Փակ տարածքներում ծխախոտի օգտագործման արգելքը ուժի մեջ է մտնելու 2022 թվականի մարտի 15-ից. Թորոսյան

ՀՀ առողջապահության նախարար Արսեն Թորոսյանը «աղմկոտ» չի որակում այսօր Կառավարության կողմից ընդունված հակածխախոտային նախագիծը եւ կարծում է, որ եթե անգամ աղմուկ կար, ապա այն շատ արհեստական էր։

«Սա շատ բնական պրոցես է մեր թե՛ միջազգային պարտավորությունների շրջանակներում, թե՛ մեր երկրի բնակչության առողջության պահպանման տեսանկյունից»,- ասաց նախարարը։

Նրա խոսքով՝ քննարկումների ընթացքում բազմաթիվ փոփոխություններ են եղել, որոշ օրենքների փոփոխությունների ուժի մեջ մտնելու ժամկետը հետաձգվել է՝ հաշվի առնելով ընդհանուր ոլորտի այլ փոփոխությունները՝ հարկային օրենսգրքի փոփոխությունը, ոլորտի զարգացման տեմպերը, եւ այլն։

Թորոսյանը նշեց, որ վաճառքի կետերում ծխախոտային արտադրության ցուցադրության արգելքն ուժի մեջ է մտնելու 2021թ. հունվարի 1-ից, իսկ փակ տարածքներում ծխախոտի օգտագործման արգելքը, որի շուրջ հիմնական «աղմուկ»-ն էր, ուժի մեջ է մտնելու 2022թ. մարտի 15-ից։

Այժմ նախագիծը ներկայացվելու է ԱԺ, որտեղ քննարկումներ կլինեն թե՛ հանձնաժողովներում, թե՛ լիագումար նիստում։ Նախարարի խոսքով՝ դեռ ժամանակ կա որոշակի ճշգրտումների համար։

Անդրադառնալով տուգանքի չափերին՝ Թորոսյանը ասաց, որ ցանկացած օրենքի տուգանքները կանխարգելելու համար են, որպեսզի օրենքի դրույթները չխախտվեն, այլ ոչ թե խախտվեն եւ դրանից հետո տուգանք գանձվի. «Եթե այդ տեսանկյունից ենք անդրադառնում, ապա չափերի խնդիրը երկրորդական է դառնում, առաջնայինն օրենքը չխախտելուն ուղղված միջոցառումներն են, որոնցից մեկը վարչական պատասխանատվությունն է, ինչպես ճանապարհային երթեւեկության կամ համակեցության կանոների խախտմանը։ Ես չեմ կարծում, որ մամուլն այդ տեսանկյունից պետք է դիրքավորի իրավախախտումների դիմաց գանձվող գումարները»։

Անդրադառնալով օրերս իր տապալված ասուլիսին՝ Թորոսյանն ասաց. «Անկեղծ ասած՝ խոսել եմ դրա մասին, թե ինչու այդպիսի որոշում կայացրի տեղում, նորից հարկ չեմ համարում անդրադառնալ։ Ինչ վերաբերում է լրատվամիջոցների հետ շփվելուց վախենալուն, ապա կարծում եմ՝ այսօրվա այստեղ գտնվելս հակառակն է ապացուցում։ Ես վախենալու խնդիր չունեմ, պարզապես ավելի լարված իրավիճակ թույլ չտալու համար, որը անկանխատեսելի հետեւանքներ կարող էր ունենալ, ինչում ես հետագայում համոզվեցի, պարզապես չուզեցի, որ ավելի վատ միջադեպ տեղի ունենա ընդամենը»:

Անդրադառնալով իր մոտալուտ պաշտոնանկության մասին լուրերին՝ նախարարը նշեց, որ ինքն այդ մասին ինֆորմացիա չունի. «Ինչպես տեսնում եք՝ հաճախում եմ աշխատանքի»։

Նա հավաստիացրեց, որ թերացումների համար որեւէ դիտողություն իրեն ո՛չ հանրային, ո՛չ էլ ոչ հանրային չի արվել։

Տպել
1328 դիտում

Ֆրանսիան ձեր կողքին է՝ նպաստելու ձեր տնտեսության նոր վերելքին. Էմանուել Մակրոնը շնորհավորել է նախագահ Արմեն Սարգսյանին

Գեղամ Ստեփանյանը նշանակվել է ԱՀ Մարդու իրավունքների պաշտպանի աշխատակազմի Գործադիր քարտուղարի պաշտոնակատար

Գերմանիան կշարունակի որպես հուսալի գործընկեր կանգնած լինել Հայաստանի կողքին. նախագահ Շթայնմայերի ուղերձը

ԱՄՆ-ը ողջունում է օրենքի գերակայության ամրապնդման, անկախ դատական համակարգի ստեղծման Հայաստանի ջանքերը. Մայք Պոմպեո

ՍԴ նախագահին կընտրեն չորեքշաբթի օրը. նախագահ դառնալու համար անհրաժեշտ է 5 կողմ ձայն

Այս ռազմավարական փոփոխությունները պետք է արտահայտվեն ՀՀ-ի կամայական քաղաքացիների հարաբերություններում. Փաշինյան

ՀՀ զինված ուժերի ռազմաօդային ուժերի տոնական թռիչքը՝ լուսանկարներով

Ես և լիբանանահայ փոքրիկ Լորին Երևանի սրտից շնորհավորում ենք համայն հայությանը. Զարեհ Սինանյանի շնորհավորանքը

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան

Անկախության տոնի առթիվ ՀՀ վաստակավոր արտիստի, մանկավարժի եւ ժողովրդական նկարչի կոչումներ են շնորհվել

«Մեր երկրների համագործակցությունը համակողմանիորեն զարգանում է». Նիկոլ Փաշինյանին շնորհավորել է Լի Քեցյանը

Միշուստինը Փաշինյանին հղված ուղերձում ընդգծել է ռուս-հայկական հարաբերությունների բարեկամական, գործընկերային բնույթը

Ինչպիսի՞ն ենք պատկերացնում մեր հայրենիքը 2050թ.-ին. Փաշինյանը ներկայացնում է Հայաստանի վերափոխման ռազմավարությունը

Անկախության տոնի առթիվ Արմեն Սարգսյանին շնորհավորել է Ճապոնիայի կայսր Նարուհիթոն

Անկախության տոնի առթիվ 4 գեներալ-մայորի և մեկ գեներալ-լեյտենանտի նոր կոչում է շնորհվել

«Մեր հայրենիք». հայ հայտնիների երգը նվիրվում է Հուլիսյան գործողությունների քաջարի մարտիկներին (տեսանյութ)

Ներսում՝ լույսեր, գույներ, զարմանքից և ուրախությունից փայլող աչքեր. Գյումրու տիկնիկայինը բացեց 85-րդ թատերաշրջանը