Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Գյումրիում անցկացվող Անկախության տոնակատարություններին մասնակցում է նաեւ Վայոց Ձորի մարզպետ Տրդատ Սարգսյանը: Լրագրողների հետ զրույցում նա անդրադարձել է սեպտեմբերի 18-ին իր օգնական  29-ամյա Հարություն Գրիգորյանի կողմից Եղեգնաձորում ՀՀ ՊՆ ծառայող, փոխգնդապետ, 43-ամյա Արա Մխիթարյանին ծանր մարմնական վնասվածք պատճառելու դեպքին: Սարգսյանը պնդել է, որ դեպքի հետ ինքը որեւէ առնչություն չունի, տարածքում չի եղել, առավել եւս մասնակից չէ:

«Որքանով ինձ պատմել են, վիճաբանության պատճառն այն է եղել, որ օգնականն իրենց բակում հանդիպել է հայհոյախառն զրուցող սպային եւ փորձել է երեւի հանգստացնել, չեմ կարող ասել: Ես մասնակցություն չեմ ունեցել, մեր շենքի բակի տեսախցիկները ֆիքսել են, թե ինչպես եմ մեքենան կայանում ժամը տասի  կողմերը եւ բարձրանում տուն: Որքանով որ տեղյակ եմ, ցուցմունքներ են եղել, որ ես այնտեղ եմ եղել: Դեռ պետք է պարզել, թե ում հրահանգով է նման  ցուցմունք եղել, եւ սուտ ցուցմունք տվողը եւս պետք է պատասխան տա: Կարծում եմ, փորձում են որեւէ կերպ ինձ ներգարվել, որպեսզի գործին հնչեղություն տան եւ չեմ կարող ասել ինչ նպատակով: Կարող է, չեն իմացել, որ մեր բակը տեսահսկվում է, եւ  շտապ որոշումներ են կայացրել, ինձ ներգարվելով այս գործում: Ես միջնորդություն եմ ներկայացրել քննչականին, որպեսզի իրենք էլ տեսախցիկների ձայնագրություններն ուսումնասիրեն: Քանի որ քննություն է ընթանում ես չեմ ուզում կասկածների մասին խոսել, թե ում է ձեռնտու սա, բայց փաստ է, որ  կեղծ ցուցմունք կա, եւ պետք է պատասխան տան»,-ասաց Սարգսյանը:

Մարզպետը չկարողացավ ասել, թե իր օգնականը միայնակ ինչպես է կարողացել մի քանի զինվորականի ծեծել, իսկ փոխգնդապետ Արա Մխիթարյանին գանգուղեղային տրավմայի ենթարկել՝ հասցնելով կոմատոզ վիճակի:

Նաեւ ասաց, որ մտահոգություն չունի ՀՀ դատախազի այն հայտարարության հետ կապված, համաձայն որի, եթե պարզվի որ մարզպետը եւս ունի մեղքի բաժին, պատասխանատվության է ենթարկվելու.«Ես դատախազի հայտարարության մասով մտահոգվելու որեւէ առիթ չունեմ, քանի որ ոչնչին մասնակից չեմ, ես ժամը տասից եղել եմ տանը, դա ֆիքսել են տեսախցիկները, թե ինչպես եմ ես իմ սեփական մեքենան կայանում բակում եւ բարձրանում բնակարան: Ունենք մեկ մուտք, ես էլ բնակվում եմ 5-րդ հարկում: Չեմ կարծում, որ կարելի է  այլ եղանակներով դուրս գալ շենքից»:

Վայոց Ձորի մարզպետն ասաց ամբողջ մարզն աղոթում է տուժածի համար, ինքն անձամբ փոխգնդապետ Մխիթարյանին դեռ չի տեսակցել, իրավապահներին ցուցմունք տվել է, ձերբակալված օգնականն էլ այդ պաշտոնում նշանակվելու ժամանակ իր ազգականը չի եղել: Հետագայում են  խնամիներ դարձել:

Հիշեցնենք, որ դեպքով ՀՀ ոստիկանության Եղեգնաձորի բաժնում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով, որով նախաքննությունն իրականացվում է ՀՀ քննչական կոմիտեի Վայոց Ձորի մարզային քննչական վարչությունում: Նախաքննությամբ պարզվել է, որ նշված վիճաբանության ժամանակ բացի վերը նշված սպայից՝ մարմնական վնասվածքներ են ստացել նույն զորամասի ևս երկու սպա:

Տպել
775 դիտում

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները

Եթե առանց էմոցիաների նայեք, կտեսնեք, որ 1-ին կեսում լավ կոմբինացիաներ էին ստացվում. Գյուլբուդաղյանցը Լիխտենշտեյնի մասին

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության