Հայկական ֆուտբոլի նոր աստղը. ընդամենը 2 տարում 4-րդ դիվիզիոնից մինչեւ «Բավարիա»-ին հաղթող

Հայաստանը նոր աստղ ունի համաշխարհային ֆուտբոլում: ՀՀ ֆուտբոլի ազգային հավաքականի ու «Հոֆենհայմ»-ի հարձակվող Սարգիս Ադամյանը ճանաչվել է Բունդեսլիգայի 2019-20 մրցաշրջանի 7-րդ տուրի լավագույն խաղացող: Նա դրան հասել է ոչ հենց այնպես: Անցած հանգստյան օրերին նրա դուբլի շնորհիվ «Հոֆենհայմ»-ը մրցակցի հարկի տակ 2:1 հաշվով հաղթեց Գերմանիայի չեմպիոնին՝ «Բավարիա»-ին: Հաշիվը բացեց 54-րդ րոպեին, 74-րդ րոպեին Ռոբերտ Լեւանդովսկին պատասխանեց, սակայն վերջին խոսքը 79-րդ րոպեին ասաց Ադամյանը:

«Ես չեմ կարողանում մինչեւ վերջ հավատալ: Մարզիչն ինձ հնարավորություն տվեց, եւ հիանալի էր այս հրաշալի մարզադաշտում խաղալ մեկնարկային կազմում: Ցանկանում էի փոխհատուցել նրան, ու կարծում եմ՝ ինձ մոտ ստացվեց»,- հանդիպումից հետո ասել է Ադամյանը:

Հիմա գերմանական լրատվամիջոցները խոսում են այն մասին, թե ինչպես առաջին անգամ «Հոֆենհայմ»-ի մեկնարկային կազմում հայտնված ֆուտբոլիստն օգնեց իր թիմին պատմության մեջ առաջին անգամ մրցակցի հարկի տակ՝ «Ալյանց Արենա»-ում, հաղթել գերհզոր «Բավարիա»-ին: Բունդեսլիգայի կայքը ծավալուն անդրադարձ է կատարել խաղացողին: Նշվում է, որ նա ծնվել է 1998 թ. Երեւանում ու ընտանիքի հետ Գերմանիա տեղափոխվել 5 տարեկանում: Հայաստանում նա երբեք ֆուտբոլ չի խաղացել: Ընդհանրապես Ադամյանը ձեւավորվել է որպես բակային ֆուտբոլիստ. հեռու է եղել մանկապատանեկան ակադեմիաներից: 16 տարեկանում միայն միացել է «Հանզա»-ին, որտեղ նրան մարզել է «Ռեալ»-ի ճանաչված ֆուտբոլիստ, Գերմանիայի ընտրանու կազմում աշխարհի չեմպիոն Տոնի Կրոսի հայրը՝ Ռոլանդ Կրոսը:

Նորամուտն Ադամյանը նշել է 3-րդ դիվիզիոնում հանդես եկող «Հանզա»-ի կազմում 2013 թ.-ին, 19 տարեկանում: Այդ թիմի կազմում մասնակցել է 8 հանդիպման: 2013-14 մրցաշրջանից առաջ տեղափոխվել է «Նոյշտրել»-ից: Հետագա 4 տարիներն անց է կացրել 4-րդ դիվիզիոնում, մինչեւ «Շտայնբախ»-ի կազմում 16 գոլերն ու գոլային 5 փոխանցումները չեն համոզել Երկրորդ բունդեսլիգայում հանդես եկող «Յան Ռեգենսբուրգ»-ին իրենց թիմ տանել՝ այն ժամանակ 24 տարեկան ֆուտբոլիստին: Այդ թիմում՝ նրա 2-րդ մրցաշրջանը փայլուն է եղել. 15 գոլ ու գոլային 11 փոխանցում, ինչից հետո՝ 2018-19 մրցաշրջանից առաջ, համալրել է «Հոֆենհայմ»-ի շարքերը:

Բունդեսլիգայի կայքը հայ ֆուտբոլիստին համեմատում է Գերմանիայի հավաքականի ու «Բավարիա»-ի ճանաչված հարձակվող Միրոսլավ Քլոզեի հետ, որն աշխարհի առաջնությունների բոլոր ժամանակների լավագույն ռմբարկուն է: Նշվում է, որ աշխարհի չեմպիոնը նույնպես կարիերան սկսել է 4-րդ դիվիզիոնում 1 տարով ավելի մեծ հասակում, քան Ադամյանը: Ընդգծվում է նաեւ, որ մի հարցում հայ ֆուտբոլիստն արդեն գերազանցել է Քլոզեին: «Բավարիա»-ի դեմ իր առաջին իսկ խաղում դարձել է գոլի հեղինակ, մինչդեռ լեհական ծագումով ֆուտբոլիստը 5-րդ փորձից է միայն գրավել իր ապագա գործատուի դարպասը: Բունդեսլիգայի կայքը շեշտում է, որ եթե 26-ամյա Ադամյանը պահպանի արագությունը, գոլային հոտառությունը եւ ուժը, ապա նրան հիանալի կարիերա է սպասվում:

Հայ ֆուտբոլիստը «Հոֆենհայմ»-ի կազմում 3 հանդիպման է մասնակցել Բունդեսլիգայում: Ընդհանուր առմամբ 141 րոպե է անցկացրել խաղադաշտում: ՀՀ հավաքականի եւ «Ռոմա»-ի կիսապաշտպան Հենրիխ Մխիթարյանից հետո նա 2-րդ հայ խաղացողն է, որը գոլի հեղինակ է դառնում Բունդեսլիգայում: Դորտմունդի «Բորուսիա»-ի կազմում ՀՀ ընտրանու ավագն իր գոլերից 2-ը խփել է «Բավարիա»-ին: 2 դեպքում էլ հաղթել է «Բորուսիա»-ն, սակայն Մխիթարյանի գոլերը հաղթական չեն եղել: 2013-14 մրցաշրջանի 30-րդ տուրում «Բորուսիա»-ն մրցակցի հարկի տակ հաղթել է 3:0, Սուպերգավաթի եզրափակչում՝ 2:0:

Հիմա Ադամյանն իրեն պետք է ցույց տա արդեն հավաքականում: Այս օրերին նա պետք է թիմի հետ մասնակցի Եվրո 2020-ի ընտրական փուլի 7 եւ 8-րդ տուրերի հանդիպումներին: Հոկտեմբերի 12-ին Հայաստանը հյուրընկալվելու է Լիխտենշտեյնին, իսկ 15-ին՝ Ֆինլանդիային: Այսօրվանից՝ հոկտեմբերի 7-ից, թիմը Երեւանի ֆուտբոլի ակադեմիայում սկսում է մարզական հավաքը: Այն տեւելու է 3 օր:

Տպել
2105 դիտում

Իրանցի միջուկային գիտնականը սպանվել է արբանյակից կառավարվող զենքով. Իրանը վրեժ է խոստանում

ՀՀ-ում կա մեկ հանրային ճնշում եւ դա 17 ուժի քայլերի դեմ է. մարդիկ հիշում և ճանաչում են Վազգեն Մանուկյանին. Վ. Ենգիբարյան

ԿԳՄՍ նախարարը խոստացել է Երևանի մշակույթի և արվեստի պետական քոլեջի տնօրենի ժ/պ նշանակել աշխատակազմի առաջարկած թեկնածուին

62 ուսուցիչ ստացել է առաջին, երկրորդ և երրորդ աստիճանի տարակարգ․ ԿԳՄՍՆ

Երեւանի քաղաքապետարանի ենթակայության բոլոր ծառայությունները զբաղվում են իրենց լիազորություններից բխող գործունեությամբ

96-ամյա Սուրիկ Ղարիբյանը 3 տոննա կարտոֆիլը նվիրաբերել է Հայոց բանակին (լուսանկար)

Ավագ լեյտենանտ Արմեն Մանասյանը խոցել է թշնամական 8 տանկ, 4 հրամանատարական դիտակետ և կենդանի ուժ․ ճանաչենք մեր հերոսներին

Համանախագահները ԼՂ հարցում առարկայական բանակցությունների կոչ են անում

Ամերիաբանկը 2020թ. Տարվա լավագույն բանկն է. Մրցանակը շնորհվել է «The Banker»-ի կողմից

Վեդիում իրականացվում են շենքի ջերմամեկուսացման և էներգաարդյունավետության բարձրացման աշխատանքներ

Բարեկարգվում է Մաստարա համայնքի մանկապարտեզի բակը, կառուցվում է խաղահրապարակ

Նախագահի հրամանագրով տասը զինծառայողներ հետմահու պարգևատրվել են Մարտական ծառայության մեդալով

Ջավախքում չեն ուզում Նոր տարի անել․ դիմել են հրավառությունն արգելելու ու գլխավոր տոնածառ չդնելու համար

2300 հեկտար նռան այգուց տարածքների կորստի հետեւանքով մնացել է 500-ը. Արցախի գյուղատնտեսության նախարար

Համավարակով պայմանավորված ՀՀ սահմանին մուտքի եւ ելքի սահմանափակումները շարունակում են ուժի մեջ մնալ

Ֆրանսիայի ԱԺ-ն ընդունել է Լեռնային Ղարաբաղի ճանաչման հրատապ անհրաժեշտության մասին բանաձև

Ցուցարարները Մաշտոցի պողոտան փակել են կաղամբով եւ դդումով բեռնված սայլակներով

Նախագահն ու ՄԻՊ-ն անդրադարձել են ռազմագերիների ու պատանդների հարցին և նրանց վերադարձի ուղղությամբ ձեռնարկվող քայլերին

Այվազյանն ու Լավրովը կքննարկեն եռակողմ հայտարարության շրջանակներում ձեռք բերված պայմանավորվածությունների իրագործումը

Այս պահին չեմ կարող որոշում կայացնել Հայաստանի հավաքականի օգտին, բայց չգիտեմ՝ վաղն ինչ կլինի․ Տիկնիզյան