թվերին. ՀՀ ԱԺ պատգամավոր

Արմեն Սարգսյանը հեռախոսազրույց է ունեցել հայտնի գիտնական Յոզեֆ Բաբիկյանի հետ