«Թեփեր եք անվանել ձեր աշխատակիցներին», «Եկեք սրահը չվերածենք էժան կրակոցների». վեճ՝ ավագանու անդամի եւ թաղապետի միջեւ

Երեւանի ավագանու այսօրվա նիստին «Լույս» խմբակցության ավագանու անդամ Անի Խաչատրյանը հարցուպատասխանի ժամանակ վեճի բռնվեց Արաբկիր վարչական շրջանի ղեկավար Արամ Դանիելյան հետ: Նախքան հարցին անցնելը Անի Խաչատրյանը հայտնեց, որ ընդամենը երկու օր առաջ իր աշխատասենյակ բողոքելու էին գնացել Արամ Դանիելյանի աշխատակիցները:

«Դուք ձեր աշխատավարձը համեմատել եք ձեր խոհարարի աշխատավարձի հետ: Էլ չասեմ, որ մեկ այլ առիթով էլ թեփեր եք անվանել ձեր աշխատակիցներին։ Նրանց հաստիքները կրճատվել են»,- ասաց Անի Խաչատրյանը:

Թաղապետը պատասխանեց, որ աշխատկիցներին ազատելու որոշումը Երեւանի ավագանունն է եւ նա դրա հետ կապ չունի: «Վարչական շրջանի ղեկավարը, որեւէ գործառույթ չունի աշխատակիցների ծանուցման հետ կապված»,- ասաց նա:

Անի Խաչատրյանը փաստեց, որ դեկտեմբերի 2-ի փոխարեն հոկտեմբերի 2-ին են թաղապետարանի աշխատակիցներից մի քանիսն ազատվել աշխատանքից: Նրանց պատշաճ չի ծանուցվել. «Շատ լավ իմանալով, որ տուժանք եք վճարելու, բայց ազատեցիք, որովհետեւ գիտեիք, որ նրանք ստորագրել են ձեր դեմ»:

Ի պատասխան դրան՝ Արամ Դանիելյանը նկատեց. «Եկեք գոնե քննադատությունը լինի կառուցողական եւ իր մեջ որակ ունենա։ Նախ աշխատակիցներին ծանուցելու հետ կապված ես նման գործառույթ չունեմ, չեմ արել։ Եթե տիկին Խաչատրյանը հարկ համարեր վարչական շրջանի դիրքորոշումը ունենար, ինքն այդ ամբողջ հարցերը չէր առաջացնի։ Տիկին Խաչատրյանն անտեղյակ է»:

Անդրադառնալով խոհարարի աշխատավարձի վերաբերյալ պնդմանը, ասաց. «Ես չեմ հերքում, որ խոհարարի աշխատավարձը իմ աշխատավարձի հետ եմ համեմատել, անտեղի են ձեր շահարկումները: Ես դրանով ցանկացել եմ ցույց տալ, որ այստեղ իմ մոտիվացիան նյութականը չէ, այլ այն ծառայության մատուցումը, որի համար գիտակցաբար ստանձնել եմ այս պարտականությունը»:

Պատասխանի ընթացքում, երբ Անի Խաչատրյանը պարբերաբար ընդհատում էր Դանիելյանին, վերջինս հորդորեց. «Եկեք սրահը չվերածենք էժան կրակոցների»:

«Լույս» խմբակցության ավագանու անդամը նաեւ հիշեցրեց, որ տարիներ առաջ հարցազրույցներից մեկում Արամ Դանիելյանը նշել էր, որ մեծ ճոխություն է համարում վարչական շրջանների ղեկավարների աշխատասենյակ ունենալը: Խաչատրյանն իրեն տրված երկու հարցի իրավունքն օգտագործեց՝ ճշտելու համար՝ արդյո՞ք թաղապետն այսօր էլ ճոխություն չի համարում իր աշխատասենյակը, թե՞ արդեն հարմարվել է այդ ճոխության հետ:

Թաղապետը պատասխանելով Խաչատրյանի հարցին, նկատեց՝ հաստիքների կրճատման հետեւանքով Արաբկիրի թաղապետարանի շենքի սենյակներից 10 տոկոսն ազատվել են, եւ եթե հարկ լինի, ինքն այդ սենյակներից մեկը կդարձնի աշխատասենյակ: Սակայն Դանիելյանը շտապեց հավելել, որ շենքում այսօր շատ աշխատասենյակներ են թափուր եւ թերեւս դրա կարիքը չկա իր հարմարավետ սենյակից հրաժարվելու: 

Տպել
1239 դիտում

Իրանցի միջուկային գիտնականը սպանվել է արբանյակից կառավարվող զենքով. Իրանը վրեժ է խոստանում

ՀՀ-ում կա մեկ հանրային ճնշում եւ դա 17 ուժի քայլերի դեմ է. մարդիկ հիշում և ճանաչում են Վազգեն Մանուկյանին. Վ. Ենգիբարյան

ԿԳՄՍ նախարարը խոստացել է Երևանի մշակույթի և արվեստի պետական քոլեջի տնօրենի ժ/պ նշանակել աշխատակազմի առաջարկած թեկնածուին

62 ուսուցիչ ստացել է առաջին, երկրորդ և երրորդ աստիճանի տարակարգ․ ԿԳՄՍՆ

Երեւանի քաղաքապետարանի ենթակայության բոլոր ծառայությունները զբաղվում են իրենց լիազորություններից բխող գործունեությամբ

96-ամյա Սուրիկ Ղարիբյանը 3 տոննա կարտոֆիլը նվիրաբերել է Հայոց բանակին (լուսանկար)

Ավագ լեյտենանտ Արմեն Մանասյանը խոցել է թշնամական 8 տանկ, 4 հրամանատարական դիտակետ և կենդանի ուժ․ ճանաչենք մեր հերոսներին

Համանախագահները ԼՂ հարցում առարկայական բանակցությունների կոչ են անում

Ամերիաբանկը 2020թ. Տարվա լավագույն բանկն է. Մրցանակը շնորհվել է «The Banker»-ի կողմից

Վեդիում իրականացվում են շենքի ջերմամեկուսացման և էներգաարդյունավետության բարձրացման աշխատանքներ

Բարեկարգվում է Մաստարա համայնքի մանկապարտեզի բակը, կառուցվում է խաղահրապարակ

Նախագահի հրամանագրով տասը զինծառայողներ հետմահու պարգևատրվել են Մարտական ծառայության մեդալով

Ջավախքում չեն ուզում Նոր տարի անել․ դիմել են հրավառությունն արգելելու ու գլխավոր տոնածառ չդնելու համար

2300 հեկտար նռան այգուց տարածքների կորստի հետեւանքով մնացել է 500-ը. Արցախի գյուղատնտեսության նախարար

Համավարակով պայմանավորված ՀՀ սահմանին մուտքի եւ ելքի սահմանափակումները շարունակում են ուժի մեջ մնալ

Ֆրանսիայի ԱԺ-ն ընդունել է Լեռնային Ղարաբաղի ճանաչման հրատապ անհրաժեշտության մասին բանաձև

Ցուցարարները Մաշտոցի պողոտան փակել են կաղամբով եւ դդումով բեռնված սայլակներով

Նախագահն ու ՄԻՊ-ն անդրադարձել են ռազմագերիների ու պատանդների հարցին և նրանց վերադարձի ուղղությամբ ձեռնարկվող քայլերին

Այվազյանն ու Լավրովը կքննարկեն եռակողմ հայտարարության շրջանակներում ձեռք բերված պայմանավորվածությունների իրագործումը

Այս պահին չեմ կարող որոշում կայացնել Հայաստանի հավաքականի օգտին, բայց չգիտեմ՝ վաղն ինչ կլինի․ Տիկնիզյան