Երեկ Գեղամ Գեւորգյանն էր մեղադրում, այսօր իրեն են մեղադրում աշխատանքային իրավունքները խախտելու համար

Երեւանի պետական համալսարանը, որն այս օրերին պատրաստվում է տոնել 100-ամյա հոբելյանը, հերթական անգամ հայտնվել է աղմկահարույց պատմությունների մեջ:

Ժամանակ առ ժամանակ տեղեկություններ են պտտվում, որ հաստատության աշխատակիցները կանգնել են զանգվածաբար գործազուրկ դառնալու վտանգի առաջ, որ շատերն ազատվում են աշխատանքից, շատերի հետ կնքվում են ժամանակավոր պայմանագրեր կամ էլ նախկինում կնքված անորոշ ժամկետով պայմանագրերն են դարձվում ժամկետով:

Աշխատանքային պայմանագրի ժամկետի մոտալուտ սպառման գործիքը մասնավորապես կրթական հաստատություններում նախկինում հաճախ է օգտագործվել, երբ թեպետ աշխատանքն ու հաստիքները մշտական էին, դրանք զբաղեցնող մարդիկ էլ՝ երկար ժամանակ նույնը, բայց նրանց հետ ամեն տարի պայմանագրեր էին կնքվում ու վերականքվում, ինչը գործատուին հնարավորություն էր տալիս ցանկության դեպքում արագորեն ազատվել անցանկալի անձանցից, իսկ աշխատակիցներին էլ կաշկանդում էր հաջորդ տարի պայմանագիր չունենալու հեռանկարով:

Այժմ ահա պարզվում է, որ «Աշխատանքային օրենսգրքի» այսօրինակ խախտումներ են վերագրվում նաեւ ԵՊՀ նոր ղեկավարին՝ ռեկտորի ժամանակավոր պաշտոնակատար Գեղամ Գեւորգյանին: Այդ մեղադրանքներին արձագանքելով նա առաջարկում է՝ թող դիմեն դատարան, իսկ տեղի ունեցողը համարում է փոթորիկ մեկ բաժակ ջրում:

«Իրոք կան ժամկետային պայմանագրեր: Դրանք միշտ են եղել: Բայց խոսքը չի վերաբերում հազարավոր մարդկանց: Համալսարանում կան բազմաթիվ գործեր, որոնք ժամանակավոր են: Սա առաջինը: Երկրորդը՝ մի շարք մարդկանց՝ 10-15 հոգու հետ, կնքվել է պայմանագիր՝ փորձաշրջանով: Ընդ որում, առկա է այդ մարդկանց համաձայնությունը՝ փորձաշրջանով պայմանագիր կնքելու: Հիմա մեկ էլ ինչ-որ դատի են տալիս, որ պարզ չէ: Իրականում նպատակը ուրիշ է՝ աղմուկ բարձրացնելն է»,- մեզ հետ զրույցում ասաց ԵՊՀ ռեկտորի ժամանակավոր պաշտոնակատարը:

Նա դժվարացավ հստակ նշել, թե համալսարանի աշխատակիցներից քանիսի հետ կնքված պայմանագրերն են որոշակի ժամկետով: «Այս պահին պատրաստ չեմ քանակ ասել՝ 200 է, 300 է, թե 500: Բայց նրանք կան: Օրինակ՝ մեր կողմից ֆինանսավորմամբ աշխատող գիտաշխատողները, որոնց պայմանագիրը կնքվում է մինչեւ դեկտեմբերի 31-ը, ժամանակավոր աշխատող դասախոսները, որոնց մեկ տարով վերցնում ենք աշխատանքի, կամ մեկ կիսամյակով՝ նայած՝ ինչ գործ ենք հանձնարարել: Նրանց պայմանագրերը ժամկետային են: Լինում են նաեւ, որ ժամանակավոր ընդունում ենք կոնկրետ գործեր կատարելու համար, եւ նրանց պայմանագրերը ժամկետային են: Բոլոր տեղերում էլ կան ժամկետային պայմանագրեր, բայց հիմա ասել, թե հազարավոր մարդիկ են… Նախ հազարավորը ես հասկանում եմ, որ հազարից ավելի մարդ պետք է լինի: Իսկ համալսարանում ընդամենը 2 500 աշխատող է: Այսինքն՝ ի՞նչ, համալասարանի կեսը ժամանակավոր աշխատո՞ղ է: Այդպես չէ»,- հայտարարեց Գեղամ Գեւորգյանը: Մեր ճշտող հարցին՝ վստահ է եւ պնդում է, որ «Աշխատանքային օրենսգրքի» խախտում չկա՞, նա պատասխանեց. «Ես պնդում եմ, որ թվերը ուռճացված են: Եթե մարդիկ գտնում են, որ կա «Աշխատանքային օրենսգրքի» խախտում, թող դիմեն դատարան: Մարդ կա օրումեջ է դիմում դատարան, ինչ անեմ»:

Ի դեպ, որոշակի ժամկետով պայմանագրեր են կնքվել նաեւ բուհի պրոռեկտորների հետ: Ինչպես նշեց Գեղամ Գեւորգյանը՝ բոլորի: «Պրոռեկտորների հետ կնքված պայմանագրերը փորձաշրջանով են, դա իրենց համաձայնությամբ է, իմ համաձայնությամբ է, դրա մեջ կողմերը որեւէ տարօրինակ բան չեն տեսնում, հիմա եթե կողքից մեկը փորձում է դրա վրա աղմուկ բարձրացնել, ես չեմ կարող արգելել»,- ասաց նա:

Մինչեւ ռեկտորի ժամանակավոր պաշտոնակատար նշանակվելը Գեղամ Գեւորգյանը ԵՊՀ պրոռեկտոր էր: Նրան այժմ արդեն նախկին ռեկտոր Արամ Սիմոնյանն ազատել էր զբաղեցրած պաշտոնից անվստահության հիմքով: Սույն թվականի մարտին ազատված պրոռեկտորը դատական հայց էր ներկայացրել՝ վիճարկելու ազատման հրամանի օրինականությունը: Եվ հատկանշական է, որ այսօր ինքն է մեղադրվում ուրիշների աշխատանքային իրավունքները խախտելու համար: «Դե թող իմ հարցով էլ դիմեն դատարան, կտեսնենք՝ ով է ճիշտ, ով է սխալ»,- արձագանքելով այս համեմատությանը՝ առաջարկեց բուհի ղեկավարը: Ասաց, որ հայցը ետ չի վերցրել, թեպետ նաեւ մանրամասներ չգիտի գործընթացի վերաբերյալ: «Չէ, ինչու պետք է վերցնեմ, ես վիճարկում եմ հրամանի օրինականությունը: Ռեկտորի պաշտոնում իմ նշանակվելը չի փոխում հրամանի էությունը: Ի տարբերություն ուրիշ հայցերի՝ սա քնած փուլում է: Վարույթ էլ շատ ուշ են ընդունել, դա էլ դեռ պարզ չէ՝ ընդունել են, թե չեն ընդունել: Փաստաբանս է զբաղվում, ես չեմ զբաղվում այդ հարցերով»,- ասաց Գեւորգյանը:

ԵՊՀ ռեկտորի ժամանակավոր պաշտոնակատարը հստակ թվեր չնշեց նաեւ աշխատանքից ազատված, ազատվելու ենթակա կամ կրճատված հաստիքների վերաբերյալ. «Ցանկացած հաստատությունում ինչ-որ գործ ավելանում է, ինչ-որ գործ պակասում է, որի հետ կապված լինում է հաստիքի փոփոփոխություն կամ հաստիքի կրճատում: Դա նորմալ պրոցես է, մի քանի հազար աշխատող կա եւ տարեկան կադրային փոփոխություններ, իհարկե, լինում են: Աշխատանքից ազատվածներ կան՝ կապված որոշակի աշխատանքների բացակայության հետ: Մասնավորապես, ուսանող քիչ է ընդունվել, հետեւաբար այդ դասախոսի կարիքը չկա կամ ժամերը քիչ են, այդ մարդու կարիքը չկա: Դա դինամիկ պրոցես է: Այս պահին քանիսն են, դժվարանում եմ ասել, բայց նրանք կան եւ մեկը չէ, երկուսը չէ, տասնյակներ են»:

Տպել
3173 դիտում

Տեղի է ունեցել Օլիմպիական խաղերի ֆուտբոլի մրցաշարի վիճակահանությունը

2008թ.-ին պետական պարտքն ավելի շատ էր աճել, քան 2020-ին` պատերազմի եւ կորոնավիրուսի պայմաններում. պատգամավոր

Հայաստանի Հանրապետությունում արդեն իսկ սկսվել է Զինված ուժերի բարեփոխումների լայնածավալ ծրագիր․ վարչապետ

Առաջարկվում է ծանրամարտիկ Անդրանիկ Կարապետյանին ազատել պարտադիր զինվորական ծառայությունից

Ալեքսանդր Սպենդիարյանի արձանի վրա արված գրառումը կմաքրվի. գրառումներ կան նաև Օպերայի շենքի վրա

Կառավարությունը 500 մլն դրամ կհատկացնի ՊՆ-ին՝ պաշտպանության ապահովման եւ ռազմական կարիքների բավարարման համար

Արմեն Ծովակ Մինասյանը հերքում է, որ մասնակցել է Սյունիքում այսօր տեղի ունեցած ակցիաներին

Մնջախաղի թատրոնի տնօրենի մրցույթ է հայտարարվել. կեսդարյա պատմություն ունեցող թատրոնը դեռ շենք չունի

Փոխվարչապետ Տիգրան Ավինյանն ընդունել է ԵՄ պատվիրակության ղեկավար Անդրեա Վիկտորինին

Ադրբեջանն Արցախում կիրառել է քիմիական նյութ, որի հասցրած վնասը համարժեք է քիմիական զենքի կիրառման վնասին.Գեորգի Քոչարյան

