3 միլիոն բնակչության համար կես միլիոն ընթերցողը քիչ է, կարդում են հիմնականում 18-30 տարեկանները. Հասմիկ Կարապետյան

Երեւանի Ավետիք Իսահակյանի անվան կենտրոնական գրադարանի տնօրեն Հասմիկ Կարապետյանը կարծում է՝ եթե համացանցում ոչ հավաստի տեղեկատվությունը շատ է, գրադարանները մշտապես մնալու են այդ տեղեկատվությունը հավաքելու, մշակելու եւ հանրությանը վերադարձնելու կարեւորագույն կենտրոնները: «Գրադարանների դերը միշտ եղել է եւ մնալու է անփոխարինելի»,- մեզ հետ զրույցում նշեց հաստատության տնօրենը:

Այսօր Հանրապետությունում տոնվում է Գրադարանավարի օրը: ՀՀ կառավարության որոշմամբ՝ օրը պաշտոնապես հոկտեմբերի 7-ին է նշվում 2004 թվականից:

30 տարի Ավետիք Իսահակյանի անվան կենտրոնական գրադարանը ղեկավարած Հասմիկ Կարապետյանն ընդգծեց, որ վերջին տարիներին ընթերցողների պակաս, գոնե իրենց մոտ, աշխատակիցները չեն տեսնում: Նրա խոսքով՝ ամեն օր ընդունում են 1000-1200 ընթերցող, մինչդեռ քննաշրջանների ժամանակ, այդ թիվն ավելանում է՝ հասնելով 1500-1700-ի: Տարեկան ընթերցողների թիվը հասնում է 36.000-40.000-ի: Տնօրենն ընդգծեց, որ իրենց մոտ ընթերցողների 75 տոկոսը ուսանողներ են՝ 18-30 տարեկան:

«Այս տարիքային խմբին ավելի շատ հետաքրքրում է իրենց մասնագիտական գրականությունը, երբ նրանք փորձում են կայանալ, որպես մասնագետ, սակայն երիտասարդության մեջ մենք ունենք ընթերցողների մեծ խումբ, որոնք շատ լուրջ վերաբերմունք ունեն դասական գրականության նկատմամբ»,- նշեց Հասմիկ Կարապետյանն՝ ավելացնելով, որ բացի դասական գրականությունից երիտասարդներն այսօր հետաքրքրված են նաեւ ժամանակակից ստեղծագործողների գործերով: Գրադարանում նաեւ գրքամոլների ակումբ է գործում, որտեղ ղեկավարի խոսքով՝ լուրջ դասական գրականություն է ուսումնասիրվում:

«Ես ուղղակի հիացած եմ մեր երիտասարդության բարոյական դաստիարակությամբ, կրթական մակարդակով, գրականության հանդեպ հետաքրքրվածությամբ»,- ասաց Կարապետյանը:

Թեեւ գրադարանում ընթերցողների պակաս վերջին տարիներին չի եղել, Հասմիկ Կարապետյանի խոսքով՝ երկրում ընթերցանության մշակույթի անկում, այնուամենայիվ, կա: «Մեր գրադարանի կամ մյուս խոշոր հանրային գրադարանների ամբողջ ընթերցանության խումբը կազմում է մոտ կես միլիոն մարդ, 3 եւ ավելի միլիոն բնակչության համար՝ դա էական նշանակություն ունեցող թիվ չէ»,- նշեց Կարապետյանը՝ հավելելով, որ թվերին նայելով՝ ստացվում է, որ գրադարանից օգտվում է ազգաբնակչության 20 տոկոսից էլ պակաս մարդ:

Այս համատեքստում Հասմիկ Կարապետյանը կարեւոր համարեց պետական աջակցությունը, քանի որ վերջինիս խոսքով՝ գոնե հանրային գրադարանները պետք է մշտապես ունենան պետության աջակցությունը, ֆինանսավորումը, ինչպես ընդունված է ամբողջ աշխարհում:

