Երևան
14 °C
Աղմկոտ Երեւանում գիշերային ժամերին էլ եռուզեռը չի դադարում՝ սղոցելով բնակիչների նյարդերը:
Երթեւեկելիս արագությունը գերազանցող վարորդները չեն հարցնում ժամ ու պատարագ, ազդանշան տալով՝ միմյանց բարեւում են, իսկ հետո էլ՝ նույն կերպ հրաժեշտ տալիս, փոքրիկ ու ծուռումուռ փողոցներում շրջադարձից առաջ կանխարգելիչ ազդանշան են տալիս՝ հանդիպակաց մեքենայի հետ հնարավոր բախում չլինելու նկատառումով, ինչ-որ մի տեղից հրավառության ձայն է լսվում, մոտակա ռեստորաններից աղմուկը, երբեմն հայհոյանքներով ուղեկցվող, լցվում է տուն ու քնից արթնացած երեխաների ականջները, թաղամասի տղաները հավաքվել եւ մեծ ոգեւորությամբ ու օվացիաներով համաշխարհային նշանակության հարցեր են քննարկում կամ հաշիվներ պարզում, ինչ-որ մեկի մտքով անցել է, որ ավտոմեքենան մաքուր չէ, եւ այն պետք է լվանա գիշերվա ժամը 2-ին՝ բնակելի շենքերի քթի տակ գտնվող «Լվա ինքդ» ավտոլվացման կետում...
Ահա, այսպիսի պատկեր է ստացվում Երեւանի տարբեր հատվածներում ապրող բնակիչների շրջանում անցկացրած հարցախույզի արդյունքում: Ամենօրյա ռեժիմով մարդկանց գիշերային անդորրը խելագարեցնելու աստիճան խանգարվում է, իսկ ոստիկանություն, թվում է, չկա: Ու հարց է առաջանում՝ ի՞նչ գործառույթներ ունի իրավապահ այս մարմինը տվյալ դեպքում, ի՞նչ է պարտավոր անել ու ի՞նչ է անում՝ նկարագրված իրավիճակները բացառելու համար:
Երեւանի փոխոստիկանապետ Էդգար Պետրոսյանը մեզ հետ զրույցում նախ նշեց, որ գործող օրենքի համաձայն, գիշերային անդորրը ոստիկանությունը պարտավոր է ապահովել ժամը 23:00-07:00-ն: Այդ անդորրը խախտելու առնչությամբ, ըստ նրա, ոստիկանությունն ընթացիկ տարում հարուցել է կրկնակի թվով վարույթներ, քան դա արվել է նախորդ տարվա նույն ժամանակահատվածում: Ամեն դեպքում կարծում է, որ խնդրի լուծման համար կարեւոր է վերացնել պատճառները, ոչ թե անընդհատ պայքարել հետեւանքների դեմ: «Ամբողջ աշխարհում քրեաբանության մեջ ընդունված է, որ առաջին հերթին պետք է իրավախախտումը ծնող պատճառը վերացնել: Այլապես ստացվում է՝ մեր նստած նավակը ծակվում է, օվկիանոսից լցվող ջուրն անընդհատ բաժակով միջից հանում ենք, բայց մենք չունենք այդ դետալը, որ հերմետիկ ամրացնենք, փակենք, ջուրը չլցվի: Այսինքն՝ մենք անընդհատ նույն գործողությունը պետք է կատարենք: Ես կարող եմ ասել՝ ոստիկանությունը լավ է աշխատել, փաստերով՝ կրկնակի շատ: Երկու անգամ շատ ենք ջուր հանել այս տարի, բայց դա խնդրի լուծում չէ: Ես դա էլ եմ հասկանում»,- նշեց փոխոստիկանապետը:
Նա կարծում է՝ օբյեկտներից լսվող աղմուկն անխուսափելի է, եթե դրանց թույլատրվում է գործել գիշերային ժամերին: Ոստիկանական ուժերը, մեր զրուցակցի փոխանցմամբ, բավարար չեն յուրաքանչյուր ռեստորանի մոտ եւ անընդհատ հերթապահություն սահմանելու համար: «Եթե ասենք՝ լռության կանոնների խախտում չի լինի կամ մեկը ոչ սթափ վիճակում դուրս չի գա հայհոյանք տա, դա բացառված է: Եթե այդ օբյեկտները գործունեություն են ծավալում, այդպիսի երեւույթներ էլ կլինեն: Այսինքն՝ եթե գործունեությունը ծավալում է Երեւան քաղաքի մեջ, պետք է որոշակի ժամերից հետո ուղղակի արգելել աշխատելը»,- ասաց Էդգար Պետրոսյանը:
Հրավառությունների դեպքերը հայտնաբերելը նույնպես, ըստ նրա, բավական դժվարացել է, որովհետեւ ավելի հաճախ կազմակերպվում են բակերում՝ փոքր ծավալներով ու ոչ օբյեկտներում: Հրավառության պարագաների վաճառքը ժամանակին լիցենզավորվող գործունեություն էր, որով զբաղվում էին սահմանափակ թվով մարդիկ: Ավելի ուշ այդ պահանջը հանվել է, եւ առայժմ դրանք ներկրելու հնարավորությունից օգտվում են շատերը, ինչը հանգեցրել է ապրանքների քանակի աճի, գների նվազման ու հետեւաբար՝ մատչելիության: Այս տարի արձանագրվել է հրավառության հետ կապված իրավախախտման 23 դեպք՝ բավարար ապացուցողական բազայով ու տուգանքներով: Իրավախախտման այդ դեպքերից մեկն է եղել օբյեկտում:
Ինչ վերաբերում է բնակիչներին դիվադադար անող շուրջօրյա ավտոլվացման կայաններին, դրանց նկատմամբ միասնական մոտեցում չկա: Ժամը 24-ից հետո աշխատելու իրավունք տալիս կամ չի տալիս վարչական շրջանի ղեկավարը՝ առաջնորդվելով մի շարք չափորոշիչներով: «Ոստիկանը կարող է անցնելիս տեսնի աշխատում է, բայց մոտենում է այն ժամանակ, երբ հաստատ գիտի, որ ժամը 24-ից հետո աշխատելու թույլտվություն չունի՝ անկախ այն բանից՝ աղմուկ կա թե չէ, մեկ էլ՝ երբ որ քաղաքացին դիմում է»,- ասաց Էդգար Պետրոսյանը:
Բակային աղմուկին անդրադառնալիս նույնպես փոխոստիկանապետն ընդգծեց դրա դեմ պայքարի համար անհրաժեշտ ռեսուրսների անբավարարությունը: Ժամը 20:00-ից հետո, ըստ նրա, ծառայություն են իրականացնում պարեկային խմբերը՝ շրջագայության ձեւով, բայց դրանց քանակը փոքր է, ու Երեւանի ամբողջ տարածքում ծածկույթ ապահովել հնարավոր չէ: Հետեւաբար, ըստ Երեւանի փոխոստիկանապետի, շրջիկ խմբերը հիմնականում ծառայություն են իրականացնում այն հատվածներում, որտեղ, համապատասխան վերլուծությունների համաձայն, տեղի են ունենում առավել շատ հանցագործություններ՝ կողոպուտ, ավազակային հարձակում, խուլիգանություն եւ այլն:
Նախատեսվում է առաջիկայում ավելացնել պարեկային խմբերի քանակը եռակի կամ քառակի, ինչից հետո արդեն դրանք բավարար կլինեն ամբողջ մայրաքաղաքի համար: Ամեն դեպքում, Էդգար Պետրոսյանի համոզմամբ, բնակիչներին այդքան անհանգստացնող աղմուկն ամբողջությամբ բացառել հնարավոր չի լինի: Առավելագույնս դրան հասնելու համար, եւ առհասարակ նա ակնկալում է բնակիչների համագործակցությունը: Ի դեպ, եթե նախկինում ոստիկանությանն ահազանգող քաղաքացին հետո պարտադիր պետք է բացատրություն տար, ինչի պատճառով էլ հաճախ խուսափում էր գլխացավանքից, ապա արդեն մեկ տարի է՝ այդ բացատրության անհրաժեշտությունը չկա եւ միայն հեռախոսազանգը կարող է բավարար լինել: Քաղաքացու միջամտությանը դիմելու անհրաժեշտություն ոստիկանությունը կարող է ունենալ միայն այն դեպքերում, երբ բողոքը վերաբերում է հրավառությանը, իսկ տնտեսվարողը հերքում է դա ու կարիք կա ապացույցներ-հիմնավորումների:
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
Ռուս խաղաղապահների առաքելությունը Լեռնային Ղարաբաղում լիովին կատարված է․ Պետդումա
Վարչապետը Բերքաբերում ծանոթացել է սահմանամերձ բնակավայրերում տների կառուցման ծրագրի ընթացքին (լուսանկարներ)
4 գյուղերը սովետական տարիներին ադրբեջանական են եղել. բնակիչ (տեսանյութ)
Երբ կանայք հաջողում են քաղաքականության մեջ, հաջողում է պետությունը․ պատգամավորները մասնակցում են IDEA-ի ծրագրին
Գալիս է պահ, որ դու քեզ պետք է զոհաբերես հանուն քո հայրենիքի և երկրի. վարչապետ (տեսանյութ)
Դատարանը քննում է Սամվել Վարդանյանի կալանքի հարցը
Ինչու չհավատանք երկրի վարչապետին, ժողովրդին հարգելով՝ եկել էր, անկեղծ զրույց էր. Ոսկեպարի բնակիչ (տեսանյութ)
Նիկոլ Փաշինյանին տված քֆուրները իրանց կպնի, ուզում ենք՝ հիմնական սահման լինի, պահենք. Բերքաբերի բնակիչ (տեսանյութ)
Ուզում են իրավապահներին մոլորեցնել, քրգործ խմորել իմ դեմ, բանալի բառերը ուղղված են իրենց քաղաքական հայրերին. Մկրտչյան
Հայտնի են «Հայրենյաց բարիքներ»-ի տոմատի մածուկների լաբորատոր փորձաքննության արդյունքները․ իրացումն արգելվել է
Վլադիմիր Գասպարյանի աղջիկն այլևս փոխգնդապետ չէ․ կոչումն անվավեր է ճանաչվել
Վետո կդնեմ «օտարերկրյա գործակալների մասին» օրենքի վրա․ Վրաստանի նախագահ
Նիկոլ Փաշինյանը նոր որոշում է ստորագրել
Ինչպես են Լեռնային Ղարաբաղից հեռանում ՌԴ խաղաղապահները․ նոր կադրեր զինտեխնիկայի դուրսբերումից (տեսանյութ)
Արտակարգ դեպք Արմավիրում. Շահումյան գյուղի աղբավայրում մոտ 31 հատ հակատանկային ական է հայտնաբերվել
Ասում են՝ Տավուշի գյուղերը տալիս են, խի՞ եք աղավաղում, դրանք ադրբեջանական են. բերքաբերցի (տեսանյութ)
Կոնվերս բանկը երկու արժույթով պարտատոմսեր է տեղաբաշխում
Փոխհրաձգություն Թբիլիսիի կենտրոնում․ կան վիրավորներ
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 17-ին
ՎՏԲ-Հայաստան բանկը հանդես է եկել որպես ARMMONO փառատոնի գլխավոր գործընկեր
Վերահաստատվել է Հայաստան-Սիրիա փոխգործակցության խորացմանն ուղղված քայլերի իրականացման հանձնառությունը
Երիտասարդը 93-ամյա կնոջը մահացու վնասվածքներ է հասցրել, մինչև մահանալը կատարել սեքսուալ բնույթի բռնի գործողություններ
Որևէ հայտարարություն, որը չի հնչել կամ հաստատվել վարչապետի կողմից, պաշտոնապես հերքվում է. Նազելի Բաղդասարյան
Նիկոլ Փաշինյանը հանդիպել է Բերքաբերի բնակիչների հետ
Ռուս խաղաղապահների հեռացումը Ադրբեջանի և Ռուսաստանի բարձրագույն ղեկավարության համատեղ որոշումն է
Ժողովրդավարությունը մի երեւույթ է, որը մշտապես բախվել եւ բախվում է մարտահրավերների. Վարդանյանի ելույթը ԵԽԽՎ-ում
© 2024 Հայկական ժամանակ