Արցախի նախագահը հաստատել է նյութական վնաս կրած անձանց պետական ֆինանսական աջակցություն տրամադրելու մասին

Ֆերդինանդ Կարապետյանը 112 միավոր է ստացել ձյուդոյի Եվրոպայի առաջնության մասնակցության համար

Ռոմանոս Պետրոսյանը Ջոն Քերիի գլխավորած կլոր սեղանի ժամանակ բարձրաձայնել է ադրբեջանական ագրեսիայի մասին

ԱԺ «Իմ քայլը» խմբակցության պատգամավոր Նարեկ Մկրտչյանը հրաժարականի դիմում է ներկայացրել

ՈՒԵՖԱ-ն հաղթեց Սուպերլիգային, բայց գլխավոր հարցը դեռ լուծված չէ

Մհեր Արմենիայի «Ազգի ձայնը» կուսակցության հիմնադիր համագումարին մասնակցում էր ընդամենը 15-17 հոգի (լուսանկարներ)

ՀՀ ԱԳՆ Եվրոպայի վարչության պետը հանդիպել է ԵՄ անդամ երկրների՝ Արևելյան գործընկերության հարցերով դեսպանների հետ

Արցախի բժշկասոցիալական փորձաքննության հանձնաժողովի անդամները կվերապատրաստվեն ՀՀ ԱՍՀ նախարարության մասնագետների կողմից

Երևան-Արմավիր ճանապարհի Էջմիածնով անցնող հատվածում յուրաքանչյուր ուղղությամբ կկազմակերպվի միակողմանի երթևեկություն

Պետբյուջեի հարկային եկամուտները եւ պետական տուրքերը նախորդ տարվա համեմատությամբ ավելացել են 12․4 մլրդ դրամով․ Մանուկյան

Հայ խաղաղապահների ստորաբաժանումը մեկնել է Լիբանան (լուսանկարներ)

Բացահայտվել է Բագրավանի նախկին ղեկավարի կողմից պաշտոնեական կեղծիքներ կատարելու և 17 մլն դրամի գույք հափշտակելու դեպքեր

Ուժի կիրառմամբ ստեղծված իրողությունները չեն կարող օրինական լինել․ Արա Այվազյան

Վարչապետը հանձնարարել է Ոստիկանության եւ ԱԱԾ պետերին կտրուկ և հատուկ միջոցառումներ ձեռնարկել այսօր տեղի ունեցածի առիթով

Զանգեզուրի մասին Ալիեւի հայտարարությունները սադրիչ են, պետք է արժանանան պատշաճ հակազդեցության. վարչապետ (տեսանյութ)

Ինչո՞ւ այս ամենը գրեցի, պարզ պատճառով. որ հասկանաք որոշ խմբերի անկանոն շարժումները․ Արայիկ Հարությունյանի գրառումը

Հայտարարվել է նախադպրոցական այլընտրանքային կրթական հաստատությունների ձևավորման դրամաշնորհի հատկացման մրցույթ

Բեմադրության է պատրաստվում «Քաչալ ոզնին» բալետը. նախագահի տիկինը ներկա է գտնվել իր հեղինակած հեքիաթի բեմականացման փորձին

Մեղրիի միջանցքի մասին խոսող մարդիկ փորձում են անհանգստություն տարածել. Արման Եղոյան

Փաշինյանի դեմ «ինքնաբուխ» ցույցի մասնակիցը Քոչարյանի ակտիվ աջակից է

Ագարակում եւ Մեղրիում տեղի ունեցածը հայտնի շրջանակների կողմից կազմակերպված գործողություններ են. Մանե Գևորգյան

Վարչապետը Սյունիք կատարած այցի շրջանակում այցելել է զորամաս (լուսանկարներ)

Հենց հիմա Կապանում, առանց սադրիչների. վարչապետին Կապանի քաղաքացիները ջերմությամբ են ընդունել (տեսանյութ)

«Ոչ մի ճանապարհ էլ չի լինելու». Նիկոլ Փաշինյանը պատասխանեց Մեղրիի միջանցքի մասին քաղաքացու հարցին

Ռոմանոս Պետրոսյանն ընդունել է Կովկասի բնության հիմնադրամի նորանշանակ տարածաշրջանային տնօրեն Թոբիաս Մյունխմայերին

Սյունիքում պատռեցին Պետական պահպանության ծառայության պետի կոստյումը. բերման ենթարկվածներ չկան

Պատերազմից ավելի քան 5 ամիս անց գտնվել է զոհված փոխգնդապետի աճյունը. նա անհետ կորած էր համարվում

Դատախազությունը ոստիկանությանը հանձնարարել է Սյունիքում կատարվածի առնչությամբ քրեադատավարական կարգով վարույթ իրականացնել

Հրդեհ Ստեփանակերտում. այրվող տան բնակիչները տարհանվել են, կրակը՝ մարվել

Մենք ենք մեղավոր, ճիշտ եք. ներողություն եմ խնդրում բոլորիցդ այ սրա համար. Նիկոլ Փաշինյանը՝ Ագարակում