Մենք կիսապայքար չենք անելու, պետք է ստեղծենք ինստիտուցիոնալ մեխանիզմներ. վարչապետ

ՀՀ վարչապետ Նիկոլ Փաշինյանը կառավարության այսօրվա նիստի ժամանակ «Բանկային գաղտնիքի մասին» օրենքում փոփոխություններ կատարելու հարցի քննարկման ժամանակ կրկին ընդգծեց՝ կառավարության քաղաքական եզրակացությունն է՝ կա՛մ պայքարում են կոռուպցիայի դեմ, կա՛մ չեն պայքարում, քանի որ կիսապայքարն ընդունելի չէ:

«Այս ընթացքում մենք ունեցել ենք դեպք, երբ իմացել ենք, որ «X» բարձրաստիճան պաշտոնյան կամ նրա փեսան ապօրինի ձեւով ձեռք բերված գույքը վաճառքի են հանել, այդ գույքը ֆորմալ ձեւակերպված է այլ մարդու անունով, նրա հետ կապված իրավական պրետենզիաներ չկան: Գույքը վաճառվել է, իմացել ենք, որ վաճառվելու է, գումարը հանվելու է դուրս, իմացել ենք, որ՝ այ, հիմա այդ բանը տեղի է ունենում, բայց այնպիսի սահմանափակումներ են եղել օրենսդրությամբ, որ կա՛մ պիտի շատ ապօրինի միջամտություններ անեինք, որի բացատրությունը իրավական առումով դժվար կլիներ տալ, կա՛մ լուռ հետեւեինք՝ ոնց են թալանվածը թաքցնում: Մենք կիսապայքար չենք անելու, պետք է ստեղծենք ինստիտուցիոնալ մեխանիզմներ, որ կասկած չլինի ՀՀ ժողովրդի եւ կառավարության՝ այս առումով ունեցած մտադրությունների վերաբերյալ»,- ասաց նա:

Վարչապետի խոսքով՝ սա մեր ամենակարեւոր ինստիտուցիոնալ բարեփոխումներից մեկն է, որ ոչ թե անում են՝ «ոտքի վրա», «ափալ-թափալ», այլ մի տարի շարունակ բոլոր հնարավոր ձեւերով քննարկել են, քաղաքական որոշումը կայացրել են եւ պետք է դե յուրե արձանագրեն, այս խնդիրը պետք է լուծվի եւ լուծվի հիմա:

Փոխվարչապետ Մհեր Գրիգորյանը հետաքրքրվեց, եթե այդ գործարքն անկանխիկ՝ բանկային եղանակով է կատարվել, բացահայտվում է, իսկ եթե կանխիկ եղանակով է արվել, ի՞նչ լուծում են տալիս:

Արձագանքելով փոխվարչապետին՝ Նիկոլ Փաշինյանն ասաց. «Իմ ասած դեպքը եթե բացահայտեինք, դրան պարզ բացահայտում կա. պետավտոտեսուչը կանգնեցնում է այն ֆուռը, որ տեղափոխվում է, եւ այդպես բացահայտվում է»:  Ապա կատակելով՝ վարչապետն ասաց, թե պետք է ՃՈ-ին հակակոռուպցիոն գործառույթներ տալ:

«Նման լուծում պետք չի»,- նշեց Գրիգորյանը:

Վարչապետը պատասխանեց. «Հումոր եմ անում»:

Փաշինյանի խոսքով՝ պիտի հարցը լուծեն. «Եթե օրենքով իրավասու ենք գնալ, «դոշակի տակ պահած» փողը գտնել, պետք է համարժեք իրավասություն ունենանք նաեւ հաշվեհամարին պահած փողը գտնելու: Եթե մեկը պատուհանից թռնում ա ու փողը հետը տանում ա, մենք իրավունք ունենք պատուհանի տակ դնել օպերաշխատող, ով նրան կբռնի»,- ասաց նա:

Արդարադատության նախարարի տեղակալ Ռաֆիկ Գրիգորյանը բացատրեց, որ իրենք ուզում են իրավապահների համար հասանելի դարձնել կասկածյալների ու մեղադրյալների հարազատների կամ կապակցված անձանց բանկային գաղտնիքները։

