Վիտալի Բալասանյան. սխա՞լ, թե դավադրություն

10/10/2019 schedule23:50

Արցախի Անվտանգության խորհրդի նախկին քարտուղար Վիտալի Բալասանյանի սկանդալային հարցազրույցը բուռն արձագանքներ առաջացրեց Հայաստանում: Հասարակության ճնշող մեծամասնությունն ամենավերջին հայհոյանքներով «անդրադարձավ» նրա ասածներին, գտնվեցին նաև մարդիկ, որոնք պաշտպանեցին նրան ու կոչ արեցին «այդ տոնով չխոսել գեներալի հետ», իսկ ահա բովանդակային քննարկումներ չեղան: Այսինքն, չտրվեց այն հարցի պատասխանը՝ ճի՞շտ է ասում Վիտալի Բալասանյանը, թե՝ սխալ:

Ո՞րն էր, ի վերջո, Բալասանյանի հիմնական ասելիքը: Նա ասում է, որ «Սասնա ծռերը» Նիկոլ Փաշինյանի մարտական թևն է, «Նիկոլ Փաշինյանն ու այդ ահաբեկչական խմբավորումը մեկ ամբողջություն են, դա մեկ ահաբեկչական խմբավորում է», ապա ավելացնում, թե «2016-ին ներեցինք այդ ահաբեկիչներին, հիմա հայտարարում եմ, որ ֆիզիկապես ոչնչացնելու ենք նրանց, ովքեր կփորձեն ոտնձգություն անել իմ, մեր ժողովրդի, մեր պետության, պետականության, սահմանների, Արցախի իշխանությունների նկատմամբ»:

Հիմա տեսեք. իսկապե՞ս «Սասնա ծռերը» Նիկոլ Փաշինյանի ղեկավարած քաղաքական ուժի «մարտական թևն» է: Իհարկե՝ ոչ: Քաղաքական գործիչ Նիկոլ Փաշինյանի «մարտական թևը» հանրային աջակցությունն է, պետության ղեկավար Նիկոլ Փաշինյանինը՝ ուժային կառույցները, այսինքն՝ Վիտալի Բալասանյանի այդ պնդումն ի սկզբանե սխալ է: Անցնենք առաջ: Իսկապե՞ս Նիկոլ Փաշինյանն ու «Սասնա ծռերը» մեկ ամբողջություն են: Իհարկե՝ ոչ: Աշխարհայացքային և արժեհամակարգային տարբերություններն ակնհայտ են: Այսինքն՝ Վիտալի Բալասանյանի այս պնդումը նույնպես ի սկզբանե սխալ է: Ու ի՞նչ է ստացվում: Ստացվում է, որ այդ մարդը սխալ «փաստեր» է ներկայացնում, հետո դրանց հիման վրա սխալ եզրակացություններ է անում ու սպառնում է ֆիզիկապես ոչնչացնել Հայաստանի լեգիտիմ իշխանությունների առաջին դեմքին: Այլ կերպ ասած՝ ոտնձգություններ է անում Հայաստանի իշխանությունների նկատմամբ: Իսկ ինչպե՞ս պիտի վարվել նման դեպքերում: Եթե առաջնորդվենք իր իսկ տրամաբանությամբ՝ պիտի «ֆիզիկապես ոչնչացնենք» նման ոտնձգություններ անողներին: Սա՞ է Արցախի ԱԽ նախկին քարտուղարի ուղերձը:

Մի խոսքով, տեղի է ունեցել հետևյալը. ԼՂՀ նախկին բարձրաստիճան պաշտոնյան /սեփական նախաձեռնությամբ, թե կողմնակի «հուշումների» արդյունքում՝ էական չէ/ ինչ-որ անհեթեթ պնդումների հիման վրա խիստ վտանգավոր հայտարարություններ է անում, որոնց արդյունքում որոշակի լարվածություն է առաջանում Հայաստան-Արցախ հարաբերություններում, և ինչպես Հայաստանում, այնպես էլ Արցախում գտնվում են մարդիկ, ովքեր նրան սաստելու  /հատուկ ընդգծում ենք՝ ոչ թե հայհոլելու, այլ ընդամենը բացատրելու, որ սխալ բաներ է ասում, և սաստելու/ փոխարեն պաշտպանում են նրան, հիշեցնում նրա անցած մարտական ուղին, հերոսացնում ու հայհոյում բոլոր նրանց, ովքեր դատապարտում են նրա այդ քայլը: Բանն այնտեղ է հասել, որ անգամ Արցախի պաշտոնական շրջանակներից են այդպիսի ձայներ լսվում: Այսինքն ի՞նչ, այնտեղ կան մարդիկ, ովքեր կարծում են, որ Հայաստանի և Արցախի իշխանությունների միջև սեպ խրելը բխում է Արցախի անվտանգության շահերի՞ց:

Բարեբախտաբար՝ և՛ Հայաստանում, և՛ Արցախում գերիշխում է այն տեսակետը, որ հայկական երկու պետությունների անվտանգության հիմնական /եթե ոչ միակ/ երաշխիքը մեր միասնականությունն է, և դրա խաթարմանն ուղղված ցանկացած քայլ պետք է կանխվի ամենավճռական քայլերով: Ու բարեբախտաբար՝ այդ տեսակետը կիսում են նաև Հայաստանի /վստահաբար՝ նաև Արցախի/ իշխանությունները: Եվ պատահական չէ, որ կոնկրետ այս հարցով զբաղվում է ԱԱԾ-ն, որովհետև սա իսկապես ազգային անվտանգության խնդիր է:

Հուսանք՝ կպարզվի, որ գործ ունենք ոչ թե մեր միասնության դեմ լավ կազմակերպված դավադրության, այլ ընդամենը սխալ «փաստերի» հիմնա վրա կառուցված սխալ եզրակացության հետ:

Տպել
31550 դիտում

Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

Մասիս Մայիլյանը ԿԽՄԿ առաքելության բարձրաստիճան ներկայացուցչի հետ քննարկել է պատանդների վերաբերյալ մի շարք հարցեր

Ամենայն Հայոց Կաթողիկոսը ցավակցագիր է հղել Սերժ Սարգսյանին

Լուսաղբյուր համայնքում 30-35 հեկտարով կավելանա ոռոգվող հողերի մակերեսը

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ

1 հատ ընկույզը 1000 դրամով վաճառելուց հետո փոքրիկ Վահեն այլ գործ է ձեռնարկել․ զինվորներից մեկը բուժման կարիք ունի

«Իմ քայլը» սպասում է բանակի ազդակներին. ռազմական դրությունը վերացնելու հարցով վաղը ԱԺ-ում հանձնաժողովի նիստ է հրավիրվել

Հայ ֆուտբոլիստների թիմերը Ղազախստանի առաջնությունում պայքարում են մրցանակային տեղերի համար

Սգո ծառայություններ մատուցող կազմակերպությունների համար սահմանվել են Covid-անվտանգության առանձին կանոններ

Ոսկետափ համայնքում ավարտվել է ներհամայնքային փողոցների ասֆալտապատումը

Զավեն Սարգսյանի մահվան կապակցությամբ ստեղծվել է թաղման կառավարական հանձնաժողով

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ (լուսանկարներ)

Վաղը երեկոյան Ֆրանսիայի Սենատում կսկսվեն Արցախի ճանաչման բանաձևի քննարկումները

Նորածնային ինկուբատորներ, սոնոգրաֆիկ սարքեր. Գյումրու բուժհաստատությունները նոր բուժսարքավորումներով են համալրվել

Խոշտանգումների ու անմարդկային վերաբերմունքի ուղիղ պատասխանատուն Ադրբեջանի իշխանություններն են. ՀՀ ՄԻՊ

ԱԻ նախարար Անդրանիկ Փիլոյանն այսօր աշխատանքային շրջայց է կատարել․ նախատեսված են նաև մարզային այցեր

Գագիկ Ծառուկյանին մանդատից զրկելու հարցով կդիմեն ՍԴ. ԱԺ խորհրդի նիստն ավարտվեց

Գյումրու գազալցակայանի մոտ ավտովթար է տեղի ունեցել․ կան տուժածներ