Շաբաթ օրը երգչախումբը փողոցում է փորձ արել, քար լռություն եւ անտարբերություն է տիրում. Հեքեքյան

Տիգրան Հեքեքյանի ղեկավարած «Հայաստանի փոքրիկ երգիչներ» երգչախումբն արդեն մի քանի օր է՝ փորձ անելու հնարավորություն չունի: Երգչախումբը սեպտեմբերի 18-ին մեծ հյուրախաղերով պետք է մեկնի Գերմանիա եւ Լիտվա, սակայն որոշիչ փորձերն անելու տեղ չի կարողանում գտնել: «Շաբաթ օրը մենք փողոցում ենք փորձ արել»,-ՀԺ-ի հետ զրույցում ասաց երգչախմբի հիմնադիր ղեկավար Տիգրան Հեքեքյանը: 

Տիգրան Հեքեքյանը հայտնեց, որ արդեն 7 ամիս է՝ նորմալ փորձեր չեն կարողանում իրականացնել, տարբեր դպրոցներում են փորձեր անում, սակայն նոր ուսումնական տարին արդեն սկսվել է, եւ դա այլեւս անհնար է:

Արամի 23 հասեցում գտնվող եւ սեփականության իրավունքով երգչախմբին պատկանող պատմամշակութային հուշարձան շենքի պատը փլուզվել էր տարեսկզբին: Երկար տարիներ բարձրաձայնված նախազգուշացումները, անտեսված մնալով, ի վերջո հանգեցրել էին դրան: Շենքն այսօր էլ է մնում փլուզված:

Փլուզման հիմնական պատճառն, ըստ էության, շենքին հարակից կառուցապատումն էր։ Կառուցապատումը կատարվել է քաղաքապետարանի թույլտվությամբ՝ առանց Մշակույթի նախարարության թույլտվության՝ քաղաքաշինության նորմերի խախտմամբ։ Դրա արդյունքում վթարվել է հուշարձան-շենքի հարակից պատը:

Արամի 23 հասցեում կառուցապատում իրականացնող շինարարական կազմակերպության գործողությունների դեմ բազմիցս ահազանգել էր երգչախմբի հիմնադիր ղեկավար Տիգրան Հեքեքյանը: Մշակույթի նախարարությունը եւս պնդել էր, որ շենքն ամեն կերպ պետք է պահպանել եւ կանխել նրա վերջնական փլուզումը: Նախարարությունն այդ մասին տեղեկացրել է պատկան մարմիններին, քաղաքապետարանին, որոնք եւ անօրինական թույլտվություն են տվել շինարարության համար։

Հեքեքյանը հայտնեց, որ ամիսներ առաջ Երեւանի քաղաքապետարանը խոստացել էր երգչախմբի տարածքի վարձակալության գումարը տալ եւ, կարծես թե, զբաղվում էր նրանց խնդրով: Այժմ ոչ ոք չի զբաղվում: «Քաղաքապետարանը խոստացել էր ամեն ամիս 3 հազար դոլարին համարժեք դրամ տալ, տարածքը վերցրինք, բայց գումար չտվեցին, ստիպված ազատեցինք: Քաղաքի կենտրոնում մեր տարածքը քանդեցին, թող տան հիմա: Հնգակողմ պայմանագիր ենք կնքել արտասահմանցիների հետ, մեզ էլ փող չեն տվել»,-պատմեց Հեքեքյանը:

Երգչախմբի ղեկավարը բազմիցս դիմել է նաեւ ՀՀ վարչապետ Նիկոլ Փաշինյանին, սակայն հայտնեց, որ նամակին պատասխանել են տարբեր գերատեսչություններից. «Մեզ պատասխանել են տարբեր տեղերի մանր չինովնիկներ. վերեւից հանձնարարում են ներքեւ, ներքեւից՝ ավելի ներքեւ, արդյունքում՝ բանից անտեղյակ որեւիցե չինովնիկ մեզ ոչինչ չասող պատասխան է գրում: Քար լռություն եւ ամենաբարձր մակարդակի անտարբերություն է տիրում»:

Ավելի վաղ Երեւանի քաղաքապետարանից ՀԺ-ին հայտնել էին, որ «Հայաստանի փոքրիկ երգիչներ» ՀՈԱԿ-ն այսքան տարի գործունեություն է ծավալել Արամի 23 շենքում, Երեւանի քաղաքապետարանը չի դիտարկել որպես տարածքի խնդիր ունեցող ՀՈԱԿ: Սակայն վերջին մի քանի ամսում տեղի ունեցած շենքի փլուզման եւ նմանատիպ գործընթացների հետեւանքով քաղաքապետարանն սկսել է տարբերականեր դիտարկել՝ ՀՈԱԿ-ի բնականոն գործունեությունն ապահովելու համար:

Այսօր Երեւանի քաղաքապետարանից հայտնեցին, որ պատրաստվում են երգչախմբին տարածք հատկացնել քաղաքապետարանի ենթակայությամբ գործող Սայաթ-Նովայի անվան երաժշտական դպրոցում, որի տնօրենը, ի դեպ, Տիգրան Հեքեքյանն է:

Տպել
962 դիտում

Սարալանջում արևային ֆոտովոլտային կայան է տեղադրվել, 3 փողոցում ընդլայնվել է լուսավորության ցանցը

Մանե Թանդիլյանը տեղափոխվել է Արցախ ապրելու եւ Արցախն ապրեցնելու

Երևանի Իսահակյան և Թամանյան փողոցների խաչմերուկում կկատարվի երթևեկության կազմակերպման ժամանակավոր փոփոխություն

Աշխատանքի միջոցով պետք է ԱՄՆ-ի կողմից ՀՀ-ին տրամադրվող հումանիտար օգնությունը 100 մլն դոլարի հասցնել. Զարեհ Սինանյան

Պատերազմը չի ավարտվել, մենք դեռ հաղթելու ենք, որ կարողանանք պատասխան տալ տասնապատկված Եռաբլուրի առաջ. Ռոմիկ Մխիթարյան

Վարդենիս համայնքի Այրք բնակավայրում ավարտվել է խմելու ջրատարի արտաքին ցանցի կառուցումը

ՀՀ-ում տրվել է դպրոցական աստղագիտական դասախոսությունների 2020թ. ծրագրի մեկնարկը

Անհետ կորած զինծառայողների և մահացածների մարմինները հարազատներին փոխանցելու հարցը գտնվում է ՌԴ ուշադրության կենտրոնում

Դաշտ և Կոբավան համայնքներում ձեռք է բերվել սուբվենցիոն ծրագրով հաստատված անհրաժեշտ գյուղտեխնիկան

ՀՀ տարածքում ավտոճանապարհներն անցանելի են. Գեղարքունիքի մարզի ավտոճանապարհներին տեղ-տեղ առկա է մերկասառույց

ԱԳ նախարարը ՀԱՊԿ նիստում ընդգծեց Ադրբեջանի՝ կովկասյան տարածաշրջանում միջազգային ահաբեկչության օջախ ձևավորելու քայլերը

Արայիկ Հարությունյանն ու Վաղարշակ Հարությունյանը քննարկել են անհայտ կորած զինծառայողների և գերիների հարցը

Ոստիկանները պատերազմի ժամանակ ձեռք բերված զինամթերք և առանձնապես խոշոր չափերով թմրամիջոց են հայտնաբերել (տեսանյութ)

Ինչպես է ազդել կորոնավիրուսն ու պատերազմը անշարժ գույքի շուկայի վրա. պատասխանում է կադաստրի կոմիտեի ղեկավարը

Անիեր-Սյուր-Սենի քաղաքային խորհուրդն Արցախի Հանրապետության ճանաչման մասին բանաձև է ընդունել

Լավրովը խոսել է Ղարաբաղյան հակամարտության գերիների ու զոհերի փոխանակման գործընթացի, ՀԱՊԿ նիստի որոշումների մասին

Սյունիքի մարզից որեւէ գյուղ հանձնելու հարց չի քննարկվում. Սյունիքի մարզպետարան

Քարամշակման արտադրամասն օգտագործում է մակերևույթային ջուր՝ չունենալով ջրօգտագործման թույլտվություն․ ԲԸՏՄ ստուգումները

ՀՀ ՏԿԵ նախարարության մասնագետները Շիրակի մարզում ուսումնասիրել են ընթացող փողոցաշինական աշխատանքները, կատարել նմուշառում

Երևանում 28-ամյա տաքսու վարորդը դանակահարել է33-ամյա մի տղամարդու (տեսանյութ)