Շիրակի մարզպետը Մոսկվայում հայ գործարարների հետ կարեւոր պայմանավորվածություն է ձեռք բերել

Շիրակի մարզի որոշ ապրանքներ առաջիկայում կհայտնվեն Մոսկվայի Ժողովրդական տնտեսության ձեռքբերումների ցուցասրահ-համալիրի (ВДНХ) տարածքում գործող «Հայաստան» տաղավարում: Նման պայմանավորվածություն է ձեռք բերել Շիրակի մարզպետ Տիգրան Պետրոսյանը՝ «Ռուսաստանի Հայերի Միություն» համառուսական հասարակական կազմակերպության մոսկովյան քաղաքային բաժանմունքի հրավերով Մոսկվա կատարած այցի շրջանակներում:  

«Այնտեղ ոլորտային քննարկումներ ենք ունեցել Շիրակի մարզի հետ կապված: Հանդիպումը բավականին ակտիվ էր, եւ ինձ համար սա շատ լավ առիթ էր մարզի զարգացման հնարավորությունների մասին խոսել միանգամից մեծ լսարանի մոտ. մոտ 40 մասնակից կար: Բավականին լավ պայմանավորվածություններ ձեռք բերեցինք. «Արմենիա» տաղավարում Շիրակի ապրանքների համար կտան առանձնացված տաղավարներ, այսինքն՝ մեզ մնում է միայն, որ Շիրակի ձեռներեցների հետ, որոնք արդեն հետաքրքրված են, միասին աշխատենք: Իսկ Մոսկվայում ապրանքներ ներկայացնելն ապրանքի տեսանելիության համար արդեն լավ հնարավորություն է: Դրան էլ գումարած՝ (ВДНХ-ի) թեմատիկ ցուցահանդեսն է լինելու, որի ժամանակ իրենց աջակցությամբ մեր լավ բրենդային ապրանքները կներկայացնենք»,- ՀԺ-ի հետ զրույցում ասաց Շիրակի մարզպետ Տիգրան Պետրոսյանը:

Մոսկվայում Տիգրան Պետրոսյանի եւ հայ գործարարների հանդիպումը կազմակերպել է «Ռուսաստանի Հայերի Միություն» համառուսական հասարակական կազմակերպության մոսկովյան քաղաքային բաժանմունքի ղեկավար Շահեն Պետրոսյանը: ՀԺ-ի հետ զրույցում վերջինս նշեց, որ Շիրակի մարզպետի այցն ու կայացած հանդիպումները լուրջ քայլ է մարզի հետագա զարգացման եւ հեռանկարային համագործակցային դաշտի ձեւավորման առումով:

«Հանդիպման ընթացքում գործողությունների լայն շրջանակ ենք քննարկել, սակայն պետք է շեշտեմ, որ հատուկ ուշադրություն ենք դարձրել ռուսական շուկայում Շիրակի մարզի մի շարք ապրանքատեսակների իրացման հարցին: Այս այցի հիմնական արդյունքներից մեկը Շիրակի մարզից ապրանքների ներմուծման վերաբերյալ պայմանավորվածությունների ձեռքբերումն է, ինչպես նաև՝ տեղական արտադրողների համար բարենպաստ բիզնես մթնոլորտի ստեղծումը: Կողմերը պայմանավորվել են հետագա համատեղ աշխատանքների վերաբերյալ համաձայնագրերի տեխնիկական մանրամասների շուրջ»,- ասաց Շահեն Պետրոսյանը:Մոսկվայի հանդիպումներին հիմնականում մասնակցել են ծնունդով շիրակցի գործարարները: Սա հատուկ ընտրված ձեւաչափ է եղել, որն իրեն արդարացրել է: «Ես աշխատանքային քննարկման ռեժիմով նրանց ներկայացրի Շիրակի մարզի այս պահի զարգացումները, հնարավորություններն ու, ինչու չէ, նաեւ խնդիրները: Դրանից բացի, ամռանը, որ ֆորումը եղավ, մենք ծրագրերն էլեկտրոնային հղումներով եւ փաթեթներով իրենց տրամադրել էինք: Նաեւ հեղինակների կոնտակտներն էինք տվել, որ կապվեին հեղինակների հետ: Որովհետեւ այդ գաղափարները մերը չեն. մենք հարթակ ենք հանդիսանում դրանց իրականացման համար: Այսօր պետք է հստակեցվի, թե ովքեր են բացի պետությունից պատրաստ ծրագրեր իրականացնել, ներդրումներ անել Հայաստանում: Հանդիպմանը ներկա գործարարները շնորհակալություն հայտնեցին իմ ներկայացրած համակողմանի տեղեկատվության համար, եւ կարող եմ ասել, որ համագործակցության պատրաստակամություն ունեն»,- ասաց Շիրակի մարզպետը:Մոսկվայում Տիգրան Պետրոսյանը նաեւ մասնակցել է «Սիրով Շիրակի մարզին» խորագրով բարեգործական համերգին, որից ստացված հասույթն ուղղվելու է Շիրակի մարզի կարիքավոր ընտանիքներին։

Տպել
2833 դիտում

ՀՀ-ում կա մեկ հանրային ճնշում եւ դա 17 ուժի քայլերի դեմ է. մարդիկ հիշում և ճանաչում են Վազգեն Մանուկյանին. Վ. Ենգիբարյան

ԿԳՄՍ նախարարը խոստացել է Երևանի մշակույթի և արվեստի պետական քոլեջի տնօրենի ժ/պ նշանակել աշխատակազմի առաջարկած թեկնածուին

62 ուսուցիչ ստացել է առաջին, երկրորդ և երրորդ աստիճանի տարակարգ․ ԿԳՄՍՆ

Երեւանի քաղաքապետարանի ենթակայության բոլոր ծառայությունները զբաղվում են իրենց լիազորություններից բխող գործունեությամբ

96-ամյա Սուրիկ Ղարիբյանը 3 տոննա կարտոֆիլը նվիրաբերել է Հայոց բանակին (լուսանկար)

Ավագ լեյտենանտ Արմեն Մանասյանը խոցել է թշնամական 8 տանկ, 4 հրամանատարական դիտակետ և կենդանի ուժ․ ճանաչենք մեր հերոսներին

Համանախագահները ԼՂ հարցում առարկայական բանակցությունների կոչ են անում

Ամերիաբանկը 2020թ. Տարվա լավագույն բանկն է. Մրցանակը շնորհվել է «The Banker»-ի կողմից

Վեդիում իրականացվում են շենքի ջերմամեկուսացման և էներգաարդյունավետության բարձրացման աշխատանքներ

Բարեկարգվում է Մաստարա համայնքի մանկապարտեզի բակը, կառուցվում է խաղահրապարակ

Նախագահի հրամանագրով տասը զինծառայողներ հետմահու պարգևատրվել են Մարտական ծառայության մեդալով

Ջավախքում չեն ուզում Նոր տարի անել․ դիմել են հրավառությունն արգելելու ու գլխավոր տոնածառ չդնելու համար

2300 հեկտար նռան այգուց տարածքների կորստի հետեւանքով մնացել է 500-ը. Արցախի գյուղատնտեսության նախարար

Համավարակով պայմանավորված ՀՀ սահմանին մուտքի եւ ելքի սահմանափակումները շարունակում են ուժի մեջ մնալ

Ֆրանսիայի ԱԺ-ն ընդունել է Լեռնային Ղարաբաղի ճանաչման հրատապ անհրաժեշտության մասին բանաձև

Ցուցարարները Մաշտոցի պողոտան փակել են կաղամբով եւ դդումով բեռնված սայլակներով

Նախագահն ու ՄԻՊ-ն անդրադարձել են ռազմագերիների ու պատանդների հարցին և նրանց վերադարձի ուղղությամբ ձեռնարկվող քայլերին

Այվազյանն ու Լավրովը կքննարկեն եռակողմ հայտարարության շրջանակներում ձեռք բերված պայմանավորվածությունների իրագործումը

Այս պահին չեմ կարող որոշում կայացնել Հայաստանի հավաքականի օգտին, բայց չգիտեմ՝ վաղն ինչ կլինի․ Տիկնիզյան

Պե՞տք է նշել Նոր տարին, թե՞ չէ․ ինչ կարծիքի են մարդիկ, ինչ է որոշել քաղաքապետարանը