Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Այսօր Գյումրիում՝ լրագրողների հետ զրույցում, ՀՀ արտաքին գործերի նախարար Զոհրաբ Մնացականյանն ի թիվս այլ հարցերի՝ անդրադարձավ նաեւ Ադրբեջանում գտնվող Տավուշի մարզի բնակիչ Կարեն Ղազարյանին և զինծառայող Արայիկ Ղազարյանին Հայաստանին վերադարձնելուն: Ադրբեջանը Ղազարյաններին պատրաստակամ է վերադարձնել  Արցախում դատապարտված ադրբեջանցիներ Դիլհամ Ասկերովի և Շահբազ Գուլիևի հետ փոխանակման ճանապարհով միայն, ինչը, սակայն, մերժում է ՀՀ ՊՆ։

Զոհրաբ Մնացականյանն այսօր ասաց, որ համակարծիք է Դավիթ Տոնոյանի հետ եւ ավելացնելու ոչինչ չունի. «Ես կարծում եմ, որ այդ մարդիկ պետք է վերադարձվեն Հայաստանին, որովհետեւ սա խիստ մարդասիրական քայլ է։ Նրանք հանցագործություն չեն գործել, որը նրանց դուրս հանի  մարդասիրական դաշտից: Ես խոսում եմ Արայիկ Ղազարյանի եւ Կարեն Ղազարյանի մասին: Այս հարցը մեր օրակարգում է»:

Անդրադարձ եղավ նաեւ Փաշինյան-Թրամփ հանդիպմանը:

«Բոլորս կենտրոնացած ենք Դոնալդ Թրամփ-Նիկոլ Փաշինյան հանդիպմանը, որն այսպես, թե այնպես ինչ-որ պահի տեղի է ունենալու: Չպետք է հարաբերությունների մակարդակը չափել հանդիպումների հաճախականությամբ: Պետք է դատենք՝ ինչ հարթակ ստեղծեցինք՝ ռազմավարական երկխոսության հարթակ, և ինչ մակարդակով է դա արվում: Վերջերս ունեցանք ևս մեկ այց պաշտպանության գծով։ Ես Նյու-Յորքում եւս մեկ հանդիպում եմ ունենալու բարձրաստիճան մակարդակով: Այս ամենը մեզ համար շատ-շատ էական է, որովհետև Նահանգները շատ կարևոր գործընկեր է, մենք ունենք օրակարգային բազմաթիվ հարցեր, որոնք վերաբերում են մեր տարածաշրջանի անվտանգությանը, մեր երկկողմ հարաբերություններին, Հայաստանին ԱՄՆ-ի շարունակական աջակցությանը: Այդ աջակցությունը ե՛ւ անմիջական, ե՛ւ քաղաքական առումով շատ կարևոր ու մեծ նշանակություն ունի»,-ասաց նախարարը:

Զրույցի ընթացքում խոսվեց նաեւ Հայաստանում գտնվող Եվրոպական հանձնաժողովի հարևանության, ընդլայնման և բանակցությունների քաղաքականության հարցերով գլխավոր տնօրինության ղեկավարի տեղակալ Եկատերինա Մատերնովայի այցից։

«Մատերնովան մեկն է այն բազմաթիվ գործընկերներից, որոնց հետ մենք աշխատում ենք։ Այստեղ մենք՝ ԵՄ-ի հետ, Տուսկը, Յունկերը, Մոգերինին մինչեւ վերջերս, ղեկավար կազմից մինչեւ բոլոր մեր մյուս գործընկերները, որոնք անմիջական դերակատարություն ունեն ՀՀ  հարաբերություններում, մշտական եւ շարունակական երկխոսության մեջ ենք: Բնականաբար Մատերնովայի առումով մեր հիմնական հարցերը վերաբերում են մեր այն գործնական քայլերին, որոնցով մենք ղեկավարվելու ենք CEPA-ի համաձայնագրի իրականացման դեպքում: Մենք արդեն ունենք այդ ճանապարհային քարտեզը, մենք ունենք մեր ներսում ձեւավորված մեխանիզմը՝ միջգերատեսչական հանձնաժողովը, որը ղեկավարում է Մհեր Գրիգորյանը եւ գործնական առումով արդեն այն փուլում ենք, որ դիտարկում ենք իրականացումը»,-ասաց նախարարը:

Ըստ Մնացականյանի՝ ԵՄ-ն ՀՀ-ի համար կայուն եւ ներգրավված գործընկեր է: Այս տարի կրկնակի աճել  է ԵՄ-ի՝ ՀՀ-ին տրված աջակցությունը. 65 մլն է կազմել 2019-ի համար եւ շարունակվում է այն:

Տպել
848 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին