ՀՀ-ում նախատեսվում է ներդնել դատավորների բարեվարքության գնահատման հավասարակշռված կառուցակարգ. նախարար

Արդարադատության նախարար Ռուստամ Բադասյանն այսօր մասնակցել է «Արդարադատության ոլորտի բարեփոխումներ» թեմայով աշխատաժողովին, որը կազմակերպվել էր Եվրոպական միության «Թայեքս» գործիքի շրջանակում: Այս մասին հայտնում են ԱՆ-ի մամուլի ծառայությունից:

Միջոցառմանը մասնակցել են նաև Հայաստանում ԵՄ պատվիրակության ղեկավար, դեսպան Անդրեա Վիկտորինը, արդարադատության նախարարի տեղակալներ Ռաֆիկ Գրիգորյանն ու Աննա Վարդապետյանը, Բարձրագույն դատական խորհրդի անդամներ, դատավորներ, ՄԻՊ աշխատակազմի ներկայացուցիչներ, այլք:

Նախարարը, շնորհակալություն հայտնելով Եվրոպական միությանն աշխատաժողովը կազմակեպելու համար, նշել է, որ 2018 թվականի գարնանային իրադարձություններից հետո Հայաստանում դատաիրավական համակարգի իրական բարեփոխումները դարձան Կառավարության թիվ մեկ առաջնահերթությունը: Այս համատեքստում Ռուստամ Բադասյանը կարևորել է հանրային քննարկման փուլն անցած «Դատական օրենսգիրք» սահմանադրական օրենքում և հարակից օրենսդրության մեջ փոփոխություններ և լրացումների կատարելու մասին  նախագիծը, ինչպես նաև բարեփոխումների առավել ընդգրկուն նախագծերը՝ Դատաիրավական և Հակակոռուպցիոն ռազմավարությունները:

«Առաջարկվող նախագծերով նախատեսվում է ներդնել դատավորների բարեվարքության գնահատման հավասարակշռված կառուցակարգ, իրականացնել սահմանադրական և ընտրական բարեփոխումներ, անցումային արդարադատության գործիքակազմի կիրառման միջոցով ամրապնդել իրավունքի գերակայությունը, ինչպես նաև՝ որպես կարևոր վերջնանպատակ, ապահովել դատարանների և արդարադատության համակարգին առնչվող պետական ինստիտուտների վերակառուցումը անկախության և հաշվետվողականության չափանիշներով, ինչն անհրաժեշտ է ժողովրդավարական պետության զարգացման համար»,- ասել է նախարար Բադասյանը՝ հավելելով, որ նշված առաջնահերթությունները եվրոպական լավագույն չափանիշներին համահունչ կյանքի կոչելու նպատակով նախարությունը սերտ համագործակցում է Եվրոպական միության հետ, որը եղել և շարունակում է մնալ դատաիրավական բարեփոխումների իրականացման գործում ՀՀ կառավարության հիմնական գործընկերը:

Հայաստանում ԵՄ պատվիրակության ղեկավար, դեսպան Անդրեա Վիկտորինն ընդգծել է, որ Եվրոպական միությունը պատրաստ է աջակցել Կառավարության և, մասնավորապես, Արդարադատության նախարարության ստանձնած հանձնառությանը՝ ուղղված դատաիրավական և կոռուպցիայի դեմ պայքարի ոլորտների բարեփոխումներին: «Հայաստանում տասը տարի առաջ եմ եղել, այդ ժամանակ էլ էինք առաջարկում մեր աջակցությունը, բայց այսօր  բոլորովին այլ մթնոլորտ է: Ես տպավորված եմ Արդարադատության նախարարության գործընկերների գիտելիքներով և համագործակցության պատրաստակամությամբ, որն, իմ կարծիքով, լավ մեկնարկ է»,- ասել է դեսպանը և հավելել, որ ուրախ են նաև արձանագրել Կառավարության՝ հատկապես հակակոռուպցիոն ոլորտում օր առաջ բարեփոխումներ իրականացնելու հանձնառությունը:

Նշենք, որ աշխատաժողովի շրջանակում ոլորտի լավագույն փորձագետները կներկայացնեն դատական համակարգի հաշվետվողականության, անկախության և ամբողջականության բարելավման հիմնական սկզբունքները, միջոցները և մեխանիզմները՝ ներառյալ դատավորների բարեվարքության գնահատման գործընթացի եվրոպական փորձը: Այս համատեքստում փորձագետները կպարզաբանեն կարճաժամկետ և երկարաժամկետ առաջնահերթությունները և անհրաժեշտ նախադրյալները՝ ԵՄ և միջազգային լավագույն չափանիշներին համապատասխան արդարադատության ոլորտում բարեփոխումներ իրականացնելու համար:

Տպել
846 դիտում

Երեւանում ու մարզերում մեկնարկել են միասնական քննությունները. այսօր օտար լեզվի քննության օրն է

Զոհրաբ Մնացականյանը մասնակցել է Արևելյան գործընկերության նախարարական տեսաժողովին

Հաղորդակցությունը հանրության հետ կարևոր մարտահրավերներից է ՀՀ իշխանությունների համար. Դեբորա Գրիզեր. «Ամերիկայի ձայն»

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 3․1 հա տարածք

Երևանի Արցախի պողոտայում մեքենան բախվել է էլեկտրասյանը. ուղեւորն ու վարորդը հոսպիտալացվել են

Ղազախստանում ՀՀ դեսպանության ջանքերով 15 ՀՀ քաղաքացի, ինչպես նաև 1 ԼՂՀ քաղաքացի մեկնել է Հայաստան

Երկրաշարժ Մարմարաշեն գյուղից 3 կմ հարավ-արևելք. ուժգնությունը կազմել է 3 բալ

«Արարատ Ցեմենտ»-ում, ՀԷՑ-ում, «Նոր Զովքի» ցանցում ԱԱՏՄ-ն իրականացրել է կասեցումներ, իսկ Նոր Նորքում՝ ուժեղացված ստուգայց

Հայաստանում ՌԴ ավելի քան 1330 քաղաքացի մասնակցել է Սահմանադրության փոփոխությունների քվեարկությանը

Վայքից դեպի Զեդեյա ճանապարհին բախվել են շտապ օգնության «Ford»-ն ու «Toyota Camry»-ն. 9 տուժած կա

Քվեաթերթիկների 99,9%-ի հաշվարկով, ՌԴ ընտրողների 77,93%-ը կողմ են Սահմանադրության փոփոխություններին

Պատգամավորներն առաջարկում են դատավորներին բարձր թոշակ տալ. նախկին դատավորը մեկնաբանում է նախագիծը

ՌԴ-ում Սահմանադրական փոփոխությունների հանրաքվեի ձայների կեսի հաշվարկով կողմ է քվեարկել 76,24%-ը. նախնական

Ռոբերտ Քոչարյանը հրաժարվել է ՔԿԾ-ի դեմ հայցից. դատարանի որոշմամբ՝ վարույթը կարճվել է

Արմեն Թավադյանի գործով դատական ծախսերը մոտ 2.5 մլն դրամ են. պաշտպանը միջնորդեց վերացնել նրա գույքի կալանքը

Տեղի է ունեցել Իրանի, Ռուսաստանի ու Թուրքիայի նախագահների` Սիրիայի հարցով առցանց գագաթնաժողովը

Լուսակունք համայնքում կկառուցվի լուսավորության ցանց եւ ոռոգման ջրատարի ներքին ցանցի հիմնանորոգման աշխատանքներ

Գյումրու ինֆեկցիոնում կորոնավիրուսով 89 հիվանդ է բուժվում. հունիսի 30-ին հաստատվել է 57 նոր դեպք

Սուբվենցիոն ծրագրերով Նորատուսում կկառուցվի համայնքապետարանի շենք եւ կասֆալտապատվեն ճանապարհներ

Ծիրանատոնն էլ այս տարի հեռավար նշվեց. ծառ տնկելու, մշակույթի ու արվեստի դասեր՝ «Յոթ մուսաների» այգում