Ավանդական դարձած Գրադարանավարի օրվան նվիրված միջոցառումներ տեղի ունեցան նաեւ այս տարի: Այսօր ոլորտի 34 մասնագետներ պարգեւատրվել են ՀՀ Կրթության, գիտության, մշակույթի, սպորտի նախարարության պատվոգրով: ՀՀ ԿԳՄՍ նախարար Արայիկ Հարությունյանի հրամանով՝ պատվոգրեր են ստացել գրադարանային ոլորտում ունեցած նշանակալի ավանդի եւ մշակույթի բնագավառում երկարամյա աշխատանքային գործունեության համար նախարարության, ինչպես նաեւ համայնքային ենթակայությամբ գործող գրադարանավարները: Պարգեւները հանձնել է  ՀՀ ԿԳՄՍ նախարարի տեղակալ Նարինե Խաչատուրյանը:

Օրվա կապակցությամբ պարգեւատրումը միակ անակնկալը չէր. ՀՀ ԿԳՄՍ-ն «Թումանյան-Կոմիտաս-150» ծրագրով նախատեսում է Հայաստանի եւ Արցախի, ինչպես նաեւ նախարարության ենթակայությամբ գործող ուսումնական հաստատությունների 217 գրադարաններում իրականացնել 354 միջոցառում՝ գրքերի ցուցահանդես-վաճառքներ, հանդիպումներ, ֆիլմերի ցուցադրություններ եւ այլն: Նախատեսված միջոցառումներն իրականանում են Թումանյանի եւ Կոմիտասի 150-ամյա հոբելյաններին նվիրված:

Տպել
1313 դիտում

Էլեկտրաէներգիայի պլանային անջատումներ կլինեն Երևանում, Արագածոտնում, Կոտայքում և Շիրակում

Ճամբարակ քաղաքում տեղում է ձյուն, Սյունիքի մարզի Գորիս քաղաքում՝ ձնախառն անձրև

Լաչինի միջանցքի, անհետ կորածների, գերիների ու այլ հարցերի մասին հեռախոսազրույցներ են ունեցել Փաշինյանն ու Պուտինը

Վարչապետը քիչ անց կհանդիպի անհետ կորած եւ գերեվարված զինվորների ընտանիքների անդամներին․ վարչապետի մամուլի խոսնակ

ՀՀ սահմանից ներս ներխուժում տեղի չի ունցել, որևէ նոր զիջում տեղի չի ունեցել. Ռուբեն Ռուբինյան

ԵՄ-ն խիստ պատժամիջոցներ կկիրառի Թուրքիայի դեմ՝ Միջերկրական ծովում ապօրինության եւ Ղարաբաղում միջամտության համար

ՀՀ սահմաններից ներս ադրբեջանական բանակի զինվորներ չկան․ Գնել Սանոսյան

Գյումրիում ռուս զինծառայողի դի է հայտնաբերվել. ռուսական կողմը քննություն է սկսել

Հրդեհ է բռնկվել է Նոյեմբերյան քաղաքի երկհարկանի տներից մեկի նկուղում․ ԱԻՆ

Բաքվում Ֆրանսիայի դեսպան Զակարի Գրոսսը կանչվել է Ադրբեջանի ԱԳՆ. РИА Новости

Վայոց ձորի մարզի 7 համայնքում իրականացվում է սուբվենցիոն 27 ծրագիր

Երիտասարդներն ուժեղ էին փորձառուներից. ավարտվել է ազատ ոճի ըմբշամարտի Հայաստանի առաջնությունը

Վերսկսվել են Մոսկվա-Գյումրի-Մոսկվա երթուղով չվերթերը

Թշնամու 15 տանկ խոցած Արցախի հերոս Դավթի մարմինը մի քանի օր առաջ են գտել․ մանրամասներ

ԱԺ նախագահ Արարատ Միրզոյանը նամակ է հղել Ֆրանսիայի Սենատի նախագահ Ժերար Լարշեին

Զառիթափ համայնքի սահմանամերձ Սերս բնակավայրում իրականացվում են գիշերային լուսավորության կառուցման աշխատանքներ

«Ալաշկերտը» հաղթեց առաջատարին, «Վանն» ուժեղ գտնվեց «Շիրակից»

Հայտնաբերվել է փողոցում մի կնոջ պարանոցից ոսկյա շղթա հափշտակած և փախուստի դիմած տղամարդը (տեսանյութ)

Արցախի հետ Հայաստանի նախկին սահմանի փոխարեն ձևավորվել է սահման՝ Հայաստանի և Ադրբեջանի միջև․ ՊՆ

Ճամբարակ քաղաքում ձյուն է տեղում․ ՀՀ տարածքում ավտոճանապարհներն անցանելի են