Այս տարի նախորդ տարվա համեմատ ավելի շատ մարդ է այցելել Սեւան. Գեղարքունիքի մարզպետ

Այս տարի նախորդ տարվա համեմատ ավելի շատ մարդ է այցելել Սեւան: Այս մասին «Հայկական ժամանակ»-ի հետ զրույցում ասաց ՀՀ Գեղարքունիքի մարզպետ Գնել Սանոսյանը:

Հիշեցնենք, որ ամառվա սկզբում սոցցանցերում անընդհատ կանաչած Սեւանի լուսանկարներ էր տարածվում: Լճում մեծ քանակությամբ ջրիմուռներ կային: Սակայն ժամանակի ընթացքում դրանք ինքնամաքրվեցին: Այդ ընթացքում է Սեւանի թերակղզու ափի տնտեսվարողները ի նշան բողոքի փակել էին ճանապարհները եւ նշում էին, որ այցելուներ չկան, ինչի պատճառով իրենց աշխատանքը կանգնել է: Ինքնամաքրման պրոցեսից հետո Սեւան էր այցելել ՀՀ վարչապետը, շրջակա միջավայրի նախարարը եւ այլ բարձրաստիճան պաշտոնյաներ:

«Ընդհանուր դժգոհությունը կապված էր լճում ջրիմուռների աճման պիկ շրջանի հետ, երբ որ տարբեր լրատվամիջոցներում անընդհատ թեման քննարկվում էր, շահարկվում էր ու դա բերում էր նրան, որ որոշ օրերի տաղավարները, հյուրանոցները դատարկ էին լինում: Դա մի քանի օր տեւեց, հետագայում ես կարող եմ ասել, որ բավական ակտիվ շրջան ունեցանք: Սեւանում շաբաթ օրը ձկան փառատոն պետք է լինի եւ այժմ էլ տարածքը բավական մարդաշատ է: Այսինքն, ի ուրախություն մեզ Սեւանի զբոսաշրջային շրջանը չի ավարտվում միայն լողալով, թեեւ հիմա արդեն եղանակային առումով լողալու համար հարմար չէ, բայց էլի մարդաշատ է: Ընդհանուր առմամբ կարող եմ ասել, որ բավական ակտիվ տարի էր: Այս պահին թվեր դեռ չկան, բայց նախորդ տարվա համեմատ զբոսաշրջիկների թիվը բավակնին մեծ եղավ մարզում»,- ասաց Սանոսյանը:

Դիտարկմանը՝ կանաչած Սեւանի լուսանկարներից եւ ջրիմուռներից հետո փաստորեն հնարավոր եղավ նախորդ տարվանից ավելի շատ այցելուներ ունենալ, մարզպետն արձագանքեց. «Այո, մի քանի օր տեւեց այդ կանաչելու պրոցեսը, որից հետո ջուրը մաքրվեց ու որեւէ այլ խնդիր չկար: Նաեւ մեր համապատասխան կառույցներն իրենց ուսումնասիրությունները տեղադրեցին, որ ջրի որակի, լողալու հետ կապված խնդիրներ չկա: Այնպես որ այս փուլից հետո ամեն ինչ բնականոն ընթացք ունեցավ: Բավական ջերմառատ էր տարին եւ բավական լավ լողալու շրջան ունեցանք»:

Հարցին՝ սա ենթադրում է նաեւ, որ տարածքում գործունեություն ծավալողները ֆինանսական առումով բավարար եկամուտ ունեցա՞ն, Սանոսյանը պատասխանեց. «Այո: Սեպտեմբերի 14-ին ինչպես նշեցի մենք կազմակերպել ենք ձկան փառատոն, որը կոչվում է «Էկո ֆիշ ֆեստ»: Առավոտյան կսկսենք լճի ամբողջ շրջակայքը մաքրել, մեծ համասեւանյան շաբաթօրյակ կանենք: Սա նաեւ լավ առիթ է, որ բոլոր այն մարդիկ, ովքեր մտահոգվում են Սեւանով ու ամռանը բավականաչափ գրում են դրա մասին, կարող են առիթն օգտագործել, գալ՝ միանալ մեզ, որ մաքրենք եւ լճին իրական օգուտ տանք մեր գործողություններով: Ժամը 2-ից կտեղափոխվենք Սեւանի թերակղզի, առաջին անգամ մարզում կանցկացնենք ձկան փառատոն: Կլինի համերգային միջոցառում, հրավառություն, այնպես որ կարող եք բավական լավ ու հետաքրքիր օր անցկացնել մեր մարզում»:

Սանոսյանը չի բացառում, որ հաջորդ տարի նույնպես հնարավոր է Սեւանում ջրիմուռների աճ լինի եւ լիճը կանաչի. «Ցավոք սրտի դա հնարավոր է, քանի որ երեւույթն այնպես չի, որ վերջին 2 տարում կա, առնվազն 60-ական թվականներից կա: Ուղղակի վերջին 2 տարում ջրիմուռների աճի չափերն է փոխվել եւ սեզոնայնությունը: Եթե առաջ հիմնականում օգոստոսի վերջ՝ սեպտեմբերի սկիզբ էր կանաչելու երեւույթը նկատվում, հիմա հունիս-հուլիս ամիսներին է նկատվում»:

Տպել
1043 դիտում

78-ի կոալիցիան. Իսրայելը դուրս է գալիս քաղաքական ճգնաժամից

Ապրիլի 10-ից քաղաքացիները կարող են դիմել առցանց եւ ստանալ նախատեսված սոցիալական աջակցությունները

ԱՀ ոստիկանությունը ստուգումներ է իրականացնում Քաշաթաղի շրջանի Մուշ համայնքում տեղի ունեցած միջադեպի վերաբերյալ

Բանտարկությունից մինչեւ սեփական թեստերի կիրառում. ինչպես Սինգապուրը դարձավ կորոնավիրուսի արդյունավետ պայքարի օրինակ

Տավուշում կարտոֆիլի բարձրորակ տնկանյութի բավարարման նպատակով մարզպետարանը հավաքագրել է անհրաժեշտ տեղեկությունները

«Գյումրի» ԲԿ բժիշկները մասնակցել են COVID-19-ի կանխարգելմանն ու բուժմանն ուղղված օնլայն դասընթացներին

Արցախի ժողովրդի ինքնորոշման իրավունքը ղարաբաղյան հակամարտության կարգավորման հիմնաքարն է. ՀՀ ԱԳՆ

Մասնագիտական պարապմունքներ են անցկացվել 4-րդ զորամիավորումում․ ՊՆ

Արցախում Հայաստանից մեկնած երկու քաղաքացի է մեկուսացվել, իրականացվել է նմուշառում

Արցախ մեկնած ՀՀ քաղաքացիները կարող են վերադառնալ մինչև ապրիլի 2-ը՝ ժամը 23:59-ը

Երեկ գիշերը միջադեպ է տեղի ունեցել Քաշաթաղի շրջանի Մուշ համայնքում. գյուղապետին եւ այլ մասնակիցներին բերման են ենթարկել

Կայացել է ՈՒԵՖԱ-ի անդամ ասոցիացիաների գլխավոր քարտուղարների քննարկումը

Աշխարհը հումորի շատ հետաքրքիր զգացում ունի․ այսօր ապրիլի 1-ն է

Քննարկվել են կորոնավիրուսի հետևանքների չեզոքացմանն ուղղված միջոցառումների իրականացման ընթացքը և աջակցության նոր ծրագրերը

Շիրակի մարզպետարանի աշխատակիցները հրաժարվել են մարտի պարգևավճարից. 8 մլն դրամն այլ նպատակի կուղղվի

Վարչական վարույթի մասնակիցները հանձնաժողովի նիստերին առցանց մասնակցելու հնարավորություն ունեն. ՏՄՊՊՀ

Արմեն Սարգսյանը ուղերձ է հղել Արցախի Հանրապետությունում կայացած համապետական ընտրությունների առթիվ

Սահմանափակումների նոր ռեժիմ է մտնում նաև աշխատանքի վայր այցելող անձանց համար. կայացել է պարետատան նիստը

2-րդ զորամիավորումում անցկացվել է կրակային պատրաստության պարապմունք․ ՊՆ

ՖԻՖԱ-ն 2.74 միլիարդ դոլար պահուստային գումար ունի. օգնելու է ֆուտբոլի ֆեդերացիաներին. The New York Times