Գրիգորյանի խոսքով` սա անհրաժեշտ է հատկապես կոռուպցիոն հանցագործությունների բացահայտման հարցում։ Սակայն, ըստ փոխնախարարի,  սա ապետք է սահմանափակվի կոնկրետ հանցագործությունների դեպքում, ոչ բոլոր հանցագործությունների դեպքում հնարավոր կլինի հասնել բանկային գաղտնիքի բացահայտման։

Նախագիծն ընդունվեց կառավարության նիստում, սակայն դեռ պետք է ընդունվի Ազգային ժողովի կողմից։

Տպել
1544 դիտում

Կայացել է Հայ-ամերիկյան ռազմավարական երկխոսության նիստի խորհրդակցությունների բազմաոլորտ համագործակցության մասին նիստը

Վանեցյանը, Ծառուկյանը, Մինասյանը պատրա՞ստ են աշխատել վարչապետ. Կարեն Սիմոնյան (տեսանյութ)

Արսեն Թորոսյանը հեռախոսազրույց է ունեցել ՌԴ դաշնային ծառայության ղեկավար Աննա Պոպովայի հետ

Արմավիրի Չերեմուշկա թաղամասում քաղաքացին սպառնում է ինքնասպան լինել

Մեկնարկել են Քարվաճառ տանող մոտ 17 կմ երկարությամբ ճանապարհի ասֆալտապատման աշխատանքները

Գոռ Երիցյանն ու Նարեկ Աբգարյանը կմարզվեն Մայք Թայսոնի մարզչի մոտ

Ճգնաժամը կհամարեմ վերջացած, երբ տեսնեմ ՍԴ ընտրված անձանց գործունեությունը. Սոֆյա Հովսեփյան (տեսանյութ)

Ադրբեջանը պետք է հրաժարվի ռազմական շանտաժի և սպառնալիքների քաղաքականությունից, նստի բանակցային սեղանի շուրջ. ԱՀ ԱԳՆ

Իսրայելական ընկերությունները 2 կազմակերպության 155 մլն դոլար են վճարել, որն օգտագործվել են Ադրբեջանի վերնախավի համար

Հայաստանի շախմատի պատանեկան հավաքականը դարձել է Եվրոպայի առցանց առաջնության բրոնզե մեդալակիր

Կրկին պայթյուն Լիբանանում. նախնական վարկածով՝ այրվում են «Հզբոլլահ»-ի զենքի պահեստները

Ելփին գյուղում բռնկված հրդեհը մեկուսացված է. մարզային փրկարարական վարչությունում հայտարարվել է հավաք

Այսօրվա գործողությունները պետք է միտված լինեն 2050թ-ի ՀՀ-ին. Արման Բոշյան (տեսանյութ)

«Կան անհերքելի փաստեր». մահացած ծննդկանի հարազատները նշում են, որ չեն նահանջելու, ԲԿ-ից պնդում են՝ բժիշկը մեղավոր չէ

«Արարատը» այլևս ստիպված չի լինի խաղադաշտեր վարձակալել․ նորոգվում են Ձորաղբյուրի մարզաբազայի խաղադաշտերը

Փայտե մահակներ, երկաթյա ձողեր, քարեր. Գնդեվազում կան բերման ենթարկվածներ ու ձերբակալվածներ (տեսանյութ)

ՀՀ քննչական կոմիտեի նախագահ Հայկ Գրիգորյանն ընդունել է ՀՀ-ում Իտալիայի արտակարգ և լիազոր դեսպանին

Նախկին համակարգի քաղաքական ուժերը չեն կարող առաջնորդել ընդդիմությանը. Արման Բոշյան (տեսանյութ)

Վարազդատ Հարոյանը հեռացել է «Ուրալից». պատճառը՝ խաղային պրակտիկայի բացակայությունն է

Երևանում մանկատան սաները պարբերաբար բռնության են ենթարկվել, զրկված եղել կեցության նվազագույն պայմաններից (տեսանյութ)