Վենետիկի հանձնաժողովի կարծիքում Արդարադատության նախարարության մշակած Դատական օրենսգրքի փաթեթը գովեստի է արժանացել

Վենետիկում հոկտեմբերի 11-ին մեկնարկել է «Ժողովրդավարություն՝ իրավունքի միջոցով եվրոպական հանձնաժողովի (Վենետիկի հանձնաժողով)» 120-րդ լիագումար նիստը, որի օրակարգի շրջանակում հաստատվել է երկու կարծիք Հայաստանի Հանրապետության կառավարության երկու դիմումների հիման վրա։

Այս տարվա օգոստոսին արդարադատության նախարար Ռուստամ Բադասյանը դիմել էր հանձնաժողովին «Դատական օրենսգիրք» սահմանադրական օրենքում եւ հարակից օրենքների փաթեթում նախաձեռնված փոփոխությունների վերաբերյալ փորձագիտական կարծիք տրամադրելու համար։

Հաջորդիվ, նախարար Բադասյանը դիմել էր Վենետիկի հանձնաժողովին՝ խնդրելով կարծիք տրամադրել «Կանանց նկատմամբ եւ ընտանեկան բռնության կանխարգելման եւ դրա դեմ պայքարի մասին» ԵԽ կոնվենցիայի սահմանադրական ազդեցության վերաբերյալ։

Լիագումար նիստի ընթացքում ելույթ է ունեցել Եվրոպայի խորհրդի գլխավոր քարտուղար Մարիա Պեյչինովիչ Բուրիչը, Հանձնաժողովի հետ կարծիքներ է փոխանակել Եվրոպական միության Եվրոպական հարեւանության քաղաքականության եւ ընդլայնման հարցերով հանձնակատար Յոհաննես Հաանի հետ։

Հանձնաժողովի հրավերով Վենետիկի հանձնաժողովի լիագումար նիստին մասնակցել է նաեւ ՀՀ արդարադատության նախարար Ռուստամ Բադասայանի գլխավորած պատվիրակությունը: Պատվիրակության կազմում են եղել նաեւ  Հայաստանի Հանրապետության արդարադատության նախարարի տեղակալ Քրիստիննե Գրիգորյանը, Մարդու իրավունքների եվրոպական դատարանում Հայաստանի Հանրապետության ներկայացուցիչ Եղիշե Կիրակոսյանը, ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը:

Արդարադատության նախարարն իր ելույթում շնորհակալություն է հայտնել Հանձնաժողովին եւ ԵԽ Գլխավոր տնօրինությանը՝ Հայաստանի կառավարության հետ ակտիվ եւ արդյունավետ համագործակցության եւ կարծիքների տրամադրման համար։

Նախարար Բադասյանը Հանձնաժողովին տեղեկացրել է Կառավարության բարեփոխումների օրակարգի մասին՝ նշելով, որ հենց հոկտեմբերի 10-ին հաստատվել է Դատական եւ իրավական բարեփոխումների ռազմավարությունն ու Գործողությունների ծրագիրը, իսկ նախորդ շաբաթ Հակակոռուպցիոն ռազմավարությունն ու դրա գործողությունների ծրագիրը։

Ռուստամ Բադասյանը շեշտել է, որ նախարարության համար կարեւոր է, որ Հանձնաժողովը միանշանակ դրական է գնահատել ձեռնարկված բարեփոխումների օրակարգը, իսկ դատական օրենսգրքի փոփոխությունների փաթեթի առնչությամբ կարծիքում մասնավորապես նշվել է, որ փոփոխությունները միտված են դատավորների անկողմնակալության առավել բարձր մակարդակի ապահովմանը եւ կիրառման մեջ դրանք ավելի արդյունավետ կլինեն կոռուպցիայի դեմ պայքարում։

Գլխավոր քարտուղար Մարիա Պեյչինովիչ Բուրիչը նշել է, որ Կոնվենցիայի վերաբերյալ Վենետիկի հանձնաժողովի կողմից պատրաստված կարծիքը շատ կարեւոր է բոլոր անդամ պետությունների համար՝ նկատի ունենալով այն հանգամանքը, որ Հանձնաժողովը Եվրոպայի խորհրդի սահմանադրական հարցերով անկողմնակալ մասնագիտական կարծիք տրամադրող կառույցն է։

Հանձնաժողովի առջեւ ելույթ ունենալով՝ Եվրոպական Միության Եվրոպական հարեւանության քաղաքականության եւ ընդլայնման հարցերով հանձնակատար Յոհաննես Հաանը ողջունել ու Հանձնաժողովի ուշադրությունն է հրավիրել, որ հայաստանյան դատական եւ իրավական բարեփոխումների մշակմանը ներգրավված է նաեւ Եվրոպական միությունը եւ ուրախությամբ նշել, որ այդ ռեֆորմները միտված են դատական համակարգի անկախությունն ու հաշվետվողականությունն ապահովելուն՝ հիմք ընդունելով եվրոպական ստանդարտները։

Ամփոփելով կարծիքը՝ Հանձնաժողովը նշել է, որ Նախարարության կողմից մշակված դատական օրենսգրքի փաթեթը գովեստի է արժանի, բացի այդ, նախագիծը մշակելիս Կառավարությունը գործել է պատասխանատու եւ համակողմանի՝ նախագիծը քննարկելով թե՛ ներպետական շահառուների եւ թե՛ միջազգային գործընկերների հետ։

120-րդ լիագումար նիստին Վենետիկի հանձնաժողովը նաեւ հաստատել է ՀՀ Սահմանադրության վրա Կանանց նկատմամբ եւ ընտանեկան բռնության կանխարգելման եւ դրա դեմ պայքարի ԵԽ կոնվենցիայի սահմանադրական ազդեցության վերաբերյալ կարծիքը։

Հանձնաժողովի կողմից կարծիքները հրապարկվելուց հետո նախարարությունն առավել մանրամասն կանդրադառնա դրանց բովանդակությանը։

Տպել
1555 դիտում

Հաստատվել է կորոնավիրուսի 593 նոր դեպք, գրանցվել է 10 մահ, 4-ը՝ այլ հիվանդություններից

Մեկնարկել է ՀՀ Կառավարության հերթական նիստը․ օրակարգում ներառված է 51 հարց

Բոլոր նորակոչիկները բացի COVID-19-ի լաբորատոր հետազոտությունից, անցնում են նաեւ թոքերի ֆլյուրոգրաֆիկ հետազոտություն

Վրաստանը միջանցք կբացի ՀՀ-ից ՌԴ մեկնող Ռուսաստանի քաղաքացիների համար

Վիվա-ՄՏՍ-ն ամփոփում է գործունեության 15 տարվա արդյունքները

Երեւանում ու մարզերում մեկնարկել են միասնական քննությունները. այսօր օտար լեզվի քննության օրն է

Զոհրաբ Մնացականյանը մասնակցել է Արևելյան գործընկերության նախարարական տեսաժողովին

Հաղորդակցությունը հանրության հետ կարևոր մարտահրավերներից է ՀՀ իշխանությունների համար. Դեբորա Գրիզեր. «Ամերիկայի ձայն»

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 3․1 հա տարածք

Երևանի Արցախի պողոտայում մեքենան բախվել է էլեկտրասյանը. ուղեւորն ու վարորդը հոսպիտալացվել են

Ղազախստանում ՀՀ դեսպանության ջանքերով 15 ՀՀ քաղաքացի, ինչպես նաև 1 ԼՂՀ քաղաքացի մեկնել են Հայաստան

Երկրաշարժ Մարմարաշեն գյուղից 3 կմ հարավ-արևելք. ուժգնությունը կազմել է 3 բալ

«Արարատ Ցեմենտ»-ում, ՀԷՑ-ում, «Նոր Զովքի» ցանցում ԱԱՏՄ-ն իրականացրել է կասեցումներ, իսկ Նոր Նորքում՝ ուժեղացված ստուգայց

Հայաստանում ՌԴ ավելի քան 1330 քաղաքացի մասնակցել է Սահմանադրության փոփոխությունների քվեարկությանը

Վայքից դեպի Զեդեյա ճանապարհին բախվել են շտապօգնության «Ford»-ն ու «Toyota Camry»-ն. 9 տուժած կա

Քվեաթերթիկների 99,9%-ի հաշվարկով, ՌԴ ընտրողների 77,93%-ը կողմ են Սահմանադրության փոփոխություններին

Պատգամավորներն առաջարկում են դատավորներին բարձր թոշակ տալ. նախկին դատավորը մեկնաբանում է նախագիծը

ՌԴ-ում Սահմանադրական փոփոխությունների հանրաքվեի ձայների կեսի հաշվարկով կողմ է քվեարկել 76,24%-ը. նախնական

Ռոբերտ Քոչարյանը հրաժարվել է ՔԿԾ-ի դեմ հայցից. դատարանի որոշմամբ՝ վարույթը կարճվել է

Արմեն Թավադյանի գործով դատական ծախսերը մոտ 2.5 մլն դրամ են. պաշտպանը միջնորդեց վերացնել նրա գույքի կալանքը