Նրանք ինձ չեն ճանաչում, բայց անձնական վիրավորանքներ են հասցնում. Gucci-ի ցուցադրության մասնակից Արմինե Հարությունյան

Հենց նոր, երբ դուք զանգահարեցիք, ես վարչապետի տիկնոջ՝ Աննա Հակոբյանի գրառումն էի նայում: Անկեղծ ասած՝ շատ զարմացա, շատ հաճելի էր: Այս մասին ՀԺ-ի հետ զրույցում ասաց Gucci-ի ֆեյշըն շոուին մասնակցած Արմինե Հարությունյանը: Արդեն մի քանի օր է՝ համացանցի բուռն քննարկման թեմաներից մեկն է 23-ամյա աղջկա մասնակցությունը Gucci-ի ցուցադրությանը:

Նորությանն է անդրադարձել նաեւ ՀՀ վարչապետի տիկին Աննա Հակոբյանը, ֆեյսբուքյան իր էջում հրապարակել է աղջկա լուսանկարն ու կից գրառում արել. «Հայկական հրաշք ենք նվիրել համաշխարհային պոդիումին»:

Մեր զրույցում Արմինեն ասաց, որ սկզբում շատ է նեղվել՝ տեսնելով համացանցում իր արտաքինի վերաբերյալ բացասական կարծիքների տեղատարափը: «Սկզբում շատ-շատ էի նեղվում, բայց հիմա՝ չէ, որովհետեւ հասկանում եմ, որ ամեն մարդ իր կարծիքն ունի, եւ ես չեմ կարող ոչ մեկի կարծիքի վրա ազդել: Նրանք ինձ չեն ճանաչում եւ նույնիսկ անձնական վիրավորանքներ են հասցնում: Շատ տհաճ է: Առաջին անգամ է երեւի նման բան եղել, եւ բոլորի ուշադրության կենտրոնում հենց ես եմ, դրա համար բոլոր կարծիքներն էլ երեւի թե տեղին են, քանի որ բոլորի մոտ է շոկ, այդ թվում՝ եւ իմ»,- ասաց Արմինեն:

Արմինեն իր արտաքին տեսքի վրա ոչ մի փոփոխություն չի արել, սակայն անկեղծացավ, որ կոմպլեքսներ է ունեցել ու եղել է պահ՝ ցանկացել է գնալ այդ քայլին: «Բայց հասկացել եմ, որ ուզում եմ տեսնել ինձ այնպիսին, ինչպիսին իրականում կամ, չեմ ուզում փոխվել: Ես սիրում եմ ինձ»,- հավելեց նա:

Համաշխարհային ճանաչում ունեցող բրենդի ցուցադրությանը հայտնվելու կամ մոդելային կարիերայի մասին 23-ամյա Արմինեն չի էլ մտածել եւ շատ պատահական է հայտնվել այդ ցուցադրությանը: Աղջիկը գարնանը մեկնել է Բեռլին՝ ներկա լինելու իր սիրելի կորեական խմբի համերգին: Հենց Բեռլինի փողոցում էլ նրան մոտեցել է մի աղջիկ, որը ֆեյշըն սկաուտ է եղել եւ առաջարկել լուսանկարել: Նա Արմինեին նկարել է, եւ կոնտակտներով փոխանակվել են: Ավելի ուշ գրել է, որ լուսանկարն ուղարկել է Gucci-ին, եւ իրեն ուզում են տեսնել ֆեյշըն շոուի ժամանակ ու հրավիրել «գարուն-ամառ» հավաքածուի ցուցադրության քասթինգին:

«Իմ կյանքում հիմա ոչինչ չի փոխվել: Միայն սկսել են ճանաչել: Մնացած ամեն ինչը նույնն է, նույն առօրյան: Իրականում մի փոքր խանգարում է այս ամենն ինձ, չեմ կարողանում ինքս ինձ հետեւել, անընդհատ զանգահարում են մեդիաներից, հրավիրում հարցազրույցների»,- ասաց նա: Մոդելային գործունեության որեւէ նոր առաջարկ աղջիկը դեռեւս չի ստացել, բայց հայտնեց, որ եթե նման կարգի բրենդ առաջարկի, սիրով կհամաձայնի:

Արմինե Հարությույանն ապրում է Երեւանում: Սովորել է Թերլեմեզյանի անվան գեղարվեստի պետական քոլեջում, ապա Թատերական ինստիտուտում: Մասնագիտությամբ կինոյի եւ թատրոնի նկարիչ է: Այժմ աշխատում է «ԲեթԿոնստրակտ» ընկերությունում՝ որպես գրաֆիկ-դիզայներ, իլյուստրատոր:

Տպել
32192 դիտում

ՀՀ զինված ուժերի ռազմաօդային ուժերի տոնական թռիչքը՝ լուսանկարներով

Ես և լիբանանահայ փոքրիկ Լորին Երևանի սրտից շնորհավորում ենք համայն հայությանը. Զարեհ Սինանյանի շնորհավորանքը

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան

Անկախության տոնի առթիվ ՀՀ վաստակավոր արտիստի, մանկավարժի եւ ժողովրդական նկարչի կոչումներ են շնորհվել

«Մեր երկրների համագործակցությունը համակողմանիորեն զարգանում է». Նիկոլ Փաշինյանին շնորհավորել է Լի Քեցյանը

Միշուստինը Փաշինյանին հղված ուղերձում ընդգծել է ռուս-հայկական հարաբերությունների բարեկամական, գործընկերային բնույթը

Ինչպիսի՞ն ենք պատկերացնում մեր հայրենիքը 2050թ.-ին. Փաշինյանը ներկայացնում է Հայաստանի վերափոխման ռազմավարությունը

Անկախության տոնի առթիվ Արմեն Սարգսյանին շնորհավորել է Ճապոնիայի կայսր Նարուհիթոն

Անկախության տոնի առթիվ 4 գեներալ-մայորի և մեկ գեներալ-լեյտենանտի նոր կոչում է շնորհվել

«Մեր հայրենիք». հայ հայտնիների երգը նվիրվում է Հուլիսյան գործողությունների քաջարի մարտիկներին (տեսանյութ)

Ներսում՝ լույսեր, գույներ, զարմանքից և ուրախությունից փայլող աչքեր. Գյումրու տիկնիկայինը բացեց 85-րդ թատերաշրջանը

Ռիո դե Ժանեյրոյի Հիսուս Ամենափրկիչ արձանը ՀՀ անկախության տոնի առթիվ լուսավորվել է հայկական դրոշի գույներով (տեսանյութ)

Մենք՝ զինվորականներս, լավ գիտակցում ենք, որ մենք ենք այսօր անկախության երաշխավորները. ԶՈՒ ԳՇ պետի շնորհավորանքը

ՀՀ նախագահը մի շարք դեսպանների դիվանագիտական աստիճան տալու մասին հրամանագրեր է ստորագրել

Աշխարհազորը ԵԿՄ-ի հետ կապ չունի, բայց հնարավոր է՝ ԵԿՄ-ն գործի դրան կից․ Սասուն Միքայելյան

Մեկտեղելու ենք ջանքերը՝ Արցախի և Հայաստանի թռիչքաձև զարգացումն ապահովելու համար. հանդիպել են ՀՀ-ի ու Արցախի նախագահները

Այսօրվա մարտահրավերները մեկ անգամ ևս վերահաստատում են մեր գործընկերության կարևորությունը. Դոնալդ Թրամփը՝ ՀՀ վարչապետին