«Առանց Գայուշիկիս չեմ պատկերացնե կյանքս». երեխային աղբանոց նետած գյումրեցի Անին սոցիալական խնդիր չի ունեցել

Արդեն երկրորդ օրն է Գյումրին չի կարողանում թոթափել մանկահասակ երեխային երիտասարդ մոր կողմից սպանելու սարսափը: Աղջնակն, ով սեպտեմբերի 27-ին դառնալու էր մեկ տարեկան, հավերժ մնաց 11 ամսական՝ ձեռքերն ու ոտքերը ժապավենով կապկպված, բերանը լաթով փակված, նախնական տվյալներով կենդանի վիճակում նետված աղբարկղը: Սրանք երեխայի 20-ամյա մոր՝ Անիի գործողություններն են:

Ո՞վ է Անին:

Շիրակի մարզպետարանի աշխատակազմի Ընտանիքի, կանանց եւ երեխաների իրավունքների պաշտպանության բաժնի պատասխանատուներն աղջկան ճանաչում են, բաժնի պետն ավելի վաղ հասակից է ի պաշտոնե շփում ունեցել Անիի հետ՝ 2007-2008 թվականներից: Անին երկկողմանի ծնողազուրկ է եղել, քույրեր ու եղբայրներ էլ է ունեցել: Տատիկն է եղել խնամակալը:

Անին այդ տարիներին  չի հայտնվել ոչ իրավապահների, ոչ էլ մարզպետարանի համապատասխան բաժնի ուշադրության կենտրոնում, երբեք խնդիրներ չի ունեցել, առավել եւս՝ սոցիալական: «Տատիկն առեւտրական է, եւ շատ լավ էր պահում իրենց»,-ՀԺ-ի հետ զրույցում ասաց Շիրակի մարզպետարանի աշխատակազմի Ընտանիքի, կանանց եւ երեխաների իրավունքների պաշտպանության բաժնի պետ Լիլիթ Գորգինյանը:

Անին մարզպետարանում առաջին անգամ հայտնվել է այս տարվա օգոստոսի 15-ին, երեխայի հետ, ասել է՝ ուզում է փոքրիկին մանկատուն հանձնել, սոցիալական խնդիրներ ունի, պահել չի կարողանում: Գորգինյանը նկատում է՝ երեխան շատ կոկիկ ու լավ էր հագնված, շատ մաքուր էր,  տակդիրով, նորմալ պայմաններում ապրող, մեծացող երեխայի նման: «Մենք էլ ասացինք, եթե միակ պատճառը սոցիալականն է, բոլոր խնդիրները կլուծենք, ինչ  չունի, կապահովենք, նույնիսկ տան վարձը, 35.000 դրամը ամեն ամիս կտանք, սնունդը, երեխայի համար ամեն ինչ, իրեն մասնագիտանալու հնարավորություն կտանք, որովհետեւ միայն 10-րդ դասարանն է ավարտել եւ վերջ, երեխային մանկապարտեզ կտեղավորենք: Այսինքն ամեն ինչ կանենք: Այդ ժամանակ չասեց, որ ամուսնալուծված է, ասեց չունի որեւէ մեկը: Ես էլ ասացի Անի ջան, ընդամենը երկու օր հետո բոլոր այդ աջակցությունները կկազմակերպեմ»:

Աղջիկը համաձայնել, հեռացել է, սակայն մեկ օր անց զանգել, ասել է, խոսելիք ունի, ուզում է հանդիպել: Մարզպետարանի պատասխանատուն հրավիրել է հանդիպման: Միեւնույն ժամանակ տեղեկացրել է ոստիկաններին՝ մտածելով, որ հնարավոր է Անին գալու է, որ երեխայից հրաժարվի: «Եկավ Անին ու ասեց, գիտեք, իմ խնդիրն ավելի  շատ ամուսնուս հետ է, «իրան մռմռցնելու համար գուզեմ տամ մանկատուն»: Մենք երկու ժամ Անիի հետ առանձին զրուցեցինք, երեխայով զբաղվեցինք, ոստիկանությունն էլ գնաց, ինքն էլ լացեց, լիցքաթափվեց: Հետո ասեցի, կգրե՞ս դիմումը, որ հրաժարվում ես երեխայից: Բացատրեցինք, որ դա ընթացակարգ է, պարտադիր է: Ասեց չէ, ես առանց Գայուշիկի չեմ պատկերացնում կյանքս: Ես էլ ասեցի Անի ջան, հանկարծ երեխային չնեղացնես, չծեծես: Վերցրեցինք տատիկի, ամուսնու, սկեսուրի հեռախոսահամարները, որ բոլորի հետ կապ ունենայինք: Զանգեցի տատիկին, տատիկն էլ խնդրեց, թե հանկարծ չթողնեք երեխայից հրաժարվի, ինչ սոցիալական խնդիր, ինչ բան»,-ՀԺ-ին պատմեց Լիլիթ Գորգինյանը:

 «Ինքն ամեն ինչ ունի:  Ով մե շուբըմ չունի, ինքը մե քանիմ հատ ունի, բռերով ոսկեղեն, ամեն ինչ: Ինչը՞ղ թե չունի, ես առեւտուր կենեմ, սաղ մոտիցս շոր կառնին, մենք մեր երեխուն ուրեմն չենք կարող պահե՞նք»,-ասել է Անիի տատիկը:

Այս զրույցը եւս հաստատել է այն, որ երեխային աղբարկղը նետած մայրը սոցիալական խնդիր չի ունեցել: Գլխավոր պատճառն ամուսնու գործոնն է եղել,-ասաց Լիլիթ Գորգինյանը:

Մարզպետարանի համապատասխան բաժնի պետը Անիի տատիկի հետ խոսելուց հետո զանեգել է Անիի ամուսնուն: Տեղյակ պահել, որ կինն ուզում է երեխային մանկատան խնամքին հանձնել: Հրավիրել է բաժին:  «Ասեց քաղաքում չեմ, բայց վաղը կգամ, քանի որ էդ վաղն էլ շաբաթ օր էր, ասեցի, որ չենք աշխատում, երկուշաբթի կսպասեմ, եկեք: Այս անգամ էլ ես չսպասեցի երկուշաբթիին եւ  շաբաթ օրը զանգեցի Անիին, խոսեցի, ասեցի, որ երեխայի հոր հետ պայմանավորվել ենք, գալու է մարզպետարան, խոսենք: Երեխայից հարցրեցի, Անին էլ ասեց, ամեն ինչ իր մոտ նորմալ է, երեխայի հետ դուրս է եկել զբոսանքի: Կիրակի զանգեց Անին: Ասեց երեխայի հայրը գնացել, իրար հետ խոսել, հասկացել, եկել են ընդհանուր հայտարարի: Երեխայի հայրը համաձայնել է նաեւ ալիմենտ վճարել եւ հոգալ  երեխայի բոլոր կարիքները: Հետո էլ թե՝  հաշտվել ենք, ոչ մի խնդիր չունենք, շատ շնորհակալություն մեզ օգնելու համար ու կխնդրենք, որ էլ էդ պետական դռները չգանք, ամուսինս կխնդրե, որ էլ էդ պետական դռները չգա: Ես Անիի խոսքերն եմ կրկնում»,-ասաց Լիլիթ Գորգինյանը:

Անկախ Անիի իրեն այլեւս չանհանգստացնելու խնդրանքից, Լիլիթ Գորգինյանը զանգել է նաեւ օգոստոսի 20-ին, երեքշաբթի օրը:  Հարցրել է ինչպե՞ս ես, Անին ասել է շատ լավ է: «Ասաց լավ ենք, գնում ենք պամպերս առնելու: Հոգնակիով ասաց, այսինքն երեխայի հոր հետ էր: Հարցրեցի ամեն ի՞նչ նորմալ է, պատասխանեց՝ այո, ամեն ինչ լավ է, շնորհակալություն, որ օգնեցիք մեզ, եթե մի բան եղավ, ես ինքս կզանգեմ: Այսինքն, էլ իրեն չանհանգստացնենք: Բայց ես դրանից հետո էլի 3-4 անգամ զանգել եմ, ասել է ամեն ինչ նորմալ է, շնորհակալություն ամեն ինչի համար: Այսինքն մեր խրոնոլոգիան այսպես է եղել, ինքը որպես քաղաքացի խնդիր է ունեցել, եկել է, խոսել ենք, մի քանի անգամ գնացել-եկել է, ընդհանուր աշխատանքի արդյունքում հաշտվել է ընտանիքի հետ: Մենք իրարից այդպես ենք բաժանվել, որպես դրական ավարտ ունեցած պատմություն, ինչն իրականում այդպես էր: Հիմա դրանից հետո թե ինքն էլի է կռվել, հեռացել տնից մենք չգիտենք, ինքը մեզ այլեւս չի դիմել»,-զրույցի ժամանակ իրավիճակը ներկայացրեց պատասխանատուն:

Ե՞րբ եւ ինչպե՞ս է Անին հեռացել ամուսնու տնից:

Լիլիթ Գորգինյանն ասաց  օգոստոսի մեկին վիճել է տնեցիների հետ երեխային վերցրել, գնացել է: «Ոչ մի բան չի եղել, ոչ ծեծ, ոչ ջարդ, ոչ ամուսինն  է ծեծել, ոչ սկեսուրը, ոչ սկսեսրայրը: Ինքը կռվել, օգոստոսի 1-ին երեխուն առել, գնացել, էդ տունը վարձել է իրա համար, մնացել է»:

Անին բազմաթիվ անգամ է եղել Շիրակի մարզպետարանում, սակայն գրած ոչ մի գրավոր դիմում չունի: Աղջկա կողմից ներկայացվող խնդիրներով պայմանավորված մի քանի անգամ 3 դիմումի տարբերակ է առաջարկվել: 3-ն էլ Անին մերժել է: «Առաջարկել ենք  3 դիմում գրի, մեկը երեխային մանկատուն հանձնելու համար, մեկը հրաժարականի, մյուսն էլ սոցիալական աջակցության դիմում: Սրանք ընթացակարգային պարտադիր պայմաններ են, որոնք բխում են օրենքից:  3-ից էլ հրաժարվեց: Ասացինք, եթե երեխային ուզում ես մանկատան խնամքին հանձնես, անպայման պետք է դիմում գրես Անի ջան: Ասաց չէ, ես առանց Գայուշիկիս չեմ պատկերացնե կյանքս: Երեխային գրկեց, գնաց»:

Զրույցի վերջում Լիլիթ Գորգինյանն ավելացրեց՝ Անին մշտապես շատ ադեկվատ պահվածք է  ունեցել:

Հիշեցնենք, որ մանկահասակ երեխայի դին հայտնաբերվել էր երեկ՝ օգոստոսի 31-ին, Գյումրու քաղաքային աղբանոցում: Նախնական տեղեկությունների համաձայն, երեխայի մայրը փոքրիկի ձեռքերն ու ոտքերը կպչուն ժապավեններով կապել, բերանը լաթի կտոր է մտցրել եւ կենդանի վիճակում նետել Շիրակացի փողոցի աղբարկղի մեջ: Այդտեղից էլ աղբահավաք մեքենան երեխային հասցրել է քաղաքային աղբանոց, որտեղ եւ դին հայտնաբերվել է: 

Իրավապահները հայտնաբերել եւ ձերբակալել են նաեւ երեխայի մորը, ընթանում է քննություն:

Տպել
26199 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին